Lukasi Phrinzangpo XX.

XX.
1Yang de jaquniangna jaqchik ḏinḏek song : Khos Rtsangma malsiang-nuk miunla ltsaben yang phrinzang gochugen yodtsana gowa kohenun nang chhoszbrikhanun chnimiun na nyambo yongs. 2Yang khoa diu zeren jus : Kasa ngacha molang, yeres di lasun gatsuk wangchigika ba zaded hana yeranga di wangpo tangkhanpo su in ? 3Ni, khos tamlaniang khonga mols : Ngasang khyentanga tamchikchik trik yang ngâ zershik : 4Yoannesi Baptismao rshnani rolna inmina, hana miuni rolna (inmin) ? 5Ni, khontes khontang chikchiga zes : Taqdir ngantes rshnami rolna in zesna ni khos, khyentang doa chia machhes zere zeruk. 6Amma, taqdir miuni rolna in zesna ni sharbaunis ngan-tang rdoaruba tangnuk chiazerbana khonga Yoannes khyenkhan inmao chhadkha yod. 7Khongis tamlaniang khonga gangpoe rolna rshtaḵẖspa med (zere) zes. 8Yang Yeshus khonga mols : Ngasang khyentanga diun ngas sui wangika bed (zere) mi zer. 9Ni, khos miunla di Spekha molba ryaḵẖs : Mi chikchigis rgunthsashik rchosena gyedkhanunla gyedpâ tangs, yang kho namzek mangmoe phya beshiga song, 10Yang (sminmi) thoa rgunthsasi phalu khoa tangmi mingna khos tson chikchik thsas gyedkhanuni der tangs; amma, thsas gyedkhanunis khoa rdungse laqstonga ldzoqse tangs. 11Yang khos yang tson chikchik tangs, khongis khoekâng rdungse yang rinmed base laqstonga ldzoqse tangs. 12-13Yang khos sumi resi miu tangs; ni khongis khoang rshmakachan base phingse tangs. Ni, rgunthsasi ashipaos zes : Ngas chi bok ? Ngas rchespa buthsao tangnuk, chishe, kho thongse khongis rchespa boga ? 14Amna, gyedkhanunla kho thongse, khontang chikchigis grabs ben diu zes : Diao thobthsir thobkhan in, dongshik, thobthsirpo ngantanga loqpi phya ngantes diu sade phangnuk. 15Yang kho rgunthsaspo naphyistâ phingsena sads. Darang rgunthsasi ashipaos khong nanyambo chi bacha in ? 16Kho yongnuk yang de thsas gyedkhanun saduk yang rgunthsaspo yang katoa tangnuk. Khonga diu gosena jus : Dindek masong-shik. 17Amma, Yeshus khongi rolla ziksena mols : Ni, di zbrise yodkhanpo chi in : Rtsikponunla margoskhan rdoao krui goe rdoao song. 18Su de rdoeka phoqna kho po nang po chhok, amma, suika de (rdoao kaṯo) phoqna kho taḵẖse phangnuk. 19Yang diu dusthsodpeang gowa kohenun nang chnoszbrikhanunis kho zunmi gral bas, yang sharbaunla jiks ; chiazerbana khos di spekhao khong-ika moled zere khonga rshtaḵẖspa songmin.
20Yang khongis khoa zguksena khoe sperauniangna tamchik zunuk zere kho rgyalchosbakhani wang yang khyudi yoqa phangmi phya salyaq rchose sangse khorkhan mi tangs. 21Yang khongis khoa diu jus : Kasa ltsabkhan, yeres molskhanun nang ltsabskhanun ḏanḏa in zere ngachâ rshtaḵẖspa yod, yang yeres sui rdongltas ba zadpa med dobasang mantaḵẖsna Ashipi lami (luksiang) ltsabed. 22Qesarla bab lcharbao ngachâ ḏoḏeda med ? 23Khoa khongi snyaḵẖspo ngozin songsena khonga mols : 24Jahu chikchik ngâ stanshigang ge ? Iteka sui rdongzo nang mingpo yod ? Khongis jus : Qesari! 25Ni, khos khonga mols : Qesari inkhanpo Qesarla lcharshik, yang Ashipi inkhanpo Ashipa-a lcharshik. 26Yang khonga sharbauni dunla di tampo zunma manyan, dobasang khoe tamlanpoeka rgyale khong zote duks.
27Sone langspi jaqchik mana med zerkhan. Saddokpauniangna khachigis yong-sena diu trîn jus : 28Kasa ltsabkhan, Moshes ngachi phya diu zbrised : Taqdir sui baqston baskhan phonoek phru maskyea dukse shina khoe phonos rangi phonoe phya phru skyechukpi mingna khoe aneo len. 29Ni, phono rdun yodpin, yang snapa anek lenena chang maskyea shi. 30Yang nyisi resius de aneo lens, yang kho chang maskyea shi. 31Yang sumi resius de aneo lens, dya tsoḵẖspo rdunko phru medpa shi. 32Yang [chijuga] de anewang shi. 33Dekana sone langshi jaqa de aneo douniangna sui aneo chhok ? Chiazerbana Kho rdunkoe aneo songmin. 34Yang tamlaniang Yeshus khonga mols : Di dusi buthsaun baqmo khyonged yang maqpâ chhed. 35Amma de duspo nang shimiu-niangna sone langspao byormo shese yodkhanun, hana baqmo khyongma med hana maqpâ chha med. 36Chiazerbana hana khong yang shia nyanmamed chiazerbana Ashipi skopaun naḏanḏa in, yang Sone langspi jaqi buthsaun inmana Ashipi Rshrasunang in. 37Arnma, shimiun sone langsed zere Moshesang Ashipâ Abrahami Ashipa khorang nang Isaqi Ashipa nang Yaqobi Ashipa in zere thsermi rshmangeang ngonchuksed. 38Dekana Ashipa shimiuni (Ashipa) men dobasang sonmiuni (Ashipa) in; chiazerbana tsoq khoe phya sone duged. 39Ni, chhos zbrikhan khachigis khoa tamlaniang jus : Kasa ltsabkhan yeres rgyala mols : 40Ni, khonga khoa yang chang triso ba makhyud.
41Ni, khos khonga mols : Khongis Masiha Dawidi Rshras in zere gatsuga zered ? 42Yang Dawid khores stodkha-uni shoqbiang mols ; Ashipaos ngi Ashipawa mols : Ngi trangljongsla duk. 43Ngas yeri mirgakhanun yeri kangmi themspa rchosrchospo (ngi trang ljongsla duk), 44Dekana Dawidis Ashipa zered, ni, Kho khoe Rshraspo gatsuga in ?
45Jungis nyanen yodtsana khoa rangi lzadrulbakhanûnla mols : 46Ringmo ringmo gonchaun gone khorba thadihan yang stranguniang ranga ju ba yang sharba dussauniang snani thsirpeang dukcha yang rgongzani gronsauniang gralla dukpa thadkhan chhos zbrikhanunikana strungse dukshik. 47Mi shiskhan aneuni khangmaunla heṯi baskhan yang snyaḵẖs ba Ashipa-a laqpa zun-chao ringmo bakhan, khonga sprolangs rshanṯe chhok.

Àwon tá yàn lọ́wọ́lọ́wọ́ báyìí:

Lukasi Phrinzangpo XX.: SOMA

Ìsàmì-sí

Pín

Daako

None

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀