Lukasi Phrinzangpo II.
II.
1Ni, de jaquniang ḏinḏek song: Miyul gangmeang yodkhan miuni rtsichao zbriuk zere Qesaros Augustosikana skals bings. 2Saq basang snani di rtsichi zbrichao Suriasi rgyalchosbakhan Kureniosi namzeang song. 3Yang jung rang rangi grondusiang zbrichukpa song. 4Ni, Yosephiang Galilaiosikana Nazaret zerkhan grongdusiangna bingse Yudaiasla Bethlehem zerkhan Dawidi grongdusiang (song), chiazerbana kho Dawidi khangmapauniangna insuk, 5khuri triskhan skyecha yodkhan Mariam rang nanyambo zbrichukpa yongs. 6Ni, ḏinḏek song : khong dor yodtsana bomoe skyechi tho hlep. 7Yang gobu khuri buthsao khoa skyes, yang rasuniang zdrils, yang kho bresiang jaqs, chiazerbana khongi phya gaṯoe mî dukpi nangpeang duksa medsuk.
8Yang dya yul khuriangnuk thanguniang brangsa jaqse thsanla rangi thsopaunla snanga ben dukse northsokhan yodsuk. 9Yang, ltosang, Ashipi skokhanchik khongi bariang hunmodika yongs, yang Ashipi chhezbrelpo khongi khridkhoreang zbrelchan song; yang khong droqse mangmo jiks. 10Yang sko khanpos khonga zos : Wahunik! jiks majikshik! chiazorbana ltashik phrinzangun, mibongs saqa thsorcha yodkhan chhô thadkhao ngas khyentanga gochuged. 11Chiazerbana, Dawidi rgyalsiang khomchukkhan inkhan Ashipa Masih diring khyentanga skyes. 12Yang khyentanga rshtaḵẖsnao dyu in : phruik rasuniang zdrile yodkhan bresiang snyale yodkhan khyentanga thobtuk. 13Yang rshtaḵẖspa medpika rshnami rshmaqi mibongshik de tangskhanpo nadrese stodkha ben yang dyu zeren yongs: 14Thonmo yodkhan rgyastriduniang Ashipa-a chhezbrel songshik! Yang sayuliang zomluks songshik! miuni bariang chhamluks songshik! 15Yang ḏinḏek song : tangskhanun khongi dor na rshnamuniang bestsana (de miun) nor thsokhanunis khontang chikchiga zes : dis Bethlehem thsaqpa medkhamed dongshik yang ngantanga Ashipaos shes shukkhan di songskhan jung ngantanga lta chukshik. 16Yang gyoqspa base khong hlep, yang khonga Mariam nang Yoseph nyiska yang bresiang snyale jaqskhan de phru(ang) thong. 17Ni, thongsena, khongis phrui rshmangeang khonga thsore yodkhan sperao khyedchuks. 18Yang gokhanun jung northsokhanunis khongunla gochukse yodtkhan sperawa rgyal. 19Ni, Mariam di speraun gangma rangi snyingpeang jaqse tsoqika samba tangon duks. 20Yang, northsokhanun khonga zeskhan natsoḵẖs base thsorkhanun nang thongskhanun jungi phya Ashipi chhôeluks nang stodkha songshik zeren loq.
21Yang khoe laq rtsangma ba jaqma rgyad gang yang khoo minga Yeshu taḵẖs, dyanao skopaos kho ltoeang skyecha khurchao basang snanla taḵẖspinsuk.
22Yang Moshê khakhrimspo nazomse khongi rtsangma chho jaqpo gangse, khongis kho Ashipi dunla jaqpa Yerusalema khyongs. 23Do, Ashipi zbrise yodkhan molskhanun nazomse in, chizesna, skyeskhan gobu rere Ashipi phya rtsangma shesuk. 24Yang Ashipi zbrise yodkhan molskhanun na zomse, qondil nyis medna phurqoni phru nyis Ashipi skalchik khyongma (yongs). 25Yang, ltosang. Yerusalemiang Simeon zerkhan mik yodsuk; yang kho khadrang nang snangachan miu Israeli rdyangpoe yongdurika dukkhanchik inmin, yang Rtsangma Semspo khoeka yodpin. 26Yang kho shiluks baqchao basang sna Ashipi Masih-u thongnuk zere khoa rtsangma Semspos ltsabse shes. 27Yang kho Semsis phule rtsangma malsiang hlep; yang ata nang amaos de phru Yeshua khakhrimsi rshnyoqs songkhan bachi mingna nanggospeang kho khyontsana, 28khos kho rangi phangmâ-ang khurs, yang Ashipi stodkha bas, yang zes : 29Kasa, Ashipa, dare Yeres rangi molskhanpo nazomse yeri tsonpo zomluksiang chhachuged. 30Chiazerbana ngi miklama yeri khomlukspo thongsed. 31Dyanao yeres mithsirun saqi dunla ldansed, 32(do) phyilinguni phya khyenluksi od, yang yeri thobthsir Israella chhezbrel in.
33Yang khoe atao nang khoe amao khuri rshmangeang zeskhan tamun jungika rgyalen yodpin. 34Yang Sumeonis khyentika shazde songshik zere zes, yang (phrui) ama Mariama zes : Misto, Israelpauniang mangmo phoqchukcha yang ltsangcha dyu rshtankhanpo in. 35Yang snyingi samluksun mangmo ngonuk (dyu) loqphari spradsprad bachukkhan rshtaḵẖsnao chhok. Yang khyeranga rangi stroqpeang rargyichigika ltorcha chhok.
36Yang Aseri thsiriang Anna zerkhan Phanueli bumo khyenkhan yodpin; kho naso mangmo yongskhan khorang ldane jukpo na lo rdun daqpochik nanyambo dukspin, 37yang kho lo rgyadchu-jaq jbji tsek daqpo-shispi ane songkhan inmin rtsangma malsa na mana mabarbea dobasang thsan-nyin khastongika nang laqpa zunchika jabsthoq bakhan inmin; 38Yang kho dyana thoa hlebse Ashipi stodkha bas, yang de Yerusalemi khomluksla lten yodkhan jung na khoe rshmangeang spera bas.
39Yang Ashipi molskhanun nazomse saq ba thsarbana, khong Galilayeang rangi Nazaret (zerkhan) grongdusla loq. 40Ni, de phrû chhô song, yang (semsiang) ngadchan songse shangsika rgyangshan song, yang Ashipi shazdeo khoeka yodpin. 41Yang khoe ata nang ama losari Pesaqi Rgamoa Yerusalema chhedpin. 42Yang kho loskor non khan songse khong Rgamoe khrimspo nazomse Yerusalema song, 43yang jaqun skangse khong loqtsana de buthsa Yeshu Yerusalemiang lus, yang khoe ata nang ama rshtaḵẖspa masong. 44Amma, kho besapaunla nyambo yod samse brangsa chikchik rgal, yang kho rshnyenun nang sheskhanuniang tsals. 45Yang mathobana, kho tsalen khong Yerusalem thsaqpa loqse song. 46Yang ḏinḏek song, jaq sumi jukha kho Rtsangma Malsiang ltsabkhanuni bariang dugen yang khonga nyanen yang triso ben khontanga thop. 47Ni, khoa rshna ben yodkhan tsoq khoe semsi shangspo nang khoe tamlanunika rgyalbin. 48Yang khontang kho thongse rgyal, yang khoe amaos khoa zes : wa phru, khyeres ngacha ḏinda chia bas ? Ltosang, khyeri atao nang ngarang qoltochan songse khyerang tsalen yodpin. 49Yang khos khonga zes, khyentes nga chia tsalen yodpin ? Ngi Ati (lasiang) nga dukpa rgosha in zere khyentanga rshtaḵẖspa menmina ? 50Amma, khos khonga zeskhan tampo khontanga machhuds. 51Yang kho khong nanyambo bings yang Nazaretiang hlep; yang khongi laqa yodsuk. Yang khoe amaos de tamun jung rangi snyingiang jaqs. 52Yang Yeshu shangsiang nang rgoeang nang shazdeang Ashipi nang miuni dunla chhô song.
Àwon tá yàn lọ́wọ́lọ́wọ́ báyìí:
Lukasi Phrinzangpo II.: SOMA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève
Lukasi Phrinzangpo II.
II.
1Ni, de jaquniang ḏinḏek song: Miyul gangmeang yodkhan miuni rtsichao zbriuk zere Qesaros Augustosikana skals bings. 2Saq basang snani di rtsichi zbrichao Suriasi rgyalchosbakhan Kureniosi namzeang song. 3Yang jung rang rangi grondusiang zbrichukpa song. 4Ni, Yosephiang Galilaiosikana Nazaret zerkhan grongdusiangna bingse Yudaiasla Bethlehem zerkhan Dawidi grongdusiang (song), chiazerbana kho Dawidi khangmapauniangna insuk, 5khuri triskhan skyecha yodkhan Mariam rang nanyambo zbrichukpa yongs. 6Ni, ḏinḏek song : khong dor yodtsana bomoe skyechi tho hlep. 7Yang gobu khuri buthsao khoa skyes, yang rasuniang zdrils, yang kho bresiang jaqs, chiazerbana khongi phya gaṯoe mî dukpi nangpeang duksa medsuk.
8Yang dya yul khuriangnuk thanguniang brangsa jaqse thsanla rangi thsopaunla snanga ben dukse northsokhan yodsuk. 9Yang, ltosang, Ashipi skokhanchik khongi bariang hunmodika yongs, yang Ashipi chhezbrelpo khongi khridkhoreang zbrelchan song; yang khong droqse mangmo jiks. 10Yang sko khanpos khonga zos : Wahunik! jiks majikshik! chiazorbana ltashik phrinzangun, mibongs saqa thsorcha yodkhan chhô thadkhao ngas khyentanga gochuged. 11Chiazerbana, Dawidi rgyalsiang khomchukkhan inkhan Ashipa Masih diring khyentanga skyes. 12Yang khyentanga rshtaḵẖsnao dyu in : phruik rasuniang zdrile yodkhan bresiang snyale yodkhan khyentanga thobtuk. 13Yang rshtaḵẖspa medpika rshnami rshmaqi mibongshik de tangskhanpo nadrese stodkha ben yang dyu zeren yongs: 14Thonmo yodkhan rgyastriduniang Ashipa-a chhezbrel songshik! Yang sayuliang zomluks songshik! miuni bariang chhamluks songshik! 15Yang ḏinḏek song : tangskhanun khongi dor na rshnamuniang bestsana (de miun) nor thsokhanunis khontang chikchiga zes : dis Bethlehem thsaqpa medkhamed dongshik yang ngantanga Ashipaos shes shukkhan di songskhan jung ngantanga lta chukshik. 16Yang gyoqspa base khong hlep, yang khonga Mariam nang Yoseph nyiska yang bresiang snyale jaqskhan de phru(ang) thong. 17Ni, thongsena, khongis phrui rshmangeang khonga thsore yodkhan sperao khyedchuks. 18Yang gokhanun jung northsokhanunis khongunla gochukse yodtkhan sperawa rgyal. 19Ni, Mariam di speraun gangma rangi snyingpeang jaqse tsoqika samba tangon duks. 20Yang, northsokhanun khonga zeskhan natsoḵẖs base thsorkhanun nang thongskhanun jungi phya Ashipi chhôeluks nang stodkha songshik zeren loq.
21Yang khoe laq rtsangma ba jaqma rgyad gang yang khoo minga Yeshu taḵẖs, dyanao skopaos kho ltoeang skyecha khurchao basang snanla taḵẖspinsuk.
22Yang Moshê khakhrimspo nazomse khongi rtsangma chho jaqpo gangse, khongis kho Ashipi dunla jaqpa Yerusalema khyongs. 23Do, Ashipi zbrise yodkhan molskhanun nazomse in, chizesna, skyeskhan gobu rere Ashipi phya rtsangma shesuk. 24Yang Ashipi zbrise yodkhan molskhanun na zomse, qondil nyis medna phurqoni phru nyis Ashipi skalchik khyongma (yongs). 25Yang, ltosang. Yerusalemiang Simeon zerkhan mik yodsuk; yang kho khadrang nang snangachan miu Israeli rdyangpoe yongdurika dukkhanchik inmin, yang Rtsangma Semspo khoeka yodpin. 26Yang kho shiluks baqchao basang sna Ashipi Masih-u thongnuk zere khoa rtsangma Semspos ltsabse shes. 27Yang kho Semsis phule rtsangma malsiang hlep; yang ata nang amaos de phru Yeshua khakhrimsi rshnyoqs songkhan bachi mingna nanggospeang kho khyontsana, 28khos kho rangi phangmâ-ang khurs, yang Ashipi stodkha bas, yang zes : 29Kasa, Ashipa, dare Yeres rangi molskhanpo nazomse yeri tsonpo zomluksiang chhachuged. 30Chiazerbana ngi miklama yeri khomlukspo thongsed. 31Dyanao yeres mithsirun saqi dunla ldansed, 32(do) phyilinguni phya khyenluksi od, yang yeri thobthsir Israella chhezbrel in.
33Yang khoe atao nang khoe amao khuri rshmangeang zeskhan tamun jungika rgyalen yodpin. 34Yang Sumeonis khyentika shazde songshik zere zes, yang (phrui) ama Mariama zes : Misto, Israelpauniang mangmo phoqchukcha yang ltsangcha dyu rshtankhanpo in. 35Yang snyingi samluksun mangmo ngonuk (dyu) loqphari spradsprad bachukkhan rshtaḵẖsnao chhok. Yang khyeranga rangi stroqpeang rargyichigika ltorcha chhok.
36Yang Aseri thsiriang Anna zerkhan Phanueli bumo khyenkhan yodpin; kho naso mangmo yongskhan khorang ldane jukpo na lo rdun daqpochik nanyambo dukspin, 37yang kho lo rgyadchu-jaq jbji tsek daqpo-shispi ane songkhan inmin rtsangma malsa na mana mabarbea dobasang thsan-nyin khastongika nang laqpa zunchika jabsthoq bakhan inmin; 38Yang kho dyana thoa hlebse Ashipi stodkha bas, yang de Yerusalemi khomluksla lten yodkhan jung na khoe rshmangeang spera bas.
39Yang Ashipi molskhanun nazomse saq ba thsarbana, khong Galilayeang rangi Nazaret (zerkhan) grongdusla loq. 40Ni, de phrû chhô song, yang (semsiang) ngadchan songse shangsika rgyangshan song, yang Ashipi shazdeo khoeka yodpin. 41Yang khoe ata nang ama losari Pesaqi Rgamoa Yerusalema chhedpin. 42Yang kho loskor non khan songse khong Rgamoe khrimspo nazomse Yerusalema song, 43yang jaqun skangse khong loqtsana de buthsa Yeshu Yerusalemiang lus, yang khoe ata nang ama rshtaḵẖspa masong. 44Amma, kho besapaunla nyambo yod samse brangsa chikchik rgal, yang kho rshnyenun nang sheskhanuniang tsals. 45Yang mathobana, kho tsalen khong Yerusalem thsaqpa loqse song. 46Yang ḏinḏek song, jaq sumi jukha kho Rtsangma Malsiang ltsabkhanuni bariang dugen yang khonga nyanen yang triso ben khontanga thop. 47Ni, khoa rshna ben yodkhan tsoq khoe semsi shangspo nang khoe tamlanunika rgyalbin. 48Yang khontang kho thongse rgyal, yang khoe amaos khoa zes : wa phru, khyeres ngacha ḏinda chia bas ? Ltosang, khyeri atao nang ngarang qoltochan songse khyerang tsalen yodpin. 49Yang khos khonga zes, khyentes nga chia tsalen yodpin ? Ngi Ati (lasiang) nga dukpa rgosha in zere khyentanga rshtaḵẖspa menmina ? 50Amma, khos khonga zeskhan tampo khontanga machhuds. 51Yang kho khong nanyambo bings yang Nazaretiang hlep; yang khongi laqa yodsuk. Yang khoe amaos de tamun jung rangi snyingiang jaqs. 52Yang Yeshu shangsiang nang rgoeang nang shazdeang Ashipi nang miuni dunla chhô song.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Société Biblique de Genève