Chullu 19
19
Wo-pwoŋo de chega taane
1 Baŋa Wɛ daa ma ta de Moses o we:
2“Ta de Isarele kɔ-fɔrɔ kom maama we: Pɔɔre-na á tete se á ta‑á ye wose, se amo wolo na ye á Tu Baŋa Wɛ wom to tete mo ye wose tu. 3Abam wone nɔɔno maama jege se o taa nege o nu de o kwo mo. Abam ta jege se á ta‑á yei amo siu da yam ni ne mo. Amo mo ye abam Tu Baŋa Wɛ wom. 4Yé lɔ-na amo kwaga ne á zuli jwona. Ta yé kwei-na luuru á ma‑á mɔ wa-yɔɔro á pa á tete. Amo mo ye abam Tu Baŋa Wɛ wom.
5Abam ná go varem se á ma‑á ke yazura pɛɛre á kaane á pa Baŋa Wɛ, tɔge-na ko totoŋe dem chwoŋa se amo sɛ a jwoŋi-de. 6Á jege se á di varem wom konto nɔna yam mo á ti dɛ delo wone á na kwei‑o á ke kaanem to, naa tega ná poore se á di-ya. Nɔna yam konto ná yi da yatɔ dɛ dem, se á zwɛ-ya. 7Kokuri to, nɔna yam na yi da yatɔ, ye nɔɔno wolo ná di-ya, a bá jwoŋi kotu pɛɛre dem, ya na wo maŋe de chullu tem to ŋwaane. 8Wolo nam ná di da yatɔ nɔna bere we o kwei kolo na pɔɔre amo ŋwaane to mo o pa ko ye wo-yɔɔ. Konto tu daa bá tɔge o woli Isarele dwi dem wone.
9Abam ná vei á kare sem ne se á zage á wodiiru á jwoori sam, yé gwei-na wodiiru telo maama na wo á kare sem ni ne to, nam yé lare-na mena yalo wodi-zagena bam na daare to. 10Ko ye bedwe mo de á ná gwori Vini tio-bia á kadwi sem wone, se á yé jwoori á gwori-ba á ke belei, naa á twɛ tio-bia balo na to tega ne to. Yage-na tento maama á pa yiniga tiina, de veira balo na zoore de abam to, se ba de wane ba lare ba di.#Nia Gulim 24:19; Ruf 2:2 Amo mo ye abam Tu Baŋa Wɛ wom.
11Yé ŋɔ n dwoŋi wonnu, nam yé gane‑o, naa n fɔ vwa n pa‑o.
12Yé ma amo yere n du duuri vwa taane baŋa ne. Konto bere we n yaale amo yere dem mo. Amo mo ye Baŋa Wɛ wom.#Nwoŋim 20:7
13Yé pini n dwoŋi, nam yé vere o wonnu. Nmo de nɔɔno ná maŋe daane se o toŋe o pa‑m, se n pa‑o ŋweero telo o na jege se o jwoŋi to lela. Yé yage se tega ná poore, se n laam pa‑o.#Nia Gulim 24:14-15
14Yé zaŋe n twe zɔ-kɔgɔ. Nam yé tiŋi da-bunnu lilwei chwoŋa ne se o gare o to tega ne. Kɔre-na amo wolo na ye abam Tu Baŋa Wɛ wom to.
15Yé kweele-na chega á taane dim baŋa ne. Ko dae se á tɔge nɔɔno kwaga o yiniga ŋwaane, naa o dunni ŋwaane. Nam tɔge-na chega kam yerane.#Nwoŋim 23:3; Nia Gulim 16:19
16Yé ta‑á kare á jage sawea se á ma‑á chɔge á dwonna. Abam wolowolo yé kweele chega se o pa o dwoŋi ga o ŋwea. Amo mo ye Baŋa Wɛ wom.
17Yé ta‑n jege n dwoŋi joo n bochare ne. N dwoŋi wom nam ná tusi, se n yɔɔre n kaane‑o, se wonto wɛleere yé taa wo n yuu ne.
18Yé pa n bane zaŋe n dwoŋi baŋa ne se n yiri jene o keim-balɔrɔ ŋwaane. Yé ta‑n chuli n dwoŋi. Nam ta‑n swoi‑o se ko maŋe de n na swoi n tete tei to.#Matiyu 19:19; Maake 12:29-31; Rom 13:9 Amo mo ye Baŋa Wɛ wom.
19Ta‑á sɛ-na amo bera yam maama. Yé pa-na se vara dwi na ye yera yera to di daane ba lo. Yé kwei-na wo-dwa na ye dwi dwi to á du kara dedoa wone. Nam yé zo-na gɔrɔ kolo ba na mɛ gare-yia na ye yera yera ba ma sɔ-ko to.
20Nɔɔno ná peini de kaba-kana kalo ba na boŋe se ba kwei ba pa nɔɔno wodwoŋi to, ye kotu ta ná wo ŋwe kaba-kana kam jene se o taa tei o tete, ba wó waare-ba mo. Ko dae se ba te. Kokuri to, kaba-kana kam ta wo yi se o taa tei o tete. 21Baaro wom jege se o ja pi-bala mo o vo wara-vwei dem ni ne, se o ma o ke wɛleere jene kaanem o pa Baŋa Wɛ. 22Kaanem tu wom de maa wó kwei pi-bala kam konto o ke kaanem o ma o le nɔɔno wom tusim dem Baŋa Wɛ yiga ne. Wɛ laam maa wó kwei konto tu wɛleera o ma o chɛ‑o.
23Abam ná zo Kanaan tega kam wone, ye á jeiri teeni delo na leiri bia pa se nɔɔna di to, se á chuli de wo-bia bam bena yatɔ. Yé di-na tio-bia bam konto, ba na wo maŋe de chullu tem to ŋwaane. 24Bena yana bene dem ná yia, se á pɔɔre tio-bia bam maama se ba taa ye Baŋa Wɛ nyem, se á di ywoni amo ŋwaane. 25Ko daare, bena yanu bene dem wone, á laam jege chwoŋa se á di á kare wo tio-bia bam. Abam ná ke tento maama, á teeni dem wó puli ye de taa leiri bia dedɛ de pa abam. Amo mo ye abam Tu Baŋa Wɛ wom.
26Yé di-na nɔna de ya wo jana. Nam yé tɔge-na yi-nara de chichiri vora kikia kwaga. 27Á ná fane á yuni, se á daare á tiri seeni yu-ywei sem. Nam yé fane-na á twana nia yam.
28Yé ke-na daale á yera yam ne, naa se á gwoni á yera, lua chullu ŋwaane. Amo mo ye Baŋa Wɛ wom.
29Yé yigi n bukɔ n de kabworim wone. Keim dem konto ye n jege‑o mo n yaala. Ko ta wó pa se á teo kom maama su de kabworim de puseŋa kikia mo.
30Ta‑á yei-na amo siu da yam ni ne, se á daare á ta‑á nege amo wara-jei sem. Amo mo ye Baŋa Wɛ wom.
31Yé zaŋe-na á vo yi-nara naa chichiri vora tei se ba veere wonnu ba bere abam. Á ná ke konto, á wó digiri á tete de chullu tem mo. Amo mo ye abam Tu Baŋa Wɛ wom.
32Nɔn-kwe ná yeini ba yi á tei, se á zaŋe wɛɛne á zuli-ba. Konto mo bere we á kɔre amo. Amo mo ye Baŋa Wɛ wom.
33Ko ná ye veira balo na zoore abam tetare ne to, se á yé bɛɛse-ba. 34Á wó ta‑á ke-ba ne á na wó ke á dwonna Isarele tiina bam tei to mo. Nam ta‑á swoi-ba ne á na swoi á tete tei to. Guli-na we á de déem ye veira mo Ejipti teo kom wone. Amo mo ye abam Tu Baŋa Wɛ wom.
35Abam ná lage á maŋe wonnu á yeigi á pa á dwonna, se á yé pini-ba te dunni naa te kamunim baŋa ne. 36Abam bwɛ sem, de wonnu telo á na mae á maŋe wonnu dunni na mae tei to jege se te taa ye chekke mo. Amo mo ye abam Tu Baŋa Wɛ wom. A déem mo jaane abam a nwoŋi Ejipti ne a ba ywo.
37Nam yɔɔre á ta‑á tɔge amo bera yam de a nia yam, se á ta‑á ke ya maama. Amo mo ye Baŋa Wɛ wom.”
Àwon tá yàn lọ́wọ́lọ́wọ́ báyìí:
Chullu 19: KBG
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)
Chullu 19
19
Wo-pwoŋo de chega taane
1 Baŋa Wɛ daa ma ta de Moses o we:
2“Ta de Isarele kɔ-fɔrɔ kom maama we: Pɔɔre-na á tete se á ta‑á ye wose, se amo wolo na ye á Tu Baŋa Wɛ wom to tete mo ye wose tu. 3Abam wone nɔɔno maama jege se o taa nege o nu de o kwo mo. Abam ta jege se á ta‑á yei amo siu da yam ni ne mo. Amo mo ye abam Tu Baŋa Wɛ wom. 4Yé lɔ-na amo kwaga ne á zuli jwona. Ta yé kwei-na luuru á ma‑á mɔ wa-yɔɔro á pa á tete. Amo mo ye abam Tu Baŋa Wɛ wom.
5Abam ná go varem se á ma‑á ke yazura pɛɛre á kaane á pa Baŋa Wɛ, tɔge-na ko totoŋe dem chwoŋa se amo sɛ a jwoŋi-de. 6Á jege se á di varem wom konto nɔna yam mo á ti dɛ delo wone á na kwei‑o á ke kaanem to, naa tega ná poore se á di-ya. Nɔna yam konto ná yi da yatɔ dɛ dem, se á zwɛ-ya. 7Kokuri to, nɔna yam na yi da yatɔ, ye nɔɔno wolo ná di-ya, a bá jwoŋi kotu pɛɛre dem, ya na wo maŋe de chullu tem to ŋwaane. 8Wolo nam ná di da yatɔ nɔna bere we o kwei kolo na pɔɔre amo ŋwaane to mo o pa ko ye wo-yɔɔ. Konto tu daa bá tɔge o woli Isarele dwi dem wone.
9Abam ná vei á kare sem ne se á zage á wodiiru á jwoori sam, yé gwei-na wodiiru telo maama na wo á kare sem ni ne to, nam yé lare-na mena yalo wodi-zagena bam na daare to. 10Ko ye bedwe mo de á ná gwori Vini tio-bia á kadwi sem wone, se á yé jwoori á gwori-ba á ke belei, naa á twɛ tio-bia balo na to tega ne to. Yage-na tento maama á pa yiniga tiina, de veira balo na zoore de abam to, se ba de wane ba lare ba di.#Nia Gulim 24:19; Ruf 2:2 Amo mo ye abam Tu Baŋa Wɛ wom.
11Yé ŋɔ n dwoŋi wonnu, nam yé gane‑o, naa n fɔ vwa n pa‑o.
12Yé ma amo yere n du duuri vwa taane baŋa ne. Konto bere we n yaale amo yere dem mo. Amo mo ye Baŋa Wɛ wom.#Nwoŋim 20:7
13Yé pini n dwoŋi, nam yé vere o wonnu. Nmo de nɔɔno ná maŋe daane se o toŋe o pa‑m, se n pa‑o ŋweero telo o na jege se o jwoŋi to lela. Yé yage se tega ná poore, se n laam pa‑o.#Nia Gulim 24:14-15
14Yé zaŋe n twe zɔ-kɔgɔ. Nam yé tiŋi da-bunnu lilwei chwoŋa ne se o gare o to tega ne. Kɔre-na amo wolo na ye abam Tu Baŋa Wɛ wom to.
15Yé kweele-na chega á taane dim baŋa ne. Ko dae se á tɔge nɔɔno kwaga o yiniga ŋwaane, naa o dunni ŋwaane. Nam tɔge-na chega kam yerane.#Nwoŋim 23:3; Nia Gulim 16:19
16Yé ta‑á kare á jage sawea se á ma‑á chɔge á dwonna. Abam wolowolo yé kweele chega se o pa o dwoŋi ga o ŋwea. Amo mo ye Baŋa Wɛ wom.
17Yé ta‑n jege n dwoŋi joo n bochare ne. N dwoŋi wom nam ná tusi, se n yɔɔre n kaane‑o, se wonto wɛleere yé taa wo n yuu ne.
18Yé pa n bane zaŋe n dwoŋi baŋa ne se n yiri jene o keim-balɔrɔ ŋwaane. Yé ta‑n chuli n dwoŋi. Nam ta‑n swoi‑o se ko maŋe de n na swoi n tete tei to.#Matiyu 19:19; Maake 12:29-31; Rom 13:9 Amo mo ye Baŋa Wɛ wom.
19Ta‑á sɛ-na amo bera yam maama. Yé pa-na se vara dwi na ye yera yera to di daane ba lo. Yé kwei-na wo-dwa na ye dwi dwi to á du kara dedoa wone. Nam yé zo-na gɔrɔ kolo ba na mɛ gare-yia na ye yera yera ba ma sɔ-ko to.
20Nɔɔno ná peini de kaba-kana kalo ba na boŋe se ba kwei ba pa nɔɔno wodwoŋi to, ye kotu ta ná wo ŋwe kaba-kana kam jene se o taa tei o tete, ba wó waare-ba mo. Ko dae se ba te. Kokuri to, kaba-kana kam ta wo yi se o taa tei o tete. 21Baaro wom jege se o ja pi-bala mo o vo wara-vwei dem ni ne, se o ma o ke wɛleere jene kaanem o pa Baŋa Wɛ. 22Kaanem tu wom de maa wó kwei pi-bala kam konto o ke kaanem o ma o le nɔɔno wom tusim dem Baŋa Wɛ yiga ne. Wɛ laam maa wó kwei konto tu wɛleera o ma o chɛ‑o.
23Abam ná zo Kanaan tega kam wone, ye á jeiri teeni delo na leiri bia pa se nɔɔna di to, se á chuli de wo-bia bam bena yatɔ. Yé di-na tio-bia bam konto, ba na wo maŋe de chullu tem to ŋwaane. 24Bena yana bene dem ná yia, se á pɔɔre tio-bia bam maama se ba taa ye Baŋa Wɛ nyem, se á di ywoni amo ŋwaane. 25Ko daare, bena yanu bene dem wone, á laam jege chwoŋa se á di á kare wo tio-bia bam. Abam ná ke tento maama, á teeni dem wó puli ye de taa leiri bia dedɛ de pa abam. Amo mo ye abam Tu Baŋa Wɛ wom.
26Yé di-na nɔna de ya wo jana. Nam yé tɔge-na yi-nara de chichiri vora kikia kwaga. 27Á ná fane á yuni, se á daare á tiri seeni yu-ywei sem. Nam yé fane-na á twana nia yam.
28Yé ke-na daale á yera yam ne, naa se á gwoni á yera, lua chullu ŋwaane. Amo mo ye Baŋa Wɛ wom.
29Yé yigi n bukɔ n de kabworim wone. Keim dem konto ye n jege‑o mo n yaala. Ko ta wó pa se á teo kom maama su de kabworim de puseŋa kikia mo.
30Ta‑á yei-na amo siu da yam ni ne, se á daare á ta‑á nege amo wara-jei sem. Amo mo ye Baŋa Wɛ wom.
31Yé zaŋe-na á vo yi-nara naa chichiri vora tei se ba veere wonnu ba bere abam. Á ná ke konto, á wó digiri á tete de chullu tem mo. Amo mo ye abam Tu Baŋa Wɛ wom.
32Nɔn-kwe ná yeini ba yi á tei, se á zaŋe wɛɛne á zuli-ba. Konto mo bere we á kɔre amo. Amo mo ye Baŋa Wɛ wom.
33Ko ná ye veira balo na zoore abam tetare ne to, se á yé bɛɛse-ba. 34Á wó ta‑á ke-ba ne á na wó ke á dwonna Isarele tiina bam tei to mo. Nam ta‑á swoi-ba ne á na swoi á tete tei to. Guli-na we á de déem ye veira mo Ejipti teo kom wone. Amo mo ye abam Tu Baŋa Wɛ wom.
35Abam ná lage á maŋe wonnu á yeigi á pa á dwonna, se á yé pini-ba te dunni naa te kamunim baŋa ne. 36Abam bwɛ sem, de wonnu telo á na mae á maŋe wonnu dunni na mae tei to jege se te taa ye chekke mo. Amo mo ye abam Tu Baŋa Wɛ wom. A déem mo jaane abam a nwoŋi Ejipti ne a ba ywo.
37Nam yɔɔre á ta‑á tɔge amo bera yam de a nia yam, se á ta‑á ke ya maama. Amo mo ye Baŋa Wɛ wom.”
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)