Tite 3
3
Adamu andǝ Hawawu mgbiki Ɓakuli kiru
1Atà anyam-bondo mǝnana Mǝtalabangŋo Ɓakuli pusǝia ka, n'yau na mǝnana kútiǎ kat nǝ kutan ngga. Ɓè kǝ pwari ka, n'yau ɗì ɓwama ama, <<Mbak-kàngkàng Ɓakuli bang ama, <Wu kǝa li kǝ ɓǝlanggun mǝnana a ɓaban mala anggun ngga ɗàng le?> >>#3:1 Ɓalli gbal aɓa: Mat 10:16; 2Kor 11:3; Sǝn 12:9; 20:2.
2Ɓwama eari n'yau ama, <<Sǝm nǝ̀ gandǝ li aɓǝlanggun mǝnana a ɓaban mala anggun ngga. 3Sǝama Ɓakuli bangga sǝm ama, kǝ ɓǝlanggun mǝnana came a ɓaɓalǝu mala ɓaban mala anggun ngga, nda pà sǝm nǝ̀ je, ko sǝm nǝ̀ li raka; ɓǝ̀ sǝm je, ko ɓǝ̀ sǝm li ka, sǝm nǝ̀ wú.>>
4N'yau eari ɓwama ama, <<Mǝsǝcau ka pà wun nǝ̀ wu ɗàng.#3:4 Ɓalli gbal aɓa: Yoh 4:44. 5Acemǝnana Ɓakuli sǝlǝna ama, ɓǝ̀ wu li ɓǝlanggun man ngga, amǝsǝ wun nǝ̀ mǝnna, sǝ wun nǝ̀ do kǝla Ɓakuli, wun nǝ̀ súrǝ̀ mǝɓoarne andǝ mǝɓane.>>
6Lang ɓwama sǝna ɓǝla-nggunì ndanǝ ɓoaro ace girlina, sǝ ɓoarsǝna, ɗǝm ngga sǝn ɓoaro mala sǝlǝe mǝnana nǝ̀ kùmô arǝì, a ɓabumi ka, kara tù atà aɓǝla-nggunì lì. Sǝ pè burí, pǝlǝa yì ka lì gbal.#3:6 Ɓalli gbal aɓa: 1Tim 2:14; Jem 1:14-15; 1Yoh 2:16. 7Anggo kara mǝsǝia yia kǝm mǝnna, kǝsǝkea bwalia acemǝnana à yi sǝlǝa ama à nda nǝ ɓatea. Pǝlǝa à ɓungi ambú nggun vwari à gbàrǝna ɓatea nǝi.
Ɓakuli ɓashì Adamu andǝ Hawawu andǝ N'yau
8Nǝ́ pwarikpǝra mǝno ka, ɓwaburè andǝ māmí ok gǝshi kusǝ Mǝtalabangŋo Ɓakuli aban gya a ɓaban mala anggun. Kara à ɓangŋa à sǝmbǝrǝì Mǝtalabangŋo Ɓakuli aɓalǝ anggun mǝnana a ɓaban ngga. 9Pǝlǝa Mǝtalabangŋo Ɓakuli tunǝban ɗì ɓwaburè ama, <<A nda ke lè?>>
10Yi ka eare ama, <<Ən ok gǝshi kusǝo aban gya a ɓaban mala anggun, ɓangciu pàkkam, nda sǝ ǝn sǝmbǝrǝ ka, acemǝnana mǝ nda nǝ ɓatam.>>
11Mǝtalabangŋo Ɓakuli ɗì ama, <<Yana nô ama a nda nǝ ɓato? Ko a lina ɓǝlanggun mǝnana ǝn nô nǝma wu kǝa li raka lè?>>
12Pǝlǝa ɓwaburè ne Mǝtalabangŋo Ɓakuli ama, <<Ɓwama mǝnana a pam ɓǝ̀ sǝm duk sǝni ka, nda pam ɓǝlanggun sǝ ǝn li ka.>>
13Mǝtalabangŋo Ɓakuli pǝlǝa ɗì ɓwama ama, <<Mana mǝnia a pak ka?>> Ɓwama eare ama, <<N'yau swarkiam, nda gìr mana tsǝa sǝ ǝn li ka.>>#3:13 Ɓalli gbal aɓa: Rom 7:11; 2Kor 11:3; 1Tim 2:14.
14Pǝlǝa Mǝtalabangŋo Ɓakuli ne n'yau ama, <<Acemǝnana a pángŋǝ̀nà mǝnia ka,
<<Súban na amuro mǝnana kútì
mala koya girkusǝu ka:
anyam-ɓala andǝ anyam-bondo.
Awu nǝ pūrǝki nǝ múrbumo,
awu nǝ li nzali a do-yilǝmu mô kat.
15Mǝ nǝ tsǝk do-ɓibura a nre wun,
wunǝ ɓwama man,
amunio andǝ amǝ'keò nǝ̀ duk
ɓibura mala amuni andǝ amǝkè.
We ka, awu nǝ kwar mǝkè a nkpalkusǝi,
sǝ yì ka, nǝ̀ ar ɓamuro.>>#3:15 Ɓalli gbal aɓa: Ib 2:14; 1Yoh 3:8.
16Ɓwama ka Ɓakuli ne wi ama,
<<Mǝ nǝ hatǝki kwanban mô
aɓa ɓǝlmuna;
aɓa kwanban sǝ awu nǝ gbáshí muna.
Kat andǝ amani ka, nzal burio nǝ̀ aki ɓalǝo,
sǝ yì ka nǝ̀ duk murǝm amuro.>>#3:16 Ɓalli gbal aɓa: Yoh 16:21; 1Tim 2:15.
17Mala ɓwabura ka, Ɓakuli ne wi ama, <<Acemǝnana a kwakikiro arǝ māmó, sǝ a lina ɓǝlanggun mǝnana ǝn nunkiro#3:17 nunkiro ko tsǝko nzongcau. nǝma wu kǝa lì raka,
<<Nzali twalǝna súban amurí
akǝ cau mò.
Do mô bà, a nǝ tanni aɓa túró mǝcandǝe
sǝ a nǝ kum girlina.#3:17 Ɓalli gbal aɓa: Rom 8:20-22.
18Nzali nǝ̀ pusǝô azwe
andǝ amǝzwezwe,
sǝ kat andǝ amani ka, awu nǝ li
ɓǝla abondo mǝnana nzali
nǝ̀ pusǝ ka.#3:18 Ɓalli gbal aɓa: Ib 6:8.
19Nǝ piban a nggun-muro
sǝ awu nǝ kum girlina,
mana a nǝ lì ka,
bà pwari mǝnana awu nǝ wǔ
a nǝ nyare a nzali ka;
acemǝnana nǝ tú-nzali sǝ à peo.
We ka a nda nzali,
sǝ a nzali sǝ a nǝ nyare a nǝ o.>>#3:19 Ɓalli gbal aɓa: Ang 90:3; 104:29; Ham 12:7.
20Ɓwabura, yì Adamu ka, tsǝkî māmí lullǝu ama Hawawu,#3:20 Hawawu nǝ kún Ibǝru ka nda Eve sǝ ɓālǝi nda aɓwana mǝ'yilǝmui. acemǝnana yì na nǝ̀ duk nggea ka ɓwapǝndǝa kat mana à ndanǝ yilǝmu ka.
21Mǝtalabangŋo Ɓakuli pakki Adamu andǝ māmí agirkùrarǝu nǝ nggû, ɓǝà gbàrǝna rǝia nǝi.
Ɓakuli pǝr Adamu andǝ Hawawu a ɓaban
22Sǝ Mǝtalabangŋo Ɓakuli na ama, <<Ɓwapǝndǝa adyan ngga dumǝna kǝla sǝm, súrǝ́nà rǝ mǝɓoarne andǝ mǝɓane. Ɓǝ̀ sǝm eari wi lǝmdǝ buì sǝ tù ɓǝlanggun mala nggun-yilǝmu gbal, sǝ lì ka, nǝ̀ duk bà, pà nǝ̀ wù ɗàng.>>#3:22 Ɓalli gbal aɓa: Sǝn 2:7. 23Acemani ka Mǝtalabangŋo Ɓakuli pǝrì pusǝì a Iden, yì ɓaban mala anggun, ama ɓǝ̀ kyane ɓǝ̀ kya rik nzali mǝnana à pusǝì kàm ngga. 24Anzǝm mǝnana pǝrna ɓwabure pusǝni ka, Mǝtalabangŋo Ɓakuli pǝlǝa tamsǝ acerup, akanggǝrang amǝ'yál ban mala Ɓakuli, nǝ njar-takuli a ɓaban mala anggun a Iden, sǝ tsǝk nggeabyau mǝnana kǝ earki nǝ lasǝ-bǝsa sǝ kǝ pǝlǝki a koya buì ka, ɓǝà kǝ yál njargula ká aban nggun-yilǝmu.
Àwon tá yàn lọ́wọ́lọ́wọ́ báyìí:
Tite 3: mbu
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2022 The Seed Company
Tite 3
3
Adamu andǝ Hawawu mgbiki Ɓakuli kiru
1Atà anyam-bondo mǝnana Mǝtalabangŋo Ɓakuli pusǝia ka, n'yau na mǝnana kútiǎ kat nǝ kutan ngga. Ɓè kǝ pwari ka, n'yau ɗì ɓwama ama, <<Mbak-kàngkàng Ɓakuli bang ama, <Wu kǝa li kǝ ɓǝlanggun mǝnana a ɓaban mala anggun ngga ɗàng le?> >>#3:1 Ɓalli gbal aɓa: Mat 10:16; 2Kor 11:3; Sǝn 12:9; 20:2.
2Ɓwama eari n'yau ama, <<Sǝm nǝ̀ gandǝ li aɓǝlanggun mǝnana a ɓaban mala anggun ngga. 3Sǝama Ɓakuli bangga sǝm ama, kǝ ɓǝlanggun mǝnana came a ɓaɓalǝu mala ɓaban mala anggun ngga, nda pà sǝm nǝ̀ je, ko sǝm nǝ̀ li raka; ɓǝ̀ sǝm je, ko ɓǝ̀ sǝm li ka, sǝm nǝ̀ wú.>>
4N'yau eari ɓwama ama, <<Mǝsǝcau ka pà wun nǝ̀ wu ɗàng.#3:4 Ɓalli gbal aɓa: Yoh 4:44. 5Acemǝnana Ɓakuli sǝlǝna ama, ɓǝ̀ wu li ɓǝlanggun man ngga, amǝsǝ wun nǝ̀ mǝnna, sǝ wun nǝ̀ do kǝla Ɓakuli, wun nǝ̀ súrǝ̀ mǝɓoarne andǝ mǝɓane.>>
6Lang ɓwama sǝna ɓǝla-nggunì ndanǝ ɓoaro ace girlina, sǝ ɓoarsǝna, ɗǝm ngga sǝn ɓoaro mala sǝlǝe mǝnana nǝ̀ kùmô arǝì, a ɓabumi ka, kara tù atà aɓǝla-nggunì lì. Sǝ pè burí, pǝlǝa yì ka lì gbal.#3:6 Ɓalli gbal aɓa: 1Tim 2:14; Jem 1:14-15; 1Yoh 2:16. 7Anggo kara mǝsǝia yia kǝm mǝnna, kǝsǝkea bwalia acemǝnana à yi sǝlǝa ama à nda nǝ ɓatea. Pǝlǝa à ɓungi ambú nggun vwari à gbàrǝna ɓatea nǝi.
Ɓakuli ɓashì Adamu andǝ Hawawu andǝ N'yau
8Nǝ́ pwarikpǝra mǝno ka, ɓwaburè andǝ māmí ok gǝshi kusǝ Mǝtalabangŋo Ɓakuli aban gya a ɓaban mala anggun. Kara à ɓangŋa à sǝmbǝrǝì Mǝtalabangŋo Ɓakuli aɓalǝ anggun mǝnana a ɓaban ngga. 9Pǝlǝa Mǝtalabangŋo Ɓakuli tunǝban ɗì ɓwaburè ama, <<A nda ke lè?>>
10Yi ka eare ama, <<Ən ok gǝshi kusǝo aban gya a ɓaban mala anggun, ɓangciu pàkkam, nda sǝ ǝn sǝmbǝrǝ ka, acemǝnana mǝ nda nǝ ɓatam.>>
11Mǝtalabangŋo Ɓakuli ɗì ama, <<Yana nô ama a nda nǝ ɓato? Ko a lina ɓǝlanggun mǝnana ǝn nô nǝma wu kǝa li raka lè?>>
12Pǝlǝa ɓwaburè ne Mǝtalabangŋo Ɓakuli ama, <<Ɓwama mǝnana a pam ɓǝ̀ sǝm duk sǝni ka, nda pam ɓǝlanggun sǝ ǝn li ka.>>
13Mǝtalabangŋo Ɓakuli pǝlǝa ɗì ɓwama ama, <<Mana mǝnia a pak ka?>> Ɓwama eare ama, <<N'yau swarkiam, nda gìr mana tsǝa sǝ ǝn li ka.>>#3:13 Ɓalli gbal aɓa: Rom 7:11; 2Kor 11:3; 1Tim 2:14.
14Pǝlǝa Mǝtalabangŋo Ɓakuli ne n'yau ama, <<Acemǝnana a pángŋǝ̀nà mǝnia ka,
<<Súban na amuro mǝnana kútì
mala koya girkusǝu ka:
anyam-ɓala andǝ anyam-bondo.
Awu nǝ pūrǝki nǝ múrbumo,
awu nǝ li nzali a do-yilǝmu mô kat.
15Mǝ nǝ tsǝk do-ɓibura a nre wun,
wunǝ ɓwama man,
amunio andǝ amǝ'keò nǝ̀ duk
ɓibura mala amuni andǝ amǝkè.
We ka, awu nǝ kwar mǝkè a nkpalkusǝi,
sǝ yì ka, nǝ̀ ar ɓamuro.>>#3:15 Ɓalli gbal aɓa: Ib 2:14; 1Yoh 3:8.
16Ɓwama ka Ɓakuli ne wi ama,
<<Mǝ nǝ hatǝki kwanban mô
aɓa ɓǝlmuna;
aɓa kwanban sǝ awu nǝ gbáshí muna.
Kat andǝ amani ka, nzal burio nǝ̀ aki ɓalǝo,
sǝ yì ka nǝ̀ duk murǝm amuro.>>#3:16 Ɓalli gbal aɓa: Yoh 16:21; 1Tim 2:15.
17Mala ɓwabura ka, Ɓakuli ne wi ama, <<Acemǝnana a kwakikiro arǝ māmó, sǝ a lina ɓǝlanggun mǝnana ǝn nunkiro#3:17 nunkiro ko tsǝko nzongcau. nǝma wu kǝa lì raka,
<<Nzali twalǝna súban amurí
akǝ cau mò.
Do mô bà, a nǝ tanni aɓa túró mǝcandǝe
sǝ a nǝ kum girlina.#3:17 Ɓalli gbal aɓa: Rom 8:20-22.
18Nzali nǝ̀ pusǝô azwe
andǝ amǝzwezwe,
sǝ kat andǝ amani ka, awu nǝ li
ɓǝla abondo mǝnana nzali
nǝ̀ pusǝ ka.#3:18 Ɓalli gbal aɓa: Ib 6:8.
19Nǝ piban a nggun-muro
sǝ awu nǝ kum girlina,
mana a nǝ lì ka,
bà pwari mǝnana awu nǝ wǔ
a nǝ nyare a nzali ka;
acemǝnana nǝ tú-nzali sǝ à peo.
We ka a nda nzali,
sǝ a nzali sǝ a nǝ nyare a nǝ o.>>#3:19 Ɓalli gbal aɓa: Ang 90:3; 104:29; Ham 12:7.
20Ɓwabura, yì Adamu ka, tsǝkî māmí lullǝu ama Hawawu,#3:20 Hawawu nǝ kún Ibǝru ka nda Eve sǝ ɓālǝi nda aɓwana mǝ'yilǝmui. acemǝnana yì na nǝ̀ duk nggea ka ɓwapǝndǝa kat mana à ndanǝ yilǝmu ka.
21Mǝtalabangŋo Ɓakuli pakki Adamu andǝ māmí agirkùrarǝu nǝ nggû, ɓǝà gbàrǝna rǝia nǝi.
Ɓakuli pǝr Adamu andǝ Hawawu a ɓaban
22Sǝ Mǝtalabangŋo Ɓakuli na ama, <<Ɓwapǝndǝa adyan ngga dumǝna kǝla sǝm, súrǝ́nà rǝ mǝɓoarne andǝ mǝɓane. Ɓǝ̀ sǝm eari wi lǝmdǝ buì sǝ tù ɓǝlanggun mala nggun-yilǝmu gbal, sǝ lì ka, nǝ̀ duk bà, pà nǝ̀ wù ɗàng.>>#3:22 Ɓalli gbal aɓa: Sǝn 2:7. 23Acemani ka Mǝtalabangŋo Ɓakuli pǝrì pusǝì a Iden, yì ɓaban mala anggun, ama ɓǝ̀ kyane ɓǝ̀ kya rik nzali mǝnana à pusǝì kàm ngga. 24Anzǝm mǝnana pǝrna ɓwabure pusǝni ka, Mǝtalabangŋo Ɓakuli pǝlǝa tamsǝ acerup, akanggǝrang amǝ'yál ban mala Ɓakuli, nǝ njar-takuli a ɓaban mala anggun a Iden, sǝ tsǝk nggeabyau mǝnana kǝ earki nǝ lasǝ-bǝsa sǝ kǝ pǝlǝki a koya buì ka, ɓǝà kǝ yál njargula ká aban nggun-yilǝmu.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2022 The Seed Company