လုကာကျမ်း 4:9-12
လုကာကျမ်း 4:9-12 MBE
တစ်ဖန် အီဗ်လီရှ်သည် ဟဇရသ်အီစာကို ဂျေရုဆလာမ်မြို့သို့ခေါ်ဆောင်သွားပြီး “ဗိုင် (က်) တွလ်မုကာဒဲစ်” ဝတ်ဗိမာန်တော်၏ထိပ်ဖျားတွင်နေစေပြီးလျှင် “သင်သည် အလ္လာဟ်အရှင်မြတ်၏သားတော်ဖြစ်ပါက ဤနေရာမှ အောက်သို့ခုန်ချလိုက်ပါ။ ကျမ်းတော်မြတ်ထဲတွင် သူသည်သင့်ကိုစောင့်ရှောက်စေရန် ‘မလာအိကာဟ်’ ကောင်းကင်တမန်တို့အား အမိန့်ပေးတော်မူမည်ဟူ၍လည်းကောင်း၊ သင်၏ခြေသည် ကျောက်နှင့်မထိခိုက်စေခြင်းငှာ ‘မလာအိကာဟ်’ ကောင်းကင်တမန်တို့သည် လက်ဖြင့်သင့်ကို ချီပင့်ထားကြလိမ့်မည်ဟူ၍လည်းကောင်း ရေးသားထားသည်” ဟု လျှောက်လေ၏။ ဟဇရသ်အီစာက “သင်၏အလ္လာဟ်အရှင်မြတ်အား စစ်ဆေးစမ်းသပ်မှုမပြုရ ဟု ကျမ်းတော်မြတ်တွင်ရေးသားထားသည်” ဟု ပြန်ပြောတော်မူ၏။



