Ефесын оліссезлӧ 4
4
1Ме, Дӧсвидзись понда пукалісь, кеймися тіянлӧ: олӧ сідз, кыдз колӧ овны Енлӧн корӧммезлӧ. 2Сідзкӧ, лоӧ бур мывкыдаӧсь, рамӧсь, ыджыт мылааӧсь#4:2 мыла ─ терпение, радейтан сьӧлӧмсянь ӧтамӧднытӧ бурӧ пуктӧ#4:2 бурӧ пуктыны ─ уважать. 3Вынсьӧтчӧ видзсьыны Ен Ловсянь йитчӧмын да лӧньын, кӧда тіянӧс ӧтлаӧтӧ. 4Тійӧ ӧтік вывтырын, ӧтік Ловсянь, да и корӧмӧсь тійӧ ӧтік вылӧ надейтчыны.
5Тіян ӧтік Дӧсвидзись,
ӧтік веритӧм, ӧткодь пыртчӧм.
6Ӧтік Ен ─ быдӧнныслӧн Ай.
Сія эд быдӧнныс вылын.
Ассис уджсӧ керӧ быдӧнныс пыр
и миянын быдын.
7Кристосыс миянлӧ быдӧннымлӧ козьналіс бурсетӧмсӧ сымда, мымда Сія Ачыс лӧсьӧтіс быд мортлӧ. 8Сійӧн и висьталӧм Вежа Гижӧтас:
─ Сія кайис вылӧ,
сьӧрас нуӧтіс домалӧммесӧ,
а отирлӧ сетіс козиннэз.
9Гижӧм «Сія кайис». Мый висьталӧны этна кыввес? Озӧ я нія висьталӧ, Кристосыс пӧ одзжык лэдзчыліс му пыдӧсас? 10Кин лэдзчыліс, Сія и кайис енӧжжезся вылынжыка, медбы Асьнас быдӧс тыртны. 11Вичкуын Кристосыс ӧтіккезӧс сувтӧтіс апостоллэзӧн, мӧдіккезӧс ─ Енсянь юӧртіссезӧн, мукӧдсӧ ─ Бур Юӧр висьтасиссезӧн, мукӧдсӧ ─ веськӧтліссезӧн да велӧтіссезӧн. 12Нійӧ сувтӧтіс зорӧтны вежа отирсӧ, керны Еныслісь уджсӧ, вынсьӧтны Кристослісь Вывтырсӧ, Вичкусӧ. 13Сідз мийӧ быдӧнным локтам ӧтмоза веритӧмӧдз да Ен Зонсӧ бура тӧдӧмӧдз. Миян ловным вынсялас, пондам вачкисьны Кристосыс вылӧ. Сія эд быдсӧн бур#4:13 быдсӧн бур ─ совершенный.
14Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь. 15Но мийӧ радейтӧмӧн пондам висьтасьны быльсӧ. Сэк асьным зорамам да пондам вачкисьны Кристосыс вылӧ. Сія эд Юрыс, 16видзӧ вывтырсӧ. Сія вывтырсис быд торсӧ ӧтлаӧтӧ быдпӧлӧс сӧннэзӧн. Вывтырын быд торлӧн аслас удж. Сідз вывтырыс быдмӧ да вынсялӧ радейтӧмас.
Одззася да ӧння олӧм
17Сійӧн ме кора да тшӧкта Дӧсвидзись нимӧн: сэсся эдӧ ни керӧ ентӧдтӧммес моз. Нія эд умӧльсӧ юраныс пыртӧмсянь керӧны ковтӧмсӧ. 18Нылӧн вежӧрныс пемдӧм. Сійӧн Енлӧн сетӧм оланісь нія ылӧ вешшӧмась. Нія озӧ тӧдӧ Енсӧ, сьӧлӧмнысӧ чорзьӧтӧмась да. 19Рожа кулянӧдз локтӧмнысӧ нія озӧ адззӧ. Нія лэдзчисисӧ кыскасьны, быдпӧлӧс сэрпӧсьсӧ керӧны пӧтлытӧг. 20А тійӧ Кристосыссянь велаліт овны мӧдмоза. 21Тійӧ кыліт Сы йылісь. Тіянӧс велӧтісӧ быляс, а быльыс ─ Исусын. 22Тіянӧс велӧтісӧ кольны одззамоз олӧмнытӧ. Одзза моз олісь мортыс ковтӧмсӧ ӧзйӧтчӧмӧн керӧмсянь асьсӧ изводалӧ#4:22 изводавны ─ погубить, уничтожить. 23Ассиныт мывкыднытӧ, ловнытӧ вильмӧтӧ. 24Пӧртчӧ виль вежа мортӧ, Еныс сьӧрті аркмӧтӧмӧ. Лоӧ Сы сьӧрті веськыта олісьӧн, вежаӧн да видзсьӧ быляс.
Кристоскӧт виль олан
25Сідзкӧ, кольӧ бӧбӧтчӧмнытӧ. Ӧтамӧдныткӧт баитӧ веськыта, быльыс сьӧрті. Мийӧ эд ӧтамӧднымлӧ ӧтік вывтырлӧн торрез. 26Лӧгувьяныт умӧльсӧ эд керӧ. Шонді пуксьытӧдз лӧгнытӧ кусӧтӧ да бурасьӧ, 27медбы кульыслӧ немӧн вӧлі тіянӧс кутны. 28Кин гусясис, сэсся эн гусясь. Буржык эд, пондан кӧ уджавны, аслат киэзӧн керны бурсӧ, медбы и мӧдіккезлӧ вермин отсавны. 29Некытшӧм умӧль баитӧм ась оз пет тіян ӧмись. Баитӧ дзир бурӧ, медбы кывзісьсӧ вынсьӧтны веритӧмас да сылӧ бур вӧлі.
30Еныслісь Вежа Ловсӧ эд вайӧтӧ тӧждісьӧмӧдз. Вежа Лолыс ─ мездан лун кежӧ тіянлӧ сетӧм пас. 31Лӧгувьяныт кучиксиныт петӧм, лёксялӧм, горӧтӧм, лӧгалӧмсянь курыт кыввез висьталӧм да умӧльсӧ баитӧм пыр кежӧ чапкӧ. 32Ӧтамӧдныт дынӧ лоӧ небыт сьӧлӧмаӧсь, тӧждісьӧ ӧтамӧдныт понда, эд видзӧ лӧгнытӧ. Кристоскӧт ӧтлаасьӧмныт понда Еныс эд тіянӧс проститіс.
Àwon tá yàn lọ́wọ́lọ́wọ́ báyìí:
Ефесын оліссезлӧ 4: БЮ19
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ефесын оліссезлӧ 4
4
1Ме, Дӧсвидзись понда пукалісь, кеймися тіянлӧ: олӧ сідз, кыдз колӧ овны Енлӧн корӧммезлӧ. 2Сідзкӧ, лоӧ бур мывкыдаӧсь, рамӧсь, ыджыт мылааӧсь#4:2 мыла ─ терпение, радейтан сьӧлӧмсянь ӧтамӧднытӧ бурӧ пуктӧ#4:2 бурӧ пуктыны ─ уважать. 3Вынсьӧтчӧ видзсьыны Ен Ловсянь йитчӧмын да лӧньын, кӧда тіянӧс ӧтлаӧтӧ. 4Тійӧ ӧтік вывтырын, ӧтік Ловсянь, да и корӧмӧсь тійӧ ӧтік вылӧ надейтчыны.
5Тіян ӧтік Дӧсвидзись,
ӧтік веритӧм, ӧткодь пыртчӧм.
6Ӧтік Ен ─ быдӧнныслӧн Ай.
Сія эд быдӧнныс вылын.
Ассис уджсӧ керӧ быдӧнныс пыр
и миянын быдын.
7Кристосыс миянлӧ быдӧннымлӧ козьналіс бурсетӧмсӧ сымда, мымда Сія Ачыс лӧсьӧтіс быд мортлӧ. 8Сійӧн и висьталӧм Вежа Гижӧтас:
─ Сія кайис вылӧ,
сьӧрас нуӧтіс домалӧммесӧ,
а отирлӧ сетіс козиннэз.
9Гижӧм «Сія кайис». Мый висьталӧны этна кыввес? Озӧ я нія висьталӧ, Кристосыс пӧ одзжык лэдзчыліс му пыдӧсас? 10Кин лэдзчыліс, Сія и кайис енӧжжезся вылынжыка, медбы Асьнас быдӧс тыртны. 11Вичкуын Кристосыс ӧтіккезӧс сувтӧтіс апостоллэзӧн, мӧдіккезӧс ─ Енсянь юӧртіссезӧн, мукӧдсӧ ─ Бур Юӧр висьтасиссезӧн, мукӧдсӧ ─ веськӧтліссезӧн да велӧтіссезӧн. 12Нійӧ сувтӧтіс зорӧтны вежа отирсӧ, керны Еныслісь уджсӧ, вынсьӧтны Кристослісь Вывтырсӧ, Вичкусӧ. 13Сідз мийӧ быдӧнным локтам ӧтмоза веритӧмӧдз да Ен Зонсӧ бура тӧдӧмӧдз. Миян ловным вынсялас, пондам вачкисьны Кристосыс вылӧ. Сія эд быдсӧн бур#4:13 быдсӧн бур ─ совершенный.
14Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь. 15Но мийӧ радейтӧмӧн пондам висьтасьны быльсӧ. Сэк асьным зорамам да пондам вачкисьны Кристосыс вылӧ. Сія эд Юрыс, 16видзӧ вывтырсӧ. Сія вывтырсис быд торсӧ ӧтлаӧтӧ быдпӧлӧс сӧннэзӧн. Вывтырын быд торлӧн аслас удж. Сідз вывтырыс быдмӧ да вынсялӧ радейтӧмас.
Одззася да ӧння олӧм
17Сійӧн ме кора да тшӧкта Дӧсвидзись нимӧн: сэсся эдӧ ни керӧ ентӧдтӧммес моз. Нія эд умӧльсӧ юраныс пыртӧмсянь керӧны ковтӧмсӧ. 18Нылӧн вежӧрныс пемдӧм. Сійӧн Енлӧн сетӧм оланісь нія ылӧ вешшӧмась. Нія озӧ тӧдӧ Енсӧ, сьӧлӧмнысӧ чорзьӧтӧмась да. 19Рожа кулянӧдз локтӧмнысӧ нія озӧ адззӧ. Нія лэдзчисисӧ кыскасьны, быдпӧлӧс сэрпӧсьсӧ керӧны пӧтлытӧг. 20А тійӧ Кристосыссянь велаліт овны мӧдмоза. 21Тійӧ кыліт Сы йылісь. Тіянӧс велӧтісӧ быляс, а быльыс ─ Исусын. 22Тіянӧс велӧтісӧ кольны одззамоз олӧмнытӧ. Одзза моз олісь мортыс ковтӧмсӧ ӧзйӧтчӧмӧн керӧмсянь асьсӧ изводалӧ#4:22 изводавны ─ погубить, уничтожить. 23Ассиныт мывкыднытӧ, ловнытӧ вильмӧтӧ. 24Пӧртчӧ виль вежа мортӧ, Еныс сьӧрті аркмӧтӧмӧ. Лоӧ Сы сьӧрті веськыта олісьӧн, вежаӧн да видзсьӧ быляс.
Кристоскӧт виль олан
25Сідзкӧ, кольӧ бӧбӧтчӧмнытӧ. Ӧтамӧдныткӧт баитӧ веськыта, быльыс сьӧрті. Мийӧ эд ӧтамӧднымлӧ ӧтік вывтырлӧн торрез. 26Лӧгувьяныт умӧльсӧ эд керӧ. Шонді пуксьытӧдз лӧгнытӧ кусӧтӧ да бурасьӧ, 27медбы кульыслӧ немӧн вӧлі тіянӧс кутны. 28Кин гусясис, сэсся эн гусясь. Буржык эд, пондан кӧ уджавны, аслат киэзӧн керны бурсӧ, медбы и мӧдіккезлӧ вермин отсавны. 29Некытшӧм умӧль баитӧм ась оз пет тіян ӧмись. Баитӧ дзир бурӧ, медбы кывзісьсӧ вынсьӧтны веритӧмас да сылӧ бур вӧлі.
30Еныслісь Вежа Ловсӧ эд вайӧтӧ тӧждісьӧмӧдз. Вежа Лолыс ─ мездан лун кежӧ тіянлӧ сетӧм пас. 31Лӧгувьяныт кучиксиныт петӧм, лёксялӧм, горӧтӧм, лӧгалӧмсянь курыт кыввез висьталӧм да умӧльсӧ баитӧм пыр кежӧ чапкӧ. 32Ӧтамӧдныт дынӧ лоӧ небыт сьӧлӧмаӧсь, тӧждісьӧ ӧтамӧдныт понда, эд видзӧ лӧгнытӧ. Кристоскӧт ӧтлаасьӧмныт понда Еныс эд тіянӧс проститіс.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀