Luuka 1
1
Ɓəsawu
1Aza bəgyé ɓa kwú əɓahni ga ɓai ka aɓo nyadokwu, n ɓa kwu nu fyi ń əyi atasni nyi, 2n ɓwasnu shi ɓa ɓə gwo anabagyi ye ń aza yi ń ɓa ɓə kwú ɓa gyewye n əɓa awyei nyi, ń əɓa nu ɓə zhni Shekwoyi ɓəda atnutnuyi n kpmisnui, jesnu əɓa nu ɓə gwo kwo ga yi. 3Ntucenu, Tiyofyilus əza yaakwo, shikwonyi əmihni ce mi la ɓəhoɓəhoi pmigye pəceye ń əkwo ayayaba, mi lá bwugba dna ma ka nyadokwu ye ga ho n vyido, 4nabai ń ho ɓá myi ha kpe gaiciyanunui ye ń a kwu wu ho nyi.
Ɓəwyegye ntu Yohana batizimazhniyi mama ɓó
5Dna ń Hiridusu Yahudiya əsu əbegyi əsa, pirisiti ɓə nyi ai yi wo nge Zakariya, wo ɓə gbmi ń Abyija pirisiti okwu nu; əwo nyikwo Alizebətu cè, wo ɓə gbmi ń Haruna ofye nu. 6Əɓa ń ngwnu-aba, ɓa ɓə zhni aɓəfyeceyi nu ń Shekwoyi awyeba, ɓai shi Dagayi aɓəgbetu ɓwa n awyidnai ǹ tnaɓətu. 7Ama ɓa to ɓə n əɓyii m, ntuge Alizebətu ɓə zhni làma nu, jesnu ɓa ɓəə kwu kwo n mwa kwokwo.
8N əwyihoi əsa ń Zakariya ofye ɓə dna ń tnutnuzhni, jesnu əwoi nu dna woi zhni pirisiti tnutnu gnyi n Shekwoyi abye, 9əba kwa knyi wo, ngye shi apirisiti tnutnu kwnunu ɓə nyi, nabai wa lodna n Dagayipwuwa wa kpe nyasnidaí əná. 10She anyasnidaí ənakpe əsa ɓə la si, amwamwagayi vnyanya ɓə yezhi n əbmyi ɓai zhniaduwa.
11Nlonu, maləka Dagayi nya wa kpeya da wo n gnyiagnyi gnyi ń bəgədi anyasnidaí ənakpe nya ń ɓwaizhe ɓwa. 12She Zakariya ɓə gye wo əwye, wa kwu jeje, jesnu wa vnyi n ədnai. 13Ama maləka wa gna wo: “To wodna m, Zakariya; a kwu əho aduwa wo. Əho nyikwo Alizebətu wo ɓə ma əɓyinugbai ga ho, ho ɓə tu wo əye ge Yohana. 14Wo ɓə la zhni agbmada n bwugba bwuibwuii n əfye aba, jesnu bəgyé ɓə nya agbmada ntu əwo mama ɓo, 15ntuge wo ɓə la zhni əza yaakwo ń Dagayi abye. Wo to ɓə sni əje, kwo ənya n kwo zhni əza wa kwu jeje m, nanyinanyi; jesnu a ɓə la wo nu n Zafnu Gyigyiyii to ai ma wo m. 16Wo ɓə jezeɓe n Israila aza bəgyei ń əɓa Dagayi Shekwoyi aba. 17Jesnu wo ɓə la gyilo ń Dagayi abye, dna ń Zafnu kalá Iliya nya, wo ɓə pmyi azamayi adu lo ncei n əɓa aɓyi aba, jesnu atna-ɓəvyiyi ɓai pmyilo da aɓəfyeceyi wyemwa; woi zhni aza ɓai la əɓahni ye ntu Dagayi ɓo.”
18Zakariya wa nya maləka əɓo, “Mi ɓa kpe ń wunanu nge gaiciya nu n ɓəyei a? Mi zhni zakwoi nu jesnu əmi nyikwo wo la kwo.”
19Maləka wa gna wo, “Əmi nu zhni Gəbiri. Əmi nu gnyiagnyi gnyi ń Shekwoyi awyeba, a tnu mi tnutnu nu ma daɓo n hoi, jesnu ma gna ho nabagyi manai ye. 20Ama nsaiye, əgbe ɓaa ho nyí to ha shna myi ń ɓəda da m, nya əwyi ń əɓo ye ɓə nu ncei, ntuge ho to ga əmi aɓəda gaiciya, n kwo ɓə nu ń əsai n a cei tu nyi m.”
21Aza ɓə ɓwazhi ɓai pmi Zakariya, cei wo ɓa, əɓo n kwo zhni wonyi la mwasa lonu dna ń Dagayipwuwa. 22She wo ɓə gbmiɓe, to wa myi ń ɓəda da n ɓai m. Ɓa kwu kpe nge wo kwu ɓəwyegye gye dna n Dagayipwuwa, ntuge wo ɓə gnyi woi wu ɓa aɓo n aɓwai nu, to wa shna myi ń ɓəda da m.
23She əwo tnutnuzhni əsa ɓə kwu nu, wa jezelo əwo pwuwa. 24N dəye avnu, əwo nyikwo Alizebətu, wa la nubwo jesnu waa əwohni ɓwudna apya ngwnu-atnu. 25Wa gna, “Dagayi nu ń kwu dəye zhni ga mi. Wo kwu əwo bmyashi wu mi dna ń anyipyei ye jesnu wo la vnyinkwo kpma mi dna ń aza.”
Ɓəwyegye ntu Yeisu mama ɓó
26Dna ń əpya tnanyii she Alizebətu ɓə la nubwo, Shekwoyi wa tnu maləka Gəbiri wa lo Nazereti əzhi ń Gəlili, 27lo da ɓyinyikwoyi kwului ń a ɓəə la wo dù nabai wa so ənu n a ɓə zhni ai yi wo ge Yusufu nyi, Dawuda yawyi. Əɓyinyikwoi kwului əye ɓə nyi Mariyamwu nu. 28Maləka wa lo əwo aba wa gna wo, “Mi ɓyi ho əgna lo, əho ń ho la bmyashi yaakwo ɓwa nyi! Dagayi n kwnusnu lo n hoi.”
29Mariyamwu wa kwu jeje ntu maləka ɓəda ɓo, cei wó wo, kwo knyi gnaɓyii pya nu nyi a? 30Ama maləka wa gna wo, “To wodna m, Mariyamwu, ho la bmyashi ɓwa n Shekwoyi aba. 31Ho ɓa la nubwo jesnu ho ɓə ma əɓyinugbai, ho ɓə yi əwo ge, Yeisu. 32Wo ɓə la zhni əza yaakwo jesnu ai yi wo ge Əza Duduyi Nugwnu. Dagayi Shekwoyi ɓə ga wo əbeshnikpegye əwo dada nya; Dawuda. 33Wo ɓə gyi əbe tu ń Yakwuɓwu pwuwa nyalonyalo; əwo əbegyi to ɓə shna zo m.”
34Mariyamwu wa nya maləka əɓo, “Dəye ɓə yezhni n wunanu, shikwonyi mi ye zhni ɓyinyikwoi kwului nu nyi a?”
35Maləka wa dnaɓəgbe, “Zafnu Gyigyiyi ɓə yakpe ho, jesnu Ikwo Əza Duduyi nya ɓə tu ho əfnu. Ntulonu əza gyigyiyi ń a ɓə ma nyi, a ɓə yi wo ge Shekwoyi Nugwnu. 36Kwo Alizebətu əho mapwi, wo ye wa ma əɓyi nu dna n əwo kwokwo, jesnu əza ń a ɓə zhni ai gna nge wo zhni làma nyi, wo dnalo ń əwo əpya tnanyii nu n nubwoi. 37Ntuge ɓəda ho to lo ń kwo gbmi ń Shekwoyi aba n kwo ɓa gbakalá m.”
38Mariyamwu wa dnaɓəgbe, “Mi zhni Shekwoyi tnutnuyi nu, fa əho ɓəda n ha da n mii nyi kwa nu.” Nlonu maləka wa laka n əwo aba.
Mariyamwu lo Alizebətu gnaɓyi
39Nsayii, Mariyamwu wa ye əwohni wolowolo, wa lo əzhi ń kwo kpe n Yahuda əpe kwnukwnù, 40wa lodna ń Zakariya pwuwa, wa ɓyi Alizebətu gna. 41She Alizebətu ɓə wo Mariyamwu gnaɓyi, əɓyi n kwo ɓə dna n Alizebətu nubwo nyi, kwa jeashna n agbmadai jesnu Alizebətu waa nu n Zafnu Gyigyiyii. 42Wa sáwyi n bəgye yaakwoi wa gna: “Anabəlikada nu n hoi dna ń anyikwo aje atasni, jesnu anabəlikada nu ń əɓyii ń ho ɓə ma nyi! 43To, knyiyi nu naa zhni minyi la bmyashi ɓwa ń snulai a, nge əmi Dagayi əya woi ɓe əmi aba a? 44Əsa ń əho gnaɓyi kwa lo əmi atnubwa ncei, əɓyi ń kwo dna ń əmi nubwo nyi, waa jeashna n agbmadai. 45Anabəlikada nu n nyikwozai ń wo la gaiciyaga tu ənya n Dagayi wo kwu gna wo nge kwo ɓa zhni nyi.”
Mariyamwu anyí
46Mariyamwu wa gna,
“Əmi wyewyeyi kwo lá Dagayi tu lo,
47jesnu əmi zafnu kwo dagbma lo dna n Shekwoyi əmi Gnyiyi.
48Ntuge wo pá əwo tnutnuyi tukwogbayi ɓo lo.
Ənya n kwo laka nsaiye kwoi lo n abyei, cala vnyanya ɓə yi mi nge anabəlikada,
49ntuge Shekwoyi Duduyi Ikwoda wo kwu aɓo ayaakwo zhni ga mi,
əwo əye zhni gyigyiyi nu.
50Əwo snusnugye lo aza yi aba ń ɓa wó əwo ədna nyi,
kwoi laka ń cala gbmanyi kwoi lo cala ədo.
51Wo kwu ikwo aɓo zhni n əwo ɓwagbmai;
wo la aza gnamyi n ɓa ń tukwomwai fyi n əɓa bwugba aɓənubwozhni.
52Wo la abegyiyi kazhi n əɓa abeshnikpegye, wonyi ce wo la atukwogbayi kwu kpe.
53Wo kwu anya amanaii ga amyikwnuyi,
ama wo la anyaɓwayi nyaya n aɓwa gbəloii.
54Wo kwu Israila əwo tnutnuyi bmazhni;
woi pá woi wu snusnugye
55ga Ibrahim ɓədo n əwo ayawyii nyalonyalo,
n ɓwasnu shi wo ɓə ga əyi azakwoyi ɓəgbeshi nyi.”
56Mariyamwu waa dna n Alizebətui ngye apya ngwnu-ata wa kpe jezelo əwo əzhi.
Yohana batizimazhniyi mama
57She əsa ɓə la si n Alizebətu ɓá kágna, wa ma əɓyinugbai. 58She əwo akwnuzhiyi ɓədo n əwo əbyei ɓə wo nge Dagayi kwu snusnugye yaakwo wu wo, ɓa bma wo agbmada nya.
59Dna n nyipyei nyimwanyimwai, ɓa ɓe ntuge ɓa zhni wo nyaznu ɓo, ɓai ye ɓa tu wo əwo dada əye, Zakariya; 60ama əwo əya wa daɓo wa gna, “Aawo! A ye a yi wo nge Yohana nu.”
61Ɓa gna wo ge, “Əzaho to lo n əfye əbyé ń a yi wo n əye yei m.”
62Ntulonu ɓa nya əwo dada əɓo n aɓwai, ɓá kpe əye ye n wo ncei pma a tu əwo əɓyi. 63Wa nya ənya kakpe nya ɓo, wa ka tu: “Əwo əye: Yohana nu.” Kwaa zè ɓəwowoi ga zahozahoyi. 64Nsayisayii əwo əgbe kwa gwuya, əwo nyitala kwa loya jesnu wa ya ɓəda da woi ci Shekwoyi. 65Əɓa akwnuzhiyi ɓa kwu nu n ɓəwowoi, ń Yahuda əpe kwnukwnù vnyanya, aza ɓa da aɓo ye vnyanya əɓo. 66Zahozahoyi ń wo ɓə kwu əɓo ye wo, waa nu gnyi n ɓənubwozhnii, woi nyaɓo, “Əɓyi ye ɓə mwa wa zhni nyikado pya nu a?” Ntuge Dagayi əɓwa kwnusnu lo n woi.
Zakariya anyí
67Əwo dada Zakariya, ń nunui n Zafnu Gyigyiyii, wa da sheɓəgwogna:
68“Latu kwo la zè Dagayi nya, Israila Shekwoyi,
ntuge wo la ɓe əwo aza aba, wonyi la ɓa shna.
69Wo la gnyignyi mwayí la wu yi
dna n Dawuda əwo tnutnuyi pwuwa
70(shi wo ɓə da dna ń əwo sheaɓəgwognayi agyigyiyi agbe ń aye bəgyé avnu nyi),
71gnyignyi ń əyi anuwnuyi akwnu
jesnu n aza aba vnyanya ń ɓa wnunu n əyii nyi.
72Wa wu əyi azakwoyi snusnugye
jesnu wa pá əwo ɓəgbeshi gyigyiyi ɓo,
73nyasí ń wo ɓə si ga əyi zakwoi Ibrahim nyi:
74Wa gwo yi ya n əyi anuwnuyi akwnu,
jesnu wa bma yi zhni ya zhni əwo tnutnu ntna ədna
75dna ń gyigyi ɓəzhni n ɓəfyecezhnii zhi n əwo abye ń əyi anyipyei anyìgyi nya vnyanya.
76“Njesnu əho, əmi əɓyi, a ɓa yi ho ge sheɓəgwognayi Əza Duduyi Vnyanya nya;
ntuge əho nu ɓə lá gyilo ń Dagayi abye, hoi zhni zokwo ga wo,
77wa ga əwo aza gnyignyi ɓəyekpe
ntu əɓa aleifyi zo ɓo,
78ntu əyi Shekwoyi yeye snusnugye nya ɓo,
n əkwo nu ɓə zhni nyipyei kpəkpəi kwoi gbmi ń əshemi kwoi ɓe da yi
79kwa ga bwuznagna ga aza yi n ɓa fyilo ń wyegbma
jesnu ń aza yi ń ɓa n apitai kpe n əfyi agbemi, kwa zhni əyi apita fyi ń zokwo awogye bwugbafu nya.”
80Nlonu əɓyi yi wa mwa waa kalá dna n zafnu; wa gyianyì dna n zhabwikawu, nya əwyi n wo ɓə wu əwohni pəipəi n Israila.
Àwon tá yàn lọ́wọ́lọ́wọ́ báyìí:
Luuka 1: OGNB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Luuka 1
1
Ɓəsawu
1Aza bəgyé ɓa kwú əɓahni ga ɓai ka aɓo nyadokwu, n ɓa kwu nu fyi ń əyi atasni nyi, 2n ɓwasnu shi ɓa ɓə gwo anabagyi ye ń aza yi ń ɓa ɓə kwú ɓa gyewye n əɓa awyei nyi, ń əɓa nu ɓə zhni Shekwoyi ɓəda atnutnuyi n kpmisnui, jesnu əɓa nu ɓə gwo kwo ga yi. 3Ntucenu, Tiyofyilus əza yaakwo, shikwonyi əmihni ce mi la ɓəhoɓəhoi pmigye pəceye ń əkwo ayayaba, mi lá bwugba dna ma ka nyadokwu ye ga ho n vyido, 4nabai ń ho ɓá myi ha kpe gaiciyanunui ye ń a kwu wu ho nyi.
Ɓəwyegye ntu Yohana batizimazhniyi mama ɓó
5Dna ń Hiridusu Yahudiya əsu əbegyi əsa, pirisiti ɓə nyi ai yi wo nge Zakariya, wo ɓə gbmi ń Abyija pirisiti okwu nu; əwo nyikwo Alizebətu cè, wo ɓə gbmi ń Haruna ofye nu. 6Əɓa ń ngwnu-aba, ɓa ɓə zhni aɓəfyeceyi nu ń Shekwoyi awyeba, ɓai shi Dagayi aɓəgbetu ɓwa n awyidnai ǹ tnaɓətu. 7Ama ɓa to ɓə n əɓyii m, ntuge Alizebətu ɓə zhni làma nu, jesnu ɓa ɓəə kwu kwo n mwa kwokwo.
8N əwyihoi əsa ń Zakariya ofye ɓə dna ń tnutnuzhni, jesnu əwoi nu dna woi zhni pirisiti tnutnu gnyi n Shekwoyi abye, 9əba kwa knyi wo, ngye shi apirisiti tnutnu kwnunu ɓə nyi, nabai wa lodna n Dagayipwuwa wa kpe nyasnidaí əná. 10She anyasnidaí ənakpe əsa ɓə la si, amwamwagayi vnyanya ɓə yezhi n əbmyi ɓai zhniaduwa.
11Nlonu, maləka Dagayi nya wa kpeya da wo n gnyiagnyi gnyi ń bəgədi anyasnidaí ənakpe nya ń ɓwaizhe ɓwa. 12She Zakariya ɓə gye wo əwye, wa kwu jeje, jesnu wa vnyi n ədnai. 13Ama maləka wa gna wo: “To wodna m, Zakariya; a kwu əho aduwa wo. Əho nyikwo Alizebətu wo ɓə ma əɓyinugbai ga ho, ho ɓə tu wo əye ge Yohana. 14Wo ɓə la zhni agbmada n bwugba bwuibwuii n əfye aba, jesnu bəgyé ɓə nya agbmada ntu əwo mama ɓo, 15ntuge wo ɓə la zhni əza yaakwo ń Dagayi abye. Wo to ɓə sni əje, kwo ənya n kwo zhni əza wa kwu jeje m, nanyinanyi; jesnu a ɓə la wo nu n Zafnu Gyigyiyii to ai ma wo m. 16Wo ɓə jezeɓe n Israila aza bəgyei ń əɓa Dagayi Shekwoyi aba. 17Jesnu wo ɓə la gyilo ń Dagayi abye, dna ń Zafnu kalá Iliya nya, wo ɓə pmyi azamayi adu lo ncei n əɓa aɓyi aba, jesnu atna-ɓəvyiyi ɓai pmyilo da aɓəfyeceyi wyemwa; woi zhni aza ɓai la əɓahni ye ntu Dagayi ɓo.”
18Zakariya wa nya maləka əɓo, “Mi ɓa kpe ń wunanu nge gaiciya nu n ɓəyei a? Mi zhni zakwoi nu jesnu əmi nyikwo wo la kwo.”
19Maləka wa gna wo, “Əmi nu zhni Gəbiri. Əmi nu gnyiagnyi gnyi ń Shekwoyi awyeba, a tnu mi tnutnu nu ma daɓo n hoi, jesnu ma gna ho nabagyi manai ye. 20Ama nsaiye, əgbe ɓaa ho nyí to ha shna myi ń ɓəda da m, nya əwyi ń əɓo ye ɓə nu ncei, ntuge ho to ga əmi aɓəda gaiciya, n kwo ɓə nu ń əsai n a cei tu nyi m.”
21Aza ɓə ɓwazhi ɓai pmi Zakariya, cei wo ɓa, əɓo n kwo zhni wonyi la mwasa lonu dna ń Dagayipwuwa. 22She wo ɓə gbmiɓe, to wa myi ń ɓəda da n ɓai m. Ɓa kwu kpe nge wo kwu ɓəwyegye gye dna n Dagayipwuwa, ntuge wo ɓə gnyi woi wu ɓa aɓo n aɓwai nu, to wa shna myi ń ɓəda da m.
23She əwo tnutnuzhni əsa ɓə kwu nu, wa jezelo əwo pwuwa. 24N dəye avnu, əwo nyikwo Alizebətu, wa la nubwo jesnu waa əwohni ɓwudna apya ngwnu-atnu. 25Wa gna, “Dagayi nu ń kwu dəye zhni ga mi. Wo kwu əwo bmyashi wu mi dna ń anyipyei ye jesnu wo la vnyinkwo kpma mi dna ń aza.”
Ɓəwyegye ntu Yeisu mama ɓó
26Dna ń əpya tnanyii she Alizebətu ɓə la nubwo, Shekwoyi wa tnu maləka Gəbiri wa lo Nazereti əzhi ń Gəlili, 27lo da ɓyinyikwoyi kwului ń a ɓəə la wo dù nabai wa so ənu n a ɓə zhni ai yi wo ge Yusufu nyi, Dawuda yawyi. Əɓyinyikwoi kwului əye ɓə nyi Mariyamwu nu. 28Maləka wa lo əwo aba wa gna wo, “Mi ɓyi ho əgna lo, əho ń ho la bmyashi yaakwo ɓwa nyi! Dagayi n kwnusnu lo n hoi.”
29Mariyamwu wa kwu jeje ntu maləka ɓəda ɓo, cei wó wo, kwo knyi gnaɓyii pya nu nyi a? 30Ama maləka wa gna wo, “To wodna m, Mariyamwu, ho la bmyashi ɓwa n Shekwoyi aba. 31Ho ɓa la nubwo jesnu ho ɓə ma əɓyinugbai, ho ɓə yi əwo ge, Yeisu. 32Wo ɓə la zhni əza yaakwo jesnu ai yi wo ge Əza Duduyi Nugwnu. Dagayi Shekwoyi ɓə ga wo əbeshnikpegye əwo dada nya; Dawuda. 33Wo ɓə gyi əbe tu ń Yakwuɓwu pwuwa nyalonyalo; əwo əbegyi to ɓə shna zo m.”
34Mariyamwu wa nya maləka əɓo, “Dəye ɓə yezhni n wunanu, shikwonyi mi ye zhni ɓyinyikwoi kwului nu nyi a?”
35Maləka wa dnaɓəgbe, “Zafnu Gyigyiyi ɓə yakpe ho, jesnu Ikwo Əza Duduyi nya ɓə tu ho əfnu. Ntulonu əza gyigyiyi ń a ɓə ma nyi, a ɓə yi wo ge Shekwoyi Nugwnu. 36Kwo Alizebətu əho mapwi, wo ye wa ma əɓyi nu dna n əwo kwokwo, jesnu əza ń a ɓə zhni ai gna nge wo zhni làma nyi, wo dnalo ń əwo əpya tnanyii nu n nubwoi. 37Ntuge ɓəda ho to lo ń kwo gbmi ń Shekwoyi aba n kwo ɓa gbakalá m.”
38Mariyamwu wa dnaɓəgbe, “Mi zhni Shekwoyi tnutnuyi nu, fa əho ɓəda n ha da n mii nyi kwa nu.” Nlonu maləka wa laka n əwo aba.
Mariyamwu lo Alizebətu gnaɓyi
39Nsayii, Mariyamwu wa ye əwohni wolowolo, wa lo əzhi ń kwo kpe n Yahuda əpe kwnukwnù, 40wa lodna ń Zakariya pwuwa, wa ɓyi Alizebətu gna. 41She Alizebətu ɓə wo Mariyamwu gnaɓyi, əɓyi n kwo ɓə dna n Alizebətu nubwo nyi, kwa jeashna n agbmadai jesnu Alizebətu waa nu n Zafnu Gyigyiyii. 42Wa sáwyi n bəgye yaakwoi wa gna: “Anabəlikada nu n hoi dna ń anyikwo aje atasni, jesnu anabəlikada nu ń əɓyii ń ho ɓə ma nyi! 43To, knyiyi nu naa zhni minyi la bmyashi ɓwa ń snulai a, nge əmi Dagayi əya woi ɓe əmi aba a? 44Əsa ń əho gnaɓyi kwa lo əmi atnubwa ncei, əɓyi ń kwo dna ń əmi nubwo nyi, waa jeashna n agbmadai. 45Anabəlikada nu n nyikwozai ń wo la gaiciyaga tu ənya n Dagayi wo kwu gna wo nge kwo ɓa zhni nyi.”
Mariyamwu anyí
46Mariyamwu wa gna,
“Əmi wyewyeyi kwo lá Dagayi tu lo,
47jesnu əmi zafnu kwo dagbma lo dna n Shekwoyi əmi Gnyiyi.
48Ntuge wo pá əwo tnutnuyi tukwogbayi ɓo lo.
Ənya n kwo laka nsaiye kwoi lo n abyei, cala vnyanya ɓə yi mi nge anabəlikada,
49ntuge Shekwoyi Duduyi Ikwoda wo kwu aɓo ayaakwo zhni ga mi,
əwo əye zhni gyigyiyi nu.
50Əwo snusnugye lo aza yi aba ń ɓa wó əwo ədna nyi,
kwoi laka ń cala gbmanyi kwoi lo cala ədo.
51Wo kwu ikwo aɓo zhni n əwo ɓwagbmai;
wo la aza gnamyi n ɓa ń tukwomwai fyi n əɓa bwugba aɓənubwozhni.
52Wo la abegyiyi kazhi n əɓa abeshnikpegye, wonyi ce wo la atukwogbayi kwu kpe.
53Wo kwu anya amanaii ga amyikwnuyi,
ama wo la anyaɓwayi nyaya n aɓwa gbəloii.
54Wo kwu Israila əwo tnutnuyi bmazhni;
woi pá woi wu snusnugye
55ga Ibrahim ɓədo n əwo ayawyii nyalonyalo,
n ɓwasnu shi wo ɓə ga əyi azakwoyi ɓəgbeshi nyi.”
56Mariyamwu waa dna n Alizebətui ngye apya ngwnu-ata wa kpe jezelo əwo əzhi.
Yohana batizimazhniyi mama
57She əsa ɓə la si n Alizebətu ɓá kágna, wa ma əɓyinugbai. 58She əwo akwnuzhiyi ɓədo n əwo əbyei ɓə wo nge Dagayi kwu snusnugye yaakwo wu wo, ɓa bma wo agbmada nya.
59Dna n nyipyei nyimwanyimwai, ɓa ɓe ntuge ɓa zhni wo nyaznu ɓo, ɓai ye ɓa tu wo əwo dada əye, Zakariya; 60ama əwo əya wa daɓo wa gna, “Aawo! A ye a yi wo nge Yohana nu.”
61Ɓa gna wo ge, “Əzaho to lo n əfye əbyé ń a yi wo n əye yei m.”
62Ntulonu ɓa nya əwo dada əɓo n aɓwai, ɓá kpe əye ye n wo ncei pma a tu əwo əɓyi. 63Wa nya ənya kakpe nya ɓo, wa ka tu: “Əwo əye: Yohana nu.” Kwaa zè ɓəwowoi ga zahozahoyi. 64Nsayisayii əwo əgbe kwa gwuya, əwo nyitala kwa loya jesnu wa ya ɓəda da woi ci Shekwoyi. 65Əɓa akwnuzhiyi ɓa kwu nu n ɓəwowoi, ń Yahuda əpe kwnukwnù vnyanya, aza ɓa da aɓo ye vnyanya əɓo. 66Zahozahoyi ń wo ɓə kwu əɓo ye wo, waa nu gnyi n ɓənubwozhnii, woi nyaɓo, “Əɓyi ye ɓə mwa wa zhni nyikado pya nu a?” Ntuge Dagayi əɓwa kwnusnu lo n woi.
Zakariya anyí
67Əwo dada Zakariya, ń nunui n Zafnu Gyigyiyii, wa da sheɓəgwogna:
68“Latu kwo la zè Dagayi nya, Israila Shekwoyi,
ntuge wo la ɓe əwo aza aba, wonyi la ɓa shna.
69Wo la gnyignyi mwayí la wu yi
dna n Dawuda əwo tnutnuyi pwuwa
70(shi wo ɓə da dna ń əwo sheaɓəgwognayi agyigyiyi agbe ń aye bəgyé avnu nyi),
71gnyignyi ń əyi anuwnuyi akwnu
jesnu n aza aba vnyanya ń ɓa wnunu n əyii nyi.
72Wa wu əyi azakwoyi snusnugye
jesnu wa pá əwo ɓəgbeshi gyigyiyi ɓo,
73nyasí ń wo ɓə si ga əyi zakwoi Ibrahim nyi:
74Wa gwo yi ya n əyi anuwnuyi akwnu,
jesnu wa bma yi zhni ya zhni əwo tnutnu ntna ədna
75dna ń gyigyi ɓəzhni n ɓəfyecezhnii zhi n əwo abye ń əyi anyipyei anyìgyi nya vnyanya.
76“Njesnu əho, əmi əɓyi, a ɓa yi ho ge sheɓəgwognayi Əza Duduyi Vnyanya nya;
ntuge əho nu ɓə lá gyilo ń Dagayi abye, hoi zhni zokwo ga wo,
77wa ga əwo aza gnyignyi ɓəyekpe
ntu əɓa aleifyi zo ɓo,
78ntu əyi Shekwoyi yeye snusnugye nya ɓo,
n əkwo nu ɓə zhni nyipyei kpəkpəi kwoi gbmi ń əshemi kwoi ɓe da yi
79kwa ga bwuznagna ga aza yi n ɓa fyilo ń wyegbma
jesnu ń aza yi ń ɓa n apitai kpe n əfyi agbemi, kwa zhni əyi apita fyi ń zokwo awogye bwugbafu nya.”
80Nlonu əɓyi yi wa mwa waa kalá dna n zafnu; wa gyianyì dna n zhabwikawu, nya əwyi n wo ɓə wu əwohni pəipəi n Israila.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.