1 Пачаби 31
31
Шаул ва гьесул васал хвей
1Гьеб заманалда пилистимаз ГӀизраилалда тӀаде гьужум гьабуна; гӀизраилал гьезукьа лъутун унелъул Гилбоа гохӀда гӀемерал рагъухъаби хвана. 2Шаулидаги гьесул васаздаги тӀаде лъугьана пилистимал, ва гьез гьесул васал Ионатанги Авинадавги Малхи-Шуаги чӀвана. 3Шаулида сверухъги гӀасияб рагъул кор боркьана. ЧӀорбутӀчагӀаз гӀужие восана Шаул, ва гьез речӀчӀарал чӀораз кутакалда захӀматго лъукъана гьев.
4Цинги Шаулица жиндирго ярагъ баччулев чиясда абуна: «Дурго хвалченги бахъун, дун чӀвай, рачӀун гьал суннат гьабичӀезул хвалчабаз дун инжит гьавиларедухъ».
Амма гьесул ярагъ баччулев чи кутакалда хӀинкъана ва гьедин гьабизе кӀвечӀо гьесда. Гьебмехалъ Шаул, бахъун жиндирго хвалченгун, гьелда тӀаде щапана. 5Шаул хваравлъи бихьидал, гьесул ярагъ баччулев чиги щапана жиндирго хвалчада тӀаде ва гьесда цадахъ хвана. 6Гьедин хвана Шаул, гьесул лъабго вас ва ярагъ баччулев чи. Киналго гьесул рагъухъабиги хвана гьебго къоялъ.
7ГӀизраилазул аскарал щущахъ ран рукӀин ва Шаулги гьесул васалги чӀван рукӀин бихьидал, Иорданалъул доб цояб рахъалда рукӀарал гӀизраилал, рехун тун жидерго шагьаралгун, лъутун ана. РачӀун пилистимаз ккуна цинги гьел шагьарал.
8Нахъисеб къоялъ хваразул хутӀа-тараб жо бакӀаризе рачӀарал пилистимазда Гилбоа гохӀда щапарал Шаулги гьесул лъабавго васги ратана. 9Гьебмехалъ гьез Шаулил бетӀер къотӀана ва гьесда тӀаса ярагъ бахъана. Цинги киса-кирего пилистимазул ракьазде, гьезул аллагьзабазул рокъоб ва тӀолабго халкъалда гьоркьоб гьелъул хӀакъалъулъ гӀакӀа ахӀизе, гьеб хабарги босун чагӀи ритӀана. 10Гьесул ярагъ гьез Ашторатил рокъоб лъуна, гьесул къаркъалаги Бет-Шеаналъул къадада чӀвана.
11Пилистимаз Шаулие гьабураб жо рагӀараб мехалъ, ГилгӀадалда бугеб Иавеш шагьаралъул 12тӀолалго бахӀарзал нухде рахъана. ТӀубараб сордоялъ лъалхъичӀого рилълъун ана гьел, ва гьез Бет-Шеаналъул къададаса Шаулилги гьесул васазулги жаназаби гӀодоре рахъана. Цинги гьез гьел, Иавешалдеги росун, рухӀана. 13Гьезул рукьбиги гьез Иавешалда тамарискалъул гъотӀода гъоркь рукъана ва анкьго къоялъ кӀал ккуна#31:13 ГӀизраилазул гӀадаталда рекъон, чи хвараб мехалда, рухӀел-пашманлъи загьир гьабун, кӀал кколаан. Анкьго къоялъ кӀал ккунин абураб жоялъул магӀна ккола гьеб анкьабго къоялъ гьез, я къад, я къаси квен кваначӀин абураб..
Àwon tá yàn lọ́wọ́lọ́wọ́ báyìí:
1 Пачаби 31: АварАК
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2005-2023
1 Пачаби 31
31
Шаул ва гьесул васал хвей
1Гьеб заманалда пилистимаз ГӀизраилалда тӀаде гьужум гьабуна; гӀизраилал гьезукьа лъутун унелъул Гилбоа гохӀда гӀемерал рагъухъаби хвана. 2Шаулидаги гьесул васаздаги тӀаде лъугьана пилистимал, ва гьез гьесул васал Ионатанги Авинадавги Малхи-Шуаги чӀвана. 3Шаулида сверухъги гӀасияб рагъул кор боркьана. ЧӀорбутӀчагӀаз гӀужие восана Шаул, ва гьез речӀчӀарал чӀораз кутакалда захӀматго лъукъана гьев.
4Цинги Шаулица жиндирго ярагъ баччулев чиясда абуна: «Дурго хвалченги бахъун, дун чӀвай, рачӀун гьал суннат гьабичӀезул хвалчабаз дун инжит гьавиларедухъ».
Амма гьесул ярагъ баччулев чи кутакалда хӀинкъана ва гьедин гьабизе кӀвечӀо гьесда. Гьебмехалъ Шаул, бахъун жиндирго хвалченгун, гьелда тӀаде щапана. 5Шаул хваравлъи бихьидал, гьесул ярагъ баччулев чиги щапана жиндирго хвалчада тӀаде ва гьесда цадахъ хвана. 6Гьедин хвана Шаул, гьесул лъабго вас ва ярагъ баччулев чи. Киналго гьесул рагъухъабиги хвана гьебго къоялъ.
7ГӀизраилазул аскарал щущахъ ран рукӀин ва Шаулги гьесул васалги чӀван рукӀин бихьидал, Иорданалъул доб цояб рахъалда рукӀарал гӀизраилал, рехун тун жидерго шагьаралгун, лъутун ана. РачӀун пилистимаз ккуна цинги гьел шагьарал.
8Нахъисеб къоялъ хваразул хутӀа-тараб жо бакӀаризе рачӀарал пилистимазда Гилбоа гохӀда щапарал Шаулги гьесул лъабавго васги ратана. 9Гьебмехалъ гьез Шаулил бетӀер къотӀана ва гьесда тӀаса ярагъ бахъана. Цинги киса-кирего пилистимазул ракьазде, гьезул аллагьзабазул рокъоб ва тӀолабго халкъалда гьоркьоб гьелъул хӀакъалъулъ гӀакӀа ахӀизе, гьеб хабарги босун чагӀи ритӀана. 10Гьесул ярагъ гьез Ашторатил рокъоб лъуна, гьесул къаркъалаги Бет-Шеаналъул къадада чӀвана.
11Пилистимаз Шаулие гьабураб жо рагӀараб мехалъ, ГилгӀадалда бугеб Иавеш шагьаралъул 12тӀолалго бахӀарзал нухде рахъана. ТӀубараб сордоялъ лъалхъичӀого рилълъун ана гьел, ва гьез Бет-Шеаналъул къададаса Шаулилги гьесул васазулги жаназаби гӀодоре рахъана. Цинги гьез гьел, Иавешалдеги росун, рухӀана. 13Гьезул рукьбиги гьез Иавешалда тамарискалъул гъотӀода гъоркь рукъана ва анкьго къоялъ кӀал ккуна#31:13 ГӀизраилазул гӀадаталда рекъон, чи хвараб мехалда, рухӀел-пашманлъи загьир гьабун, кӀал кколаан. Анкьго къоялъ кӀал ккунин абураб жоялъул магӀна ккола гьеб анкьабго къоялъ гьез, я къад, я къаси квен кваначӀин абураб..
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2005-2023