Luke 9
9
Jesus Esi Mbed Nsie Dueba Ɔdɔŋ Utum
(Matthew 10.5-15)
1Ekem Jesus okud mbed Nsie obun ato kied, onyuŋ ono mmo odudu ye unen ndibin kpukpri mme ndedehe Spirit nsioŋo mme owo ke idem, ye ndinyuŋ ŋkɔk udɔŋɔ mbun emi ɔdɔŋɔde. 2Enye onyuŋ esi mmo ɔdɔŋ ɔkɔkwɔrɔ Obi Ubɔŋ Abasi ono mme owo onyuŋ ɔkɔk mbun emi ɔdɔŋɔde. 3Mbemisi mmo adaha, Jesus ɔdɔhɔ mmo ete, 4Kini mmufo idukde obi ekededi, ndin owo obi oro ada mmufo esin ke ufɔk, itie do ke ufɔk oro tutu ekem ini mmufo inyumde ndikpɔŋ obi oro. 5Edi edieke mbun obi oro minyimeke mmufo iduk obi mmo, iwɔrɔ ikpɔŋ obi oro. Kini mmufo iwɔrɔde ikpɔŋ do, ikeŋ ntan ikpad obi oro ke ikpad mmufo ifep. Emi iyedi uwid mkpo ino mbun obi oro ete ke Abasi iyono mmo ufen, ibɔhɔke mmo osioŋo idem ɔkpɔŋ idiɔk-mkpo.
6Ndin mme mbed Nsie adaha ɔkpɔŋ itie oro aka ke mme nsihi-nsihi obi ke ŋkan-ŋkuk oro. Kpukpri itie mmo akade, mmo ɔkwɔrɔ eti mbuk ono mme owo, onyuŋ ɔkɔk udɔŋɔ mbun emi ɔdɔŋɔde.
Edidem Herod Oyum Usuŋ Nte Ekwidde Jesus
(Matthew 14.1-12; Mark 6.14-29)
7Kini edidem Herod, emi akarade ŋkan-ŋkuk obi Galilee, okupde kpukpri se Jesus osuk anamde, enye idiɔŋɔke se akpanamde. Koro mme owo ama atiŋ ediwak mkpo abaŋa Jesus. Ndusuk mmo ɔdɔhɔ ke edi John baptist ke Abasi anam yak esed ke mkpa. 8Mbun eŋwen ɔdɔhɔ ete, “Jesus edi prophet Elijah, emi afiakde edi. Edi mbun eŋwen ete, Enye edi kied ke otu mme prophet eyi oko akakpade, ndin afiak esed ke mkpa.”
9Edi edidem Herod ɔdɔhɔ ye idem nsie ete “Ikemeke ndidi John koro mma nno mbun ekɔŋ nŋi uyi nte esibe enye ibud. Ndin ene owo eŋwen idi owo emi ŋkupde uto mkpo emi mbaŋa?” Ke oro ebede, edidem Herod aka isi oyum usuŋ ndikwid Jesus.
Jesus Ono Ibad Owo Tɔusin Itiun Udia
(Matthew 14.13-21; Mark 6.30-44; John 6.1-15)
10Ekem mme apostle dueba oro Jesus ɔkɔdɔŋde mmo utum afiak ɔnyɔŋ edi. Mmo emen kpukpri se mmo akanamde atiŋ ono Jesus, ndin Enye asaŋa ye mmo aka itie emi mmo ekemede ndidu ikpɔŋ, emi ekperede obi ekudde Bethsaida. 11Edi kini otu owo okupde abaŋa itie emi Jesus ye mme mbed Nsie akade, kpukpri mmo aka do. Kini mmo esimde do, Jesus adara mmo ye inemesid, ekpep mmo mkpo abaŋa Obi Ubɔŋ Abasi, onyuŋ ɔkɔk udɔŋɔ mbun emi ɔkɔdɔŋɔde.
12Kini eyi ɔtɔŋɔ ndikwid, mbed Nsie dueba asaŋa ekpere Jesus onyuŋ ɔdɔhɔ Enye ete, “Andikpep, mbɔk, dɔhɔ otu owo ɔnyɔŋɔ aka ke mme obi ye ke iduŋ iŋwɔŋ emi ekperede ŋkan-ŋkuk emi, mbak mmo okoyum se mmo idiade, ye itie emi mmo inade, koro nnyin idude ke itie emi mme owo miduŋke ikpere.”
13Edi Jesus ɔdɔhɔ mmo ete, “Mmufo ino mmo udia adia.” Edi mmo aboro Enye ete, nnyin ikeme didie ndinam oro kini nnyin inyenede uyi itiun ye iyak iba emi etemde kpɔd. Nnyin inyeneke udia emi awakde, ibɔhɔke nnyin ikaka ikedep idino kpukpri owo emi. 14Mmo akatiŋ emi koro ibad iden-owo ikpɔŋ ke otu owo oro ekedi tɔusin itiun. Edi Jesus ɔdɔhɔ mme mbed Nsie, ete, inam mmo ɔsuhɔde etetie ke udim ke udim, owo aba-ye-dup ke udim kied. 15Ndin mbed Nsie anam mmo etie kpak nte Enye ɔdɔhɔde mmo anam, ndin kpukpri owo onyuŋ ɔsuhɔde etetie ke udim. 16Jesus emen uyi itiun ye iyak iba oro, onyuŋ emenere anyin esie enyɔŋ. Enye ɔkɔm Abasi abaŋa udia oro, ndin Enye abuŋ uyi ye iyak oro ke mbak ke mbak, ayak ono mme mbed Nsie, mme mbed Nsie onyuŋ edeme ono otu owo. 17Kpukpri owo adia ɔyuhɔ nte ɔkɔdɔŋde mmo, ndin mme mbed Nsie ataŋ nsuhɔ udia oro ɔdɔŋ ke akpasa dueba, mmo ɔyɔhɔ.
Peter Atiŋ Ke Jesus Edi Christ
(Matthew 16.13-20; Mark 8.27-30)
18Usen kied Jesus adaha ɔkpɔŋ otu owo ndikɔbɔŋ akam ikpɔŋ. Mbed Nsie ikpɔŋ okonyuŋ odu ekpere Enye. Kini Jesus ɔbɔŋde akam ama, Enye ebup mmo ete, mme owo ɔdɔhɔ ke Ami ndi ene?
19Mme mbed Nsie aboro ete, ndusuk owo ɔdɔhɔ ke Ofo edi John baptist, emi afiakde esed ke mkpa. Mbun eŋwen ete ke Ofo edi Prophet Elijah emi afiakde otu heaven edi. Edi mbun eŋwen ete, Ofo edi kied ke otu mme prophet eyi oko akakpade, ndin afiak esed ke mkpa.
20Jesus ebup mmo, ete, “Edi mmufo idɔhɔke Ami ndi ene? Peter aboro ete, Ofo edi Christ oro Abasi ɔkɔŋwɔŋɔde ke Emo iyono edi.”
Jesus Atiŋ Abaŋa Mkpa Ye Edised Nsie
(Matthew 16.20-23; Mark 8.30-33)
21Edi Enye ɔsɔŋɔ akpan mmo ete, “Ikutiŋ iko emi ino ukpɔk owo ndumekied.” 22Ndin Jesus anam aŋwuaŋa mmo ete, “Ana ete Ami, Eyin Abasi ŋkwid ediwak ukwid. Ebiowo mme Jew, ye mme ikpo oku ye mme ekpep ibed idimaha ndinyime Mi, mmo iyonyuŋ iwud Nni. Edi Abasi iyanam Mi nsed ke mkpa ke ɔyɔhɔ usen ita.”
Imen Cross Mmufo Inyuŋ Idi Mbed Nni
(Matthew 16.24-27; Mark 8.34-38)
23Ekem Jesus ɔdɔhɔ kpukpri owo oro ete, “Edieke owo mmufo kied ekededi oyumde ndidi mbed Nni, ana ete esin mme udɔŋ idem mfo onyuŋ emen cross mfo etiene Mi, oro ɔwɔrɔde ete, ofo enyene ndisaŋa ke mme ewuhɔ Mmi ke usen ke usen, ŋkɔm akpada fi ɔkɔsuŋɔ ke mkpa. Edi ke anamde ntem, ke ofo ekeme ndidi mbed Nni ke akpaniko.” 24Koro owo kied ekededi emi iyumde ndinyaha uwem nsie ke erimbud emi, ididuŋke ye Abasi ke nsinsi, edi owo kied ekededi emi inyimede ndikpa ke ntak Nŋi, iyaduŋ ye Abasi ke nsinsi. 25Koro nse uduri ke owo inyuŋ idia, edieke enye enyenede inyene ofri erimbud emi, edi iduŋke ye Abasi ke nsinsi. 26Edieke ofo okupde bud abaŋa Mi ye mme ukpep mkpo Mmi, ndin Ami eyin Abasi nnyokup bud mbaŋa fi ŋko, kini Ami mfiakde ndi ke erimbud ke Ubɔŋ Nŋi ye ke Ubɔŋ Ete Mmi ye ndisana angel.
Jesus Ɔkpuhɔde Udud Ke Enyɔŋ Obud
(Matthew 16.28-17.9; Mark 9.2-10; 2 Peter 1.16-18)
27Edi ndɔhɔ mmufo ke akpaniko nte, ndusuk owo emi adade mi, idikpaha mkpa, tutu mmo ekwid Ubɔŋ Abasi. 28Ke mkpo nte urua kied ama ekebe, tɔŋɔ nte Jesus ekekpep mkpo emi ama. Jesus ada Peter ye John ye James, adok ke akamba obud ndibɔŋ akam nno Abasi. 29Nte Jesus osuk ɔbɔŋde akam, isi Nsie ye ɔfɔŋ ɔkpuhɔde, onyuŋ akabare ayama nte emineŋ-mineŋ. 30Ndin ndondo oro, owo iba ɔbiɔŋɔde ɔtɔŋɔ ndineme nneme ye Jesus. Owo iba emi ekedi Moses ye Elijah. 31Mmo ŋko ama onyuŋ ayama eti-eti, ke eneme nneme ye Jesus. Mmo owo ita atiŋ abaŋa nte Jesus ikpade kini mibighike ke Jerusalem, koro ke usuŋ emi ke Enye enyene ndinam uduak emi Abasi akabaŋade ɔdɔŋ enye edi.
32Idaha oro Peter ye mbun eken odude ye enye ade idap, edi kini emi mmo edemerede, mmo ekwid ubɔŋ Jesus ye mme prophet iba oro nte adade ye Enye. 33Kini Moses ye Elijah okoyumde ndidaha mkpɔŋ Jesus, Peter ɔdɔhɔ Jesus ete, Andikpep, ɔfɔn nnyin ndidu mi. Iyak nnyin inyuŋ ibup ataya ita, kied enyene Fi, kied enyene Moses, kied onyuŋ enyene Elijah; edi enye ikɔdiɔŋɔke se enye atiŋde. 34Edi nte Peter osuk atiŋde mme iko emi, ntukube edifuk mmo. Ndik anam mme mbed nte ntukube oro afukde mmo.
35Ndin Abasi atiŋ iko ke ntuhube ikpa enyɔŋ, ete, “Emi edi edima Eyin Nni, emi Ami mmekde, Ikup uyi Nsie inyuŋ ikpono Enye.” 36Kini Abasi atiŋde iko oro ama, mme mbed eyekwid Jesus ikpɔŋ nte odude ye mmo. Mmo odup uyi, inyuŋ itiŋke ino owo ndumekied mme mkpo emi mmo ekekwidde.
Eyin Eden-Owo Okup Nsɔŋidem
(Matthew 17.14-21; Mark 9.14-29)
37Ke edem usen nsie, Jesus ye mme mbed Nsie otu ke obud ɔsuhɔre, ediwak otu owo onyuŋ edi ndisube ye Enye. 38Ndin kpak idaha oro, owo kied ke otu owo oro efiri ete, Andikpep, mekpe fi ubɔk nte aŋwam eyin eden-owo mmi koro enye edide ŋkukura eyin nni. 39Kpukpri ini ndedehe Spirit, aduk enye idem, onyuŋ anam enye ɔbɔŋ mkpu. Atuak enye idiɔk-idiɔk tutu efud ɔkɔhɔ enye ke inua, onyuŋ ono enye unan mbemisi ɔkpɔŋ enye. 40Mma nnyuŋ mkpe mme mbed Mfo ubɔk nte ebin ndedehe Spirit oro esi enye ke idem, edi mmo ikekemeke.
41Kini Jesus okupde iko emi, Enye ete, “Mmufo mbun emana emi, adaŋa didie ke Ami ndu ye mmufo nnyuŋ nnyo unana mbuɔdidem mmufo?” Ndin Enye ɔdɔhɔ owo oro ete, “Da eyin mfo di mi.”
42Nte eyin oro osuk asaŋade ebine Jesus, ndedehe Spirit oro esi enye ɔduɔk ke isɔŋ, onyuŋ esiŋede enye idiɔk-idiɔk. Edi Jesus asua ono ndedehe Spirit oro ete ɔkpɔŋ eyin oro. Enye ebin ndedehe Spirit oro esi eyin oro ke idem, onyuŋ asana enye ayak ono ete nsie.
Jesus Afiak Atiŋ Abaŋa Mkpa Nsie
(Matthew 17.22-23; Mark 9.30-32)
43Idem akpa kpukpri owo ndikwid ɔkpɔsɔŋ odudu Abasi. Edi ke nte idem akpade kpukpri owo abaŋa mme utibe mkpo emi Enye okosuk anamde, Enye ɔdɔhɔ mme mbed Nsie ete, 44“Ama edi Mmufo, itim ikpaŋ utɔŋ inɔŋi inyuŋ iti se Ami ntiŋde, Kini midibigike, eyeda Mi Eyin Abasi enyuŋ eyak esin ke ubɔk mme idiɔk owo.” 45Edi mme mbed Nsie ikɔdiɔŋɔke se iko oro Jesus akatiŋde ɔwɔrɔde koro se iko oro ɔwɔrɔde ama onyuŋ edibe mmo ke anyin, oro esin mmo ikekemeke idiɔŋɔ se ɔwɔrɔde. Edi ndik akananam mmo ndidɔhɔ Jesus anam iko oro aŋwuaha mmumo.
Ene Ikpun Ikan Ke Otu Nnyin?
(Matthew 18.1-5; Mark 9.33-37)
46Mme mbed ɔtɔŋɔ ndinini ke otu idem mmo mbaŋa owo emi okpunde akan ke idaha ke otu mmumo. 47Edi Jesus ɔfiɔk se mmo ekekerede ke esid mmo, Enye amim akpri eyin eden-owo onyuŋ anam enye odup ada Enye ke ŋkaŋ. 48Enye onyuŋ ɔdɔhɔ mme mbed Nsie ete, “Edieke owo enyimede akpri eyin emi ke ntak Nŋi, enye onyuŋ enyime Mi ŋko. Ndin owo ekededi emi enyimede Mi, onyuŋ enyime Ete Mmi oro ɔkɔdɔŋde Mi. Emi onyuŋ edi akpaniko koro owo ekededi ke otu mmufo emi ekwidde idem nsie ke ate usuhɔde itie, edi enye okpun akan ke isi Abasi.”
Jesus Asua Ono Ubahade
(Mark 9.38-41)
49Ndin John ɔdɔhɔ Jesus ete, “Andikpep, nnyin ima ikwid owo adade enyiŋ Mfo ebin ndedehe Spirit esi mme owo ke idem, ndin nnyin ima iŋwana ndikpan enye ndinam oro siak enye misaŋake ke otu nnyin.”
50Edi Jesus aboro enye ete, “Ikikpan mbun oro, koro owo ekededi eke miŋwanake ye mmufo, ada ye mmufo.”
Obi kied Ke Samaria Esin Jesus
51Ke nte ini ndimen Jesus mfiak ndok ke heaven ekperede, Jesus ebiere ndika obi Jerusalem, ndin Enye onyuŋ ɔtɔŋɔ isaŋ ye mme mbed Nsie. 52Enye ɔdɔŋ mme isuŋ-utum ebem Enye isi. Mmo aka ke obi kied emi esinede ke obi Samaria, mbak atim itie enim ono Jesus ye mme mbun eken ndidaŋ ke okuneyi oro. 53Edi kini mbun obi Samaria, edide edidiɔŋɔ ete ke Jesus oyum ndika obi Jerusalem ŋkokpono Abasi, mmo inyimeke Jesus ye mme mbed Nsie odu do ke obi mmo. 54Kini mbed Nsie James ye John ɔdiɔŋɔde mkpo emi eketibede, mmo ɔdɔhɔ Jesus ete, “Ɔbɔŋ, nte emenyime nnyin ikud ikaŋ otu ke enyɔŋ ɔsuhɔde edita mbun emi?” 55Edi Jesus ɔwɔŋɔde, asua ono mmo ete, “Mmufo idiɔŋɔke uto Spirit eke esinede mmufo ke idem.” 56Ndin Jesus ye mme mbed Nsie ebe aka obi efen.
Se Itakde Owo ndidi Mbed Christ
(Matthew 8.18-22)
57Nte Jesus ye mme mbed Nsie osuk asaŋade ke usuŋ aka obi Jerusalem, owo kied ɔdɔhɔ Enye, ete, “Ɔbɔŋ, Nnyetiene fi nnyuŋ ndidi mbed Mfo, ke itie ekededi emi Ofo ukade.”
58Jesus aboro enye ete, “Ebua ikɔd aduŋ ke ndudu, inuen efe ke enyɔŋ onyuŋ ana ke efɔk. Edi Eyin Abasi inyeneke itie eke Enye anade ade-idap.”
59Ndin Jesus ɔdɔhɔ owo eŋwen ete, “Tiene Minyuŋ didi mbed Nni,” edi owo oro ɔdɔhɔ Enye, ete, yak mbemisi kaŋa ŋka ŋkabuk ete mmi.
60Edi Jesus ɔdɔhɔ enye ete, “Mbun oro mikponoke Abasi etie nte mme akpa-mkpa. Yak mmo abuk mme akpa-mkpa mmo. Edi ama edi ofo, enyene ndika ŋkɔkwɔrɔ iko Abasi nno mme owo mbaŋa Obi Ubɔŋ Abasi.”
61Owo eŋwen ɔdɔhɔ Jesus ete, “Ɔbɔŋ, Ami mebeŋidem nditiene fi nnyuŋ ndidi mbed Mfo. Edi mbemesi nnam oro, yak ŋka ŋkɔkɔm mbun emi odude ke ufɔk nŋi ye mme iman nni nte ke ndidaha.”
62Edi Jesus aboro enye, ete, “Edieke owo ekededi ɔtɔŋɔde ndifuŋ isɔŋ ndin enye aka isi ɔwɔŋɔde anyin esie edem, utum nsie iyɔwɔrɔ ikpu-ikpu. Kpasuk ntra, edieke owo etienede Mi nte mbed Nni, ndin enye ayak mme mkpo eŋwen etimere enye, enye idikemeke ndinam eti utum ke Obi Ubɔŋ Abasi.”
Àwon tá yàn lọ́wọ́lọ́wọ́ báyìí:
Luke 9: IDE
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Idere Bible by Beyond Translation is licensed under Creative Commons Attribution-ShareAlike 4.0 License.
Luke 9
9
Jesus Esi Mbed Nsie Dueba Ɔdɔŋ Utum
(Matthew 10.5-15)
1Ekem Jesus okud mbed Nsie obun ato kied, onyuŋ ono mmo odudu ye unen ndibin kpukpri mme ndedehe Spirit nsioŋo mme owo ke idem, ye ndinyuŋ ŋkɔk udɔŋɔ mbun emi ɔdɔŋɔde. 2Enye onyuŋ esi mmo ɔdɔŋ ɔkɔkwɔrɔ Obi Ubɔŋ Abasi ono mme owo onyuŋ ɔkɔk mbun emi ɔdɔŋɔde. 3Mbemisi mmo adaha, Jesus ɔdɔhɔ mmo ete, 4Kini mmufo idukde obi ekededi, ndin owo obi oro ada mmufo esin ke ufɔk, itie do ke ufɔk oro tutu ekem ini mmufo inyumde ndikpɔŋ obi oro. 5Edi edieke mbun obi oro minyimeke mmufo iduk obi mmo, iwɔrɔ ikpɔŋ obi oro. Kini mmufo iwɔrɔde ikpɔŋ do, ikeŋ ntan ikpad obi oro ke ikpad mmufo ifep. Emi iyedi uwid mkpo ino mbun obi oro ete ke Abasi iyono mmo ufen, ibɔhɔke mmo osioŋo idem ɔkpɔŋ idiɔk-mkpo.
6Ndin mme mbed Nsie adaha ɔkpɔŋ itie oro aka ke mme nsihi-nsihi obi ke ŋkan-ŋkuk oro. Kpukpri itie mmo akade, mmo ɔkwɔrɔ eti mbuk ono mme owo, onyuŋ ɔkɔk udɔŋɔ mbun emi ɔdɔŋɔde.
Edidem Herod Oyum Usuŋ Nte Ekwidde Jesus
(Matthew 14.1-12; Mark 6.14-29)
7Kini edidem Herod, emi akarade ŋkan-ŋkuk obi Galilee, okupde kpukpri se Jesus osuk anamde, enye idiɔŋɔke se akpanamde. Koro mme owo ama atiŋ ediwak mkpo abaŋa Jesus. Ndusuk mmo ɔdɔhɔ ke edi John baptist ke Abasi anam yak esed ke mkpa. 8Mbun eŋwen ɔdɔhɔ ete, “Jesus edi prophet Elijah, emi afiakde edi. Edi mbun eŋwen ete, Enye edi kied ke otu mme prophet eyi oko akakpade, ndin afiak esed ke mkpa.”
9Edi edidem Herod ɔdɔhɔ ye idem nsie ete “Ikemeke ndidi John koro mma nno mbun ekɔŋ nŋi uyi nte esibe enye ibud. Ndin ene owo eŋwen idi owo emi ŋkupde uto mkpo emi mbaŋa?” Ke oro ebede, edidem Herod aka isi oyum usuŋ ndikwid Jesus.
Jesus Ono Ibad Owo Tɔusin Itiun Udia
(Matthew 14.13-21; Mark 6.30-44; John 6.1-15)
10Ekem mme apostle dueba oro Jesus ɔkɔdɔŋde mmo utum afiak ɔnyɔŋ edi. Mmo emen kpukpri se mmo akanamde atiŋ ono Jesus, ndin Enye asaŋa ye mmo aka itie emi mmo ekemede ndidu ikpɔŋ, emi ekperede obi ekudde Bethsaida. 11Edi kini otu owo okupde abaŋa itie emi Jesus ye mme mbed Nsie akade, kpukpri mmo aka do. Kini mmo esimde do, Jesus adara mmo ye inemesid, ekpep mmo mkpo abaŋa Obi Ubɔŋ Abasi, onyuŋ ɔkɔk udɔŋɔ mbun emi ɔkɔdɔŋɔde.
12Kini eyi ɔtɔŋɔ ndikwid, mbed Nsie dueba asaŋa ekpere Jesus onyuŋ ɔdɔhɔ Enye ete, “Andikpep, mbɔk, dɔhɔ otu owo ɔnyɔŋɔ aka ke mme obi ye ke iduŋ iŋwɔŋ emi ekperede ŋkan-ŋkuk emi, mbak mmo okoyum se mmo idiade, ye itie emi mmo inade, koro nnyin idude ke itie emi mme owo miduŋke ikpere.”
13Edi Jesus ɔdɔhɔ mmo ete, “Mmufo ino mmo udia adia.” Edi mmo aboro Enye ete, nnyin ikeme didie ndinam oro kini nnyin inyenede uyi itiun ye iyak iba emi etemde kpɔd. Nnyin inyeneke udia emi awakde, ibɔhɔke nnyin ikaka ikedep idino kpukpri owo emi. 14Mmo akatiŋ emi koro ibad iden-owo ikpɔŋ ke otu owo oro ekedi tɔusin itiun. Edi Jesus ɔdɔhɔ mme mbed Nsie, ete, inam mmo ɔsuhɔde etetie ke udim ke udim, owo aba-ye-dup ke udim kied. 15Ndin mbed Nsie anam mmo etie kpak nte Enye ɔdɔhɔde mmo anam, ndin kpukpri owo onyuŋ ɔsuhɔde etetie ke udim. 16Jesus emen uyi itiun ye iyak iba oro, onyuŋ emenere anyin esie enyɔŋ. Enye ɔkɔm Abasi abaŋa udia oro, ndin Enye abuŋ uyi ye iyak oro ke mbak ke mbak, ayak ono mme mbed Nsie, mme mbed Nsie onyuŋ edeme ono otu owo. 17Kpukpri owo adia ɔyuhɔ nte ɔkɔdɔŋde mmo, ndin mme mbed Nsie ataŋ nsuhɔ udia oro ɔdɔŋ ke akpasa dueba, mmo ɔyɔhɔ.
Peter Atiŋ Ke Jesus Edi Christ
(Matthew 16.13-20; Mark 8.27-30)
18Usen kied Jesus adaha ɔkpɔŋ otu owo ndikɔbɔŋ akam ikpɔŋ. Mbed Nsie ikpɔŋ okonyuŋ odu ekpere Enye. Kini Jesus ɔbɔŋde akam ama, Enye ebup mmo ete, mme owo ɔdɔhɔ ke Ami ndi ene?
19Mme mbed Nsie aboro ete, ndusuk owo ɔdɔhɔ ke Ofo edi John baptist, emi afiakde esed ke mkpa. Mbun eŋwen ete ke Ofo edi Prophet Elijah emi afiakde otu heaven edi. Edi mbun eŋwen ete, Ofo edi kied ke otu mme prophet eyi oko akakpade, ndin afiak esed ke mkpa.
20Jesus ebup mmo, ete, “Edi mmufo idɔhɔke Ami ndi ene? Peter aboro ete, Ofo edi Christ oro Abasi ɔkɔŋwɔŋɔde ke Emo iyono edi.”
Jesus Atiŋ Abaŋa Mkpa Ye Edised Nsie
(Matthew 16.20-23; Mark 8.30-33)
21Edi Enye ɔsɔŋɔ akpan mmo ete, “Ikutiŋ iko emi ino ukpɔk owo ndumekied.” 22Ndin Jesus anam aŋwuaŋa mmo ete, “Ana ete Ami, Eyin Abasi ŋkwid ediwak ukwid. Ebiowo mme Jew, ye mme ikpo oku ye mme ekpep ibed idimaha ndinyime Mi, mmo iyonyuŋ iwud Nni. Edi Abasi iyanam Mi nsed ke mkpa ke ɔyɔhɔ usen ita.”
Imen Cross Mmufo Inyuŋ Idi Mbed Nni
(Matthew 16.24-27; Mark 8.34-38)
23Ekem Jesus ɔdɔhɔ kpukpri owo oro ete, “Edieke owo mmufo kied ekededi oyumde ndidi mbed Nni, ana ete esin mme udɔŋ idem mfo onyuŋ emen cross mfo etiene Mi, oro ɔwɔrɔde ete, ofo enyene ndisaŋa ke mme ewuhɔ Mmi ke usen ke usen, ŋkɔm akpada fi ɔkɔsuŋɔ ke mkpa. Edi ke anamde ntem, ke ofo ekeme ndidi mbed Nni ke akpaniko.” 24Koro owo kied ekededi emi iyumde ndinyaha uwem nsie ke erimbud emi, ididuŋke ye Abasi ke nsinsi, edi owo kied ekededi emi inyimede ndikpa ke ntak Nŋi, iyaduŋ ye Abasi ke nsinsi. 25Koro nse uduri ke owo inyuŋ idia, edieke enye enyenede inyene ofri erimbud emi, edi iduŋke ye Abasi ke nsinsi. 26Edieke ofo okupde bud abaŋa Mi ye mme ukpep mkpo Mmi, ndin Ami eyin Abasi nnyokup bud mbaŋa fi ŋko, kini Ami mfiakde ndi ke erimbud ke Ubɔŋ Nŋi ye ke Ubɔŋ Ete Mmi ye ndisana angel.
Jesus Ɔkpuhɔde Udud Ke Enyɔŋ Obud
(Matthew 16.28-17.9; Mark 9.2-10; 2 Peter 1.16-18)
27Edi ndɔhɔ mmufo ke akpaniko nte, ndusuk owo emi adade mi, idikpaha mkpa, tutu mmo ekwid Ubɔŋ Abasi. 28Ke mkpo nte urua kied ama ekebe, tɔŋɔ nte Jesus ekekpep mkpo emi ama. Jesus ada Peter ye John ye James, adok ke akamba obud ndibɔŋ akam nno Abasi. 29Nte Jesus osuk ɔbɔŋde akam, isi Nsie ye ɔfɔŋ ɔkpuhɔde, onyuŋ akabare ayama nte emineŋ-mineŋ. 30Ndin ndondo oro, owo iba ɔbiɔŋɔde ɔtɔŋɔ ndineme nneme ye Jesus. Owo iba emi ekedi Moses ye Elijah. 31Mmo ŋko ama onyuŋ ayama eti-eti, ke eneme nneme ye Jesus. Mmo owo ita atiŋ abaŋa nte Jesus ikpade kini mibighike ke Jerusalem, koro ke usuŋ emi ke Enye enyene ndinam uduak emi Abasi akabaŋade ɔdɔŋ enye edi.
32Idaha oro Peter ye mbun eken odude ye enye ade idap, edi kini emi mmo edemerede, mmo ekwid ubɔŋ Jesus ye mme prophet iba oro nte adade ye Enye. 33Kini Moses ye Elijah okoyumde ndidaha mkpɔŋ Jesus, Peter ɔdɔhɔ Jesus ete, Andikpep, ɔfɔn nnyin ndidu mi. Iyak nnyin inyuŋ ibup ataya ita, kied enyene Fi, kied enyene Moses, kied onyuŋ enyene Elijah; edi enye ikɔdiɔŋɔke se enye atiŋde. 34Edi nte Peter osuk atiŋde mme iko emi, ntukube edifuk mmo. Ndik anam mme mbed nte ntukube oro afukde mmo.
35Ndin Abasi atiŋ iko ke ntuhube ikpa enyɔŋ, ete, “Emi edi edima Eyin Nni, emi Ami mmekde, Ikup uyi Nsie inyuŋ ikpono Enye.” 36Kini Abasi atiŋde iko oro ama, mme mbed eyekwid Jesus ikpɔŋ nte odude ye mmo. Mmo odup uyi, inyuŋ itiŋke ino owo ndumekied mme mkpo emi mmo ekekwidde.
Eyin Eden-Owo Okup Nsɔŋidem
(Matthew 17.14-21; Mark 9.14-29)
37Ke edem usen nsie, Jesus ye mme mbed Nsie otu ke obud ɔsuhɔre, ediwak otu owo onyuŋ edi ndisube ye Enye. 38Ndin kpak idaha oro, owo kied ke otu owo oro efiri ete, Andikpep, mekpe fi ubɔk nte aŋwam eyin eden-owo mmi koro enye edide ŋkukura eyin nni. 39Kpukpri ini ndedehe Spirit, aduk enye idem, onyuŋ anam enye ɔbɔŋ mkpu. Atuak enye idiɔk-idiɔk tutu efud ɔkɔhɔ enye ke inua, onyuŋ ono enye unan mbemisi ɔkpɔŋ enye. 40Mma nnyuŋ mkpe mme mbed Mfo ubɔk nte ebin ndedehe Spirit oro esi enye ke idem, edi mmo ikekemeke.
41Kini Jesus okupde iko emi, Enye ete, “Mmufo mbun emana emi, adaŋa didie ke Ami ndu ye mmufo nnyuŋ nnyo unana mbuɔdidem mmufo?” Ndin Enye ɔdɔhɔ owo oro ete, “Da eyin mfo di mi.”
42Nte eyin oro osuk asaŋade ebine Jesus, ndedehe Spirit oro esi enye ɔduɔk ke isɔŋ, onyuŋ esiŋede enye idiɔk-idiɔk. Edi Jesus asua ono ndedehe Spirit oro ete ɔkpɔŋ eyin oro. Enye ebin ndedehe Spirit oro esi eyin oro ke idem, onyuŋ asana enye ayak ono ete nsie.
Jesus Afiak Atiŋ Abaŋa Mkpa Nsie
(Matthew 17.22-23; Mark 9.30-32)
43Idem akpa kpukpri owo ndikwid ɔkpɔsɔŋ odudu Abasi. Edi ke nte idem akpade kpukpri owo abaŋa mme utibe mkpo emi Enye okosuk anamde, Enye ɔdɔhɔ mme mbed Nsie ete, 44“Ama edi Mmufo, itim ikpaŋ utɔŋ inɔŋi inyuŋ iti se Ami ntiŋde, Kini midibigike, eyeda Mi Eyin Abasi enyuŋ eyak esin ke ubɔk mme idiɔk owo.” 45Edi mme mbed Nsie ikɔdiɔŋɔke se iko oro Jesus akatiŋde ɔwɔrɔde koro se iko oro ɔwɔrɔde ama onyuŋ edibe mmo ke anyin, oro esin mmo ikekemeke idiɔŋɔ se ɔwɔrɔde. Edi ndik akananam mmo ndidɔhɔ Jesus anam iko oro aŋwuaha mmumo.
Ene Ikpun Ikan Ke Otu Nnyin?
(Matthew 18.1-5; Mark 9.33-37)
46Mme mbed ɔtɔŋɔ ndinini ke otu idem mmo mbaŋa owo emi okpunde akan ke idaha ke otu mmumo. 47Edi Jesus ɔfiɔk se mmo ekekerede ke esid mmo, Enye amim akpri eyin eden-owo onyuŋ anam enye odup ada Enye ke ŋkaŋ. 48Enye onyuŋ ɔdɔhɔ mme mbed Nsie ete, “Edieke owo enyimede akpri eyin emi ke ntak Nŋi, enye onyuŋ enyime Mi ŋko. Ndin owo ekededi emi enyimede Mi, onyuŋ enyime Ete Mmi oro ɔkɔdɔŋde Mi. Emi onyuŋ edi akpaniko koro owo ekededi ke otu mmufo emi ekwidde idem nsie ke ate usuhɔde itie, edi enye okpun akan ke isi Abasi.”
Jesus Asua Ono Ubahade
(Mark 9.38-41)
49Ndin John ɔdɔhɔ Jesus ete, “Andikpep, nnyin ima ikwid owo adade enyiŋ Mfo ebin ndedehe Spirit esi mme owo ke idem, ndin nnyin ima iŋwana ndikpan enye ndinam oro siak enye misaŋake ke otu nnyin.”
50Edi Jesus aboro enye ete, “Ikikpan mbun oro, koro owo ekededi eke miŋwanake ye mmufo, ada ye mmufo.”
Obi kied Ke Samaria Esin Jesus
51Ke nte ini ndimen Jesus mfiak ndok ke heaven ekperede, Jesus ebiere ndika obi Jerusalem, ndin Enye onyuŋ ɔtɔŋɔ isaŋ ye mme mbed Nsie. 52Enye ɔdɔŋ mme isuŋ-utum ebem Enye isi. Mmo aka ke obi kied emi esinede ke obi Samaria, mbak atim itie enim ono Jesus ye mme mbun eken ndidaŋ ke okuneyi oro. 53Edi kini mbun obi Samaria, edide edidiɔŋɔ ete ke Jesus oyum ndika obi Jerusalem ŋkokpono Abasi, mmo inyimeke Jesus ye mme mbed Nsie odu do ke obi mmo. 54Kini mbed Nsie James ye John ɔdiɔŋɔde mkpo emi eketibede, mmo ɔdɔhɔ Jesus ete, “Ɔbɔŋ, nte emenyime nnyin ikud ikaŋ otu ke enyɔŋ ɔsuhɔde edita mbun emi?” 55Edi Jesus ɔwɔŋɔde, asua ono mmo ete, “Mmufo idiɔŋɔke uto Spirit eke esinede mmufo ke idem.” 56Ndin Jesus ye mme mbed Nsie ebe aka obi efen.
Se Itakde Owo ndidi Mbed Christ
(Matthew 8.18-22)
57Nte Jesus ye mme mbed Nsie osuk asaŋade ke usuŋ aka obi Jerusalem, owo kied ɔdɔhɔ Enye, ete, “Ɔbɔŋ, Nnyetiene fi nnyuŋ ndidi mbed Mfo, ke itie ekededi emi Ofo ukade.”
58Jesus aboro enye ete, “Ebua ikɔd aduŋ ke ndudu, inuen efe ke enyɔŋ onyuŋ ana ke efɔk. Edi Eyin Abasi inyeneke itie eke Enye anade ade-idap.”
59Ndin Jesus ɔdɔhɔ owo eŋwen ete, “Tiene Minyuŋ didi mbed Nni,” edi owo oro ɔdɔhɔ Enye, ete, yak mbemisi kaŋa ŋka ŋkabuk ete mmi.
60Edi Jesus ɔdɔhɔ enye ete, “Mbun oro mikponoke Abasi etie nte mme akpa-mkpa. Yak mmo abuk mme akpa-mkpa mmo. Edi ama edi ofo, enyene ndika ŋkɔkwɔrɔ iko Abasi nno mme owo mbaŋa Obi Ubɔŋ Abasi.”
61Owo eŋwen ɔdɔhɔ Jesus ete, “Ɔbɔŋ, Ami mebeŋidem nditiene fi nnyuŋ ndidi mbed Mfo. Edi mbemesi nnam oro, yak ŋka ŋkɔkɔm mbun emi odude ke ufɔk nŋi ye mme iman nni nte ke ndidaha.”
62Edi Jesus aboro enye, ete, “Edieke owo ekededi ɔtɔŋɔde ndifuŋ isɔŋ ndin enye aka isi ɔwɔŋɔde anyin esie edem, utum nsie iyɔwɔrɔ ikpu-ikpu. Kpasuk ntra, edieke owo etienede Mi nte mbed Nni, ndin enye ayak mme mkpo eŋwen etimere enye, enye idikemeke ndinam eti utum ke Obi Ubɔŋ Abasi.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Idere Bible by Beyond Translation is licensed under Creative Commons Attribution-ShareAlike 4.0 License.