Иуда 1
1
1Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ#1:1 корӧммез ─ призванные. Ен Айным керис тіянӧс вежа отирӧн, а Кристос Исусыс видзӧ тіянӧс. 2Еныслӧн бурсетӧмыс#1:2 бурсетӧм ─ благодать, лӧнь оланыс#1:2 лӧнь олан ─ мир да радейтӧмыс тіян ась содасӧ!
Ылӧтісь велӧтіссез
3Донаэзӧ! Ме ӧддьӧн мӧді гижны миян ӧтлаын мезмӧмным йылісь. Но шуи, коланажык лоас, велӧта кӧ тіянӧс дорйыны веритӧмнытӧ. Сійӧ Еныс ӧтпыр сетӧм вӧлі вежа отирлӧ. 4Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.
5Тійӧ этӧ тӧдатӧ. Ме мӧда тіянлӧ дзир казьмӧтны. Дӧсвидзисьыс Израиль отирсӧ Египет мусис петкӧтӧм. Ны коласісь мукӧдыс абу веритӧмась. Сійӧн нылісь оланнысӧ Сія бӧрынжык орӧтӧм. 6Тӧдат и ангеллэз йылісь. Нія вӧлісӧ вылына пуктӧмӧсь, но нылӧ сетӧмсӧ нія абу видзӧмась да кольӧмась ассиныс оланіннысӧ. Дӧсвидзисьыс нійӧ пемытінас видзӧ пырся домӧттэзын ыджыт Суд Лунӧдз. 7Тійӧ тӧдатӧ и Содомын, Гоморраын да ны гӧгӧр каррезын оліссез йылісь. Кывзісьтӧм ангеллэс моз нія олӧмась лэдзчисьӧмӧн: мужиккез мужиккезкӧт кыскасьӧмась. Эта понда нійӧ сотӧмась куслытӧм биӧн. Ны йылісь гижӧмыс миянӧс велӧтӧ.
8Сідз петас и этнакӧт, вӧтын моз оліссескӧт. Нія эд сэрпӧсьтӧны ассиныс вывтырнысӧ. Юралӧмсӧ абутӧм туйӧ пуктӧны, енӧжись выннэсӧ видӧны. 9Микаил Аркангелыс кульыскӧт Моисейыс вывтыр понда вермасьӧм. И сія абу лысьтӧм кульсӧ ӧмавны-видны. Сія висьталӧм: Дӧсвермисьыс ась ӧлӧ-падмӧтӧ тэнӧ. 10А этна эд умӧльсӧ баитӧны сы йылісь, мый озӧ тӧдӧ. Нылӧ шогмӧмсянь сетӧм тӧдны мукӧдсӧ мывкыдтӧм подалӧ моз. Этӧн нія асьнысӧ изводалӧны#1:10 изводавны ─ погубить, уничтожить. 11Ӧддьӧн умӧль нылӧ лоас! Нія мунӧны Каиныс сьӧрӧ. Сьӧмыс кузя нія ылалісӧ Валаамыс моз. Корейыс моз асныралӧмныс кузя асьнысӧ вийсьӧмӧдз вайӧтӧны. 12Ӧксьывлӧммезныт коста сэтшӧм отирыс тіян коласын кыдз ляккез. Радейтӧмӧн сёян дорын рытъялӧмныт#1:12 радейтӧмӧн сёян дорын рытъялӧм ─ вечеря любви коста нія тіянкӧт ӧтлаын повтӧг сёйӧны-юӧны, дзир ас йывсиныс тӧждісьӧны. Нія кыдз тӧлӧн новйӧтан зэртӧм кымӧррез. Нія кыдз арся пуэз, кӧдна нем эзӧ сетӧ воӧмсӧ, вудж сорнас шедтӧмӧсь, кыкись кулӧмӧсь. 13Нія саридз#1:13 саридз ─ море вылын лёк тӧлӧн койӧм ва кодьӧсь, нятьӧсь быгыс моз сэрпнысӧ лэбтӧны. Нія енӧжись кӧдзуввез#1:13 кӧдзув ─ звезда кодьӧсь, кӧдна туй вывсис ӧшӧмась. Нылӧ эд пыр кежӧ лӧсьӧтӧм пемытіныс.
14Енокыс Адамсянь сизимӧт ай. Сія одзланьсясӧ висьтавлӧм сідз: «Видзӧт! Локтӧ Дӧсвидзисьыс Аслас лыдтӧм#1:14 лыдтӧм ─ бессчётный вежа ангеллэзкӧт. 15Сія локтӧ чулӧтны судсӧ быдӧнныс вылын, медбы осьтны умӧль керӧмнысӧ Ентӧг оліссеслісь, мыжйыны нійӧ умӧльсӧ керӧмныс понда да Сы йылісь лёк кылӧн баитӧмныс понда». 16Нія пыр боньгӧны да норасьӧны. Керӧны дзир асланыс ӧзйӧтчӧм#1:16 ӧзйӧтчӧм ─ похоть сьӧрті: Ентӧг олӧны, Сылісь Туйдӧтсӧ абутӧм туйӧ пуктӧны, баитӧмнаныс асьнысӧ лэбтӧны. Колӧ кӧ мыйкӧ мортыссянь, сійӧ бура ошкӧны. Нысянь эд эм мый босьтны.
Туйдӧтӧммез
17Тійӧ, менам донаэзӧ, видзӧ тӧдвыланыт миян Дӧсвидзись Кристос Исуслӧн апостоллэзлісь одзланьсяыс йылісь висьталӧмсӧ. 18Нія тіянлӧ висьтавлісӧ, медбӧрья кадас пӧ лоасӧ згальниккез#1:18 згальник ─ насмешник, ругатель. Нія пондасӧ керны умӧльсӧ асланыс ӧзйӧтчӧм сьӧрті. 19Ны кузя веритіссес пондасӧ янсӧтчыны. Нія олӧны вывтырныс сьӧрті, Енлӧн Лолыс ны пытшкын абу.
20Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ! 21Видзсьӧ Енлӧн радейтӧмын. Видзчисьӧ сійӧ кадсӧ, кӧр миян Дӧсвидзись Кристос Исусным Аслас небыт сьӧлӧмсянь вайӧтас миянӧс пырся оланӧ#1:21 пырся олан ─ вечная жизнь. 22Мукӧдыслӧ небыт сьӧлӧмсянь отсалӧ, но бура авйӧмӧн-видзӧтӧмӧн. 23Мукӧдсӧ мездӧтӧ повзьӧтлӧмӧн, кыскӧ нійӧ бисис. Висьталӧ умӧль керӧммезныс йылісь, но полӧмӧн видзӧтчӧ. Брезгуйтӧ нельки паськӧмнысӧ, кӧда сэрпӧсьмис вывтырныссянь.
Енсӧ ошкӧм
24Ошкӧ Сійӧ, Кин вермас видзны тіянӧс усьӧмись. Еныс вермас тіянӧс вайӧтны Аслас югьяланінӧ сӧстӧммезӧн да гажӧтчиссезӧн. 25Ошкӧ адззывлытӧм мывкыда ӧтка Енсӧ! Сія эд миянӧс мездіс Дӧсвидзись Кристос Исусным пыр. Сылӧ ошкӧм-сьылӧтӧмыс! Сылӧн выныс да юралӧмыс кадыс пондӧтчӧмсянь, ӧні да пырся-пыр! Аминь.
Àwon tá yàn lọ́wọ́lọ́wọ́ báyìí:
Иуда 1: БЮ19
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Иуда 1
1
1Гижӧ Иуда, Кристос Исуслӧн раб, Яковлӧн вон. Гижӧмӧс ыста Енлӧн корӧммезлӧ#1:1 корӧммез ─ призванные. Ен Айным керис тіянӧс вежа отирӧн, а Кристос Исусыс видзӧ тіянӧс. 2Еныслӧн бурсетӧмыс#1:2 бурсетӧм ─ благодать, лӧнь оланыс#1:2 лӧнь олан ─ мир да радейтӧмыс тіян ась содасӧ!
Ылӧтісь велӧтіссез
3Донаэзӧ! Ме ӧддьӧн мӧді гижны миян ӧтлаын мезмӧмным йылісь. Но шуи, коланажык лоас, велӧта кӧ тіянӧс дорйыны веритӧмнытӧ. Сійӧ Еныс ӧтпыр сетӧм вӧлі вежа отирлӧ. 4Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.
5Тійӧ этӧ тӧдатӧ. Ме мӧда тіянлӧ дзир казьмӧтны. Дӧсвидзисьыс Израиль отирсӧ Египет мусис петкӧтӧм. Ны коласісь мукӧдыс абу веритӧмась. Сійӧн нылісь оланнысӧ Сія бӧрынжык орӧтӧм. 6Тӧдат и ангеллэз йылісь. Нія вӧлісӧ вылына пуктӧмӧсь, но нылӧ сетӧмсӧ нія абу видзӧмась да кольӧмась ассиныс оланіннысӧ. Дӧсвидзисьыс нійӧ пемытінас видзӧ пырся домӧттэзын ыджыт Суд Лунӧдз. 7Тійӧ тӧдатӧ и Содомын, Гоморраын да ны гӧгӧр каррезын оліссез йылісь. Кывзісьтӧм ангеллэс моз нія олӧмась лэдзчисьӧмӧн: мужиккез мужиккезкӧт кыскасьӧмась. Эта понда нійӧ сотӧмась куслытӧм биӧн. Ны йылісь гижӧмыс миянӧс велӧтӧ.
8Сідз петас и этнакӧт, вӧтын моз оліссескӧт. Нія эд сэрпӧсьтӧны ассиныс вывтырнысӧ. Юралӧмсӧ абутӧм туйӧ пуктӧны, енӧжись выннэсӧ видӧны. 9Микаил Аркангелыс кульыскӧт Моисейыс вывтыр понда вермасьӧм. И сія абу лысьтӧм кульсӧ ӧмавны-видны. Сія висьталӧм: Дӧсвермисьыс ась ӧлӧ-падмӧтӧ тэнӧ. 10А этна эд умӧльсӧ баитӧны сы йылісь, мый озӧ тӧдӧ. Нылӧ шогмӧмсянь сетӧм тӧдны мукӧдсӧ мывкыдтӧм подалӧ моз. Этӧн нія асьнысӧ изводалӧны#1:10 изводавны ─ погубить, уничтожить. 11Ӧддьӧн умӧль нылӧ лоас! Нія мунӧны Каиныс сьӧрӧ. Сьӧмыс кузя нія ылалісӧ Валаамыс моз. Корейыс моз асныралӧмныс кузя асьнысӧ вийсьӧмӧдз вайӧтӧны. 12Ӧксьывлӧммезныт коста сэтшӧм отирыс тіян коласын кыдз ляккез. Радейтӧмӧн сёян дорын рытъялӧмныт#1:12 радейтӧмӧн сёян дорын рытъялӧм ─ вечеря любви коста нія тіянкӧт ӧтлаын повтӧг сёйӧны-юӧны, дзир ас йывсиныс тӧждісьӧны. Нія кыдз тӧлӧн новйӧтан зэртӧм кымӧррез. Нія кыдз арся пуэз, кӧдна нем эзӧ сетӧ воӧмсӧ, вудж сорнас шедтӧмӧсь, кыкись кулӧмӧсь. 13Нія саридз#1:13 саридз ─ море вылын лёк тӧлӧн койӧм ва кодьӧсь, нятьӧсь быгыс моз сэрпнысӧ лэбтӧны. Нія енӧжись кӧдзуввез#1:13 кӧдзув ─ звезда кодьӧсь, кӧдна туй вывсис ӧшӧмась. Нылӧ эд пыр кежӧ лӧсьӧтӧм пемытіныс.
14Енокыс Адамсянь сизимӧт ай. Сія одзланьсясӧ висьтавлӧм сідз: «Видзӧт! Локтӧ Дӧсвидзисьыс Аслас лыдтӧм#1:14 лыдтӧм ─ бессчётный вежа ангеллэзкӧт. 15Сія локтӧ чулӧтны судсӧ быдӧнныс вылын, медбы осьтны умӧль керӧмнысӧ Ентӧг оліссеслісь, мыжйыны нійӧ умӧльсӧ керӧмныс понда да Сы йылісь лёк кылӧн баитӧмныс понда». 16Нія пыр боньгӧны да норасьӧны. Керӧны дзир асланыс ӧзйӧтчӧм#1:16 ӧзйӧтчӧм ─ похоть сьӧрті: Ентӧг олӧны, Сылісь Туйдӧтсӧ абутӧм туйӧ пуктӧны, баитӧмнаныс асьнысӧ лэбтӧны. Колӧ кӧ мыйкӧ мортыссянь, сійӧ бура ошкӧны. Нысянь эд эм мый босьтны.
Туйдӧтӧммез
17Тійӧ, менам донаэзӧ, видзӧ тӧдвыланыт миян Дӧсвидзись Кристос Исуслӧн апостоллэзлісь одзланьсяыс йылісь висьталӧмсӧ. 18Нія тіянлӧ висьтавлісӧ, медбӧрья кадас пӧ лоасӧ згальниккез#1:18 згальник ─ насмешник, ругатель. Нія пондасӧ керны умӧльсӧ асланыс ӧзйӧтчӧм сьӧрті. 19Ны кузя веритіссес пондасӧ янсӧтчыны. Нія олӧны вывтырныс сьӧрті, Енлӧн Лолыс ны пытшкын абу.
20Донаэзӧ, тійӧ кеймиканыт ӧтлаасьӧ Вежа Лолыскӧт, вежа веритӧмас асьнытӧ вынсьӧтӧ! 21Видзсьӧ Енлӧн радейтӧмын. Видзчисьӧ сійӧ кадсӧ, кӧр миян Дӧсвидзись Кристос Исусным Аслас небыт сьӧлӧмсянь вайӧтас миянӧс пырся оланӧ#1:21 пырся олан ─ вечная жизнь. 22Мукӧдыслӧ небыт сьӧлӧмсянь отсалӧ, но бура авйӧмӧн-видзӧтӧмӧн. 23Мукӧдсӧ мездӧтӧ повзьӧтлӧмӧн, кыскӧ нійӧ бисис. Висьталӧ умӧль керӧммезныс йылісь, но полӧмӧн видзӧтчӧ. Брезгуйтӧ нельки паськӧмнысӧ, кӧда сэрпӧсьмис вывтырныссянь.
Енсӧ ошкӧм
24Ошкӧ Сійӧ, Кин вермас видзны тіянӧс усьӧмись. Еныс вермас тіянӧс вайӧтны Аслас югьяланінӧ сӧстӧммезӧн да гажӧтчиссезӧн. 25Ошкӧ адззывлытӧм мывкыда ӧтка Енсӧ! Сія эд миянӧс мездіс Дӧсвидзись Кристос Исусным пыр. Сылӧ ошкӧм-сьылӧтӧмыс! Сылӧн выныс да юралӧмыс кадыс пондӧтчӧмсянь, ӧні да пырся-пыр! Аминь.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀