2 Петра 2
2
1Израиль отир коласын вӧлӧмась бӧбӧтчиссез, кӧдна асьнысӧ пуктывлӧмась Енсянь юӧртіссезӧ. И тіян коласісь лэбтісясӧ бӧбӧтӧмӧн велӧтіссез. Нія пыртасӧ ылӧтан велӧтӧммезнысӧ, кӧдна кулӧмӧдз вайӧтасӧ. Нія нельки нійӧ небись Юралісьсӧ абутӧм туйӧ пуктасӧ. Сійӧн нія асьнысӧ чожа вайӧтасӧ кулӧмӧдз. 2Ны вылӧ видзӧтӧмӧн унаӧн лэдзчисясӧ. Ны кузя Енлӧн быль туй йылісь пондасӧ умӧльсӧ висьтавлыны. 3Горшасьӧмныс кузя басӧка баитӧмнаныс пондасӧ бӧбӧтлыны тіянлісь, мый нылӧ колӧ. Енлӧн судыс важын ни лӧсьӧтӧм мыжйыны#2:3 мыжйыны ─ покарать нійӧ. Нылӧн изводасьӧмныс#2:3 изводасьӧм ─ гибель, погибель оз сунась.
4Умӧльсӧ керись ангеллэсӧ Еныс тай абу жалейтӧм. Домалӧм нійӧ пемыт адас домӧттэзӧн. Сэтчин тшӧктӧм#2:4 тшӧктыны ─ приказать, повелеть видзны Суд Лунӧдз, медбы мыжйыны. 5Абу жалейтӧм и одзза отирсӧ. Ентӧг оліссесӧ ваын вӧтьӧм. Дзир Нойсӧ увтырыскӧт кыкьямыс мортӧс кольӧм. Нойыс эд вӧлӧм Ен сьӧрті веськыта олӧм#2:5 Ен сьӧрті веськыта олӧм ─ праведность йылісь висьтасись. 6Содом да Гоморра каррез вылын мыччалӧм вӧлі, мый одзлань видзчисьны Ентӧг оліссеслӧ. Еныс эд нійӧ мыжйӧм му вывсис дзимлялӧмнас. Нійӧ пӧртӧм пӧимӧ. 7А веськыта олісь Лотсӧ петкӧтӧм. Сія эд мыдзӧм вӧлі овны Ентӧг оліссез коласын, кӧдна лэдзчисьӧмныссянь бӧбись#2:7 бӧбись ─ неистово кыскасьӧмась. 8Эта веськыта олісьлӧн лолыс быд лун лёк керӧммезнысӧ адззикӧ да кылікӧ ёна пессьӧм-мырсьӧм#2:8 пессьӧм-мырсьӧм ─ страдание.
9Дӧсвидзисьыс эд тӧдӧ, кыдз мездыны Енлӧ юрбитісь мортсӧ ылалӧмсис. А умӧльсӧ кериссесӧ кужӧ видзны, медбы мыжйыны Суд Лунас. 10Эта висьталӧм ны йылісь, кӧдна олӧны вывтырныс ӧзйӧтчӧм сьӧрті сэрпӧсьсӧ керӧмӧн да абутӧм туйӧ пуктӧны Енлісь веськӧтлӧмсӧ. Нія асныраӧсь, озӧ полӧ видны енӧжись выннэсӧ. 11Ангеллэс эд нысся унаӧн вынажыкӧсь, унажык вермӧны керны. И ангеллэс Дӧсвидзисьыс одзын сэтшӧм отирсӧ озӧ видӧ, озӧ осудитӧ. 12Сэтшӧм отирыс мывкыдтӧм пода кодьӧсь, кӧднӧ чужтӧмась кыйны да вийны. Пода моз нія олӧны вывтырныс кыскӧм сьӧрті. Умӧльсӧ баитӧны сы йылісь, мый озӧ вежӧртӧ. Пода моз нія и куласӧ. 13Нія умӧль керӧмныс понда босьтасӧ вештісьӧмсӧ. Лунісь лунӧ нія гажӧтчӧны да чӧскыта олӧны. Нія лэдзчисьӧмась да сэрпас пырӧмась. Тіянкӧт ӧтлаын пызан саяс пукавтӧн асланыс бӧбӧтчӧмӧн сьӧлӧмнысӧ бурмӧтӧны#2:13 сьӧлӧм бурмӧтны ─ удолетвориться, успокоить сердце . 14Нылӧн синнэзныс кошшӧны, кинкӧт позьӧ кыскасьны. Нія умӧльсӧ керӧны пӧтлытӧг, ылӧтӧны етша велӧтӧм отирсӧ. Нылӧн сьӧлӧм выланыс ӧтік горшасьӧм. Нія эд ёрдӧмӧсь ни. 15Нія колисӧ веськыт туйсӧ да ӧшисӧ, Восорлӧн Валаам зоныс сьӧрӧ мунӧны. Сылӧ тай умӧльсӧ керӧмыс понда вештӧмыс вӧлӧм сьӧлӧмви. 16Енсянь юӧртісь Валаамлӧ умӧль керӧмыс йылісь вӧлі висьталӧм. Иньпӧв осёл морт кылӧн ӧлӧм сійӧ, панӧвтӧм мывкыдтӧг керӧмсис.
17Бӧбӧтӧмӧн велӧтіссес кыдз ватӧм юкмӧссэз#2:17 юкмӧс ─ колодец да тӧвнырӧн нуӧтӧм кымӧррез. Нылӧ лӧсьӧтӧм са пемытіныс. 18Нія вышитчӧмӧн абутӧмсӧ баитӧны. Сідз нія ызйӧтӧны ковтӧмсӧ керны да лэдзчисьӧмӧн овны нійӧ, кӧдна неважын янсӧтчисӧ ылалӧммез дынісь. 19Бӧбӧтӧмӧн велӧтіссес отирлӧ кӧсйӧны мездӧтчӧм#2:19 мездӧтчӧм ─ свобода, но нія асьныс раббез лэдзчисьӧм-кыскасьӧмыслӧн. Мортсӧ эд кин вермӧ, сылӧн сія и раб. 20Миянлісь Дӧсвидзисьсӧ, Мездӧтісь Кристос Исуссӧ, нія пондісӧ тӧдны. Сійӧн нія му вылісь сэрпсис мезмисӧ, но сэсся бӧра сэтчӧ сюрӧны да умӧльыс вермӧ нійӧ. Сэтшӧммеслӧ медбӧрьяыс лоас одззаыс сьӧрті умӧльжык. 21Буржык бы вӧлі, кӧбы нія эзӧ пондӧ тӧдны Ен сьӧрті веськыта олӧмлісь туйсӧ. Но нія вежа тшӧктӧмсӧ пондісӧ тӧдны да бӧр бергӧтчисӧ мӧдӧрӧ. 22Ныкӧт петӧ отирлӧн бура висьталӧм сьӧрті: «Пон бертӧ аслас ӧс дынӧ» да «Миссьӧтӧм порсь пырӧ туплясьны нятьӧ».
Дӧсвидзисьлӧн Луныс локтас
Àwon tá yàn lọ́wọ́lọ́wọ́ báyìí:
2 Петра 2: БЮ19
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀