Mak 13
13
Hnadaga im khrak hmueyei
Mathi 24:1-2; Luk 21:5-6
1Yĕsu Hnadaga im känäng thokal tun khaw a, Ani käh hngat tebeih la Ani a tak, “Choktih o, so, lung len lung len la pawyeitih pawyeitih lung im.” 2Yĕsu la ani a tak, “Ä, nang äi elen elen lung im nuhmuh tun. Äini ni lung im äng käh lung, hngat la hngat khrung äng mäiti hnawh, ükütni khrah hmuyealaih saw dä.”
Dukhah khomhnüp koong sidih
Mathi 24:3-14; Luk 21:7-19
3Äi pänäng Yĕsu Hnadaga im krawnak hnih a käh Olip khuyung a om bala mäi hüt. Äi khaw a Pitol, Yakub, Yohan awlaw Endu la Ani a umuchaw äng ana hi, 4“Nang keinih a khrawng hawu pek, ni khäl iti khaw a thäneyeih saw äm? I hmat la hmu ungala äi khäl ihisaw a äthäneyeih saw ting kini hmawtaih saw äm?”
5Yĕsu la anih a tak, “Hngat la ha anang kramei hnäng ngah hmawna sidih äng mäi bäichu. 6Awbawng khrawng la kei ming jeyei ula ini lo ai. Anih la kei Mesaya ting ini hawuvai awlaw awbawng khrawng a anang krameyei. 7Nangnih jal kheu la khri äng payei saw jal kheu nini yawk khaw a ke ei chu, äi khäl thäneyeih saw dä äini äi khaw a ha äpäih hawm saw hiyah. 8Hngat japsaw awhngaw japsaw äng, presaw la presaw äng jal ini täkeyei. Ätän täna liuh lo ai awlaw ekenai. Ni dukhah khäl che hmutaw ini mäiyeyeih khaw a dukhah chah saw huih chah saw dä.”
9“Sidih äng mäi bäichu. Iyaäm khrawng khälla nangnih a hngawsaw khäl kut äng anang mawn sawkai awlaw Yudi ini lumeidün ima khrawnga bop dün jäi äng anang bop sawkai. Nangnih kei tebeih koong pre khiyuptih khäl awlaw mawng khäl hmawi mawh a nangnih Kei käh sawksi nini thäneyei. 10Äini täkchah sidawng pawi üküt yapsaw khäl khäka hawu pek hmueyei. 11Khrawng khälla nangnih a mawn ula tara düna anang chih khaw a i kini hawuvaih saw äm ting kongrah ai chu. Äi khaw a Hnadaga la nangnih lung äng i anang khawi äm äidä hawu bäichu, iyaäm äi khaw a nangnih hiyah, Asanh chang Khraw dä nangnih kaw känäng kräuvaih saw. 12Äi khaw a ata la awnawu a, awpaw la chaw a mawn sawk bala utuk sawkai. Chaw chuhnu khäl ini nu paw käh awhngaw phak ini mäiyei awlaw ini tuk sawkai. 13Kei koong khrawng kheni la anang hmu khih thaw hnawh u, äini ula ujumak chunei hnäng äm ani kiyawtalai.”
Ke se saw khin koong sidih kheu
Mathi 24:15-21; Luk 21:20-24
14Hnüpak nangnih nini hmuh ai, mäi tawnah saw laa#13:14 Ni a ‘mäi tawnah saw la’ hawu hmuei saw che Hnadaga im. keh se saw vawn la sahnah hmawna poh ai. Äi koong khrawng khälla äi la ini hläh alai.#Daniel 9:27; 11:31; 12:11 (Ni phawt tih khälla yawchu seh u!) “Äi khaw a Yudia a mäitih khäl khuyung a chen seh u. 15Im tĕh khrunga mäitih khrawng khäl chen khawngah vawn ini lawkeyalaih saw koong im duka wangalah seh u. 16Lai a bitih khälla ilh chaw lawkeyala ima krawnalah seh u. 17Äi khin che pungvawn mawh la chih o sämäichaw mäitih hmutaw khäla dä dukhah khin. 18Suh tongei khäl ni khäl isik khaw a thäneyah hmawna. 19Iyaäm äi khaw a dukhah mäiyeih saw huih Hnadaga la luhdül bisaw täh känäng tu täh siyäng ha mäi hawmah awlaw äi pänäng ha mäiti hnawh. 20Boi la dä äi khin khäl hleu sawkah khaw hngat ha heng thaw hnawh u saw. Äini Boi la eheh leisaw khrawng khäl koong Hnadaga la äi khin khäl ehleu pek khäh. 21Äi khaw a hngat la ha nangnih a anang tak khaw, ‘So, Mesaya niya dä ting,’ yumeiyei chu. 22Iyaäm Mesaya la Hnadaga sidawng hiyawktih khäl huih po ei ula awbawng nawmaw nawkaih saw hmat ini bi ei. Hnadaga la eheh leisaw khrawng khäla ini khrameyeih saw ini sotai. 23Äini sidih äng dä mäi bäichu. Kei äi khäl thänei khawngah ayang khaw thouh nangnih a kanang tak lawk khäh.
Luhchaw chaw olo al khaw a thäneyeih saw khrang
Mathi 24:29-31; Luk 21:25-28
24“Äini dukhah khin päih pänäng khoni hiyungai, khraw ha wa ti thaw hnawh,#Aijaya 13:10; 34:4; Joel 2:10; Amos 8:9 25asĕ khäl ha hawn känäng kraw chakai awlaw khoni, khraw, asĕ kheni hlünei chakai. 26Äi khaw a khrawng khälla Luhchaw Chaw a tha la wachang äng khohiyung äng luhdül äng lo aih saw ini hmuh ai. 27Äi pänäng Hawn natchaw khäla te bala luhdül äng käh ätän tän la känäng ani la eheh leisaw khrawng khäla lumalai.
Khĕu thing kän choknawk khrang
Mathi 24:32-35; Luk 21:29-33
28“Khĕu thing so chula chok naw khäl. Khĕu thing bak khäl hnäuwal bala odong thok khaw a, nanyung khin lo tun ting nangnih nini hmawtai. 29Äi huih ni thäneyeih saw khäl nini hmuh khaw a Luhchaw Chaw kena lo däk, sät khäka bang lo däk ting nini yawkchu ai. 30Kei nangnih a lälä kanang tak tun, ni khäl hang hang thänei khaw a ha pochongak hnih ini hengaih pe saw dä. 31Hawn la luhdül äpäih yei, äini Kei käh kheu sawkbrat mäiyeih saw dä.
Hnüp la ikhin hngat la ha hmawt u
32“Äi hnüp la ikhin hngat la ha hmawt u. Hawn natchaw khälla bang hmawt u, Awchaw la ha hmawtah, Awpaw la jiji dä hmawt saw. 33Nangnih sidih äng mäi khäl awlaw khiyong chula mäi khäl, iyaäm itih khaw a äi khin lo ai äm nangnih hmawt chu. 34Awhngaw pre a chetaih tih khrawng huih dä äi khin nangnih khäka loaih saw. Im hlät bala chet khawngah ani la a hngasaw khäl kut äng ükütni awp chak hüt. Ani la üküt hngasaw a ni sin mawn hüt awlaw im chong tih a khiyong bala mäiyeih saw tak. 35Nangnih ha äi huih sidih äng mäi khäl. Iyaäm im mawh paw khoni kraw khina ei, awyawn chinga ei, akhon prak äng ei, ‘hiyah thän’ ongo a ei, itih khaw a loaih saw äm nangnih hmawt chu. 36Täk ting Ani lo al bala nini ip saw anang khomah pak. 37Ni nangnih a jiji kanang taksaw hiyah ükütni a kataksaw dä, khiyong chula mäi khäl.”
Àwon tá yàn lọ́wọ́lọ́wọ́ báyìí:
Mak 13: CSH
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 Bible Students Fellowship of Bangladesh
Mak 13
13
Hnadaga im khrak hmueyei
Mathi 24:1-2; Luk 21:5-6
1Yĕsu Hnadaga im känäng thokal tun khaw a, Ani käh hngat tebeih la Ani a tak, “Choktih o, so, lung len lung len la pawyeitih pawyeitih lung im.” 2Yĕsu la ani a tak, “Ä, nang äi elen elen lung im nuhmuh tun. Äini ni lung im äng käh lung, hngat la hngat khrung äng mäiti hnawh, ükütni khrah hmuyealaih saw dä.”
Dukhah khomhnüp koong sidih
Mathi 24:3-14; Luk 21:7-19
3Äi pänäng Yĕsu Hnadaga im krawnak hnih a käh Olip khuyung a om bala mäi hüt. Äi khaw a Pitol, Yakub, Yohan awlaw Endu la Ani a umuchaw äng ana hi, 4“Nang keinih a khrawng hawu pek, ni khäl iti khaw a thäneyeih saw äm? I hmat la hmu ungala äi khäl ihisaw a äthäneyeih saw ting kini hmawtaih saw äm?”
5Yĕsu la anih a tak, “Hngat la ha anang kramei hnäng ngah hmawna sidih äng mäi bäichu. 6Awbawng khrawng la kei ming jeyei ula ini lo ai. Anih la kei Mesaya ting ini hawuvai awlaw awbawng khrawng a anang krameyei. 7Nangnih jal kheu la khri äng payei saw jal kheu nini yawk khaw a ke ei chu, äi khäl thäneyeih saw dä äini äi khaw a ha äpäih hawm saw hiyah. 8Hngat japsaw awhngaw japsaw äng, presaw la presaw äng jal ini täkeyei. Ätän täna liuh lo ai awlaw ekenai. Ni dukhah khäl che hmutaw ini mäiyeyeih khaw a dukhah chah saw huih chah saw dä.”
9“Sidih äng mäi bäichu. Iyaäm khrawng khälla nangnih a hngawsaw khäl kut äng anang mawn sawkai awlaw Yudi ini lumeidün ima khrawnga bop dün jäi äng anang bop sawkai. Nangnih kei tebeih koong pre khiyuptih khäl awlaw mawng khäl hmawi mawh a nangnih Kei käh sawksi nini thäneyei. 10Äini täkchah sidawng pawi üküt yapsaw khäl khäka hawu pek hmueyei. 11Khrawng khälla nangnih a mawn ula tara düna anang chih khaw a i kini hawuvaih saw äm ting kongrah ai chu. Äi khaw a Hnadaga la nangnih lung äng i anang khawi äm äidä hawu bäichu, iyaäm äi khaw a nangnih hiyah, Asanh chang Khraw dä nangnih kaw känäng kräuvaih saw. 12Äi khaw a ata la awnawu a, awpaw la chaw a mawn sawk bala utuk sawkai. Chaw chuhnu khäl ini nu paw käh awhngaw phak ini mäiyei awlaw ini tuk sawkai. 13Kei koong khrawng kheni la anang hmu khih thaw hnawh u, äini ula ujumak chunei hnäng äm ani kiyawtalai.”
Ke se saw khin koong sidih kheu
Mathi 24:15-21; Luk 21:20-24
14Hnüpak nangnih nini hmuh ai, mäi tawnah saw laa#13:14 Ni a ‘mäi tawnah saw la’ hawu hmuei saw che Hnadaga im. keh se saw vawn la sahnah hmawna poh ai. Äi koong khrawng khälla äi la ini hläh alai.#Daniel 9:27; 11:31; 12:11 (Ni phawt tih khälla yawchu seh u!) “Äi khaw a Yudia a mäitih khäl khuyung a chen seh u. 15Im tĕh khrunga mäitih khrawng khäl chen khawngah vawn ini lawkeyalaih saw koong im duka wangalah seh u. 16Lai a bitih khälla ilh chaw lawkeyala ima krawnalah seh u. 17Äi khin che pungvawn mawh la chih o sämäichaw mäitih hmutaw khäla dä dukhah khin. 18Suh tongei khäl ni khäl isik khaw a thäneyah hmawna. 19Iyaäm äi khaw a dukhah mäiyeih saw huih Hnadaga la luhdül bisaw täh känäng tu täh siyäng ha mäi hawmah awlaw äi pänäng ha mäiti hnawh. 20Boi la dä äi khin khäl hleu sawkah khaw hngat ha heng thaw hnawh u saw. Äini Boi la eheh leisaw khrawng khäl koong Hnadaga la äi khin khäl ehleu pek khäh. 21Äi khaw a hngat la ha nangnih a anang tak khaw, ‘So, Mesaya niya dä ting,’ yumeiyei chu. 22Iyaäm Mesaya la Hnadaga sidawng hiyawktih khäl huih po ei ula awbawng nawmaw nawkaih saw hmat ini bi ei. Hnadaga la eheh leisaw khrawng khäla ini khrameyeih saw ini sotai. 23Äini sidih äng dä mäi bäichu. Kei äi khäl thänei khawngah ayang khaw thouh nangnih a kanang tak lawk khäh.
Luhchaw chaw olo al khaw a thäneyeih saw khrang
Mathi 24:29-31; Luk 21:25-28
24“Äini dukhah khin päih pänäng khoni hiyungai, khraw ha wa ti thaw hnawh,#Aijaya 13:10; 34:4; Joel 2:10; Amos 8:9 25asĕ khäl ha hawn känäng kraw chakai awlaw khoni, khraw, asĕ kheni hlünei chakai. 26Äi khaw a khrawng khälla Luhchaw Chaw a tha la wachang äng khohiyung äng luhdül äng lo aih saw ini hmuh ai. 27Äi pänäng Hawn natchaw khäla te bala luhdül äng käh ätän tän la känäng ani la eheh leisaw khrawng khäla lumalai.
Khĕu thing kän choknawk khrang
Mathi 24:32-35; Luk 21:29-33
28“Khĕu thing so chula chok naw khäl. Khĕu thing bak khäl hnäuwal bala odong thok khaw a, nanyung khin lo tun ting nangnih nini hmawtai. 29Äi huih ni thäneyeih saw khäl nini hmuh khaw a Luhchaw Chaw kena lo däk, sät khäka bang lo däk ting nini yawkchu ai. 30Kei nangnih a lälä kanang tak tun, ni khäl hang hang thänei khaw a ha pochongak hnih ini hengaih pe saw dä. 31Hawn la luhdül äpäih yei, äini Kei käh kheu sawkbrat mäiyeih saw dä.
Hnüp la ikhin hngat la ha hmawt u
32“Äi hnüp la ikhin hngat la ha hmawt u. Hawn natchaw khälla bang hmawt u, Awchaw la ha hmawtah, Awpaw la jiji dä hmawt saw. 33Nangnih sidih äng mäi khäl awlaw khiyong chula mäi khäl, iyaäm itih khaw a äi khin lo ai äm nangnih hmawt chu. 34Awhngaw pre a chetaih tih khrawng huih dä äi khin nangnih khäka loaih saw. Im hlät bala chet khawngah ani la a hngasaw khäl kut äng ükütni awp chak hüt. Ani la üküt hngasaw a ni sin mawn hüt awlaw im chong tih a khiyong bala mäiyeih saw tak. 35Nangnih ha äi huih sidih äng mäi khäl. Iyaäm im mawh paw khoni kraw khina ei, awyawn chinga ei, akhon prak äng ei, ‘hiyah thän’ ongo a ei, itih khaw a loaih saw äm nangnih hmawt chu. 36Täk ting Ani lo al bala nini ip saw anang khomah pak. 37Ni nangnih a jiji kanang taksaw hiyah ükütni a kataksaw dä, khiyong chula mäi khäl.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©️2025 Bible Students Fellowship of Bangladesh