मत्ती 28
28
येशु जिङदा आसोन्या
मर्कुस १६:१-११; लूका २४:१-१२; यहुन्ना २०:१-१८
1हप्ताल छिन्ट, शबाथल पैला दिन छकाल्या मिरमिर आताहौक मरियम मग्दलिनी सनर छुट्टै मरियम ऊई खिम रांऔने। 2तब घिन्या भुईचाल रांऔ, दानाङभन्या परमप्रभुल तोलोअ दुत स्वर्गतन वान्ल लाहौ, ओटन ऊईला लुङ हताइस्यु नकाल यर्त चुङौ। 3नकाल अनवार बिजौलिमन्जै सनर पैइरन पम मनताइन्या पलन्या लेऊ। 4नाल छ्याहै ना सिपाइयाङ करिङकरिङ वुउवाङ, ओटन सिऊ बराबर ताइवाङ।
5तर स्वर्गदुतले मेएमानेजन ऐढोवने, “झेन ताछ्याएचिन, दानाङभन्या ङा ऐसन्ङा, झेन क्रूसतं केप्सिन्या येशुजन झेनरोअज्याचिनु। 6ओ आल माल्दी, दानाङभन्या ओले आपानन्या अनुसार ओलं सिन्या बुल जिङदा ताइस्यु सोडा। राचिन्ते, ओलजन रानाएन्या पोल खिम्चिन्ते। 7तब परेए हिनस्यु आ सिइयाङजन थाई योंचिनरते, कि येशु सिस्यु जिङदा ताइस्यु सोस्युलेया। ओ झेन हादेए गालीलल हिनज्याऔ। ओलजन नङं रङन्या लेचिना। खिम्चिन्ते, ङा झेनजन ङापानस्यान्या छेन यिङसिचिन्ते।” 8ओटन नकाने छ्याएस्यु ओचोएटै ऊईलन पलिहौने, ओटन आनन्द सकाए सिइयाङजन थाई यांन्या चोटौने। 9येशु नकानेसं झुकाउन्या डोएस्यु ऐआढोवने, “शान्ति!” नकाने आनेराक हिनस्यु आखङ कोलोअस्यु ओलजन ढोक नेयोव। 10तब येशुले नकानेजन ऐआढोवने, “ताछ्याएचिन, हिनस्यु ङा भाईयाङजन गालीललं हिन्चिते ऐढोचिन्रते, नकाङै ङाजन ओङ रङन्या लेरा।”
सिपाइयाङल थाई
11जब ना मेएमाने यमल हिनज्याऔने, सिपाइयाङै बजारल हिनस्यु मुख्या पुजाउरोयाङजन नङ आघतिन्या घटनाल बारेङन थाई रापानस्योवाङ। 12जब मुख्या पुजाउरोयाङ सेर नेताङस दुउसिवाङ, तब नकाङै सल्ला ढास्यु, सिपाइयाङजन तबर रुप्या रांयोवाङ, ओटन ऐराढोवाङ। 13“जे ऐलेच्यो, कि ‘गे गेम्वाईज्याऔक नकाल सिइयाङ रा:स्यु नकाजन कुस्यु लाङदुरारैस।’ 14ओटन किगर्दाङ रोमी हाकिमल आनांल ईका छेन तापकन, गे ओलजन सभनस्यु जेजन जोगाइसिना।”
15तब सिपाइयाङै नका रुप्या राहोनौ, ओटन राह्युउन्या अनुसार राढाऔकाले यहूदीयाङ ल्योङ आछिमका दिन समन ईकाइ छेन फैलिस्यु लेया।
माहान आदेस
मर्कुस १६:१४-१८; लूका २४:३६-४९; यहुन्ना २०:१९-२३; प्रेरित १:६-८
16नका एघारैं गोटा सिइयाङ गालील प्रदेसलं नका डान्डात हिन्वाङ, जोङ येशुले हिन्चिते लेस्यु आपरिङवाङ।#मत्ती २६:३२; मर्कुस १४:२८ 17सिइयाङै ओलजन रङस्यु ढोक रा:योव, तर ख्वाएले सङ्का राढोव। 18तब येशु नकाङल्योङ रा:स्यु ऐआढोवाङ, “स्वर्ग सनर पिरथ्बीला सोगल अढिकार ङाजन यासिन्या लेया। 19नैताइस्यु हिन्चिते, ओटन सोगलै देसला जातियाङजन सिइ जाएचिरते, बौ सनर ज़ा ओटन पबित्र आत्माल मिनत नकाङजन बप्तिस्मा योंचिरते,#प्रेरित १:८ 20ङा जेजन आग्या ङायान्या सोगलै छेन मानिन्या नकाङजन ह्युउचिरते। खिम्चिते, ङा जुगल आसाप समन सदाई जेस लिज्याङा।”
Àwon tá yàn lọ́wọ́lọ́wọ́ báyìí:
मत्ती 28: NTSKm25
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
मत्ती 28
28
येशु जिङदा आसोन्या
मर्कुस १६:१-११; लूका २४:१-१२; यहुन्ना २०:१-१८
1हप्ताल छिन्ट, शबाथल पैला दिन छकाल्या मिरमिर आताहौक मरियम मग्दलिनी सनर छुट्टै मरियम ऊई खिम रांऔने। 2तब घिन्या भुईचाल रांऔ, दानाङभन्या परमप्रभुल तोलोअ दुत स्वर्गतन वान्ल लाहौ, ओटन ऊईला लुङ हताइस्यु नकाल यर्त चुङौ। 3नकाल अनवार बिजौलिमन्जै सनर पैइरन पम मनताइन्या पलन्या लेऊ। 4नाल छ्याहै ना सिपाइयाङ करिङकरिङ वुउवाङ, ओटन सिऊ बराबर ताइवाङ।
5तर स्वर्गदुतले मेएमानेजन ऐढोवने, “झेन ताछ्याएचिन, दानाङभन्या ङा ऐसन्ङा, झेन क्रूसतं केप्सिन्या येशुजन झेनरोअज्याचिनु। 6ओ आल माल्दी, दानाङभन्या ओले आपानन्या अनुसार ओलं सिन्या बुल जिङदा ताइस्यु सोडा। राचिन्ते, ओलजन रानाएन्या पोल खिम्चिन्ते। 7तब परेए हिनस्यु आ सिइयाङजन थाई योंचिनरते, कि येशु सिस्यु जिङदा ताइस्यु सोस्युलेया। ओ झेन हादेए गालीलल हिनज्याऔ। ओलजन नङं रङन्या लेचिना। खिम्चिन्ते, ङा झेनजन ङापानस्यान्या छेन यिङसिचिन्ते।” 8ओटन नकाने छ्याएस्यु ओचोएटै ऊईलन पलिहौने, ओटन आनन्द सकाए सिइयाङजन थाई यांन्या चोटौने। 9येशु नकानेसं झुकाउन्या डोएस्यु ऐआढोवने, “शान्ति!” नकाने आनेराक हिनस्यु आखङ कोलोअस्यु ओलजन ढोक नेयोव। 10तब येशुले नकानेजन ऐआढोवने, “ताछ्याएचिन, हिनस्यु ङा भाईयाङजन गालीललं हिन्चिते ऐढोचिन्रते, नकाङै ङाजन ओङ रङन्या लेरा।”
सिपाइयाङल थाई
11जब ना मेएमाने यमल हिनज्याऔने, सिपाइयाङै बजारल हिनस्यु मुख्या पुजाउरोयाङजन नङ आघतिन्या घटनाल बारेङन थाई रापानस्योवाङ। 12जब मुख्या पुजाउरोयाङ सेर नेताङस दुउसिवाङ, तब नकाङै सल्ला ढास्यु, सिपाइयाङजन तबर रुप्या रांयोवाङ, ओटन ऐराढोवाङ। 13“जे ऐलेच्यो, कि ‘गे गेम्वाईज्याऔक नकाल सिइयाङ रा:स्यु नकाजन कुस्यु लाङदुरारैस।’ 14ओटन किगर्दाङ रोमी हाकिमल आनांल ईका छेन तापकन, गे ओलजन सभनस्यु जेजन जोगाइसिना।”
15तब सिपाइयाङै नका रुप्या राहोनौ, ओटन राह्युउन्या अनुसार राढाऔकाले यहूदीयाङ ल्योङ आछिमका दिन समन ईकाइ छेन फैलिस्यु लेया।
माहान आदेस
मर्कुस १६:१४-१८; लूका २४:३६-४९; यहुन्ना २०:१९-२३; प्रेरित १:६-८
16नका एघारैं गोटा सिइयाङ गालील प्रदेसलं नका डान्डात हिन्वाङ, जोङ येशुले हिन्चिते लेस्यु आपरिङवाङ।#मत्ती २६:३२; मर्कुस १४:२८ 17सिइयाङै ओलजन रङस्यु ढोक रा:योव, तर ख्वाएले सङ्का राढोव। 18तब येशु नकाङल्योङ रा:स्यु ऐआढोवाङ, “स्वर्ग सनर पिरथ्बीला सोगल अढिकार ङाजन यासिन्या लेया। 19नैताइस्यु हिन्चिते, ओटन सोगलै देसला जातियाङजन सिइ जाएचिरते, बौ सनर ज़ा ओटन पबित्र आत्माल मिनत नकाङजन बप्तिस्मा योंचिरते,#प्रेरित १:८ 20ङा जेजन आग्या ङायान्या सोगलै छेन मानिन्या नकाङजन ह्युउचिरते। खिम्चिते, ङा जुगल आसाप समन सदाई जेस लिज्याङा।”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025