Першы ліст да Карынцянаў Раздзел 9
Раздзел 9
1 #
Дзеі 9:3; 2Кар. 12:12 Ці я не Апостал? Ці я не свабодны? Ці ж я не бачыў Ісуса Хрыста, Госпада нашага? Ці ж не вы – справа мая ў Госпадзе?
2 #
2Кар. 3:2
Калі іншым я не Апостал, вам я Апостал; бо вы – пячатка майго апостальства ў Госпадзе.
3Вось жа, мая абарона перад тымі, што мяне асуджаюць.
4 #
Лк. 10:7; 2Тэс. 3:8 Ці ж мы не маем улады есці і піць?
5 #
Мц. 8:14; Ян. 1:42 Або не маем улады браць з сабою жонку, сястру, падобна як гэта робяць іншыя Апосталы, і браты Госпадавы, і Кіфа?
6Ці толькі я адзін і Барнаба не маем улады не працаваць?
7Хто ж служыць у войску за свае ўласныя грошы? Або хто садзіць вінаграднік і не есць яго пладоў? Або хто пасе статак ды не есць малака статка?
8Ці толькі па-чалавечы кажу я гэта? Ці ж не гаворыць пра гэта і закон?
9 #
Паўт. Зак. 25:4; 1Цім. 5:18 Вось жа, у законе Майсея напісана: «Не завязвай пысу валу, што малоціць». Ці пра валоў толькі рупіцца Бог?
10 #
2Цім. 2:6
Ці гэта не сказаў адносна нас? Так, дзеля нас напісана, што араты павінен з надзеяй араць і малацьбіт [малоціць] з надзеяй атрымаць, на што спадзяецца.
11 #
Рым. 15:27
Калі мы пасеялі ў вас духоўнае, ці вялікая рэч, калі мы пажнём ваша цялеснае?
12 #
Дзеі 20:33; 2Кар. 11:8; 1Тэс. 2:9 Калі іншыя маюць удзел ва ўладзе над вамі, дык чаму тым больш не мы? Аднак мы не карыстаемся гэтай уладай, але зносім усё, каб не прычыніць шкоды Евангеллю Хрыстову.
13 #
Паўт. Зак. 18:1
Ці ж не ведаеце, што тыя, што працуюць пры святыні, ядуць тое, што са святыні, а тыя, што паслугуюць пры ахвярніку, бяруць долю з ахвярніка?
14 #
Лк. 10:7; 1Цім. 5:18 Так і Госпад загадаў, каб тыя, што вясцяць Евангелле, з Евангелля жылі.
15 #
Дзеі 18:3; 1Тэс. 2:9 Але я не карыстаўся анічым з гэтага. А напісаў я гэта, не каб гэтак сталася для мяне; добра было б мне лепш памерці, чым дазволіць, каб хто пазбавіў мяне гэтай славы.
16 #
Дзеі 9:6
І, калі я абвяшчаю Евангелле, няма мне славы; бо гэты абавязак ляжыць на мне. І гора мне, калі я не абвяшчаю добрую вестку.
17 #
Ян. 4:36
Калі я гэта раблю са сваёй волі, маю ўзнагароду; а калі я гэта раблю не па сваёй волі, дык выконваю толькі даручанае мне служэнне.
18Дык якая мне ўзнагарода, калі абвяшчаючы Евангелле, без платы зацвердзіў я добрую звестку Хрыста гэтак, што не скарыстаўся ўладаю маёй у Евангеллі.
19 #
Мц. 20:27
Бо, будучы вольным ад усіх, стаўся я нявольнікам усіх, каб тым больш іх здабыць.
20 #
Дзеі 16:3; Рым. 11:14 Для юдэяў быў я як юдэй, каб прыцягнуць юдэяў; для тых, што трымаюцца закону, стаўся паслугачом закону, каб прыцягнуць тых, што пад законам;
21 #
Рым. 2:12; Гал. 2:3 для тых, што без закону, быў як без закону, хоць сам не без Божага закону, але пад законам Хрыста, каб здабыць тых, што без закону.
22 #
Рым. 11:14; 2Кар. 11:29 Для кволых стаўся як кволы, каб прыцягнуць кволых; стаўся ўсім для ўсіх, каб хоць некаторых збавіць.
23 #
2Цім. 1:12
Гэта ж раблю я дзеля Евангелля, каб быць удзельнікам яго.
24 #
Плп. 3:12
Няўжо вы не ведаеце, што бягучыя на стадыёне ўсе бягуць, аднак адзін атрымлівае ўзнагароду? Дык бяжыце так, каб атрымаць.
25 #
2Цім. 4:8; Як. 1:12; 1Пёт. 5:4; Адкр. 2:10 Кожны, хто ідзе ў спаборніцтва, ва ўсім сабе адмаўляе; яны – каб атрымаць вянец знішчальны, а мы – незнішчальны.
26 #
2Цім. 2:5
Дык я бягу не як да няпэўнага, б’юся не так, як бы паветра б’ючы,
27 #
Рым. 8:13
але ўтаймоўваю ды няволю сваё цела, каб часам, навучаючы іншых, сам не стаўся нявартым.
Àwon tá yàn lọ́wọ́lọ́wọ́ báyìí:
Першы ліст да Карынцянаў Раздзел 9: ББЧ
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© МХРБ «Біблейскае таварыства ў Рэспубліцы Беларусь», 2017