Luke 21
21
1ကျီးကအိမ် ကိုယ်တော်ယေရှုနာ မျှော်ယူကို့ ချမ်းသာဟေကလူးရက်နာ အလှူခံသေတ္တာတာ ဟုန်းငါ အလှူငွေရက် ထည်တုန်းဂါး ပိုလင်ကဟေ။ 2ဆင်းရဲဟေကား မုဆိုးမဟူးဝါနာ တန်ဖိုးဆန်း ဟေကာ ကြေးနီတင်္ဂါးနှစ်ပြားယင် အလှူဘဏ္ဍာတိုက်ထဲယာ ထည့်တုန်းဟေက ပိုလင်ဂါဟေ။ 3မှာအခါ ကိုယ်တော်နာ "နနိန်ရက်အင် ငါအမှန်ငန်းကား။ မှဆင်းရဲဆာမုဆိုးမနာ အယောက်ကလူးရက်တောင်မဒင့် ပိုဂို့ အလှုဒါနလုပ်တက်ကဖြစ်ဟေ။ 4လူရက်နာ အမာရက်ကအတွက် အသုံးအဆင်က၊ ပိုလျှံတုန်းဂါး အရာရက်အင် လှူဒါန်းလင်ကဟေ။ ညီးင့ဒင့်ယေ့ မှမုဆိုးမနာ ဆင်းရဲကယေ့ အမာထနဲ့ငါဟေက အူဇာစုတ်ရက်အင် လှူဒါန်းနက်ကဖြစ်ဟေ" ငါးဂို့ ငှားလင်ကဟေ။ 5ကျီးကအိမ် ဗိမ္မာန်တော်ကကျောင်းသား၊ အရောင်အသွေးရက်စာ ထူးခြားခန့်ညားတုန်းကို့ လှူပီးဂါးအူဇားရက်အ(လ်) အလွန်တင့်တယ်ဟေငါ့ကို လူးအချို့ရက်နာ ချီးမွမ်းတုန်းကို့ ကိုယ်တော်နာ 6"နနိန်ရက်ပိုတုန်းဟေကား အူဇာစုတ်ရက်နာ ဖျက်ဆီလင်ကဖြစ်ဟေ ။ တလုံတစ်လုံးနာ မူလနေရာယာ ငန်ကအရိထမ်း စုတ်ရက်အင်ဖျက်ဆီးကအချိန်ထုန်ဗာ(ဖ်)ဂါဟေ" ငါးဂို့ မိန့်တော်မူလင်ကဟေ။ 7အိမ်မကရပ် အမာရက်အ(လ်) ကိုယ်တော်ငင် "ဆရာ၊ အိမ်မအဖြစ်ပျက်ရက်နာ အဆီအချိန်ငါ ဖြစ်ဗာ(ဖ်)ကယား။ မှအရာရက် ဖြစ်ပျက်ဗန်(ဖ်)ကအချိန်ငါ အဆမီကနိမိတ်လက်က္ခဏာရက် ဖော်ဗာ(ဖ်) ကယား" ငါးဂို့ ကတာဂို့လျှောက်တင်လင်ကဟေ။ 8ကိုယ်တော်နာ"လူးရက်က လှည့်ဖျားမူယင် အဟင်းပိုမား သတိပြုယင်။ လူးရက်နာ ငါဒေလေဟန်ဆောင်ကို "ငါနာ ခရစ်တော်ဖြစ်ဟေ" အချိန်ထုပ် ဗာ(ဖ်)နန်း'ငါ့ကို ပြိစ်လင်ကား။ အမာရက်က နောက်အာအယိုးလင်ငဲ့။ 9နနိန်ရက်နာ စစ်ပွဲရက်အိမ် တော်လှန်ပုန်ကန်ဂါး သတင်းငင်တက်ပိုအခါ အစက်ဂီးယေ့။ မှအရာရက်နာ မလားဖြစ်ပျက်ပိုက ဖြစ်ဟေ။ ညီးင့ဒင့်ယေ့ အမာနာ အဆုံးသတ်အရိနိမ့်ပါ(လ်)။ 10လူမျိုးတစ်မျိုးအိမ်တစ်မျိုး ၊နိုင်ငံတစ်နိုင်ငံအိမ်တစ်နိုင်ငံ စစ်ဖြစ်လင်ကား။ 11နေရာအနှံ့ပြားငါ မြေငလျှင်လိစ်ကရက်၊ ငတ်မွတ်ခေါင်း ပါးမူရက်အိမ် ကပ်ရောဂါဆိုက်ဟေက ကြုံလင်ပိုကား။ ကောင်းဂါလက်အာယေ့ ကြောက်မက်ဖွယ် နိမိတ်လက္ခဏာရက် ဖော်ဗာ(ဖ်)လင်ကား။ 12ညီးင့ဒင့်ယေ့ မှအဖြစ်အပျက် ရက်အင်အဖြစ်မီ လူးရက်နာ ငါကအတွက်အိမ် နနိန်ရက်အင် ဖမ်းဆီးညှင်းဆဲကို ဓမ္မာရုံးငါ စစ်ဆေးကဟင်းပိုကို ထောင်အဟြက်ကို အပြစ်အီဂါးဟင်းလင်ပိုကား။ ရှင်ဘုရင်အိမ် အာဏာပိုင်ရက်ကား ရှေ့မှောက်အာအော်ကို စစ်ဆေးဟေကရက်အင်ယေ့ ကြုံလင်ပိုကား။ 13ညီးင့ဒင့်ယေ့ အမာနာ နနိန်ရက်က ယုံကြည်မူအင် သက်သေခံကဇိစ် အခွင့်အရေးဖြစ်လင်ကား။ 14မှအကြောင့် နနိန်ရက် အဆာမီချေပပြိစ်ပိုကယားငါဟေကား အစိုးရိမ်ယေ။ 15အဇာကြောင့်ယားငါ့နဲ့ ဆန့်ကျင်ကလူးဟူးဝါယေ့ အငြင်းခုံအဟန့်တာလှုက စကားပြောစွမ်းရည်အိမ် ဉာဏ်ပညာယင် နနိန်ရက်အင် ငါဆနိန်အီယန်ကား။ 16နနိန်ရက်ကားအနူဗာ၊ နည်းဆီဖုံနား ၊အဆံပန်း၊ မိတ်ဆွေရက်ကိုယ်တိုင်ဒင့် နနိန်ရက်အင် သစ္စာဖောက်လင်ကား။ နနိန်ရက်အထဲယာက အချို့ယင် ကတိုတ်ဓူ(ဖ်)လင်ကား။ 17ငါကအတွက်ကြောင့် လူတိုင်းနာ နနိန်ရက်အင် မုန်းတီးလင်ကား။ 18ခိုင်မြဲကယုံကြည်မူအိမ် မားမားမတ်မတ်ရပ်တည်နဲ့ နနိန်ရက် ကယ်တင်ကဟေကား ဟင်းလင်ပိုကား။ 19ညီးင့ဒင့်ယေ့ နနိန်ရက်ကားအဟူးဖုံးငါက အဟူးမိန်စာရာဒင့်ယေ့ ပျက်စီးကိုလှုလင်ကားအရိပါ(လ်)။ 20"ဂျေရုဆလင်မြို့ငင် စစ်ဆာရက်ဝန်းရံပီက ပိုဟေကအခါ အိမ်မမြို့နာ သိပ်မကြာခင် ပျက်စီးငန် ကဟေကား ချေးတုန်းလင်ကဟေ။ 21အိမ်မအချိန်ထုန်းနဲ့က(လ်) ယုဒပြည်ယာငါဟေကား လူရက်နာ တဂိုးဖုန်းငါ ချေးယင့်ဂီ။ မြို့အတာဟုန်းငါငါဟေကား လူးရက်အ(လ်) မြို့ပြင်ငါပြုကပ်အင်။ မြို့ပြင်ငါ ငါလင်နဲ့ယေ့ အဆင်ဂီယေ့။ 22အဇာကြောင့်ယားငါ့နဲ့ အိမ်မရယက်ကာလရက်နာ ကျမ်းစာနားရေးပီက အကြောင်းအရာရက်ပြည့်စုံကား အပြစ်ဒဏ်အီဟေကား ရယက်ရက်မယ်ဖြစ်ဟေ။ 23အိမ်မအချိန်ငါ ယုဒပြည်နာ လူးစုတ်ရက်ကအပေါ် ဆင်းရဲဒုက္ခပြောင် ထုန်ဗာ(ဖ်)ကို ဘုရားရှင်က အမျက်တော် ထုန်ဗာ(ဖ်)ကဖြစ်ကအတွက် ကိုယ်ဝန်ဆောင် တာဆာလောင်ရက်အိမ် မန်ဆာအနူ(ဖ်)ရက်ကအတွက် အဆိုးရွားဆုံးဖြစ်ဟေ။ 24တစ်ချို့နာ ကတင်အိမ် ဆိန်းလင်ပိုကို အယောက်ကလူးရက်က(လ်) သုံးပန်း အဖြစ် တိုင်းတစ်ပါးယာ ရိန်ကို့အော်လားကလင်ကား ဟင်းလင်ပိုကား။ တိုင်းတစ်ပါးသားရက်နာ အမာရက်က ခေတ်အဆုံနိမ့်ကအချိန်ထိ ဂျေရုဆလင်မြို့ယင် သိမ်းပိုက်ကို ဖိနှိပ်ချုပ်ခြယ်ပီလင်ကား။ 25" စမိ၊ ဆဓားအိမ် ကြယ်တာရာရက်နာ ထူးဆန်းကနိမိတ်လက္ခဏာရက် ဖြစ်ယောဝန်လင် ကား။ ပင်လယ်၊ သမုဒ္ဒရာရက်က လှိုင်းအကြာရက်ကကြောင်း ကမ္ဘာပေါ်ဝါက လူးရက်အ(လ်) စိုးရိမ် ကြောင့်ကြကို အဆာမီလုပ်ပေါ်ကယားအချေးစရောက်မား အစက်ကိုတုန်းလင်ကား။ 26ကောင်းဂါလက်တန်ခိုးရက်အ(လ်) ရမှိ(လ်)ငန်ကဖြစ်ကအတွက် အယောက်ကဖြစ်ပျက်အန်က အူဇာရက်အင် ကြိုတွေးကို လူးရက်နာ အစက်ကပြိစ်ကို့ သတိမေ့လင်ကား။ 27အိမ်မနောက်အာ 'လူ့သားတော်'နာ ဟြင်ဂရိန်အတာဟုန်းငါ တန်ခိုးတော်အနန္တ၊ ဂုဏ်တော်အနန္တအိမ် ကြွဗန်(ဖ်)က လူးရက် ဖူးလင်ပိုကား။ 28မှအကြောင့် အတတ်ကဒေလေက ဆိုးရွားကနိမိတ်လက္ခဏာရက် စတင်ဖြစ်ယောဝန် ကအချိန်ငါ နနိန်ရက်အင် သံသရာဝဋ်ဆင်းရဲယာဘင်း လွတ်မြောက်ဇိစ်ယန်ကဟေဖြစ်ကအတွက် မားမားမတ်မတ် စက်ကို အဟူးငင်မော့ပီယင့်"ငါ့ကို ငါ့လင်ကဟေ။ 29မှာနောက်အာ ကိုယ်တော်နာ အမာရက်အင် ပုံဥပမာဆူးယင် ငါ့ဆနပ်ကနာ "သဖန်းဖင်းအိမ် အယောက်ကအဖင်းရက်အင် ယူဝင့်။ 30အတက်အနူးနူးဆာပြူးယူးဝန်ဂါပိုဟေကားခါ နွေဦးပေါက်ငန်နန်း ငှားဟေကင်း နနိန်ရက်ကိုယ်တိုင်းအလိုလိုချေးဟေ။ 31အတတ်ကဒေလေဟုန်း ငါ ငါ့ပီဒက်ကအကြောင်းအရာရက် ဖြစ်ယောဝန်ကား နနိန်ရက်ပိုပိုနဲ့က(လ်) ဘုရားရှင်ကသာနာတော် ဖော်ဗာ(ဖ်)ကဟေငါ့ဟေကား သတိပီယင့်ဂီ။ 32ငါအမှန်ငါ့ဆနပ်အန်ကား။အတတ်လက်ရှိ အဆက်ဆိန်း တုန်းကလူးရက် စုတ်ရက်အဆိန်းမိ မှအဖြစ်ပျက်စုတ်ရက် ဖြစ်ပျက်အန်ကဖြစ်ဟေ။ 33ကောင်းဂါလက်အိမ်ကဇက်နာ ထာဝရတည်တံ့တုန်းငန်ကအရိကယေ့ ငါကတူးရက်က(လ်) အစဉ်ထာဝရ တည်တုန်းငန်ဂါးဖြစ်ဟေ။ 34မှအကြောင့် "ဆာဂါးအူဂါး၊ ဘဝအတွက် ပူပင်လိုက်အိမ်၊ နနိန်ရက်ကအချိန်ငင် အဆုံကဇိစ် သတိပြုဆင်ခြင်ယင့်ဂီး။အိမ်မဒေလေမယ် အချိန်ဖြုန်းတုန်းနဲ့က(လ်) နောက်ဆုံးရယက်အာ နနိန်ရက်အင် ကျော့ကွင်းဒေလေ အမှတ်တမဲ့ထုန်ဗာ(ဖ်)လင်ကား။ 35အိမ်မာရယက်နာ ကမ္ဘာမြေပေါ်ဝါ တုန်းဟေ ကားလူးစုတ်ရက်ကအပေါ် သက်ရောက်လင်ကဖြစ်ဟေ။ 36မှအကြောင့် နနိန်ရက်အ(လ်) ဖြစ်ယောဝန် ကအူဇာရက်အာဘင်း လွတ်မြောက်ကို လူ့သားတော်ရှေ့မှောက်အာ မားမားမတ်မတ် စက်လှုကအတွက် အချိန်ငါသရွေ့ ဆက်လက်ကို ဆုစိန်တုန်းယင့်"ငါ့ကို ငါလင်ကဟေ။ 37ကျီးကအိမ် ကိုယ်တော်နာ ဗိမ္မာန်တော်ယာ မီးနက်ဖက်ရက်အာ တရားတော်ရက်အင် ဟောဆနပ်ကို နက်တိုက်က(လ်) သံလွင် တဂို့ထိပ်အာ တုန်းလင်ကဟေ။ 38လူးအပေါင်းရက်အ(လ်) ကိုယ်တော်ကတရားတော်ရက်အင် အတေးကဇိစ် အပင်းဟာမတ်စောစော ဗိမာန်တော်ယာ ဗန်(ဖ်)လင်ကဟေ။
Àwon tá yàn lọ́wọ́lọ́wọ́ báyìí:
Luke 21: ttpv-rv
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
