Anthokna 9
9
Ansinsakna Rangana: Ranruol Rikhuo
1Hatuka Zehova'n Mōsi a kōma, “Faro kōma sē tānla, ama rang va ril ro, ‘Zehova, Hebrāi mi ngāi Pathianin hintin hin a ti: “Ka dorbō ei ādom thei una rang, ka mi ngāi mansē ro. 2Asik chu ānsē ranga na phal ving nōka, na lei khāp tit anten, 3#Lev 5:6; 26:25; Zōb 13:21; Sām 32:4; 78:50; Am 4:10; Kui 13:11Entā, khonōma na ranvāi ngāi chunga, sakor ngāi chunga, sakuorpar ngāi chunga, mākingkang ngāi chunga, sarātruol chunga lē beraruol ngāi chunga, Zehova'n a kut hong thāk in ti. Ripui ana sabak hong chul in ti. 4Zehova'n Israel ngāi ranruol lē Āiguptā ngāi ranruol kāra anteina hong sin in ti. Hasikhan Israel nāi ngāi tā chu ītē thi nō ni,” ’ ” a tī na. 5Hatuka Zehova'n hun khat a thang a, “Nangtūk Zehova'n hiva rama hin hiva ngāi hi hong thō in ti,” a tī na. 6#Sām 78:48-50Hankēng Zehova'n hanūka nikhuona, hiva ngāi hi a thō na, Āiguptā ranruol dōra a thi kiar a, tenchu Israel nāi ngāi ranruol chu angkhattē ngal thi mak a. 7Hatuka Faro'n mī a tīr a, entā, Israel ngāi ranruol bila angkhattē ngal thi mak a. Tenchu Faro malung chu ankhir riam a, amā'n mi ngāi chu mansē mak a.
Ansinsakna Arukna: Sakhuoi
8Hankēng Zehova'n Mōsi lē Aron kōma, “Ratap ātā na kut abit thaka na ning una ranga ravut lāk u tānla, Faro makunga Mōsī'n anvān ngāi tiang āthek sela. 9#Lev 13:18; Dān 28:27, 35; 2Rē 20:7; Zōb 2:7; Isa 38:21; Anl 16:2Hava ha Āiguptā pumpuia philvut hong chang in ti, hava han sakhuoi hong man-om in ti, Āigupta ram pumpuia mī lē ran ngāi chu sakhuoi anāi adōn tong u'n tī na,” a tī na. 10Hatuka amānī'n ratapa ravut a lāk u na, Faro makunga a vā'n ding u na, Mōsī'n anvān tiang a thek a. Hava hān miring lē ran chunga sakhuoi anāi adōn a hong āntong a ni. 11Sakhuoi sika dōikungpū ngāi chu Mōsi makunga ānding thei u lāi mak a, asik chu dōikungpū ngāi dōra lē Āiguptā mi ngāi dōra chunga sakhuoi chu atong kiar u na. 12Tenchu Zehova'n Faro malung chu a mankhir riam a. Mōsi a kōma Zehova'n ei tī anga, Faro'n a chong u lei poisak mak a.
Ansinsakna Sarina: Arial
13Hatuka Zehova'n Mōsi a kōma, “Zīnga anthui tānla, Faro makunga ānding tānla, a kōma, ‘Zehova, Hebrāi mi ngāi Pathianin hintin hin a tī na, “Ka mi ngāi sē u rase, ka dorbō ei ādom thei una rang, 14#1Sa 2:2; 2Sa 7:22; 1Rē 8:23; 1Kh 17:20; Sām 35:10; Isa 46:9; Zer 10:6; Mik 7:18Asik chu hiva khēp chu, ka ripui ngāi dōra nang na malung ngēta lē na suok ngāi chunga lē na mi ngāi chunga hong manhong ka ting. Phil chunga hin koi ka anga tūtē om mak tī hi nangin na riat in na ti. 15Atun chu ka kut ka lei hong phar a, nang lē na mi ngāi ripui le ka lei razīk anten, hi phil chung ātā antuka anpei zei u na ti. 16Tenchu nanga kei rātna kei manlang theina rang lē phil pumpuia ka raming ei ānpuong theina rang sika hin dingmun ansānga kei na siak a ni. 17Hanum ni sela, nangin ka mi ngāi aduia nei lā'n liana nei la om, hantin han amāni chu nei la mansē nōk. 18Entā, nangtūk hiva hun dāma arial hong masul sabak ka ting, Āiguptā ansiang len ātā atun tenpeia hiva ang hi la ni ngāi mak a. 19Hasikhan mī tīr tānla khonōma na ranruol lē nei dōn ngāi dōra mankhōm kiar ro. Asik chu tuolpanga āom mitin chunga lē ran tin ngāi chunga arial hong chul in ti, hatuka ina a hong ānchōi nōk ngāi chu thi u'n ti,” ’ ” a tī na.
20Faro a suok ngāi bila Zehova chong a lei ānchi ngāi dōra chu, a suok ngāi lē a ranvāi ngāi chu in tiang a hōl u na. 21Tenchu Zehova chong poi lei sāk lui ngāiin a suok u ngāi lē a ranvāi u ngāi chu khonōma a mak rak u na.
22Hatuka Zehova'n Mōsi a kōma, “Āigupta ram pumpuia arial ei chulna rang, na kut chu anvān tiang phar ro. Āigupta ram pumpuia, miring chunga, ran chunga lē phāia anna tin chunga ei hong chul theina rang,” a tī na. 23Mōsī'n a sunrol chu anvān tiang a phar a, Zehova'n khuonrī lē arial a manhong a, hatuka phila moi a hong āchul a. Hatuka Āigupta rama Zehova'n arial ruo a masul sabak a. 24Hankēng hava han arial a chul a, moi lē arial a chul a. Āiguptā chu nam anga a hong ānī suona, hivan tin anga ānrik chu a ram pumpuia lā om ngāi mak a. 25#Sām 78:28, 47; 105:32-33; Izk 13:13Āigupta ram pumpuia tuolpanga āom miring lē ran ngāi dōra chu arialin a razīk a. Hatuka phāia anna tin arialin a razīk a, rama om thingkung tin chu a khiak a. 26#Isa 32:18-20; Am 4:7Israel nāi ngāi ei om una Gosen ram ronga arial chul mak a.
27 #
Atl 14:40; Dān 1:41; Zos 7:11; Rui 10:10; 1Sa 15:24; 2Kh 12:6; Sām 11:7; Zer 12:1; Cha 1:18 Faro'n Mōsi lē Aron a va mankui a. Amāni kōma, “Hiva khēp chu āsia kei thō kēng a ni zei. Zehova hi ādik a ni, koi lē ka mi ngāi hi misalui nā ni. 28#Kui 8:24Zehova kōma zongandarna na dōnpē u ro, khuonrī lē arial ana sabak#9:28 khuonrī lē arial ana sabak: Ole, “Pathian khuonrī lē arial.” ei chul lāi nōkna rang, a hun zei. Na mansē u ka ting, om u lāi nō ta ni,” a tī na. 29#1Rē 8:22, 38; Zōb 11:13; 41:11; Sām 24:1; 77:2; Isa 1:15; 1Ko 10:26Hankēng Mōsī'n a kōma, “Khopui ātā kei suok le, Zehova kōma ka kut va phar ka ting, khuonrī chu bāng in ti, hatuka arial hong chul lāi nō ni. Phil hi Zehova tā kēng tī nei hong riattheina rang. 30#Isa 26:10Tenchu nang lē na suok ngāiin Zehova Pathian nei lā chi u nōk rang hi ka riat,” a tī na. 31#Dān 8:8; Rūt 1:22; 2Sa 14:30; Isa 28:25; Izk 4:9; Zol 1:11Hatuka nālia#9:31 nālia: Hebrāi chonga, “pistha” a ni. Hiva akora nātā patri a suok a, hanūk chu a rū nātā sariak a suok a. lē bārli ngāi chu a masiat a, bārlī chu avūi lāi lē pat chu anmuom lāi a ni. 32#Isa 28:25Tenchu gōm lē mola ngāi chu masiat mak a, nukhōn anna ei ni u sika. 33Hankēng Mōsi chu Faro a kōma khopui ātā a suok a, Zehova tiang a kut a va phar a. Hatuka khuonrī lē arial chu a bāng a, phila roti chul lāi mak a. 34Faro'n roti, arial lē khuonrī ei bāng a mū le, āsia a thō sā na. Ama lē a suok ngāi malung a mankhir riam a. 35Hankēng Faro malung ankhir a, Israel nāi ngāi um amā'n mansē mak a, Zehova'n Mōsi amanga a lei tī anga.
Àwon tá yàn lọ́wọ́lọ́wọ́ báyìí:
Anthokna 9: RNL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.
Anthokna 9
9
Ansinsakna Rangana: Ranruol Rikhuo
1Hatuka Zehova'n Mōsi a kōma, “Faro kōma sē tānla, ama rang va ril ro, ‘Zehova, Hebrāi mi ngāi Pathianin hintin hin a ti: “Ka dorbō ei ādom thei una rang, ka mi ngāi mansē ro. 2Asik chu ānsē ranga na phal ving nōka, na lei khāp tit anten, 3#Lev 5:6; 26:25; Zōb 13:21; Sām 32:4; 78:50; Am 4:10; Kui 13:11Entā, khonōma na ranvāi ngāi chunga, sakor ngāi chunga, sakuorpar ngāi chunga, mākingkang ngāi chunga, sarātruol chunga lē beraruol ngāi chunga, Zehova'n a kut hong thāk in ti. Ripui ana sabak hong chul in ti. 4Zehova'n Israel ngāi ranruol lē Āiguptā ngāi ranruol kāra anteina hong sin in ti. Hasikhan Israel nāi ngāi tā chu ītē thi nō ni,” ’ ” a tī na. 5Hatuka Zehova'n hun khat a thang a, “Nangtūk Zehova'n hiva rama hin hiva ngāi hi hong thō in ti,” a tī na. 6#Sām 78:48-50Hankēng Zehova'n hanūka nikhuona, hiva ngāi hi a thō na, Āiguptā ranruol dōra a thi kiar a, tenchu Israel nāi ngāi ranruol chu angkhattē ngal thi mak a. 7Hatuka Faro'n mī a tīr a, entā, Israel ngāi ranruol bila angkhattē ngal thi mak a. Tenchu Faro malung chu ankhir riam a, amā'n mi ngāi chu mansē mak a.
Ansinsakna Arukna: Sakhuoi
8Hankēng Zehova'n Mōsi lē Aron kōma, “Ratap ātā na kut abit thaka na ning una ranga ravut lāk u tānla, Faro makunga Mōsī'n anvān ngāi tiang āthek sela. 9#Lev 13:18; Dān 28:27, 35; 2Rē 20:7; Zōb 2:7; Isa 38:21; Anl 16:2Hava ha Āiguptā pumpuia philvut hong chang in ti, hava han sakhuoi hong man-om in ti, Āigupta ram pumpuia mī lē ran ngāi chu sakhuoi anāi adōn tong u'n tī na,” a tī na. 10Hatuka amānī'n ratapa ravut a lāk u na, Faro makunga a vā'n ding u na, Mōsī'n anvān tiang a thek a. Hava hān miring lē ran chunga sakhuoi anāi adōn a hong āntong a ni. 11Sakhuoi sika dōikungpū ngāi chu Mōsi makunga ānding thei u lāi mak a, asik chu dōikungpū ngāi dōra lē Āiguptā mi ngāi dōra chunga sakhuoi chu atong kiar u na. 12Tenchu Zehova'n Faro malung chu a mankhir riam a. Mōsi a kōma Zehova'n ei tī anga, Faro'n a chong u lei poisak mak a.
Ansinsakna Sarina: Arial
13Hatuka Zehova'n Mōsi a kōma, “Zīnga anthui tānla, Faro makunga ānding tānla, a kōma, ‘Zehova, Hebrāi mi ngāi Pathianin hintin hin a tī na, “Ka mi ngāi sē u rase, ka dorbō ei ādom thei una rang, 14#1Sa 2:2; 2Sa 7:22; 1Rē 8:23; 1Kh 17:20; Sām 35:10; Isa 46:9; Zer 10:6; Mik 7:18Asik chu hiva khēp chu, ka ripui ngāi dōra nang na malung ngēta lē na suok ngāi chunga lē na mi ngāi chunga hong manhong ka ting. Phil chunga hin koi ka anga tūtē om mak tī hi nangin na riat in na ti. 15Atun chu ka kut ka lei hong phar a, nang lē na mi ngāi ripui le ka lei razīk anten, hi phil chung ātā antuka anpei zei u na ti. 16Tenchu nanga kei rātna kei manlang theina rang lē phil pumpuia ka raming ei ānpuong theina rang sika hin dingmun ansānga kei na siak a ni. 17Hanum ni sela, nangin ka mi ngāi aduia nei lā'n liana nei la om, hantin han amāni chu nei la mansē nōk. 18Entā, nangtūk hiva hun dāma arial hong masul sabak ka ting, Āiguptā ansiang len ātā atun tenpeia hiva ang hi la ni ngāi mak a. 19Hasikhan mī tīr tānla khonōma na ranruol lē nei dōn ngāi dōra mankhōm kiar ro. Asik chu tuolpanga āom mitin chunga lē ran tin ngāi chunga arial hong chul in ti, hatuka ina a hong ānchōi nōk ngāi chu thi u'n ti,” ’ ” a tī na.
20Faro a suok ngāi bila Zehova chong a lei ānchi ngāi dōra chu, a suok ngāi lē a ranvāi ngāi chu in tiang a hōl u na. 21Tenchu Zehova chong poi lei sāk lui ngāiin a suok u ngāi lē a ranvāi u ngāi chu khonōma a mak rak u na.
22Hatuka Zehova'n Mōsi a kōma, “Āigupta ram pumpuia arial ei chulna rang, na kut chu anvān tiang phar ro. Āigupta ram pumpuia, miring chunga, ran chunga lē phāia anna tin chunga ei hong chul theina rang,” a tī na. 23Mōsī'n a sunrol chu anvān tiang a phar a, Zehova'n khuonrī lē arial a manhong a, hatuka phila moi a hong āchul a. Hatuka Āigupta rama Zehova'n arial ruo a masul sabak a. 24Hankēng hava han arial a chul a, moi lē arial a chul a. Āiguptā chu nam anga a hong ānī suona, hivan tin anga ānrik chu a ram pumpuia lā om ngāi mak a. 25#Sām 78:28, 47; 105:32-33; Izk 13:13Āigupta ram pumpuia tuolpanga āom miring lē ran ngāi dōra chu arialin a razīk a. Hatuka phāia anna tin arialin a razīk a, rama om thingkung tin chu a khiak a. 26#Isa 32:18-20; Am 4:7Israel nāi ngāi ei om una Gosen ram ronga arial chul mak a.
27 #
Atl 14:40; Dān 1:41; Zos 7:11; Rui 10:10; 1Sa 15:24; 2Kh 12:6; Sām 11:7; Zer 12:1; Cha 1:18 Faro'n Mōsi lē Aron a va mankui a. Amāni kōma, “Hiva khēp chu āsia kei thō kēng a ni zei. Zehova hi ādik a ni, koi lē ka mi ngāi hi misalui nā ni. 28#Kui 8:24Zehova kōma zongandarna na dōnpē u ro, khuonrī lē arial ana sabak#9:28 khuonrī lē arial ana sabak: Ole, “Pathian khuonrī lē arial.” ei chul lāi nōkna rang, a hun zei. Na mansē u ka ting, om u lāi nō ta ni,” a tī na. 29#1Rē 8:22, 38; Zōb 11:13; 41:11; Sām 24:1; 77:2; Isa 1:15; 1Ko 10:26Hankēng Mōsī'n a kōma, “Khopui ātā kei suok le, Zehova kōma ka kut va phar ka ting, khuonrī chu bāng in ti, hatuka arial hong chul lāi nō ni. Phil hi Zehova tā kēng tī nei hong riattheina rang. 30#Isa 26:10Tenchu nang lē na suok ngāiin Zehova Pathian nei lā chi u nōk rang hi ka riat,” a tī na. 31#Dān 8:8; Rūt 1:22; 2Sa 14:30; Isa 28:25; Izk 4:9; Zol 1:11Hatuka nālia#9:31 nālia: Hebrāi chonga, “pistha” a ni. Hiva akora nātā patri a suok a, hanūk chu a rū nātā sariak a suok a. lē bārli ngāi chu a masiat a, bārlī chu avūi lāi lē pat chu anmuom lāi a ni. 32#Isa 28:25Tenchu gōm lē mola ngāi chu masiat mak a, nukhōn anna ei ni u sika. 33Hankēng Mōsi chu Faro a kōma khopui ātā a suok a, Zehova tiang a kut a va phar a. Hatuka khuonrī lē arial chu a bāng a, phila roti chul lāi mak a. 34Faro'n roti, arial lē khuonrī ei bāng a mū le, āsia a thō sā na. Ama lē a suok ngāi malung a mankhir riam a. 35Hankēng Faro malung ankhir a, Israel nāi ngāi um amā'n mansē mak a, Zehova'n Mōsi amanga a lei tī anga.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bible in Ranglong, © Bibles International, the Bible society of Baptist Mid-Missions, 2024.