Chullu 23
23
Kura dim taane
1 Baŋa Wɛ daa ma ta Moses o we:
2“Ta de Isarele tiina bam we: Da yalo á kɔgɔ kom na wó jeeri amo Baŋa Wɛ yiga ne se á di kuri to mo tento:
Wɛ siu dɛ
Nwoŋim 20:8-11; 31:12-17; Nia Gulim 5:12-15
3Kwei-na da yaredo á toŋe á totoŋa maama. Da yarepɛ dɛ dem nam ye siu dɛ mo de pae abam. Abam ná maŋe á wo jei selo maama ne, dɛ dem konto ye de yera mo Baŋa Wɛ ŋwaane. Á wó jeeri daane se á zuli Wɛ ye á ba toŋa de fenfee de.#Nwoŋim 23:12
Atɔgebabaŋa de Bworobworo-memene kuri dem
Nwoŋim 12:1-20; Jeelim 28:16-25; Nia Gulim 16:1-8
4 Baŋa Wɛ nam pɛ ni se á ta‑á di kura yanto ya maŋa ne mo. Ya da yam ná yeini ya yi, se á jeeri daane á zuli Wɛ ya wone.
5Boboa chana kam da fuga-yana dɛ dem dedaan-ni maŋa ne mo á wó bobo se á di Atɔgebabaŋa kuri dem á ma‑á zuli Baŋa Wɛ. 6Tega ná poore ye da fuga-yanu dɛ dem ná yia, se á bobo á di Bworobworo-memene kuri dem á ma‑á zuli Baŋa Wɛ. Kwei-na da yarepɛ á di bworobworo kolo sabɔle na tera ko wone to. 7Da yam konto boboa dɛ dem ne, se á jeeri daane á zuli Wɛ. Yé toŋe-na á dɛ dɛ totoŋa yam. 8Da yarepɛ yam maama wone se á yeini á ja wodiu pɛɛra kaanem á ba á ke á pa Baŋa Wɛ. Ko daare da yarepɛ dɛ dem ná yia, á wó jeeri daane mo se á zuli Wɛ, ye á bá toŋe á dɛ dɛ totoŋa yam.”
Da-yiga wodiiru pɛɛra
9 Baŋa Wɛ ta ma ta de Moses o we:
10“Ta de Isarele tiina bam we: Abam ná tu á zo tega kalo amo na lage a kwei a pa abam to wone, ye á bobo á zage á wodiiru, ja-na men-zɔgɔ kolo á na bobo á vɔ to á vo kaanem tu wom tei á pa‑o.#Nwoŋim 23:19 11Kaanem tu wom de maa wó zeiŋi á wodiiru tem Baŋa Wɛ yiga ne se Wɛ jwoŋi-te abam tei ne. Ko nam ye dɛ delo na saŋe Wɛ siu dɛ dem to wone mo o wó ke konto. 12Dɛ delo ne á na wó pa ba zeiŋi á wodiiru tem Wɛ yiga ne to, se á ta kwei pi-bala na ye bene ye ka ba jege gɛɛ ka yera ne to, á ke zwɛɛm kaanem á pa Baŋa Wɛ. 13Abam nam ta wó woli mun-bwei bwɛ sena#23:13 bwɛ sena = 2 kilo na viiri de nuga to mo, se ko taa ye á wodiu pɛɛre ko pa Baŋa Wɛ. Pɛɛre dem konto lwom dem maa ywomma de pae Baŋa Wɛ. Abam ta wó kwei sana bɔŋa dedoa á ma‑á ke wo-nyɔɔro pɛɛre á woli da. 14Abam ná bobo á zage á wodiiru tem, se á yé di-na bworobworo, naa men-wɔa, naa men-gwoa, ye á ta wo jaane pɛɛra yam konto á ba á pa á Tu Wɛ wom. Abam de á kwaga kam wó ta‑á ke á tɔge ni dento na bere tei to mo se ko taa vei wuu.
Ga-kwea kuri dem
Nwoŋim 23:16; 34:22; Jeelim 28:26-31; Nia Gulim 16:9-12
15Ko ná zege dɛ delo na saŋe Wɛ siu dɛ dem ye á zeiŋi á boboa mena yam Wɛ yiga ne to, se á jeeli da yarepɛ kuni berepɛ. 16Da finnu mo á wó jeeli se ya yi dɛ delo na saŋe Wɛ siu dɛ dem na ke berepɛ to, se á laam ja wodi-doŋo pɛɛra á ba á pa Baŋa Wɛ. 17Abam ná zoore jei selo maama ne, se á ja bworobwooru telei telei á ba wara-jei sem ne se á zeiŋi-te Baŋa Wɛ yiga ne. Nɔɔno maama wó kwei mun-bwei bwɛ sena mo o woli de sabɔle o ma wɔ bworobworo kom konto. Ko wó taa ye á da-yiga wodiiru pɛɛra mo á kwei á pa Baŋa Wɛ. 18Á kɔgɔ kom nam wó beeri pi-bale serepɛ na ye bene dedoa ye se ba jege gɛɛ se yera ne to, de na-bala dedoa, de pi-bɛ selei. Á maa wó kwei vara bam konto á woli de bworobwooru pɛɛra yam á ke zwɛɛm kaanem á pa Baŋa Wɛ. Á ta wó kwei wodiu pɛɛra de wo-nyɔɔro pɛɛra á kaane á pa‑o. Pɛɛra yam konto lwom dem maa ywomma de pae Baŋa Wɛ. 19Abam ta maa wó kwei bo-bala á ma‑á ke wɛleere saarem kaanem, se á daare á kwei pi-bale selei na ye bene bene to se á ma‑á ke yazura pɛɛre kaanem. 20Kaanem tu wom nam mo wó zeiŋi pei selei sem wɛɛne, se se taa ye pɛɛre se pa Baŋa Wɛ, tento de bworobwooru pɛɛra yam maama. Pɛɛra yam konto mo Baŋa Wɛ pɔɔre o pa o tete, se ya taa ye kaanem tu wom nyem. 21Dento dɛ dem ne, á wó pa se á maama jeeri daane se á zuli Baŋa Wɛ ye á bá toŋe á dɛ dɛ totoŋa yam. Abam ná zoore jei selo maama ne, se abam de á kwaga kam maama taa tɔge ni dento se ko taa vei wuu.
22Abam ná vei á kare sem ne se á zage á wodiiru á jwoori sam, yé gwei-na wodiiru telo maama na wo á kare sem ni ne to, nam yé lare-na mena yalo wodi-zagena bam na daare to. Yage-na tento maama á pa yiniga tiina, de veira balo na zoore de abam to, se banto de lare ba di. Amo mo ye abam Tu Baŋa Wɛ wom.”
Nabwanno wum kuri dem
Jeelim 29:1-6
23 Baŋa Wɛ ma ta Moses o we:
24“Ta de Isarele tiina bam we: Bene maama wone chane serepɛ chana kam boboa dɛ dem ne, se á pa de ji siu dɛ na ye de yera Wɛ ŋwaane. Á jege se á wu nabwanno ye á daare á jeeri daane á zuli Wɛ. 25Yé toŋe-na á dɛ dɛ totoŋa yam dento dɛ dem ne. Yɔɔre á ke-na wodiu pɛɛre kaanem á pa Baŋa Wɛ.”
Wɛleera saarem dɛ dem
Jeelim 29:7-11
26 Baŋa Wɛ ta ma ta de Moses o we:
27“Chane serepɛ chana kam da fuga dɛ dem nam mo ye Wɛleera saarem dɛ dem. Dɛ dem konto wone á wó jeeri daane á zuli Wɛ. Á jege se á peene á tete mo, se á daare á ke wodiu pɛɛre kaanem á pa Baŋa Wɛ.#Chullu 16:1-34 28Nam yé toŋe-na dɛ dem konto wone. Kokuri to, de ye Wɛleera saarem dɛ dem ba na wó le á wɛleera Baŋa Wɛ yiga ne de wone to mo. 29Dɛ dem konto maama ne wolo maama ná wo peene o tete, ba jege se ba le kotu se o daa yé tɔge o woli Isarele dwi dem wone mo. 30Wolo maama de ná toŋe dento dɛ dem ne, amo Baŋa Wɛ tete mo wó pa se o ga o ŋwea amo nɔɔna bam tetare ne. 31Dɛ dem konto dae se abam toŋe de wone de fenfee de. Abam na wó ta‑á zoore jei selo maama ne to, abam de á kwaga kam maama jege se á ta‑á tɔge ni dem konto se ko taa vei wuu mo. 32Chana kam da nogo dɛ dem dedaan-ni maŋa ne, se ko vo ko yi ka da fuga dɛ dem dedaan-ni maŋa ne, de wó taa ye siu dɛ mo de pa abam, se á peene á tete de wone.”
Vwoa chwiim kuri dem
Nwoŋim 23:16; Jeelim 29:12-34; Nia Gulim 16:13-15
33 Baŋa Wɛ ma ta de Moses o we:
34“Ta de Isarele tiina bam we: Bene maama wone chane serepɛ chana kam da fuga-yanu dɛ dem ne se á bobo á di Vwoa chwiim kuri dem.#23:34 Vwoa chwiim kuri dem = Faao kuri dem Ba nam wó di-de da yarepɛ mo. 35Kuri dem boboa dɛ dem wone, se á jeeri daane á zuli Wɛ ye á bá toŋe á dɛ dɛ totoŋa yam. 36Ko woli da, da yarepɛ yam konto dɛ maama wone, á wó ta‑á jaane wodiu pɛɛra mo á tui á kaane á pae Baŋa Wɛ. Da nana dɛ dem ne, se á daa jeeri daane á zuli Wɛ. Á laam maa wó kwei wodiu pɛɛre á kaane á pa Baŋa Wɛ á kweeli. Dɛ dem konto ye de yera Wɛ ŋwaane mo. Á ba jege se á toŋe á dɛ dɛ totoŋa yam de wone.#Jeelim 29:35-38
37Kura yalo Baŋa Wɛ na zege se Isarele tiina bam taa di bene maama wone to mo konto. Á wó pa ya taa ye da yalo á na wó jeeri daane ya wone á zuli Wɛ, ye á jaane wodiu pɛɛra á tui á pa Baŋa Wɛ to mo. Pɛɛra yam konto wó taa ye zwɛɛm kaanem pɛɛra, de wodiu pɛɛra, de wo-nyɔɔro pɛɛra, de kaanem delo maama á na wó ke á pa Wɛ to mo. Á wó ta‑á jaane pɛɛra yam á tui da yalo na maŋe de-ya to mo. 38Abam nam wó taa di kura yanto á woli de Wɛ siu da yam maama. Pɛɛra yam konto mo á ta wó woli de pɛɛra yalo á na yeini á jaane á tui á pae Baŋa Wɛ to, dedaane pɛɛra yalo á na ke wo-ywoŋo ŋwaane naa ni-gwonim ŋwaane to.
39Konto to, chane serepɛ chana kam da fuga-yanu dɛ dem ná yia ye á zage á kare wodiiru maama á ti, se á bobo á di kuri dem konto. Á wó kwei da yarepɛ mo á di-de. De boboa dɛ dem ne wó taa ye siu dɛ mo. De da nana dɛ dem na ti kuri dem to de maa ye konto. 40Da yam konto boboa dɛ dem ne, se á beeri tio bu-laaro, de konkwara tio-nɛ, de teeni dwi dwi vɔɔro, de nabara ni teeni, ye á kwei-ya á ma‑á zuli á Tu Baŋa Wɛ wom da yarepɛ yam wone. 41Bene maama chane serepɛ chana kam wone á wó kwei da yarepɛ mo se á di kuri dento á zuli Baŋa Wɛ. Abam de á dwi dem jege se á ta‑á tɔge ni dento mo se ko taa vei wuu. 42Abam balo na ye Isarele tembia to ye se á chwi vwoa mo, se á jeini ya kuri ne da yarepɛ.#Nehemia 8:14 43Konto mo wó pa se á bia lɔre we amo déem na jaane ba nabaara bam a nwoŋi Ejipti wone to, a pɛ se ba zoore vwoa wone mo. Amo mo ye abam Tu Baŋa Wɛ wom.”
44Moses déem tage tento maama o bere Isarele tiina bam ba na wó taa di kura yalo Baŋa Wɛ na tiŋi o pa-ba se ba taa zuli‑o ya wone to mo.
Àwon tá yàn lọ́wọ́lọ́wọ́ báyìí:
Chullu 23: KBG
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)
Chullu 23
23
Kura dim taane
1 Baŋa Wɛ daa ma ta Moses o we:
2“Ta de Isarele tiina bam we: Da yalo á kɔgɔ kom na wó jeeri amo Baŋa Wɛ yiga ne se á di kuri to mo tento:
Wɛ siu dɛ
Nwoŋim 20:8-11; 31:12-17; Nia Gulim 5:12-15
3Kwei-na da yaredo á toŋe á totoŋa maama. Da yarepɛ dɛ dem nam ye siu dɛ mo de pae abam. Abam ná maŋe á wo jei selo maama ne, dɛ dem konto ye de yera mo Baŋa Wɛ ŋwaane. Á wó jeeri daane se á zuli Wɛ ye á ba toŋa de fenfee de.#Nwoŋim 23:12
Atɔgebabaŋa de Bworobworo-memene kuri dem
Nwoŋim 12:1-20; Jeelim 28:16-25; Nia Gulim 16:1-8
4 Baŋa Wɛ nam pɛ ni se á ta‑á di kura yanto ya maŋa ne mo. Ya da yam ná yeini ya yi, se á jeeri daane á zuli Wɛ ya wone.
5Boboa chana kam da fuga-yana dɛ dem dedaan-ni maŋa ne mo á wó bobo se á di Atɔgebabaŋa kuri dem á ma‑á zuli Baŋa Wɛ. 6Tega ná poore ye da fuga-yanu dɛ dem ná yia, se á bobo á di Bworobworo-memene kuri dem á ma‑á zuli Baŋa Wɛ. Kwei-na da yarepɛ á di bworobworo kolo sabɔle na tera ko wone to. 7Da yam konto boboa dɛ dem ne, se á jeeri daane á zuli Wɛ. Yé toŋe-na á dɛ dɛ totoŋa yam. 8Da yarepɛ yam maama wone se á yeini á ja wodiu pɛɛra kaanem á ba á ke á pa Baŋa Wɛ. Ko daare da yarepɛ dɛ dem ná yia, á wó jeeri daane mo se á zuli Wɛ, ye á bá toŋe á dɛ dɛ totoŋa yam.”
Da-yiga wodiiru pɛɛra
9 Baŋa Wɛ ta ma ta de Moses o we:
10“Ta de Isarele tiina bam we: Abam ná tu á zo tega kalo amo na lage a kwei a pa abam to wone, ye á bobo á zage á wodiiru, ja-na men-zɔgɔ kolo á na bobo á vɔ to á vo kaanem tu wom tei á pa‑o.#Nwoŋim 23:19 11Kaanem tu wom de maa wó zeiŋi á wodiiru tem Baŋa Wɛ yiga ne se Wɛ jwoŋi-te abam tei ne. Ko nam ye dɛ delo na saŋe Wɛ siu dɛ dem to wone mo o wó ke konto. 12Dɛ delo ne á na wó pa ba zeiŋi á wodiiru tem Wɛ yiga ne to, se á ta kwei pi-bala na ye bene ye ka ba jege gɛɛ ka yera ne to, á ke zwɛɛm kaanem á pa Baŋa Wɛ. 13Abam nam ta wó woli mun-bwei bwɛ sena#23:13 bwɛ sena = 2 kilo na viiri de nuga to mo, se ko taa ye á wodiu pɛɛre ko pa Baŋa Wɛ. Pɛɛre dem konto lwom dem maa ywomma de pae Baŋa Wɛ. Abam ta wó kwei sana bɔŋa dedoa á ma‑á ke wo-nyɔɔro pɛɛre á woli da. 14Abam ná bobo á zage á wodiiru tem, se á yé di-na bworobworo, naa men-wɔa, naa men-gwoa, ye á ta wo jaane pɛɛra yam konto á ba á pa á Tu Wɛ wom. Abam de á kwaga kam wó ta‑á ke á tɔge ni dento na bere tei to mo se ko taa vei wuu.
Ga-kwea kuri dem
Nwoŋim 23:16; 34:22; Jeelim 28:26-31; Nia Gulim 16:9-12
15Ko ná zege dɛ delo na saŋe Wɛ siu dɛ dem ye á zeiŋi á boboa mena yam Wɛ yiga ne to, se á jeeli da yarepɛ kuni berepɛ. 16Da finnu mo á wó jeeli se ya yi dɛ delo na saŋe Wɛ siu dɛ dem na ke berepɛ to, se á laam ja wodi-doŋo pɛɛra á ba á pa Baŋa Wɛ. 17Abam ná zoore jei selo maama ne, se á ja bworobwooru telei telei á ba wara-jei sem ne se á zeiŋi-te Baŋa Wɛ yiga ne. Nɔɔno maama wó kwei mun-bwei bwɛ sena mo o woli de sabɔle o ma wɔ bworobworo kom konto. Ko wó taa ye á da-yiga wodiiru pɛɛra mo á kwei á pa Baŋa Wɛ. 18Á kɔgɔ kom nam wó beeri pi-bale serepɛ na ye bene dedoa ye se ba jege gɛɛ se yera ne to, de na-bala dedoa, de pi-bɛ selei. Á maa wó kwei vara bam konto á woli de bworobwooru pɛɛra yam á ke zwɛɛm kaanem á pa Baŋa Wɛ. Á ta wó kwei wodiu pɛɛra de wo-nyɔɔro pɛɛra á kaane á pa‑o. Pɛɛra yam konto lwom dem maa ywomma de pae Baŋa Wɛ. 19Abam ta maa wó kwei bo-bala á ma‑á ke wɛleere saarem kaanem, se á daare á kwei pi-bale selei na ye bene bene to se á ma‑á ke yazura pɛɛre kaanem. 20Kaanem tu wom nam mo wó zeiŋi pei selei sem wɛɛne, se se taa ye pɛɛre se pa Baŋa Wɛ, tento de bworobwooru pɛɛra yam maama. Pɛɛra yam konto mo Baŋa Wɛ pɔɔre o pa o tete, se ya taa ye kaanem tu wom nyem. 21Dento dɛ dem ne, á wó pa se á maama jeeri daane se á zuli Baŋa Wɛ ye á bá toŋe á dɛ dɛ totoŋa yam. Abam ná zoore jei selo maama ne, se abam de á kwaga kam maama taa tɔge ni dento se ko taa vei wuu.
22Abam ná vei á kare sem ne se á zage á wodiiru á jwoori sam, yé gwei-na wodiiru telo maama na wo á kare sem ni ne to, nam yé lare-na mena yalo wodi-zagena bam na daare to. Yage-na tento maama á pa yiniga tiina, de veira balo na zoore de abam to, se banto de lare ba di. Amo mo ye abam Tu Baŋa Wɛ wom.”
Nabwanno wum kuri dem
Jeelim 29:1-6
23 Baŋa Wɛ ma ta Moses o we:
24“Ta de Isarele tiina bam we: Bene maama wone chane serepɛ chana kam boboa dɛ dem ne, se á pa de ji siu dɛ na ye de yera Wɛ ŋwaane. Á jege se á wu nabwanno ye á daare á jeeri daane á zuli Wɛ. 25Yé toŋe-na á dɛ dɛ totoŋa yam dento dɛ dem ne. Yɔɔre á ke-na wodiu pɛɛre kaanem á pa Baŋa Wɛ.”
Wɛleera saarem dɛ dem
Jeelim 29:7-11
26 Baŋa Wɛ ta ma ta de Moses o we:
27“Chane serepɛ chana kam da fuga dɛ dem nam mo ye Wɛleera saarem dɛ dem. Dɛ dem konto wone á wó jeeri daane á zuli Wɛ. Á jege se á peene á tete mo, se á daare á ke wodiu pɛɛre kaanem á pa Baŋa Wɛ.#Chullu 16:1-34 28Nam yé toŋe-na dɛ dem konto wone. Kokuri to, de ye Wɛleera saarem dɛ dem ba na wó le á wɛleera Baŋa Wɛ yiga ne de wone to mo. 29Dɛ dem konto maama ne wolo maama ná wo peene o tete, ba jege se ba le kotu se o daa yé tɔge o woli Isarele dwi dem wone mo. 30Wolo maama de ná toŋe dento dɛ dem ne, amo Baŋa Wɛ tete mo wó pa se o ga o ŋwea amo nɔɔna bam tetare ne. 31Dɛ dem konto dae se abam toŋe de wone de fenfee de. Abam na wó ta‑á zoore jei selo maama ne to, abam de á kwaga kam maama jege se á ta‑á tɔge ni dem konto se ko taa vei wuu mo. 32Chana kam da nogo dɛ dem dedaan-ni maŋa ne, se ko vo ko yi ka da fuga dɛ dem dedaan-ni maŋa ne, de wó taa ye siu dɛ mo de pa abam, se á peene á tete de wone.”
Vwoa chwiim kuri dem
Nwoŋim 23:16; Jeelim 29:12-34; Nia Gulim 16:13-15
33 Baŋa Wɛ ma ta de Moses o we:
34“Ta de Isarele tiina bam we: Bene maama wone chane serepɛ chana kam da fuga-yanu dɛ dem ne se á bobo á di Vwoa chwiim kuri dem.#23:34 Vwoa chwiim kuri dem = Faao kuri dem Ba nam wó di-de da yarepɛ mo. 35Kuri dem boboa dɛ dem wone, se á jeeri daane á zuli Wɛ ye á bá toŋe á dɛ dɛ totoŋa yam. 36Ko woli da, da yarepɛ yam konto dɛ maama wone, á wó ta‑á jaane wodiu pɛɛra mo á tui á kaane á pae Baŋa Wɛ. Da nana dɛ dem ne, se á daa jeeri daane á zuli Wɛ. Á laam maa wó kwei wodiu pɛɛre á kaane á pa Baŋa Wɛ á kweeli. Dɛ dem konto ye de yera Wɛ ŋwaane mo. Á ba jege se á toŋe á dɛ dɛ totoŋa yam de wone.#Jeelim 29:35-38
37Kura yalo Baŋa Wɛ na zege se Isarele tiina bam taa di bene maama wone to mo konto. Á wó pa ya taa ye da yalo á na wó jeeri daane ya wone á zuli Wɛ, ye á jaane wodiu pɛɛra á tui á pa Baŋa Wɛ to mo. Pɛɛra yam konto wó taa ye zwɛɛm kaanem pɛɛra, de wodiu pɛɛra, de wo-nyɔɔro pɛɛra, de kaanem delo maama á na wó ke á pa Wɛ to mo. Á wó ta‑á jaane pɛɛra yam á tui da yalo na maŋe de-ya to mo. 38Abam nam wó taa di kura yanto á woli de Wɛ siu da yam maama. Pɛɛra yam konto mo á ta wó woli de pɛɛra yalo á na yeini á jaane á tui á pae Baŋa Wɛ to, dedaane pɛɛra yalo á na ke wo-ywoŋo ŋwaane naa ni-gwonim ŋwaane to.
39Konto to, chane serepɛ chana kam da fuga-yanu dɛ dem ná yia ye á zage á kare wodiiru maama á ti, se á bobo á di kuri dem konto. Á wó kwei da yarepɛ mo á di-de. De boboa dɛ dem ne wó taa ye siu dɛ mo. De da nana dɛ dem na ti kuri dem to de maa ye konto. 40Da yam konto boboa dɛ dem ne, se á beeri tio bu-laaro, de konkwara tio-nɛ, de teeni dwi dwi vɔɔro, de nabara ni teeni, ye á kwei-ya á ma‑á zuli á Tu Baŋa Wɛ wom da yarepɛ yam wone. 41Bene maama chane serepɛ chana kam wone á wó kwei da yarepɛ mo se á di kuri dento á zuli Baŋa Wɛ. Abam de á dwi dem jege se á ta‑á tɔge ni dento mo se ko taa vei wuu. 42Abam balo na ye Isarele tembia to ye se á chwi vwoa mo, se á jeini ya kuri ne da yarepɛ.#Nehemia 8:14 43Konto mo wó pa se á bia lɔre we amo déem na jaane ba nabaara bam a nwoŋi Ejipti wone to, a pɛ se ba zoore vwoa wone mo. Amo mo ye abam Tu Baŋa Wɛ wom.”
44Moses déem tage tento maama o bere Isarele tiina bam ba na wó taa di kura yalo Baŋa Wɛ na tiŋi o pa-ba se ba taa zuli‑o ya wone to mo.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)