လုကာကျမ်း 8
8
အခန်း (၈)
မျိုးကြဲသူပုံဥပမာ
1ကာလအနည်းငယ်ကြာသော် အီစာသည်မြို့ရွာများကိုဖြတ်သွားလျက် အလ္လာဟ်အရှင်မြတ်၏နိုင်ငံတော်နှင့်ပတ်သက်သော သတင်းကောင်းကိုဟောပြောတော်မူ၏။ တစ်ဆယ့်နှစ်ပါးသော “ဆွာဟာဗီ” တပည့်တော်တို့သည် အီစာနှင့်အတူလိုက်ပါလာကြ၏။ 2ထိုသို့သွားရာ၌ အနာရောဂါနှင့် ညစ်ညမ်းသော “ဂျင်န်” နတ်ဆိုး မကောင်းဆိုးဝါး ပူးကပ်ခြင်းမှ ကင်းလွတ်စေခဲ့သော အမျိုးသမီးအချို့လည်း အီစာနှင့်အတူလိုက်ပါလာကြ၏။ ထိုသူတို့အနက် ညစ်ညမ်းသော “ဂျင်န်” နတ်ဆိုးခုနှစ်ကောင်စွန့်ခွာသွားသော မာဂဒလမြို့သူမရ်ယာမ်၊ 3ဟေရုဒ်မင်း၏အမှုထမ်းဖြစ်သူခုဇ၏ဇနီး ယိုအန္နနှင့်ရှုရှန္နတို့သည်လည်း ပါဝင်ကြသည်။ ဤအမျိုးသမီးများသည် မိမိတို့စရိတ်ဖြင့်အီစာနှင့် “ဆွာဟာ” ဗီတပည့်တော်တို့အား လုပ်ကျွေးသမှုပြုကြလေသည်။
4အမြို့မြို့မှလာကြသော များစွာသောလူအပေါင်းတို့သည် အထံတော်သို့လာ၍ စုရုံးလျက်နေကြသောအခါ အီစာသည်ထိုသူတို့အား ပုံဥပမာတစ်ခုဖြင့် မိန့်တော်မူသည်မှာ 5“မျိုးကြဲသူတစ်ဦးသည် မျိုးကြဲရန်ထွက်သွား၏။ မျိုးကြဲသောအခါအချို့မျိုးစေ့များသည် လမ်းတွင်ကျ၏။ ထိုမျိုးစေ့တို့ကိုလူများနင်း၍ ငှက်များကောက်စားကြ၏။ 6အချို့မျိုးစေ့များသည် ကျောက်မြေပေါ်တွင်ကျ၏။ အပင်ပေါက်လာသောအခါ အစိုဓာတ်မရှိသောကြောင့်ညှိုးနွမ်းခြောက်သွေ့ကုန်၏။ 7အချို့မျိုးစေ့များသည်ဆူးချုံပုဒ်များတွင်ကျ၏။ ဆူးချုံပုဒ်များသည်အပင်ငယ်များနှင့်အတူကြီးထွားလာပြီးလျှင် ထိုအပင်ငယ်တို့ကိုလွှမ်းမိုးသွား၏။ 8အချို့မျိုးစေ့များကား ကောင်းသောမြေတွင်ကျသဖြင့် အပင်ပေါက်၍ အစေ့အဆံအဆတစ်ရာ သီးနှံများကိုဖြစ်ပွားစေ၏” ဟုမိန့်တော်မူ၏။
ထိုနောက် “ကြားတတ်သောနားရှိသူတို့ကြားကြကုန်လော့” ဟု ကြွေးကြော်တော်မူ၏။
9ကိုယ်တော်အီစာ၏ “ဆွာဟာဗီ” တို့သည် ဤပုံဥပမာ၏အနက်အဓိပ္ပာယ်ကို သူ့အားမေးလျှောက်ကြ၏။ 10ထိုအခါ အီစာက “သင်တို့သည် အလ္လာဟ်အရှင်မြတ်သခင်၏နိုင်ငံတော်၏ နက်နဲသောအရာများကို နားလည်သဘောပေါက်ခြင်းကို ပေးတော်မူသော်လည်း၊
ကြည့်သော်လည်း မမြင်၊
ကြားသော်လည်း နားမလည်နိုင်ကြသည့်အတွက်
အခြားသူတို့အား#8:10 အခြားသူတို့အား ကိတာဘွလ်မုကာဒဲစ်မှ ဟေရှာယ၊ ၆: ၉ ကိုကြည့်ပါ။ ပုံဥပမာများဖြင့် ပြောပြကြကုန်၏” ဟုမိန့်ဆိုလေ၏။
11ထိုပုံဥပမာ၏အနက်အဓိပ္ပာယ်ကားဤသို့တည်း။ “မျိုးစေ့သည်အလ္လာဟ်အရှင်မြတ်၏ နှုတ်ထွက်တရားစကားတော်ကိုဆိုလို၏။ 12လမ်းတွင်ကျသည့်မျိုးစေ့သည်ကား၊ တရားစကားတော်ကိုကြားသူများကိုဆိုလို၏။ သို့သော်လည်း ယုံကြည်ခြင်းနှင့် ကယ်တင်ခြင်းသို့ မရောက်စေရန် ‘အီဗ်လီရှ်’ စေတာန်သည် လာ၍သူ၏စိတ်နှလုံးထဲမှ ထိုတရားစကားကို နုတ်ယူလေ၏။ 13ကျောက်မြေတွင်ကျသည့်မျိုးစေ့သည် တရားစကားတော်ကိုကြားသောအခါ ဝမ်းမြောက်စွာခံယူသူများကိုဆိုလိုသည်။ သို့ရာတွင်သူတို့၏စိတ်နှလုံးတွင်တရားစကားတော်သည်အမြစ်မစွဲ။ ကာလအနည်းငယ်သာယုံကြည်သဖြင့် စုံစမ်းနှောင့်ယှက်ခြင်းကိုခံရသောအခါ သူတို့သည်ဖောက်ပြန်သူများဖြစ်ကြ၏။ 14ဆူးချုံပုဒ်များတွင်ကျသည့်မျိုးစေ့မှာ တရားစကားတော်ကိုကြားသော်လည်း သူတို့၏စိုးရိမ်ပူပန်ခြင်း၊ ချမ်းသာကြွယ်ဝခြင်း၊ အပျော်အပါးလိုက်စားခြင်းတို့သည် ကြီးတွာခြင်းကိုပိတ်ဆိုးသဖြင့် အသီးမသီးနိုင်သောသူတို့ကိုဆိုလို၏။ 15ကောင်းသောမြေ၌ ကျသည့်မျိုးစေ့မှာ တရားစကားကို ကြားသောအခါ စစ်မှန်ကောင်းမွန်သောစိတ်နှလုံးနှင့် စွဲမြဲစွာခံယူ၍ အစဉ်မပြတ် အသီးသီးသောသူကိုဆိုလို၏”။
တောင်းဖြင့်အုပ်ထားသောမီးအိမ်
(မာကု၊ ၄:၂၁-၂၅)
16“မီးအိမ်ကိုထွန်းပြီးလျှင် တောင်းဖြင့်အုပ်ထားခြင်းသို့မဟုတ် ခုတင်အောက်မှာထားခြင်းကို အဘယ်သူမျှမပြုတတ်။ အခန်းထဲသို့ဝင်လာသူများအလင်းကိုမြင်စေရန် မီးအိမ်ကိုခုံပေါ်မှာသာတင်ထားတတ်ကြ၏။ 17ရှာ၍ မတွေ့နိုင်အောင် ကွယ်ဝှက်ထားနိုင်သည့်အရာဟူသည်မရှိ၊ မသိနိုင်အောင်ထားနိုင်သည့် လျှို့ဝှက်ချက်ဟူ၍လည်းမရှိတတ်။ 18သို့ဖြစ်၍ သင်တို့မည်သို့မည်ပုံကြားနာသည်ကိုသတိပြုကြလော့။ တစ်စုံတစ်ခုရှိသောသူအား ထပ်၍ပေးလိမ့်မည်။ မရှိသူထံမှရှိသည်ဟုထင်ရသောအရာရှိသမျှကိုပင် သိမ်းယူလိမ့်မည်” ဟု မိန့်တော်မူ၏။
ဟဇရသ်အီစာ၏မယ်တော်နှင့်ညီတော်များ
(မဿဲ၊ ၁၂:၄၆-၅၀။ မာကု၊ ၃:၃၁-၃၅)
19ထို့နောက် ဟဇရသ်အီစာ၏မယ်တော်နှင့်ညီတော်များသည် အထံတော်သို့လာကြ၏။ သို့ရာတွင်လူပရိသတ်ကြောင့် သူတို့သည် အီစာ၏အနားသို့မရောက်နိုင်ကြ။ 20လူတစ်ဦးက ကိုယ်တော်အား “ကိုယ်တော်၏မယ်တော်နှင့်ညီတော်များသည်ကိုယ်တော့်ကိုတွေ့လိုသဖြင့် အပြင်တွင်ရပ်နေကြပါသည်” ဟု လျှောက်လေ၏။
21ထိုအခါအီစာက “အလ္လာဟ်အရှင်မြတ်၏နှုတ်ထွက်တရားစကားတော်ကိုကြား၍ လိုက်နာဆောင်ရွက်သောသူတို့ကား ငါ၏အမိ၊ ငါ၏ညီများပေတည်း” ဟု မိန့်တော်မူ၏။
လေမုန်တိုင်းကိုငြိမ်းစေတော်မူခြင်း
(မဿဲ၊ ၈:၂၃-၂၇။ မာကု၊ ၄:၃၅-၄၁)
22တစ်နေ့သ၌ ဟဇရသ်အီစာနှင့် “ဆွာဟာဗီ” တပည့်တော်တို့သည် လှေပေါ်ကိုတက်ကြ၏။ ထိုနောက်အီစာက “အိုင်တစ်ဖက်ကိုကူးကြစို့” ဟုမိန့်တော်မူသဖြင့် “ဆွာဟာဗီ” တို့သည် ရွက်လွှင့်ကြ၏။ 23ထိုသို့ရွက်လွှင့်ကြစဉ် အီစာသည် အိပ်စက်လျက်နေတော်မူ၏။ ထိုအချိန်၌ အိုင်ထဲတွင်လေမုန်တိုင်းကျသဖြင့် လှေသည်ရေနှင့်ပြည့်လုမတတ်ရှိလေ၏။ “ဆွာဟာဗီ” တို့သည် ရေနစ်မည့်ဘေးနှင့် တွေ့ကြုံရကြ၏။
24ထိုအခါသူတို့သည် အီစာကိုနှိုးပြီးလျှင် “ဆရာ၊ ဆရာ၊ အကျွန်ုပ်တို့သေကြပါတော့မည်” ဟု ဆိုကြ၏။
အီစာသည် အိပ်စက်ရာကထတော်မူ၍ လေပြင်းမုန်တိုင်းနှင့် လှိုင်းလုံးကြီးများကိုရပ်တန့်သွားရန် အမိန့်ပေးတော်မူသဖြင့် လေပြင်းမုန်တိုင်းနှင့်လှိုင်းလုံးကြီးများသည် ငြိမ်သက်သွားလေ၏။ 25အီစာက “သင်တို့သည် ‘အီမာန်’ ယုံကြည်ခြင်းသည်အဘယ်မှာနည်း” ဟု “ဆွာဟာဗီ” တို့အားမေးတော်မူ၏။
“ဆွာဟာဗီ” တို့သည် ကြောက်ရွံ့အံ့ဩလျက် “ဤသူကားအဘယ်သူနည်း။ လေနှင့်ရေကိုပင်အမိန့်ပေး၍ သူတို့သည် လိုက်နာကြပါသည်တကား” ဟု အချင်းချင်းပြောဆိုကြ၏။
ဂျင်န်ဆိုးကိုနှင်ထုတ်တော်မူခြင်း
(မဿဲ၊ ၈:၂၈-၃၄။ မာကု၊ ၅:၁-၂၀)
26အီစာနှင့် “ဆွာဟာဗီ” တပည့်တော်တို့သည် ဂါရစနယ်သို့ရွက်လွှင့်ကြ၏။ ဂါရစနယ်သည် ဂါလိလဲပြည်အိုင်တစ်ဖက်ကမ်းတွင်ရှိ၏။ 27အီစာသည် ကမ်းပေါ်သို့တက်သောအခါ မြို့သားတစ်ဦးသည် အီစာကိုလာရောက်တွေ့ဆုံ၏။ ထိုသူ့ကို ညစ်ညမ်းသော “ဂျင်န်” နတ်ဆိုးပူးကပ်နေသည်မှာ ကာလကြာလေပြီ။ သူသည်အဝတ်ကိုမဝတ်၊ အိမ်တွင်လည်းမနေ၊ “ကဗရ်စတားန်” သင်္ချိုင်းများတွင်သာ လှည့်လည်နေထိုင်လေနေ၏။ 28ဟဇရသ်အီစာကိုမြင်လျှင်သူသည် အော်ဟစ်ပြီးလျှင် ရှေ့တော်မှာပျပ်ဝပ်လျက် “အမြင့်မြတ်ဆုံးသော အလ္လာဟ်အရှင်မြတ်၏သားတော်အီစာ ကျွန်ုပ်ထံမှမည်သည်ကိုအလိုရှိပါသနည်း၊ သင်သည်အကျွန်ုပ်အားညှဉ်းဆဲတော်မမူပါနှင့်” ဟု အော်ဟစ်၍လျှောက်ထား၏။ 29ထိုသို့လျှောက်ထားရသည့်အကြောင်းမှာ အီစာသည်ညစ်ညမ်းသော ညစ်ညမ်းသော “ဂျင်န်” နတ်ဆိုးအားထိုသူ၏အထဲမှထွက်ခဲ့ရန် အမိန့်ပေးလိုက်သောကြောင့်ဖြစ်၏။ ညစ်ညမ်းသော “ဂျင်န်” နတ်ဆိုးသည်ထိုသူကိုကြိမ်ဖန်များစွာပူးကပ်ခဲ့၏။ သူ၏ခြေလက်တို့ကိုသံကြိုးများဖြင့် ချည်နှောင်ဖမ်းချုပ်ပြီး စောင့်ကြပ်ထားသော်လည်း သူသည်သံကြိုးများကို ချိုးဖြတ်၍ ညစ်ညမ်းသော “ဂျင်န်” နတ်ဆိုးသည် သူ့ကိုတောကန္တာရသို့နှင်ထုတ်တတ်၏။
30ဟဇရသ်အီစာက ထိုသူအား “သင်၏အမည် မည်သို့ခေါ်သနည်း” ဟု မေးတော်မူ၏။
ထိုသူအထဲ၌ ညစ်ညမ်းသော “ဂျင်န်” နတ်ဆိုးမြောက်များစွာ ပူးကပ်ထားသောကြောင့် ထိုသူက “အကျွန်ုပ်၏အမည်မှာလေဂေါင်#8:30 လေဂေါင်ဟူသောစကားလုံးသည် ရောမစစ်တပ်တွင် အကြီးဆုံးတပ်သားများကို ရည်ညွှန်းသည်။ တပ်သားတစ်ထောင်မှ ခြောက်ထောင်ကြားရှိသည်။ ဖြစ်ပါသည်” ဟု ပြန်၍လျှောက်၏။ 31ထို “ဂျင်န်” နတ်ဆိုးတို့သည် မိမိတို့ကို အပြစ်ပေးသည့်တွင်းနက်ကြီးထဲသို့မပို့ရန် ကိုယ်တော်အီစာအား မပြတ်တောင်းပန်ကြ၏။
32ထိုအချိန်၌ ဝက်အုပ်ကြီးတစ်အုပ်သည် တောင်ကုန်းပေါ်တွင် ကျက်စားလျက်ရှိ၏။ ညစ်ညမ်းသော “ဂျင်န်” နတ်ဆိုးများသည် ထိုဝက်များထဲသို့ဝင်ပူးခွင့်ပြုရန်ကိုယ်တော်အား တောင်းပန်ကြသဖြင့် ကိုယ်တော်ကလည်း သူတို့ကိုခွင့်ပြုပေးတော်မူ၏။ 33ထို့ကြောင့် ညစ်ညမ်းသော “ဂျင်န်” နတ်ဆိုးတို့သည် ထိုလူထံမှထွက်၍ ဝက်အုပ်ကြီးတစ်အုပ်သည်ထဲသို့ ဝင်ပူးကြပြီးနောက် ဝက်အုပ်ကြီးတစ်အုပ်လုံးသည် မတ်စောက်သောကမ်းပါးမှရေအိုင်ထဲသို့ တစ်ဟုန်ထိုးပြေးဆင်းကာ ရေနစ်သွားကြလေတော့၏။
34ဝက်ကျောင်းသောသူတို့သည် ဖြစ်ပျက်ခဲ့သည့်အရာများကိုမြင်သောအခါ ပြေး၍ မြို့ရွာတို့တွင် ပြောပြကြ၏။ 35လူတို့သည်ထိုအဖြစ်အပျက်ကို ကြည့်ရန်လာကြ၏။ ဟဇရသ်အီစာ၏ထံတော်သို့ရောက်ကြသော် ညစ်ညမ်းသော “ဂျင်န်” နတ်ဆိုးများစွန့်ခွာသွားသောသူသည် အဝတ်ဝတ်လျက် ဟဇရသ်အီစာ၏ခြေတော်ရင်းမှာ အကောင်းပကတိ ထိုင်လျက်နေသည်ကိုမြင်ကြလျှင် ကြောက်ရွံ့ကြ၏။ 36ထိုအဖြစ်အပျက်ကို ကိုယ်တိုင် တွေ့မြင်ခဲ့ကြသောသူအားလုံးက ညစ်ညမ်းသော ညစ်ညမ်းသော “ဂျင်န်” နတ်ဆိုးပူးခံရသူသည် ကာကွယ်ပေးခြင်းအားဖြင့် မည်သို့ကျန်းမာလာသည်ကို ပြောပြကြ၏။ 37ထိုအခါ ဂါရစနယ်မှလူအပေါင်းတို့သည် လွန်စွာကြောက်လန့်ကြသဖြင့် မိမိတို့အရပ်မှထွက်ခွာသွားတော်မူပါရန် အီစာအားတောင်းပန်ကြ၏။ သို့ဖြစ်၍အီစာသည်လှေပေါ်သို့တက်၍ ပြန်သွားတော်မူ၏။
38ညစ်ညမ်းသော “ဂျင်န်” နတ်ဆိုးစွန့်ခွာသွားသောသူသည်လည်း အီစာနှင့်အတူ လိုက်ပါခွင့်ပြုရန်တောင်းပန်၏။ သို့သော်အီစာသည် သူ့ကိုပြန်လွှတ်တော်မူ၍၊ 39“သင့်အိမ်သို့ ပြန်သွားပြီး အလ္လာဟ်အရှင်မြတ်သခင်သည် သင့်အတွက် ကြီးမြတ်သောအရာများကို မည်ကဲ့သို့ ပြုတော်မူကြောင်း လူတို့အား” ပြောပြပါ။ သူထွက်သွားပြီး အီစာသည် ကျွန်ုပ်အတွက် ကြီးကျယ်သောအမှုအရာများကို မည်သို့ပြုတော်မူကြောင်းကို တစ်မြို့လုံးတွင် စတင်ပြောဆိုခဲ့သည်။
ယာအိရု၏သမီးနှင့်အီစာ၏ဝတ်ရုံတော်ကိုထိသောအမျိုးသမီး
(မဿဲ၊ ၉:၁၈-၂၆။ မာကု၊ ၅:၂၁-၄၃)
40ဟဇရသ်အီစာသည် ဂါလိလဲအိုင်တစ်ဖက်သို့ ပြန်လည်ကြွလာတော်မူသောအခါ လူပရိသတ်တို့သည် ခရီးဦးကြိုပြုကြ၏။ အဘယ်ကြောင့်ဆိုသော် သူတို့သည်အီစာကို စောင့်မျှော်နေကြသောကြောင့်ဖြစ်၏။
41ထိုအခါ ယာအိရုဆိုသူသည် အထံတော်သို့ရောက်လာ၏။ သူသည်ဝတ်ကျောင်းတော် အုပ်ချုပ်ရေးမှူးဖြစ်၏။ အီစာ၏ခြေတော်ရင်းမှာပျပ်ဝပ်ကာ သူ၏အိမ်သို့ကြွတော်မူရန် အီစာအားတောင်းပန်၏။ 42ဤသို့တောင်းပန်ရသည့်အကြောင်းမှာ သူ၏တစ်ဦးတည်းသော တစ်ဆယ့်နှစ်နှစ်အရွယ်သမီးသည် သေအံ့ဆဲဆဲရှိနေသောကြောင့်ဖြစ်သည်။
အီစာသည် သူနှင့်အတူလိုက်သွားသောအခါ လူအပေါင်းတို့သည်အီစာကို တိုးဝှေ့မိကြ၏။ 43ထိုအချိန်၌ အမျိုးသမီးတစ်ယောက်သည် တစ်ဆယ့်နှစ်နှစ်ပတ်လုံးသွေးသွန်ရောဂါစွဲကပ်ခဲ့၏။#8:43 သွေးသွန်နာစွဲသောအမျိုးသမီးသည် ဘာသာရေးဓလေ့ထုံးစံအရ မသန့်ရှင်းသောသူဖြစ်သည်။ မိမိတွင်ရှိသမျှငွေကြေးများကို အကုန်ခံ၍ ဆေးဆရာများနှင့်ကုသသော်လည်း မည်သည့်ဆေးဆရာမျှ ရောဂါကိုမပျောက်စေနိုင်။ 44ထိုအမျိုးသမီးသည် အီစာ၏နောက်ကကပ်လိုက်လျက် ကိုယ်တော်၏ဝတ်ရုံတော်ပန်းဖွားကို လက်ဖြင့်တို့ထိလေ၏။ ထိုခဏ၌သွေးသွန်နာရောဂါမှပျောက်ကင်းသွားလေ၏။
45ဟဇရသ်အီစာက “ငါ့ကိုအဘယ်သူတို့ထိသနည်း” ဟု မေးမြန်းတော်မူ၏။ လူအပေါင်းတို့ကမိမိတို့မတို့မထိရကြကြောင်းငြင်းဆိုကြသောအခါ ပေတရု#8:45 အချို့သောစာမူများတွင် ပေတရုနှင့် သူနှင့်အတူရှိသူများ၊ ရုနှင့်အပေါင်းအဖော်တို့က “ဆရာ၊ လူပရိသတ်တို့သည်ဆရာကိုဝန်းရံ၍တိုးဝှေ့နေကြပါ၏” ဟုလျှောက်ထားလေ၏။
46သို့ရာတွင် ဟဇရသ်အီစာက “တစ်စုံတစ်ယောက်သောသူသည် ငါ့ကိုထိလေ၏။ ငါ၏ကိုယ်မှတန်ခိုးထွက်သွားသည်ကိုငါသိ၏” ဟု မိန့်တော်မူ၏။
47အမျိုးသမီးသည် မိမိပုန်းရှောင်၍မရနိုင်ကြောင်းသိရှိသောအခါ တုန်လှုပ်လျက် ရှေ့တော်သို့လာ၍ ပျပ်ဝပ်၏။ ထိုနောက်အီစာအား အဘယ်ကြောင့်တို့ထိရသည့်အကြောင်းကိုလည်းကောင်း၊ ချက်ချင်းပင် မိမိ၏ရောဂါပျောက်ကင်းသွားကြောင်းကိုလည်းကောင်း လူအပေါင်းတို့၏ရှေ့တွင်လျှောက်၏။ 48အီစာက “ငါ့သမီး၊ သင်၏ ‘အီမာန်’ ယုံကြည်ခြင်းသည် သင့်ကိုကယ်တင်၍ကျန်းမာစေပြီ။ ငြိမ်းချမ်းစွာသွားလော့” ဟု မိန့်တော်မူ၏။
49ယင်းသို့ အီစာမိန့်တော်မူနေစဉ် ဝတ်ကျောင်းတော်အုပ်ချုပ်ရေးမှူး၏အိမ်မှ လူတစ်ယောက်ရောက်လာ၏။ “သင်၏သမီး အလ္လာဟ်အရှင်မြတ်အမိန့်တော်ခံယူသွားပါပြီ။ ဆရာသခင်ကိုမနှောင့်ယှက်ပါတော့နှင့်” ဟုပြောလေ၏။
50ထိုစကားကို ဟဇရသ်အီစာကြားတော်မူလျှင် ဝတ်ကျောင်းတော်ပ်ချုပ်ရေးမှူးအား “မစိုးရိမ်နှင့် ‘ယုံကြည်’ ခြင်းသာရှိစေလော့။ သင်၏သမီးသည်ကျန်းမာလာလိမ့်မည်” ဟု မိန့်တော်မူ၏။
51အီစာသည် ဝတ်ကျောင်းတော်အုပ်ချုပ်ရေးမှူး၏အိမ်သို့ဝင်သောအခါ သူသည်ပေတရု၊ ယအ်ကူးဗ်၊ “ယာဟ်ယာ” ယောဟန်နှင့်မိန်းကလေး၏မိဘများမှတစ်ပါး မည်သူကိုမျှမိမိနှင့်အတူဝင်စေတော်မမူ။ 52မိန်းကလေးသေသည့်အတွက် လူအပေါင်းတို့သည် ငိုကြွေးမြည်တမ်းလျက်နေကြ၏။ အီစာက “မငိုကြွေးကြနှင့်။ မိန်းကလေးသေသည်မဟုတ်၊ အိပ်လျက်နေ၏” ဟု မိန့်တော်မူ၏။
53ထိုအခါလူတို့သည် မိန်းကလေးသေဆုံးပြီးကြောင်းကိုသိသဖြင့် အီစာကိုလှောင်ပြောင်ကြ၏။ 54အီစာသည် မိန်းကလေး၏လက်ကိုဆုပ်ကိုင်ကာ “ကလေးမ၊ ထလော့” ဟု မိန့်တော်မူ၏။ 55မိန်းကလေးသည် အသက်ပြန်ဝင်လာ၍ ချက်ချင်းပင်ထလေ၏။ ထို့နောက်အီစာသည်လည်း မိန်းကလေးအားအစားအစာတစ်ခုခုကျွေးရန်မိန့်မှာတော်မူ၏။ 56ထိုအခါ မိဘတို့သည်များစွာအံ့ဩကြ၏။ သို့ရာတွင်အီစာသည် ဤအဖြစ်အပျက်အကြောင်းကိုမည်သူကိုမျှ မပြောရန်သူတို့အားမိန့်မှာတော်မူ၏။
Àwon tá yàn lọ́wọ́lọ́wọ́ báyìí:
လုကာကျမ်း 8: MBe
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Musselmani Burmese Bible by Beyond Translation is licensed under Creative Commons Attribution-ShareAlike 4.0 License.
လုကာကျမ်း 8
8
အခန်း (၈)
မျိုးကြဲသူပုံဥပမာ
1ကာလအနည်းငယ်ကြာသော် အီစာသည်မြို့ရွာများကိုဖြတ်သွားလျက် အလ္လာဟ်အရှင်မြတ်၏နိုင်ငံတော်နှင့်ပတ်သက်သော သတင်းကောင်းကိုဟောပြောတော်မူ၏။ တစ်ဆယ့်နှစ်ပါးသော “ဆွာဟာဗီ” တပည့်တော်တို့သည် အီစာနှင့်အတူလိုက်ပါလာကြ၏။ 2ထိုသို့သွားရာ၌ အနာရောဂါနှင့် ညစ်ညမ်းသော “ဂျင်န်” နတ်ဆိုး မကောင်းဆိုးဝါး ပူးကပ်ခြင်းမှ ကင်းလွတ်စေခဲ့သော အမျိုးသမီးအချို့လည်း အီစာနှင့်အတူလိုက်ပါလာကြ၏။ ထိုသူတို့အနက် ညစ်ညမ်းသော “ဂျင်န်” နတ်ဆိုးခုနှစ်ကောင်စွန့်ခွာသွားသော မာဂဒလမြို့သူမရ်ယာမ်၊ 3ဟေရုဒ်မင်း၏အမှုထမ်းဖြစ်သူခုဇ၏ဇနီး ယိုအန္နနှင့်ရှုရှန္နတို့သည်လည်း ပါဝင်ကြသည်။ ဤအမျိုးသမီးများသည် မိမိတို့စရိတ်ဖြင့်အီစာနှင့် “ဆွာဟာ” ဗီတပည့်တော်တို့အား လုပ်ကျွေးသမှုပြုကြလေသည်။
4အမြို့မြို့မှလာကြသော များစွာသောလူအပေါင်းတို့သည် အထံတော်သို့လာ၍ စုရုံးလျက်နေကြသောအခါ အီစာသည်ထိုသူတို့အား ပုံဥပမာတစ်ခုဖြင့် မိန့်တော်မူသည်မှာ 5“မျိုးကြဲသူတစ်ဦးသည် မျိုးကြဲရန်ထွက်သွား၏။ မျိုးကြဲသောအခါအချို့မျိုးစေ့များသည် လမ်းတွင်ကျ၏။ ထိုမျိုးစေ့တို့ကိုလူများနင်း၍ ငှက်များကောက်စားကြ၏။ 6အချို့မျိုးစေ့များသည် ကျောက်မြေပေါ်တွင်ကျ၏။ အပင်ပေါက်လာသောအခါ အစိုဓာတ်မရှိသောကြောင့်ညှိုးနွမ်းခြောက်သွေ့ကုန်၏။ 7အချို့မျိုးစေ့များသည်ဆူးချုံပုဒ်များတွင်ကျ၏။ ဆူးချုံပုဒ်များသည်အပင်ငယ်များနှင့်အတူကြီးထွားလာပြီးလျှင် ထိုအပင်ငယ်တို့ကိုလွှမ်းမိုးသွား၏။ 8အချို့မျိုးစေ့များကား ကောင်းသောမြေတွင်ကျသဖြင့် အပင်ပေါက်၍ အစေ့အဆံအဆတစ်ရာ သီးနှံများကိုဖြစ်ပွားစေ၏” ဟုမိန့်တော်မူ၏။
ထိုနောက် “ကြားတတ်သောနားရှိသူတို့ကြားကြကုန်လော့” ဟု ကြွေးကြော်တော်မူ၏။
9ကိုယ်တော်အီစာ၏ “ဆွာဟာဗီ” တို့သည် ဤပုံဥပမာ၏အနက်အဓိပ္ပာယ်ကို သူ့အားမေးလျှောက်ကြ၏။ 10ထိုအခါ အီစာက “သင်တို့သည် အလ္လာဟ်အရှင်မြတ်သခင်၏နိုင်ငံတော်၏ နက်နဲသောအရာများကို နားလည်သဘောပေါက်ခြင်းကို ပေးတော်မူသော်လည်း၊
ကြည့်သော်လည်း မမြင်၊
ကြားသော်လည်း နားမလည်နိုင်ကြသည့်အတွက်
အခြားသူတို့အား#8:10 အခြားသူတို့အား ကိတာဘွလ်မုကာဒဲစ်မှ ဟေရှာယ၊ ၆: ၉ ကိုကြည့်ပါ။ ပုံဥပမာများဖြင့် ပြောပြကြကုန်၏” ဟုမိန့်ဆိုလေ၏။
11ထိုပုံဥပမာ၏အနက်အဓိပ္ပာယ်ကားဤသို့တည်း။ “မျိုးစေ့သည်အလ္လာဟ်အရှင်မြတ်၏ နှုတ်ထွက်တရားစကားတော်ကိုဆိုလို၏။ 12လမ်းတွင်ကျသည့်မျိုးစေ့သည်ကား၊ တရားစကားတော်ကိုကြားသူများကိုဆိုလို၏။ သို့သော်လည်း ယုံကြည်ခြင်းနှင့် ကယ်တင်ခြင်းသို့ မရောက်စေရန် ‘အီဗ်လီရှ်’ စေတာန်သည် လာ၍သူ၏စိတ်နှလုံးထဲမှ ထိုတရားစကားကို နုတ်ယူလေ၏။ 13ကျောက်မြေတွင်ကျသည့်မျိုးစေ့သည် တရားစကားတော်ကိုကြားသောအခါ ဝမ်းမြောက်စွာခံယူသူများကိုဆိုလိုသည်။ သို့ရာတွင်သူတို့၏စိတ်နှလုံးတွင်တရားစကားတော်သည်အမြစ်မစွဲ။ ကာလအနည်းငယ်သာယုံကြည်သဖြင့် စုံစမ်းနှောင့်ယှက်ခြင်းကိုခံရသောအခါ သူတို့သည်ဖောက်ပြန်သူများဖြစ်ကြ၏။ 14ဆူးချုံပုဒ်များတွင်ကျသည့်မျိုးစေ့မှာ တရားစကားတော်ကိုကြားသော်လည်း သူတို့၏စိုးရိမ်ပူပန်ခြင်း၊ ချမ်းသာကြွယ်ဝခြင်း၊ အပျော်အပါးလိုက်စားခြင်းတို့သည် ကြီးတွာခြင်းကိုပိတ်ဆိုးသဖြင့် အသီးမသီးနိုင်သောသူတို့ကိုဆိုလို၏။ 15ကောင်းသောမြေ၌ ကျသည့်မျိုးစေ့မှာ တရားစကားကို ကြားသောအခါ စစ်မှန်ကောင်းမွန်သောစိတ်နှလုံးနှင့် စွဲမြဲစွာခံယူ၍ အစဉ်မပြတ် အသီးသီးသောသူကိုဆိုလို၏”။
တောင်းဖြင့်အုပ်ထားသောမီးအိမ်
(မာကု၊ ၄:၂၁-၂၅)
16“မီးအိမ်ကိုထွန်းပြီးလျှင် တောင်းဖြင့်အုပ်ထားခြင်းသို့မဟုတ် ခုတင်အောက်မှာထားခြင်းကို အဘယ်သူမျှမပြုတတ်။ အခန်းထဲသို့ဝင်လာသူများအလင်းကိုမြင်စေရန် မီးအိမ်ကိုခုံပေါ်မှာသာတင်ထားတတ်ကြ၏။ 17ရှာ၍ မတွေ့နိုင်အောင် ကွယ်ဝှက်ထားနိုင်သည့်အရာဟူသည်မရှိ၊ မသိနိုင်အောင်ထားနိုင်သည့် လျှို့ဝှက်ချက်ဟူ၍လည်းမရှိတတ်။ 18သို့ဖြစ်၍ သင်တို့မည်သို့မည်ပုံကြားနာသည်ကိုသတိပြုကြလော့။ တစ်စုံတစ်ခုရှိသောသူအား ထပ်၍ပေးလိမ့်မည်။ မရှိသူထံမှရှိသည်ဟုထင်ရသောအရာရှိသမျှကိုပင် သိမ်းယူလိမ့်မည်” ဟု မိန့်တော်မူ၏။
ဟဇရသ်အီစာ၏မယ်တော်နှင့်ညီတော်များ
(မဿဲ၊ ၁၂:၄၆-၅၀။ မာကု၊ ၃:၃၁-၃၅)
19ထို့နောက် ဟဇရသ်အီစာ၏မယ်တော်နှင့်ညီတော်များသည် အထံတော်သို့လာကြ၏။ သို့ရာတွင်လူပရိသတ်ကြောင့် သူတို့သည် အီစာ၏အနားသို့မရောက်နိုင်ကြ။ 20လူတစ်ဦးက ကိုယ်တော်အား “ကိုယ်တော်၏မယ်တော်နှင့်ညီတော်များသည်ကိုယ်တော့်ကိုတွေ့လိုသဖြင့် အပြင်တွင်ရပ်နေကြပါသည်” ဟု လျှောက်လေ၏။
21ထိုအခါအီစာက “အလ္လာဟ်အရှင်မြတ်၏နှုတ်ထွက်တရားစကားတော်ကိုကြား၍ လိုက်နာဆောင်ရွက်သောသူတို့ကား ငါ၏အမိ၊ ငါ၏ညီများပေတည်း” ဟု မိန့်တော်မူ၏။
လေမုန်တိုင်းကိုငြိမ်းစေတော်မူခြင်း
(မဿဲ၊ ၈:၂၃-၂၇။ မာကု၊ ၄:၃၅-၄၁)
22တစ်နေ့သ၌ ဟဇရသ်အီစာနှင့် “ဆွာဟာဗီ” တပည့်တော်တို့သည် လှေပေါ်ကိုတက်ကြ၏။ ထိုနောက်အီစာက “အိုင်တစ်ဖက်ကိုကူးကြစို့” ဟုမိန့်တော်မူသဖြင့် “ဆွာဟာဗီ” တို့သည် ရွက်လွှင့်ကြ၏။ 23ထိုသို့ရွက်လွှင့်ကြစဉ် အီစာသည် အိပ်စက်လျက်နေတော်မူ၏။ ထိုအချိန်၌ အိုင်ထဲတွင်လေမုန်တိုင်းကျသဖြင့် လှေသည်ရေနှင့်ပြည့်လုမတတ်ရှိလေ၏။ “ဆွာဟာဗီ” တို့သည် ရေနစ်မည့်ဘေးနှင့် တွေ့ကြုံရကြ၏။
24ထိုအခါသူတို့သည် အီစာကိုနှိုးပြီးလျှင် “ဆရာ၊ ဆရာ၊ အကျွန်ုပ်တို့သေကြပါတော့မည်” ဟု ဆိုကြ၏။
အီစာသည် အိပ်စက်ရာကထတော်မူ၍ လေပြင်းမုန်တိုင်းနှင့် လှိုင်းလုံးကြီးများကိုရပ်တန့်သွားရန် အမိန့်ပေးတော်မူသဖြင့် လေပြင်းမုန်တိုင်းနှင့်လှိုင်းလုံးကြီးများသည် ငြိမ်သက်သွားလေ၏။ 25အီစာက “သင်တို့သည် ‘အီမာန်’ ယုံကြည်ခြင်းသည်အဘယ်မှာနည်း” ဟု “ဆွာဟာဗီ” တို့အားမေးတော်မူ၏။
“ဆွာဟာဗီ” တို့သည် ကြောက်ရွံ့အံ့ဩလျက် “ဤသူကားအဘယ်သူနည်း။ လေနှင့်ရေကိုပင်အမိန့်ပေး၍ သူတို့သည် လိုက်နာကြပါသည်တကား” ဟု အချင်းချင်းပြောဆိုကြ၏။
ဂျင်န်ဆိုးကိုနှင်ထုတ်တော်မူခြင်း
(မဿဲ၊ ၈:၂၈-၃၄။ မာကု၊ ၅:၁-၂၀)
26အီစာနှင့် “ဆွာဟာဗီ” တပည့်တော်တို့သည် ဂါရစနယ်သို့ရွက်လွှင့်ကြ၏။ ဂါရစနယ်သည် ဂါလိလဲပြည်အိုင်တစ်ဖက်ကမ်းတွင်ရှိ၏။ 27အီစာသည် ကမ်းပေါ်သို့တက်သောအခါ မြို့သားတစ်ဦးသည် အီစာကိုလာရောက်တွေ့ဆုံ၏။ ထိုသူ့ကို ညစ်ညမ်းသော “ဂျင်န်” နတ်ဆိုးပူးကပ်နေသည်မှာ ကာလကြာလေပြီ။ သူသည်အဝတ်ကိုမဝတ်၊ အိမ်တွင်လည်းမနေ၊ “ကဗရ်စတားန်” သင်္ချိုင်းများတွင်သာ လှည့်လည်နေထိုင်လေနေ၏။ 28ဟဇရသ်အီစာကိုမြင်လျှင်သူသည် အော်ဟစ်ပြီးလျှင် ရှေ့တော်မှာပျပ်ဝပ်လျက် “အမြင့်မြတ်ဆုံးသော အလ္လာဟ်အရှင်မြတ်၏သားတော်အီစာ ကျွန်ုပ်ထံမှမည်သည်ကိုအလိုရှိပါသနည်း၊ သင်သည်အကျွန်ုပ်အားညှဉ်းဆဲတော်မမူပါနှင့်” ဟု အော်ဟစ်၍လျှောက်ထား၏။ 29ထိုသို့လျှောက်ထားရသည့်အကြောင်းမှာ အီစာသည်ညစ်ညမ်းသော ညစ်ညမ်းသော “ဂျင်န်” နတ်ဆိုးအားထိုသူ၏အထဲမှထွက်ခဲ့ရန် အမိန့်ပေးလိုက်သောကြောင့်ဖြစ်၏။ ညစ်ညမ်းသော “ဂျင်န်” နတ်ဆိုးသည်ထိုသူကိုကြိမ်ဖန်များစွာပူးကပ်ခဲ့၏။ သူ၏ခြေလက်တို့ကိုသံကြိုးများဖြင့် ချည်နှောင်ဖမ်းချုပ်ပြီး စောင့်ကြပ်ထားသော်လည်း သူသည်သံကြိုးများကို ချိုးဖြတ်၍ ညစ်ညမ်းသော “ဂျင်န်” နတ်ဆိုးသည် သူ့ကိုတောကန္တာရသို့နှင်ထုတ်တတ်၏။
30ဟဇရသ်အီစာက ထိုသူအား “သင်၏အမည် မည်သို့ခေါ်သနည်း” ဟု မေးတော်မူ၏။
ထိုသူအထဲ၌ ညစ်ညမ်းသော “ဂျင်န်” နတ်ဆိုးမြောက်များစွာ ပူးကပ်ထားသောကြောင့် ထိုသူက “အကျွန်ုပ်၏အမည်မှာလေဂေါင်#8:30 လေဂေါင်ဟူသောစကားလုံးသည် ရောမစစ်တပ်တွင် အကြီးဆုံးတပ်သားများကို ရည်ညွှန်းသည်။ တပ်သားတစ်ထောင်မှ ခြောက်ထောင်ကြားရှိသည်။ ဖြစ်ပါသည်” ဟု ပြန်၍လျှောက်၏။ 31ထို “ဂျင်န်” နတ်ဆိုးတို့သည် မိမိတို့ကို အပြစ်ပေးသည့်တွင်းနက်ကြီးထဲသို့မပို့ရန် ကိုယ်တော်အီစာအား မပြတ်တောင်းပန်ကြ၏။
32ထိုအချိန်၌ ဝက်အုပ်ကြီးတစ်အုပ်သည် တောင်ကုန်းပေါ်တွင် ကျက်စားလျက်ရှိ၏။ ညစ်ညမ်းသော “ဂျင်န်” နတ်ဆိုးများသည် ထိုဝက်များထဲသို့ဝင်ပူးခွင့်ပြုရန်ကိုယ်တော်အား တောင်းပန်ကြသဖြင့် ကိုယ်တော်ကလည်း သူတို့ကိုခွင့်ပြုပေးတော်မူ၏။ 33ထို့ကြောင့် ညစ်ညမ်းသော “ဂျင်န်” နတ်ဆိုးတို့သည် ထိုလူထံမှထွက်၍ ဝက်အုပ်ကြီးတစ်အုပ်သည်ထဲသို့ ဝင်ပူးကြပြီးနောက် ဝက်အုပ်ကြီးတစ်အုပ်လုံးသည် မတ်စောက်သောကမ်းပါးမှရေအိုင်ထဲသို့ တစ်ဟုန်ထိုးပြေးဆင်းကာ ရေနစ်သွားကြလေတော့၏။
34ဝက်ကျောင်းသောသူတို့သည် ဖြစ်ပျက်ခဲ့သည့်အရာများကိုမြင်သောအခါ ပြေး၍ မြို့ရွာတို့တွင် ပြောပြကြ၏။ 35လူတို့သည်ထိုအဖြစ်အပျက်ကို ကြည့်ရန်လာကြ၏။ ဟဇရသ်အီစာ၏ထံတော်သို့ရောက်ကြသော် ညစ်ညမ်းသော “ဂျင်န်” နတ်ဆိုးများစွန့်ခွာသွားသောသူသည် အဝတ်ဝတ်လျက် ဟဇရသ်အီစာ၏ခြေတော်ရင်းမှာ အကောင်းပကတိ ထိုင်လျက်နေသည်ကိုမြင်ကြလျှင် ကြောက်ရွံ့ကြ၏။ 36ထိုအဖြစ်အပျက်ကို ကိုယ်တိုင် တွေ့မြင်ခဲ့ကြသောသူအားလုံးက ညစ်ညမ်းသော ညစ်ညမ်းသော “ဂျင်န်” နတ်ဆိုးပူးခံရသူသည် ကာကွယ်ပေးခြင်းအားဖြင့် မည်သို့ကျန်းမာလာသည်ကို ပြောပြကြ၏။ 37ထိုအခါ ဂါရစနယ်မှလူအပေါင်းတို့သည် လွန်စွာကြောက်လန့်ကြသဖြင့် မိမိတို့အရပ်မှထွက်ခွာသွားတော်မူပါရန် အီစာအားတောင်းပန်ကြ၏။ သို့ဖြစ်၍အီစာသည်လှေပေါ်သို့တက်၍ ပြန်သွားတော်မူ၏။
38ညစ်ညမ်းသော “ဂျင်န်” နတ်ဆိုးစွန့်ခွာသွားသောသူသည်လည်း အီစာနှင့်အတူ လိုက်ပါခွင့်ပြုရန်တောင်းပန်၏။ သို့သော်အီစာသည် သူ့ကိုပြန်လွှတ်တော်မူ၍၊ 39“သင့်အိမ်သို့ ပြန်သွားပြီး အလ္လာဟ်အရှင်မြတ်သခင်သည် သင့်အတွက် ကြီးမြတ်သောအရာများကို မည်ကဲ့သို့ ပြုတော်မူကြောင်း လူတို့အား” ပြောပြပါ။ သူထွက်သွားပြီး အီစာသည် ကျွန်ုပ်အတွက် ကြီးကျယ်သောအမှုအရာများကို မည်သို့ပြုတော်မူကြောင်းကို တစ်မြို့လုံးတွင် စတင်ပြောဆိုခဲ့သည်။
ယာအိရု၏သမီးနှင့်အီစာ၏ဝတ်ရုံတော်ကိုထိသောအမျိုးသမီး
(မဿဲ၊ ၉:၁၈-၂၆။ မာကု၊ ၅:၂၁-၄၃)
40ဟဇရသ်အီစာသည် ဂါလိလဲအိုင်တစ်ဖက်သို့ ပြန်လည်ကြွလာတော်မူသောအခါ လူပရိသတ်တို့သည် ခရီးဦးကြိုပြုကြ၏။ အဘယ်ကြောင့်ဆိုသော် သူတို့သည်အီစာကို စောင့်မျှော်နေကြသောကြောင့်ဖြစ်၏။
41ထိုအခါ ယာအိရုဆိုသူသည် အထံတော်သို့ရောက်လာ၏။ သူသည်ဝတ်ကျောင်းတော် အုပ်ချုပ်ရေးမှူးဖြစ်၏။ အီစာ၏ခြေတော်ရင်းမှာပျပ်ဝပ်ကာ သူ၏အိမ်သို့ကြွတော်မူရန် အီစာအားတောင်းပန်၏။ 42ဤသို့တောင်းပန်ရသည့်အကြောင်းမှာ သူ၏တစ်ဦးတည်းသော တစ်ဆယ့်နှစ်နှစ်အရွယ်သမီးသည် သေအံ့ဆဲဆဲရှိနေသောကြောင့်ဖြစ်သည်။
အီစာသည် သူနှင့်အတူလိုက်သွားသောအခါ လူအပေါင်းတို့သည်အီစာကို တိုးဝှေ့မိကြ၏။ 43ထိုအချိန်၌ အမျိုးသမီးတစ်ယောက်သည် တစ်ဆယ့်နှစ်နှစ်ပတ်လုံးသွေးသွန်ရောဂါစွဲကပ်ခဲ့၏။#8:43 သွေးသွန်နာစွဲသောအမျိုးသမီးသည် ဘာသာရေးဓလေ့ထုံးစံအရ မသန့်ရှင်းသောသူဖြစ်သည်။ မိမိတွင်ရှိသမျှငွေကြေးများကို အကုန်ခံ၍ ဆေးဆရာများနှင့်ကုသသော်လည်း မည်သည့်ဆေးဆရာမျှ ရောဂါကိုမပျောက်စေနိုင်။ 44ထိုအမျိုးသမီးသည် အီစာ၏နောက်ကကပ်လိုက်လျက် ကိုယ်တော်၏ဝတ်ရုံတော်ပန်းဖွားကို လက်ဖြင့်တို့ထိလေ၏။ ထိုခဏ၌သွေးသွန်နာရောဂါမှပျောက်ကင်းသွားလေ၏။
45ဟဇရသ်အီစာက “ငါ့ကိုအဘယ်သူတို့ထိသနည်း” ဟု မေးမြန်းတော်မူ၏။ လူအပေါင်းတို့ကမိမိတို့မတို့မထိရကြကြောင်းငြင်းဆိုကြသောအခါ ပေတရု#8:45 အချို့သောစာမူများတွင် ပေတရုနှင့် သူနှင့်အတူရှိသူများ၊ ရုနှင့်အပေါင်းအဖော်တို့က “ဆရာ၊ လူပရိသတ်တို့သည်ဆရာကိုဝန်းရံ၍တိုးဝှေ့နေကြပါ၏” ဟုလျှောက်ထားလေ၏။
46သို့ရာတွင် ဟဇရသ်အီစာက “တစ်စုံတစ်ယောက်သောသူသည် ငါ့ကိုထိလေ၏။ ငါ၏ကိုယ်မှတန်ခိုးထွက်သွားသည်ကိုငါသိ၏” ဟု မိန့်တော်မူ၏။
47အမျိုးသမီးသည် မိမိပုန်းရှောင်၍မရနိုင်ကြောင်းသိရှိသောအခါ တုန်လှုပ်လျက် ရှေ့တော်သို့လာ၍ ပျပ်ဝပ်၏။ ထိုနောက်အီစာအား အဘယ်ကြောင့်တို့ထိရသည့်အကြောင်းကိုလည်းကောင်း၊ ချက်ချင်းပင် မိမိ၏ရောဂါပျောက်ကင်းသွားကြောင်းကိုလည်းကောင်း လူအပေါင်းတို့၏ရှေ့တွင်လျှောက်၏။ 48အီစာက “ငါ့သမီး၊ သင်၏ ‘အီမာန်’ ယုံကြည်ခြင်းသည် သင့်ကိုကယ်တင်၍ကျန်းမာစေပြီ။ ငြိမ်းချမ်းစွာသွားလော့” ဟု မိန့်တော်မူ၏။
49ယင်းသို့ အီစာမိန့်တော်မူနေစဉ် ဝတ်ကျောင်းတော်အုပ်ချုပ်ရေးမှူး၏အိမ်မှ လူတစ်ယောက်ရောက်လာ၏။ “သင်၏သမီး အလ္လာဟ်အရှင်မြတ်အမိန့်တော်ခံယူသွားပါပြီ။ ဆရာသခင်ကိုမနှောင့်ယှက်ပါတော့နှင့်” ဟုပြောလေ၏။
50ထိုစကားကို ဟဇရသ်အီစာကြားတော်မူလျှင် ဝတ်ကျောင်းတော်ပ်ချုပ်ရေးမှူးအား “မစိုးရိမ်နှင့် ‘ယုံကြည်’ ခြင်းသာရှိစေလော့။ သင်၏သမီးသည်ကျန်းမာလာလိမ့်မည်” ဟု မိန့်တော်မူ၏။
51အီစာသည် ဝတ်ကျောင်းတော်အုပ်ချုပ်ရေးမှူး၏အိမ်သို့ဝင်သောအခါ သူသည်ပေတရု၊ ယအ်ကူးဗ်၊ “ယာဟ်ယာ” ယောဟန်နှင့်မိန်းကလေး၏မိဘများမှတစ်ပါး မည်သူကိုမျှမိမိနှင့်အတူဝင်စေတော်မမူ။ 52မိန်းကလေးသေသည့်အတွက် လူအပေါင်းတို့သည် ငိုကြွေးမြည်တမ်းလျက်နေကြ၏။ အီစာက “မငိုကြွေးကြနှင့်။ မိန်းကလေးသေသည်မဟုတ်၊ အိပ်လျက်နေ၏” ဟု မိန့်တော်မူ၏။
53ထိုအခါလူတို့သည် မိန်းကလေးသေဆုံးပြီးကြောင်းကိုသိသဖြင့် အီစာကိုလှောင်ပြောင်ကြ၏။ 54အီစာသည် မိန်းကလေး၏လက်ကိုဆုပ်ကိုင်ကာ “ကလေးမ၊ ထလော့” ဟု မိန့်တော်မူ၏။ 55မိန်းကလေးသည် အသက်ပြန်ဝင်လာ၍ ချက်ချင်းပင်ထလေ၏။ ထို့နောက်အီစာသည်လည်း မိန်းကလေးအားအစားအစာတစ်ခုခုကျွေးရန်မိန့်မှာတော်မူ၏။ 56ထိုအခါ မိဘတို့သည်များစွာအံ့ဩကြ၏။ သို့ရာတွင်အီစာသည် ဤအဖြစ်အပျက်အကြောင်းကိုမည်သူကိုမျှ မပြောရန်သူတို့အားမိန့်မှာတော်မူ၏။
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Musselmani Burmese Bible by Beyond Translation is licensed under Creative Commons Attribution-ShareAlike 4.0 License.