Jeelim 6
6
Naziri tu na wó taa ke tei to
1 Baŋa Wɛ daa ma ta de Moses o we:
2“Ta de Isarele tiina bam we: Abam baaro wolo maama naa kaane ná gwoni ni se o taa ye Naziri tu ye o pɔɔre o tete o ke Baŋa Wɛ jeŋa ne, 3kotu nam taa yei ko ni ne se o daa yé nyɔ sana dwi dwi. Ko ná ye sa-dɛɛra, naa sa-nyɔna, naa Vini tio nyoa, se o yé zaŋe o nyɔ! O ta yé di Vini tio-bia, ba ná maŋe ba ko de. 4Kotu ta ná pɔɔre o tete se o taa ye Naziri tu, o yé di kolokolo na nwoŋi Vini teeni yera ne. O nam yé di de wo-dwa bam, naa o lɔɔre de wo-bia poro o done.
5Maŋa kalo maama o ta na pɔɔre o tete o ni-gwonim dem ŋwaane to, o ba jege se o fane o yu-ywei sem o yage. O nam yage-se se se taa dɔra, se ko bere we o pɔɔre o tete o pa Baŋa Wɛ se o taa ye wose mo.#Yiga tiina 13:4-5; 1 Samuwel 1:11 6Da yam konto ne o ta ba jege se o yi too yera, o na kwei o tete o ke Baŋa Wɛ jeŋa ne to ŋwaane. 7Ko ná maŋe ko ye o kwo, naa o nu, naa o nyaane, naa o zembaaro, naa o nakɔ mo ná tega, se o yé yi too wom yera. Ko dae se o chɔge o ni-gwonim dem, o yu-ywei sem na bere we o pɔɔre o tete o pa Wɛ to ŋwaane. 8Maŋa kam maama wone o na pɔɔre o tete konto to, o ye wose mo Baŋa Wɛ ŋwaane.
9Nɔɔno nam ná pɔpɔ o te Naziri tu jeŋa ne mo, ko bere we o ni-gwonim dem mo chɔge, pa se o yu-ywei sem daa ba jege kuri. Kotu jege se o cheigi da yarepɛ wɛɛne mo, se o kwɛ o tete de chullu tem, ye o fane o yu-ywei sem. 10Tega na wó poore se ko taa ye da nana dɛ to, se o ja kunkwona balei, naa kunkwon-puura balei o vo wara-jei sem ne o pa kaanem tu wom. 11Kaanem tu wom wó kwei kunkwona bam dedoa o ma o ke wɛleera saarem kaanem nɔɔno wom ŋwaane, ye o daare o kwei kadwoŋi kam o ma o ke zwɛɛm pɛɛre kaanem. Naziri tu wom na tusi de o na yi too yera to ŋwaane, kaanem dem wó le o tusim dem Wɛ yiga ne. Dɛ dem konto ne mo ba wó jwoori ba kwɛ o yu-ywei sem Wɛ ŋwaane. 12Naziri tu wom nam jege se o daa jwoori o pɔɔre o tete mo o ke Baŋa Wɛ jeŋa ne. O na maŋe o pɔɔre o tete da yalo wone to daa ba jege kuri, too wom na pɛ se o chɔge o tete de chullu tem to ŋwaane. O maa wó kwei pi-bala na ye bene to, se ba ma ba ke wɛleera jene kaanem ba pa‑o.
13Nɔɔno ná gwoni ni o ma o pɔɔre o tete se o taa ye Naziri tu, ye o ni-gwonim maŋa kam ná ti, se o ke tento dwoŋi: Ba wó ja konto tu ba vo ba zege wara-jei sem ni ne. 14O laam wó ja vara batɔ na ba jege gɛɛ ba yera ne to mo o ba o ke kaanem o pa Baŋa Wɛ. O wó taa jege pi-bala na ye bene to, se o ma o ke zwɛɛm pɛɛre kaanem. O ta wó taa jege pi-chwɛ na ye bene to, se o ma o ke wɛleera saarem kaanem, ye o daare o taa jege pi-bɛa se o ma-ka o ke yazura pɛɛre kaanem. 15O nam ta wó taa jege tetɔgɔ de bworobwooru dwi dwi telo sabɔle na wo woli te wone to. Ba wó kwei mun-bwei ba viiri de nuga ba ma ke bworobwooru tedwonna, ye ba daare ba ke bworobworo-memena yalo na taare de nuga to. Kotu ta wó kwei wodiu pɛɛra de wo-nyɔɔro pɛɛra o woli da.
16Kaanem tu wom laam maa wó jwoŋi wonnu tem konto maama o ba o ke kaanem o pa Baŋa Wɛ. O wó ke wɛleera saarem kaanem se o daare o ke zwɛɛm kaanem dem. 17O maa wó kwei pi-bɛa kam, o woli de tetɔgɔ kom wo bworobwooru tem o ke Wɛ jeŋa ne, se o ma o ke yazura pɛɛre kaanem dem. O ta wó kwei wodiu pɛɛra yam dedaane wo-nyɔɔro pɛɛra yam o woli da o ke kaanem o pa Baŋa Wɛ.
18Ko kwaga ne Naziri tu wom wó zege wara-jei sem ni ne mo o fane o yuu. O maa wó kwei o yu-ywei sem na bere we o pɔɔre o tete Wɛ ŋwaane to o dole o de mini delo na wora de zwɛ yazura pɛɛre dem ŋwaane to wone.
19O na fane o yuu o ti to, kaanem tu wom wó kwei pi-bɛa kam vɔŋɔ kolo na saŋe ko be to, dedaane bworobwooru dwia yalei na wo tetɔgɔ kom wone to dedoa dedoa o ke kotu jeŋa ne. 20Kaanem tu wom maa wó jwoori o jwoŋi-te, ye o zeiŋi-te wɛɛne o pa Baŋa Wɛ. Wonnu tem konto ye Wɛ kaanem tu wom nyem mo se te woli de varem wom nyɔɔne delo o na zeiŋi wɛɛne to de chwei delo o na ke Wɛ jeŋa ne to. Konto ná ke ko ti, nɔɔno wom laam jege chwoŋa se o nyɔ sana.
21Naziri tu ná gwoni ni se o pɔɔre o tete Baŋa Wɛ ŋwaane, kotu jege se o tɔge nia yam konto mo. O jeŋa nam ná gara, o wó wane o ke o dwoni konto. Se o nam jege se o ke se ko maŋe de o na gwoni ni se o ke kolo maama to.”
Wɛ kaanem tu na wó swɛ nɔɔna bam swolim tei to
22 Baŋa Wɛ daa ma ta de Moses o we, 23“Ta n bere Aron de o bia bam ba na wó ke tei ba sɔɔle Wɛ swolim ba pa Isarele tiina bam to. Ba wó taa tɛ we:
24‘Baŋa Wɛ wó swɛ abam swolim,
se o daare o taa kwoli abam.
25 Baŋa Wɛ yibia wó jeeri abam seeni,
se o daare o ke zaane abam yuu ne.#Lei 67:1
26 Baŋa Wɛ wó pa se o yiga taa wo á wone,
se á ta‑á jege yazura.’
27Konto to, ba wó ma amo yere ba ma sɔɔle swolim ba ke Isarele tiina bam yuu ne. Amo maa wó seene a swɛ ba swolim.”
Àwon tá yàn lọ́wọ́lọ́wọ́ báyìí:
Jeelim 6: KBG
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)
Jeelim 6
6
Naziri tu na wó taa ke tei to
1 Baŋa Wɛ daa ma ta de Moses o we:
2“Ta de Isarele tiina bam we: Abam baaro wolo maama naa kaane ná gwoni ni se o taa ye Naziri tu ye o pɔɔre o tete o ke Baŋa Wɛ jeŋa ne, 3kotu nam taa yei ko ni ne se o daa yé nyɔ sana dwi dwi. Ko ná ye sa-dɛɛra, naa sa-nyɔna, naa Vini tio nyoa, se o yé zaŋe o nyɔ! O ta yé di Vini tio-bia, ba ná maŋe ba ko de. 4Kotu ta ná pɔɔre o tete se o taa ye Naziri tu, o yé di kolokolo na nwoŋi Vini teeni yera ne. O nam yé di de wo-dwa bam, naa o lɔɔre de wo-bia poro o done.
5Maŋa kalo maama o ta na pɔɔre o tete o ni-gwonim dem ŋwaane to, o ba jege se o fane o yu-ywei sem o yage. O nam yage-se se se taa dɔra, se ko bere we o pɔɔre o tete o pa Baŋa Wɛ se o taa ye wose mo.#Yiga tiina 13:4-5; 1 Samuwel 1:11 6Da yam konto ne o ta ba jege se o yi too yera, o na kwei o tete o ke Baŋa Wɛ jeŋa ne to ŋwaane. 7Ko ná maŋe ko ye o kwo, naa o nu, naa o nyaane, naa o zembaaro, naa o nakɔ mo ná tega, se o yé yi too wom yera. Ko dae se o chɔge o ni-gwonim dem, o yu-ywei sem na bere we o pɔɔre o tete o pa Wɛ to ŋwaane. 8Maŋa kam maama wone o na pɔɔre o tete konto to, o ye wose mo Baŋa Wɛ ŋwaane.
9Nɔɔno nam ná pɔpɔ o te Naziri tu jeŋa ne mo, ko bere we o ni-gwonim dem mo chɔge, pa se o yu-ywei sem daa ba jege kuri. Kotu jege se o cheigi da yarepɛ wɛɛne mo, se o kwɛ o tete de chullu tem, ye o fane o yu-ywei sem. 10Tega na wó poore se ko taa ye da nana dɛ to, se o ja kunkwona balei, naa kunkwon-puura balei o vo wara-jei sem ne o pa kaanem tu wom. 11Kaanem tu wom wó kwei kunkwona bam dedoa o ma o ke wɛleera saarem kaanem nɔɔno wom ŋwaane, ye o daare o kwei kadwoŋi kam o ma o ke zwɛɛm pɛɛre kaanem. Naziri tu wom na tusi de o na yi too yera to ŋwaane, kaanem dem wó le o tusim dem Wɛ yiga ne. Dɛ dem konto ne mo ba wó jwoori ba kwɛ o yu-ywei sem Wɛ ŋwaane. 12Naziri tu wom nam jege se o daa jwoori o pɔɔre o tete mo o ke Baŋa Wɛ jeŋa ne. O na maŋe o pɔɔre o tete da yalo wone to daa ba jege kuri, too wom na pɛ se o chɔge o tete de chullu tem to ŋwaane. O maa wó kwei pi-bala na ye bene to, se ba ma ba ke wɛleera jene kaanem ba pa‑o.
13Nɔɔno ná gwoni ni o ma o pɔɔre o tete se o taa ye Naziri tu, ye o ni-gwonim maŋa kam ná ti, se o ke tento dwoŋi: Ba wó ja konto tu ba vo ba zege wara-jei sem ni ne. 14O laam wó ja vara batɔ na ba jege gɛɛ ba yera ne to mo o ba o ke kaanem o pa Baŋa Wɛ. O wó taa jege pi-bala na ye bene to, se o ma o ke zwɛɛm pɛɛre kaanem. O ta wó taa jege pi-chwɛ na ye bene to, se o ma o ke wɛleera saarem kaanem, ye o daare o taa jege pi-bɛa se o ma-ka o ke yazura pɛɛre kaanem. 15O nam ta wó taa jege tetɔgɔ de bworobwooru dwi dwi telo sabɔle na wo woli te wone to. Ba wó kwei mun-bwei ba viiri de nuga ba ma ke bworobwooru tedwonna, ye ba daare ba ke bworobworo-memena yalo na taare de nuga to. Kotu ta wó kwei wodiu pɛɛra de wo-nyɔɔro pɛɛra o woli da.
16Kaanem tu wom laam maa wó jwoŋi wonnu tem konto maama o ba o ke kaanem o pa Baŋa Wɛ. O wó ke wɛleera saarem kaanem se o daare o ke zwɛɛm kaanem dem. 17O maa wó kwei pi-bɛa kam, o woli de tetɔgɔ kom wo bworobwooru tem o ke Wɛ jeŋa ne, se o ma o ke yazura pɛɛre kaanem dem. O ta wó kwei wodiu pɛɛra yam dedaane wo-nyɔɔro pɛɛra yam o woli da o ke kaanem o pa Baŋa Wɛ.
18Ko kwaga ne Naziri tu wom wó zege wara-jei sem ni ne mo o fane o yuu. O maa wó kwei o yu-ywei sem na bere we o pɔɔre o tete Wɛ ŋwaane to o dole o de mini delo na wora de zwɛ yazura pɛɛre dem ŋwaane to wone.
19O na fane o yuu o ti to, kaanem tu wom wó kwei pi-bɛa kam vɔŋɔ kolo na saŋe ko be to, dedaane bworobwooru dwia yalei na wo tetɔgɔ kom wone to dedoa dedoa o ke kotu jeŋa ne. 20Kaanem tu wom maa wó jwoori o jwoŋi-te, ye o zeiŋi-te wɛɛne o pa Baŋa Wɛ. Wonnu tem konto ye Wɛ kaanem tu wom nyem mo se te woli de varem wom nyɔɔne delo o na zeiŋi wɛɛne to de chwei delo o na ke Wɛ jeŋa ne to. Konto ná ke ko ti, nɔɔno wom laam jege chwoŋa se o nyɔ sana.
21Naziri tu ná gwoni ni se o pɔɔre o tete Baŋa Wɛ ŋwaane, kotu jege se o tɔge nia yam konto mo. O jeŋa nam ná gara, o wó wane o ke o dwoni konto. Se o nam jege se o ke se ko maŋe de o na gwoni ni se o ke kolo maama to.”
Wɛ kaanem tu na wó swɛ nɔɔna bam swolim tei to
22 Baŋa Wɛ daa ma ta de Moses o we, 23“Ta n bere Aron de o bia bam ba na wó ke tei ba sɔɔle Wɛ swolim ba pa Isarele tiina bam to. Ba wó taa tɛ we:
24‘Baŋa Wɛ wó swɛ abam swolim,
se o daare o taa kwoli abam.
25 Baŋa Wɛ yibia wó jeeri abam seeni,
se o daare o ke zaane abam yuu ne.#Lei 67:1
26 Baŋa Wɛ wó pa se o yiga taa wo á wone,
se á ta‑á jege yazura.’
27Konto to, ba wó ma amo yere ba ma sɔɔle swolim ba ke Isarele tiina bam yuu ne. Amo maa wó seene a swɛ ba swolim.”
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)