Matiyu 6
6
Nyaga ga awyekwoyi
1“Fye zhni pəceye to fya wú əfye ɓəfyecezhnizhni ń aza abye nabai ɓa gyewye m. N fya zhni lonu, fye to ɓə ɓwa gyiba ń əfye Dada aba n wo dna n əshemi nyi m.
2“Ntulonu she fye ga awyekwoyi ənya, fye to dna kwo əwyi n knaknacii m, ngye shi akwocednayi zhni fyi n Ayahudiyibwokwnu jesnu kpe ń adnadna, nabai aza ga ɓa mwamwa m. Ɓəhnihni mi gna fye, ɓa la əɓa gyiba gwo n nunui. 3Ama she fye ga awyekwoyi ənya, fye to ye ɓwaipmi kwa kpe ənya n əfye ɓwaizhe gnyi kwoi zhni m, 4nabai əfye nyaga kwaa zè fyaa. Nlonu əfye Dada ń wo gye əɓo əwye ń a zhni fyaa nyi, wo ɓa ga fye gyiba.
Aduwazhni
5“Əsa ń fya zhniaduwa, fye to kwu wu ngye akwocednayi m, ntuge ɓa ye ɓa zhniaduwa fyi ń Ayahudiyibwokwnu jesnu kpe n azokwo bma aba, nabai aza ɓa gye ɓa. Ɓəhnihni mi gna fye, ɓa la əɓa gyiba gwo ń nunui. 6Ama əsa ń ha zhniaduwa, lodna n əho nyakwnumi, haa kpakwo gwu, jesnu ha zhniaduwa ga əho Dada, ń a ta gye wo nyi m. Nlonu əho Dada, n wo gye əɓo ń a zhni dna n ɓwuɓwu nyi, wo ɓa ga ho gyiba. 7Njesnu əsa ń ha zhniaduwa, to da əɓo gbmanyigbmanyi ngye ashnagbayi m, ntuge ɓa zhninubwo nge a ɓa wo ɓa ntu ń əɓa aɓədagbma bəgyé ɓo nu. 8To la zè ngye əɓa m, ntuge əho Dada kpe ənya əye lo ń ho n əkwo apmai, to hoi nya wo m.
9“Nlai nu ń fye ɓa zhniaduwa:
“ ‘Əyi Dada dna ń əshemi,
əho əye zhni gyigyiyi nu,
10əho əbemi kwo ɓe,
a zhni əho ɓəye
dna ń anyì ngye shikwonyi ń əshemi nyi.
11Ga yi n naiye əyi nyagyi nya wyizo.
12Jesnu ha zo yi əyi aleifyi
shi əyihni kwu abwizo aza ń ɓa bwu yi nyi.
13To ha lofyi n yii ń mwumwu m,
ama ha gnyi yi ya n əzanukwoyi.’
14Ntuge n ha zo azaje abwi əsa n ɓa bwi ho ncei, əho Dada əshemi nya ɓa zo əhohni aleifyi ce. 15Ama ń ho to zo əho azaje abwi m, əho Dada taa zo əho aleifyi ce m.
Əgbewna
16“She ho dna n gbewna, to wnuwyedna ngye akwocednayi m, ntuge ɓa zhni ɓa wnuwyedna nabai ɓa wu aza nge ɓa wnagbe lo. Ɓəhnihni ɓa la əɓa gyiba pmagwo n nunui. 17Ama əsa ń ha wnagbe ncei, ha kwu omi pmya ń ho tukwo jesnu ha əho awyewnu, 18nabai n kwo taa wu aza pəipəi nge ho dna lo n əgbewna m, akpəge əho Dada; n a ta gye wo nyi m, jesnu əho Dada n wo gye ɓo n a zhni kwo dna n ɓwuɓwu nyi, wo ɓa ga ho gyiba.
Nyaɓwayezhi n əshemi
19“Fye to kwu nyaɓwa sofyi əfyehni n əknyi m, aba ń anyìmana n odnai zhni ɓa agbma m, jesnu aba ń avyì lofyi ɓa wyi ɓa m. 20Ama fye kwu əfye nyaɓwa sofyi əfyehni n əshemi, aba ń anyìmana n odnai taa wnu ɓa ya m, jesnu aba n avyì taa lofyi ɓa wyi ɓa m. 21Ntuge aba ń əho nyaɓwayezhi nyi, ń abaayi nu ń əho ədu ɓa shi cè.
22“Əwye nu zhni pyitila nayi nya. Ngye əho awye n laafyiyai lo, əho nayi vnyanya kwo ɓaa nu n bwuznagnai. 23Ama n əho awye to n laafyiyai lo m, əho nayi vnyanya kwo ɓaa nu n wyegbmai. Ntulonu ngye bwuznagna n kwo fyi n əho nayi nyi kwo zhni wyegbma nu, a gye kwo zhni wyegbma yaakwo nu!
24“Əzaho to lo ń wo ɓa myi wa zhni adagayi ngwnu-aba tnutnu m. Kwo wo wnu gbmanyi ənu jesnu wa ye n zadəyii, kwo wo ɓa əwohni ga ń gbmanyi tnutnuzhni jesnu wa ci zadəyi wyegba. Ho taa myi ha zhni Shekwoyi tnutnu hoi gwo gyiwye tnutnu zhni m.
To saaɓo m
25“Ntucenu mi gna fye, fye to wnubwugba tu n əfye awyewyeyi ɓo m, ənya n fye ɓa gyi kwo n fye ɓa sni m; kwo ntu n fye anayi ɓo, ənya n fye ɓa kpe m. Wyewyeyi to du nyagyi lo, jesnu anayi to du aje lo m? 26Fye shi alú afugyeyi awye; ɓa ta bye, kwo ɓa dò m, kwo ɓa yefyi n adobwi m, dudulonu əfye Dada əshemi nya kpá ɓa. Fye to du ɓa lo n apma m? 27Nyika nu dnalo n fye n wo ɓa ɓe əwohni wyewyeyi snukna gbmanyi ntu n bwugba wnu ɓo a?
28“Njesnu knyiyi nu zhni bwugba kwoi wnu fye ntu n ajekpe ɓo a? Fye gye shi amamawyí bmana nya mwa; ɓa ta zhni tnutnu kwo ɓa she lulu m. 29Dudulonu əmi nu gna fye, kwo Sulemanu dna n əwohni bmyabmya vnyanya, wo to ɓə kpe aje ngye mamawyi ho gbmanyi n ɓa m. 30Ngye Shekwoyi kpe agbegbe bmana nya aje ń lai nu, n ɓa nyi n naiye, əfye kwa gyi a sheɓaya fyi n əná nyi, wo taa gna əfye nu ajekpekpe m, əfye agaiciyaganunui agbagbaida? 31Ntucenu fye to lofyi ń bwugbawnu m, fyei gna, ‘Yi ɓa gyi knyiyi nu a?’ kwo ‘Yi ɓa sni knyiyi nu a?’ kwo ‘Yi ɓa kpe knyiyi nu a?’ 32Ntuge ashnagbayi zna anya ye nu shni vnyanya, ama əfye Dada dna n əshemi kpəlo nge fye n əɓa apmai lo. 33Ama əɓo kpmisnui, fye zna əwo əbemi nu shni n əwo ɓəfyecezhnii, jesnu anya ye vnyanya a ɓə kwu ɓa ga fye ɓədo cè. 34Ntucenu fye to saaɓo ntu nsu ɓo m, ntuge nsu ɓə saaɓo ntu n əkwohni ɓo. Nyipyei dəhodəhoi ǹ əkwo aɓoi lo ń kwnukwnuí.
Àwon tá yàn lọ́wọ́lọ́wọ́ báyìí:
Matiyu 6: OGNB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Matiyu 6
6
Nyaga ga awyekwoyi
1“Fye zhni pəceye to fya wú əfye ɓəfyecezhnizhni ń aza abye nabai ɓa gyewye m. N fya zhni lonu, fye to ɓə ɓwa gyiba ń əfye Dada aba n wo dna n əshemi nyi m.
2“Ntulonu she fye ga awyekwoyi ənya, fye to dna kwo əwyi n knaknacii m, ngye shi akwocednayi zhni fyi n Ayahudiyibwokwnu jesnu kpe ń adnadna, nabai aza ga ɓa mwamwa m. Ɓəhnihni mi gna fye, ɓa la əɓa gyiba gwo n nunui. 3Ama she fye ga awyekwoyi ənya, fye to ye ɓwaipmi kwa kpe ənya n əfye ɓwaizhe gnyi kwoi zhni m, 4nabai əfye nyaga kwaa zè fyaa. Nlonu əfye Dada ń wo gye əɓo əwye ń a zhni fyaa nyi, wo ɓa ga fye gyiba.
Aduwazhni
5“Əsa ń fya zhniaduwa, fye to kwu wu ngye akwocednayi m, ntuge ɓa ye ɓa zhniaduwa fyi ń Ayahudiyibwokwnu jesnu kpe n azokwo bma aba, nabai aza ɓa gye ɓa. Ɓəhnihni mi gna fye, ɓa la əɓa gyiba gwo ń nunui. 6Ama əsa ń ha zhniaduwa, lodna n əho nyakwnumi, haa kpakwo gwu, jesnu ha zhniaduwa ga əho Dada, ń a ta gye wo nyi m. Nlonu əho Dada, n wo gye əɓo ń a zhni dna n ɓwuɓwu nyi, wo ɓa ga ho gyiba. 7Njesnu əsa ń ha zhniaduwa, to da əɓo gbmanyigbmanyi ngye ashnagbayi m, ntuge ɓa zhninubwo nge a ɓa wo ɓa ntu ń əɓa aɓədagbma bəgyé ɓo nu. 8To la zè ngye əɓa m, ntuge əho Dada kpe ənya əye lo ń ho n əkwo apmai, to hoi nya wo m.
9“Nlai nu ń fye ɓa zhniaduwa:
“ ‘Əyi Dada dna ń əshemi,
əho əye zhni gyigyiyi nu,
10əho əbemi kwo ɓe,
a zhni əho ɓəye
dna ń anyì ngye shikwonyi ń əshemi nyi.
11Ga yi n naiye əyi nyagyi nya wyizo.
12Jesnu ha zo yi əyi aleifyi
shi əyihni kwu abwizo aza ń ɓa bwu yi nyi.
13To ha lofyi n yii ń mwumwu m,
ama ha gnyi yi ya n əzanukwoyi.’
14Ntuge n ha zo azaje abwi əsa n ɓa bwi ho ncei, əho Dada əshemi nya ɓa zo əhohni aleifyi ce. 15Ama ń ho to zo əho azaje abwi m, əho Dada taa zo əho aleifyi ce m.
Əgbewna
16“She ho dna n gbewna, to wnuwyedna ngye akwocednayi m, ntuge ɓa zhni ɓa wnuwyedna nabai ɓa wu aza nge ɓa wnagbe lo. Ɓəhnihni ɓa la əɓa gyiba pmagwo n nunui. 17Ama əsa ń ha wnagbe ncei, ha kwu omi pmya ń ho tukwo jesnu ha əho awyewnu, 18nabai n kwo taa wu aza pəipəi nge ho dna lo n əgbewna m, akpəge əho Dada; n a ta gye wo nyi m, jesnu əho Dada n wo gye ɓo n a zhni kwo dna n ɓwuɓwu nyi, wo ɓa ga ho gyiba.
Nyaɓwayezhi n əshemi
19“Fye to kwu nyaɓwa sofyi əfyehni n əknyi m, aba ń anyìmana n odnai zhni ɓa agbma m, jesnu aba ń avyì lofyi ɓa wyi ɓa m. 20Ama fye kwu əfye nyaɓwa sofyi əfyehni n əshemi, aba ń anyìmana n odnai taa wnu ɓa ya m, jesnu aba n avyì taa lofyi ɓa wyi ɓa m. 21Ntuge aba ń əho nyaɓwayezhi nyi, ń abaayi nu ń əho ədu ɓa shi cè.
22“Əwye nu zhni pyitila nayi nya. Ngye əho awye n laafyiyai lo, əho nayi vnyanya kwo ɓaa nu n bwuznagnai. 23Ama n əho awye to n laafyiyai lo m, əho nayi vnyanya kwo ɓaa nu n wyegbmai. Ntulonu ngye bwuznagna n kwo fyi n əho nayi nyi kwo zhni wyegbma nu, a gye kwo zhni wyegbma yaakwo nu!
24“Əzaho to lo ń wo ɓa myi wa zhni adagayi ngwnu-aba tnutnu m. Kwo wo wnu gbmanyi ənu jesnu wa ye n zadəyii, kwo wo ɓa əwohni ga ń gbmanyi tnutnuzhni jesnu wa ci zadəyi wyegba. Ho taa myi ha zhni Shekwoyi tnutnu hoi gwo gyiwye tnutnu zhni m.
To saaɓo m
25“Ntucenu mi gna fye, fye to wnubwugba tu n əfye awyewyeyi ɓo m, ənya n fye ɓa gyi kwo n fye ɓa sni m; kwo ntu n fye anayi ɓo, ənya n fye ɓa kpe m. Wyewyeyi to du nyagyi lo, jesnu anayi to du aje lo m? 26Fye shi alú afugyeyi awye; ɓa ta bye, kwo ɓa dò m, kwo ɓa yefyi n adobwi m, dudulonu əfye Dada əshemi nya kpá ɓa. Fye to du ɓa lo n apma m? 27Nyika nu dnalo n fye n wo ɓa ɓe əwohni wyewyeyi snukna gbmanyi ntu n bwugba wnu ɓo a?
28“Njesnu knyiyi nu zhni bwugba kwoi wnu fye ntu n ajekpe ɓo a? Fye gye shi amamawyí bmana nya mwa; ɓa ta zhni tnutnu kwo ɓa she lulu m. 29Dudulonu əmi nu gna fye, kwo Sulemanu dna n əwohni bmyabmya vnyanya, wo to ɓə kpe aje ngye mamawyi ho gbmanyi n ɓa m. 30Ngye Shekwoyi kpe agbegbe bmana nya aje ń lai nu, n ɓa nyi n naiye, əfye kwa gyi a sheɓaya fyi n əná nyi, wo taa gna əfye nu ajekpekpe m, əfye agaiciyaganunui agbagbaida? 31Ntucenu fye to lofyi ń bwugbawnu m, fyei gna, ‘Yi ɓa gyi knyiyi nu a?’ kwo ‘Yi ɓa sni knyiyi nu a?’ kwo ‘Yi ɓa kpe knyiyi nu a?’ 32Ntuge ashnagbayi zna anya ye nu shni vnyanya, ama əfye Dada dna n əshemi kpəlo nge fye n əɓa apmai lo. 33Ama əɓo kpmisnui, fye zna əwo əbemi nu shni n əwo ɓəfyecezhnii, jesnu anya ye vnyanya a ɓə kwu ɓa ga fye ɓədo cè. 34Ntucenu fye to saaɓo ntu nsu ɓo m, ntuge nsu ɓə saaɓo ntu n əkwohni ɓo. Nyipyei dəhodəhoi ǹ əkwo aɓoi lo ń kwnukwnuí.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.