Nwoŋim 2
2
Moses lora taane
1Levi dwi tu dedoa déem ma di o tete dwi tiina bukɔ wodwoŋi o ma ke o kaane.#Nwoŋim 6:20; Jeelim 26:59 2Kaane wom ma ja puga o lo bakeira. O ma na we bu wom lamma. O ma da ko ŋwaane o seigi‑o chane setɔ.#Hiburu 11:23 3O laam ma maane we o daa bá wane o seigi‑o. O ma kwei tetɔgɔ ba na mɛ sangɛ ba sɔ-ko to, ye o daare o kwei kɔtaale o ma turi-ko se na yé wane ba zo. O déem ma kwei bu wom o ke ko wone ye o daare o ja‑o o vo Naili buga kam ni o seigi‑o nanchan-gullu wone. 4Bu wom nakɔ déem maa zege da ye o tole o nii kolo na wó ke‑o to.
5Ko na ke fee to, Ejipti Pɛ bukɔ déem ma tu buga kam se o swɛ o yera. O ka-nyaana maa vei ba kaare buga kam ni dem ne. O laam ma tole o na tetɔgɔ kom nanchan-gullu tem wone ye o toŋe o kaba-kana se o vo o ja-ko o ja ba. 6O ma puri ko ni ye o na bu-seseŋa na tigi da ye o keera. Bu wom ŋwaŋa ma zo‑o. O ma ta o we, “Hiburu tiina bu-balwa bam dedoa mo tento.”
7Bu wom nakɔ wom ma vo Pɛ bukɔ wom tei o bwei‑o o we, “A véi a beeri Hiburu tiina kaana bam wone a pa‑m se ba dedoa taa pae bu wom ŋɔge yele na?” 8O ma sɛ ye o we, o véi! Busankana kam ma vo o bwoŋi bu wom nu se o ba. 9Pɛ bukɔ wom ma ta ded‑o o we, “Ja bu wonto n vo sɔŋɔ n ta‑n nii o baŋa ne n pa-ne. Amo wó ŋwe‑m ko ŋwaane.” Kaane wom ma seene o ja bu wom o vo sɔŋɔ, o maa jege‑o o kɔna.
10Bu wom déem na bege fee to, o nu wom ma ja‑o o vo o pa Pɛ bukɔ wom se o kwei‑o o ma ji o tete bu. O déem ma pa bu wom yere we ‘Moses’, ye o we ‘A na liiri‑o na wone to ŋwaane.’#2:10 Moses kuri mo nye nenɛɛne liirim.
Moses duri o vo Midian
11Moses déem na bege baaro o ti to dɛ dedwe o ma zaŋe o nwoŋi o vo o tete Hiburu tiina bam na zoore mɛ to. O ma nii o na ba yera na chɛ de totoŋ-dɛɛra tei to. O ta ma na Ejipti tu wodwoŋi na jege Hiburu tu dedoa o maga. 12O ma dole o yi o nii jei maama ye o wo nɛ nɔɔn-nɔɔno. O ma mage Ejipti tu wom o go, ye o daare o kwei‑o o seigi kasolo wone.
13Tega na poore to, o daa ma nwoŋi ye o na Hiburu tiina balei na jege daane. O ma bwei wolo na tusi to o we, “Bɛ mo ye nmo jege n dwoŋi Hiburu tu n maga?” 14Nɔɔno wom ma leiri‑o o we, “Wɔ mo pɛ nmo ni se n ta‑n ye dedɛɛro debam baŋa ne, se n bore debam bora? Nmo wó go amo n woli Ejipti tu wom n na go to wone mo na?” Moses na nigi konto to, foone ma zo‑o ye o boŋe o tete ne we, “Chega ŋwaane to, a na ke tei to lɔre jaja mo.”
15Ejipti Pɛ wom déem ma ni kolo na ke to. O ma kwaane se o go Moses. Moses ma duri o lu Pɛ wom jeŋa ne ye o vo o zoore Midian teo ne.
O déem ma vo o jei vole dedwoŋi teiŋa ne. 16O na wora to, Midian tiina kaanem tu wodwoŋi bukwa barepɛ ma ba se ba mɔ na ba lwo gwoŋo kolo vara bam na nyɔ na da to wone ba ma nye ba kwo pei de bone. 17Nayera badwonna déem ma ba ba zeili bukwa bam. Moses ma zaŋe o jwoŋi-ba o yage, ye o daare o nye ba vara bam. 18Ko na ke konto to, busankane sem ma jwoori ba vo ba kwo tei, o yere mo Jetero#2:18 Jetero yere dedwoŋi ye Reweli.. O déem ma bwei-ba o we, “Abam zem ke tɛ mo á jwoori konto lela?” 19Ba ma leiri ba we, “Ejipti tu wodwoŋi mo jwoŋi debam o yage nayera bam jeŋa ne. Wonto mo lɛɛre o mɔ na o ma nye vara bam o pa debam.” 20O ma bwei o bukwa bam we, “Nɔɔno wom nam wo yeim mo? Abam yage‑o da se bɛ mo? Bwoŋi-o-na se o ba o di wodiu.”
21Moses déem ma sɛ se o taa zoore nɔɔno wom tei ne. Ko na ke fee to, Jetero ma kwei o bukɔ Zipora o pa Moses se o di o ma ke kaane. 22Zipora ma lo bakeira ye Moses pa o yere we ‘Geresom’#2:22 Geresom kuri mo nye nenɛɛne veiru.. Kokuri to, o déem boŋe o tete ne mo we, “Amo ye veiru mo sa-teo ne.”
23Ko na wora ko wora to, Ejipti Pɛ wom déem ma te. Isarele tiina bam maa ŋwaana ba kabɛɛne ŋwaane. Ba déem tiini ba keeri mo ba lwoori wolim. Ba keira kam ma to Wɛ zwa ne, 24ye o sɛ ba ŋwana yam. O ma guli ni delo o déem na gwoni o pa Abaraham, de Izaak, de Jakob to gula.#Pulim 22:17-18; 26:3-5; 32:12 25Wɛ ma nii o na Isarele tiina bam na yaare tei to ye o ke o yiga ba wone.
Àwon tá yàn lọ́wọ́lọ́wọ́ báyìí:
Nwoŋim 2: KBG
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)
Nwoŋim 2
2
Moses lora taane
1Levi dwi tu dedoa déem ma di o tete dwi tiina bukɔ wodwoŋi o ma ke o kaane.#Nwoŋim 6:20; Jeelim 26:59 2Kaane wom ma ja puga o lo bakeira. O ma na we bu wom lamma. O ma da ko ŋwaane o seigi‑o chane setɔ.#Hiburu 11:23 3O laam ma maane we o daa bá wane o seigi‑o. O ma kwei tetɔgɔ ba na mɛ sangɛ ba sɔ-ko to, ye o daare o kwei kɔtaale o ma turi-ko se na yé wane ba zo. O déem ma kwei bu wom o ke ko wone ye o daare o ja‑o o vo Naili buga kam ni o seigi‑o nanchan-gullu wone. 4Bu wom nakɔ déem maa zege da ye o tole o nii kolo na wó ke‑o to.
5Ko na ke fee to, Ejipti Pɛ bukɔ déem ma tu buga kam se o swɛ o yera. O ka-nyaana maa vei ba kaare buga kam ni dem ne. O laam ma tole o na tetɔgɔ kom nanchan-gullu tem wone ye o toŋe o kaba-kana se o vo o ja-ko o ja ba. 6O ma puri ko ni ye o na bu-seseŋa na tigi da ye o keera. Bu wom ŋwaŋa ma zo‑o. O ma ta o we, “Hiburu tiina bu-balwa bam dedoa mo tento.”
7Bu wom nakɔ wom ma vo Pɛ bukɔ wom tei o bwei‑o o we, “A véi a beeri Hiburu tiina kaana bam wone a pa‑m se ba dedoa taa pae bu wom ŋɔge yele na?” 8O ma sɛ ye o we, o véi! Busankana kam ma vo o bwoŋi bu wom nu se o ba. 9Pɛ bukɔ wom ma ta ded‑o o we, “Ja bu wonto n vo sɔŋɔ n ta‑n nii o baŋa ne n pa-ne. Amo wó ŋwe‑m ko ŋwaane.” Kaane wom ma seene o ja bu wom o vo sɔŋɔ, o maa jege‑o o kɔna.
10Bu wom déem na bege fee to, o nu wom ma ja‑o o vo o pa Pɛ bukɔ wom se o kwei‑o o ma ji o tete bu. O déem ma pa bu wom yere we ‘Moses’, ye o we ‘A na liiri‑o na wone to ŋwaane.’#2:10 Moses kuri mo nye nenɛɛne liirim.
Moses duri o vo Midian
11Moses déem na bege baaro o ti to dɛ dedwe o ma zaŋe o nwoŋi o vo o tete Hiburu tiina bam na zoore mɛ to. O ma nii o na ba yera na chɛ de totoŋ-dɛɛra tei to. O ta ma na Ejipti tu wodwoŋi na jege Hiburu tu dedoa o maga. 12O ma dole o yi o nii jei maama ye o wo nɛ nɔɔn-nɔɔno. O ma mage Ejipti tu wom o go, ye o daare o kwei‑o o seigi kasolo wone.
13Tega na poore to, o daa ma nwoŋi ye o na Hiburu tiina balei na jege daane. O ma bwei wolo na tusi to o we, “Bɛ mo ye nmo jege n dwoŋi Hiburu tu n maga?” 14Nɔɔno wom ma leiri‑o o we, “Wɔ mo pɛ nmo ni se n ta‑n ye dedɛɛro debam baŋa ne, se n bore debam bora? Nmo wó go amo n woli Ejipti tu wom n na go to wone mo na?” Moses na nigi konto to, foone ma zo‑o ye o boŋe o tete ne we, “Chega ŋwaane to, a na ke tei to lɔre jaja mo.”
15Ejipti Pɛ wom déem ma ni kolo na ke to. O ma kwaane se o go Moses. Moses ma duri o lu Pɛ wom jeŋa ne ye o vo o zoore Midian teo ne.
O déem ma vo o jei vole dedwoŋi teiŋa ne. 16O na wora to, Midian tiina kaanem tu wodwoŋi bukwa barepɛ ma ba se ba mɔ na ba lwo gwoŋo kolo vara bam na nyɔ na da to wone ba ma nye ba kwo pei de bone. 17Nayera badwonna déem ma ba ba zeili bukwa bam. Moses ma zaŋe o jwoŋi-ba o yage, ye o daare o nye ba vara bam. 18Ko na ke konto to, busankane sem ma jwoori ba vo ba kwo tei, o yere mo Jetero#2:18 Jetero yere dedwoŋi ye Reweli.. O déem ma bwei-ba o we, “Abam zem ke tɛ mo á jwoori konto lela?” 19Ba ma leiri ba we, “Ejipti tu wodwoŋi mo jwoŋi debam o yage nayera bam jeŋa ne. Wonto mo lɛɛre o mɔ na o ma nye vara bam o pa debam.” 20O ma bwei o bukwa bam we, “Nɔɔno wom nam wo yeim mo? Abam yage‑o da se bɛ mo? Bwoŋi-o-na se o ba o di wodiu.”
21Moses déem ma sɛ se o taa zoore nɔɔno wom tei ne. Ko na ke fee to, Jetero ma kwei o bukɔ Zipora o pa Moses se o di o ma ke kaane. 22Zipora ma lo bakeira ye Moses pa o yere we ‘Geresom’#2:22 Geresom kuri mo nye nenɛɛne veiru.. Kokuri to, o déem boŋe o tete ne mo we, “Amo ye veiru mo sa-teo ne.”
23Ko na wora ko wora to, Ejipti Pɛ wom déem ma te. Isarele tiina bam maa ŋwaana ba kabɛɛne ŋwaane. Ba déem tiini ba keeri mo ba lwoori wolim. Ba keira kam ma to Wɛ zwa ne, 24ye o sɛ ba ŋwana yam. O ma guli ni delo o déem na gwoni o pa Abaraham, de Izaak, de Jakob to gula.#Pulim 22:17-18; 26:3-5; 32:12 25Wɛ ma nii o na Isarele tiina bam na yaare tei to ye o ke o yiga ba wone.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2020, Ghana Institute of Linguistics, Literacy and Bible Translation (GILLBT)