Mak 9
9
1Yeso lakus ni, “I ma laksu mwawei, shini ima sima mangra nati si wa ɗing ti kaitat i DeeƁwe yis yes ti andok ames tawe, ɗak si mot.”
Ɗashen i Yeso
2Takfai i mukon taan, Yeso zan Pita, hu Jemis, hu Jwon, watus ta hai mbai anggash. Unai lo' i Yeso shenus ta wei ames. 3Arom ames si nzyu ya si pipel syak, ɗeng ndok ɓa u saya si pipel andi na naya kwa. 4Iliya hu Mosis si pwak ya ta kyeli, sin findel ti Yeso.
5Pita lak Yeso ni, “A makofiti, mute amukan nati ɗat. Ka mas bukak ataat, asa andek, ti Mosis andek, ti Iliya andek.” 6Pita hu myayus, myanat ti ka'us fwet, shang aɗeng ima ɓa u lak kwa.
7Unai ɓwar nin pwak ya vohus ya, ɗak la nin ta ɓwari wi ti ni, “Mai a Al amen ima i ɓwet sus fwet. Hal hun yus!”
8Myan andek si ɗing kyel tarara, si hum ɗing ti ɗeng kwa, a Yeso je yis akul hu sin.
9Si te muɗor ya ta si anggashi, Yeso dulus mwal nyai, myan ima Al i Maɗufal luk fit ta mot wi tawe, ɗak hu lak. 10Si ka' ɗamam mii ta mulwat yus ti, sin mataa i hai nyai, “Ami mii ‘muluk fit ta mot ya?’ ”
11Si lul ta Yeso nyai, “Ami kin som kofiti si anggut hai si ni, a kpang Iliya u tong yes ya?”
12Yeso matussi ni, “A mwawei, Iliya ma mutong yes ɓa u ɗak ti ɗamam ta shak tawe. Ɗak ami kin si worong nyai, a kpang Al i Maɗufal u wo shum si nggwetus ya? 13I ma laksu, Iliya tuu yes, tisi masus ɗamam ima sima ɓweti, ta ngga' ima si worong si yis hai.”
Yeso Ngga Rin Mafwashi Ya Tasi Al Hai
14Myan ima si humkyel, si ɗing male' i ɗufal hu som kofiti si anggut hai si vo anggum i som koltifai amesi ya, sin uɓet tikul. 15Tasi myan ima ɗufal si ɗing Yeso, si shok na fwai fwet, si tital si wa too' sus.
16Lulus ni, “Ami lang ima huma uɓet tikul hu sin ya?”
17Maɗufal nin ta saa ti suɓuti matussi ni, “A makofiti, i kola al amen ima rin mafwashi langus hai, shahus findel. 18Myan ima rin mafwashii si luk fit, hwyai tus ya ta fisha, yis but ti lyau ta fo, yis nggwaran ti anggurai u njeng ratat. I lak som koltifai ama ɓa si ngga rin mafwashii ya, si mba wet.”
19Yeso matussi ni, “Hun waya mii, ima hu fa mwawei kwa, som i masti mafwashi! I wa mute akul hu hun wa nggi myani ya? I wa ka'ti mulut ti hun wa nggi myani ya? Yehun ti ali nati.”
20Unai si kolus ali. Myan ima rin mafwashii ɗing Yeso, fo abet zan ali mati kyel ta fisha tehus ratatat yis ɓwiring, yis but ti mabwatat ta fo.
21Yeso lul ta dees i ali ni, “Ɓo masti mai a tami ya?”
Matussi ni, “Ii tasi myan ima si alus. 22Ndwak u zanus u hwiti ta man wi hu ham ɓa u forus ya. Na ha shang ɗama i masi, ɗinga shum asinin ha bum nin.”
23Yeso matussi ni, “Ami mai ha laki ya, hama nyai, ‘Na ha shang aɗeng i masi ya?’ Ha shangi shak ɗamam si wa mas ta kyel i maɗufal ima fa mwawei.”
24Fo abet dees i ali matussi ti njeng ni, “I fa mwawei! Bumana ɓa i ɓin njeng i munggwya i fati mwawei amen!”
25Myan ima Yeso ɗing ɗufali sin titalal yes kyel ames, unai lak rin mafwashii ɓin nyai, “Ha rin i mandu' i ma laksa, langa ya na al mai wi, kan ha hum mulang sus hai kwa fweng.”
26Rini mat shaat, zan ali sere' ti kyel ta fisha. Ali katus ta fota funat, ɗufal si ni, “Tuu motus.” 27Shak ta andi, Yeso ka' ra ames zanus fit, ɗak te mangra.
28Takfai tima Yeso lang ta wur, unai som koltifai ames si lulus nyai, “Ami kin nin ni shang nggati rini ya kwa ya?”
29Matussi ni, “Mai musuti ma wa mulangya, a ta fisel ti fwal ti DeeƁwe je.”
30Unai si hon kyeli si sa ta ta' ti Galili. Yeso ɓwet ɓa ɗeng u shang kyel ima si mata kwa, 31ɓurti ai yis kofti a som koltifai amesi je. Lak findel ta hai yusti nyai, “Si wa fati Al i Maɗufal ɓa si cu han ames ta ra i ɗufal, si wa for sus ya. Takfai ti mukon ataat ma wa muluk fit.” 32Si ka' hai i maɗeng ima ma laki kwa, sin yus myanat i lul ti hai i findeli.
Awe mii Mbai Ya?
33Si yes Kapanahum. Myan ima yis ta wur, Yeso lulus ni, “Ami ɗin hun uɓet i hai ta fisel ya?” 34Si tes cakat ɓurti sinin uɓet ta fisel nyai, “Awe mii mbai na saa kan ti ya?”
35Unai te amun ɗak lai mulang apilli nyus, “Na ɗeng yis ɓweti mute ii bya', a kpak u te ii dala, hu mamuro i shak.”
36Unai zan al al nin, kinus Tasa asus, ɗak ka'i ta fajin ames nyus, 37“Shak maɗufal ima mat al al mai ti asum a sun, matun ayin ndai. Shak maɗufal ima matun, ayin je matun kwa, mat a yis ima rohun.”
Maɗufal ima Ma Ha' ti Wei ti Kan Kwa Amukan
38Jwon ni, “A makofiti, ni ɗing maɗufal nin yis nggati rin mafwashi ya ti asum a sa. Ni lakus ɓa u hon, ɓurti andek na saa kanti kwa.”
39Yeso nyus, “Ka hu shahus kwa. Ɗeng ma wa masti ɗama i shok na fo ti asum a sun, ɗak humkyel u lak mafwashi na hai amen kwa. 40Shak maɗufal ima ma ha' ti wei ti kan kwa, amukan. 41I ma laksu mwawei, shak maɗufal ima fu cunjo i ham ti sum i Kristi, a kanggang ma wa wis ti mal amen.
Kinti Masti Mafwashi
42“Kan ɗeng kin andek na saa ti fe muyayi ima si fa mwawei mii u mas mafwashi kwa. Na masi andi, mayus wa mute hai ti mbwesh, si no'us afung ti nuk ta la, si hwitus ya ta yiir wi. 43Na ra ama yis kinsa masti mafwashi, lefa ya. Ma ya wa mute hai ti mbwesh ha lang ta mupwet wi ti ra andek, hu ima ha lang ta wur i man ti ra apil. 44A ta kyeli, ‘Rundwas ames si mot kwa, mani hwak mwat kwa.’ 45Na sai ama ma wa kinsa masti mafwashi, lefa ya. Ma ya wa mute hai ti mbwesh ha lang ta mupwet wi ii gundung, hu ima si hwita ta wur i man ti sisai apil. 46A ta kyeli, ‘Rundwas ames si mot kwa, mani hwak mwat kwa.’ 47Na a shit asa tiwa kinsa masti mafwashi, re'a ya. Ma ya wa mute hai ti mbwesh ha lang ta Kaitat i DeeƁwe ti shit andek, hu ima si hwita ta wur i man ti shishat apil. 48A ta kyeli,
“ ‘Rundwas ames si mot kwa,
mani hwak mwat kwa.’#9:48 Ɗing huni hwak: Ish 66:24.
49“A ti man si wa sapa ti ɗufal ya shak, fota ngga ima si sapa kuna ya ti amma.
50“Amma a ɗama maɗesi, na ammai mimya kwa, si wa masi atini u mimya ya? Mute ti ɗiyai amu u te fota ngga' ima mimyat i amma mata. Tehun cala ti ɗiyai amu.”
Àwon tá yàn lọ́wọ́lọ́wọ́ báyìí:
Mak 9: AlisIRonNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc. and © The Nigeria Bible Translation Trust 2018
Mak 9
9
1Yeso lakus ni, “I ma laksu mwawei, shini ima sima mangra nati si wa ɗing ti kaitat i DeeƁwe yis yes ti andok ames tawe, ɗak si mot.”
Ɗashen i Yeso
2Takfai i mukon taan, Yeso zan Pita, hu Jemis, hu Jwon, watus ta hai mbai anggash. Unai lo' i Yeso shenus ta wei ames. 3Arom ames si nzyu ya si pipel syak, ɗeng ndok ɓa u saya si pipel andi na naya kwa. 4Iliya hu Mosis si pwak ya ta kyeli, sin findel ti Yeso.
5Pita lak Yeso ni, “A makofiti, mute amukan nati ɗat. Ka mas bukak ataat, asa andek, ti Mosis andek, ti Iliya andek.” 6Pita hu myayus, myanat ti ka'us fwet, shang aɗeng ima ɓa u lak kwa.
7Unai ɓwar nin pwak ya vohus ya, ɗak la nin ta ɓwari wi ti ni, “Mai a Al amen ima i ɓwet sus fwet. Hal hun yus!”
8Myan andek si ɗing kyel tarara, si hum ɗing ti ɗeng kwa, a Yeso je yis akul hu sin.
9Si te muɗor ya ta si anggashi, Yeso dulus mwal nyai, myan ima Al i Maɗufal luk fit ta mot wi tawe, ɗak hu lak. 10Si ka' ɗamam mii ta mulwat yus ti, sin mataa i hai nyai, “Ami mii ‘muluk fit ta mot ya?’ ”
11Si lul ta Yeso nyai, “Ami kin som kofiti si anggut hai si ni, a kpang Iliya u tong yes ya?”
12Yeso matussi ni, “A mwawei, Iliya ma mutong yes ɓa u ɗak ti ɗamam ta shak tawe. Ɗak ami kin si worong nyai, a kpang Al i Maɗufal u wo shum si nggwetus ya? 13I ma laksu, Iliya tuu yes, tisi masus ɗamam ima sima ɓweti, ta ngga' ima si worong si yis hai.”
Yeso Ngga Rin Mafwashi Ya Tasi Al Hai
14Myan ima si humkyel, si ɗing male' i ɗufal hu som kofiti si anggut hai si vo anggum i som koltifai amesi ya, sin uɓet tikul. 15Tasi myan ima ɗufal si ɗing Yeso, si shok na fwai fwet, si tital si wa too' sus.
16Lulus ni, “Ami lang ima huma uɓet tikul hu sin ya?”
17Maɗufal nin ta saa ti suɓuti matussi ni, “A makofiti, i kola al amen ima rin mafwashi langus hai, shahus findel. 18Myan ima rin mafwashii si luk fit, hwyai tus ya ta fisha, yis but ti lyau ta fo, yis nggwaran ti anggurai u njeng ratat. I lak som koltifai ama ɓa si ngga rin mafwashii ya, si mba wet.”
19Yeso matussi ni, “Hun waya mii, ima hu fa mwawei kwa, som i masti mafwashi! I wa mute akul hu hun wa nggi myani ya? I wa ka'ti mulut ti hun wa nggi myani ya? Yehun ti ali nati.”
20Unai si kolus ali. Myan ima rin mafwashii ɗing Yeso, fo abet zan ali mati kyel ta fisha tehus ratatat yis ɓwiring, yis but ti mabwatat ta fo.
21Yeso lul ta dees i ali ni, “Ɓo masti mai a tami ya?”
Matussi ni, “Ii tasi myan ima si alus. 22Ndwak u zanus u hwiti ta man wi hu ham ɓa u forus ya. Na ha shang ɗama i masi, ɗinga shum asinin ha bum nin.”
23Yeso matussi ni, “Ami mai ha laki ya, hama nyai, ‘Na ha shang aɗeng i masi ya?’ Ha shangi shak ɗamam si wa mas ta kyel i maɗufal ima fa mwawei.”
24Fo abet dees i ali matussi ti njeng ni, “I fa mwawei! Bumana ɓa i ɓin njeng i munggwya i fati mwawei amen!”
25Myan ima Yeso ɗing ɗufali sin titalal yes kyel ames, unai lak rin mafwashii ɓin nyai, “Ha rin i mandu' i ma laksa, langa ya na al mai wi, kan ha hum mulang sus hai kwa fweng.”
26Rini mat shaat, zan ali sere' ti kyel ta fisha. Ali katus ta fota funat, ɗufal si ni, “Tuu motus.” 27Shak ta andi, Yeso ka' ra ames zanus fit, ɗak te mangra.
28Takfai tima Yeso lang ta wur, unai som koltifai ames si lulus nyai, “Ami kin nin ni shang nggati rini ya kwa ya?”
29Matussi ni, “Mai musuti ma wa mulangya, a ta fisel ti fwal ti DeeƁwe je.”
30Unai si hon kyeli si sa ta ta' ti Galili. Yeso ɓwet ɓa ɗeng u shang kyel ima si mata kwa, 31ɓurti ai yis kofti a som koltifai amesi je. Lak findel ta hai yusti nyai, “Si wa fati Al i Maɗufal ɓa si cu han ames ta ra i ɗufal, si wa for sus ya. Takfai ti mukon ataat ma wa muluk fit.” 32Si ka' hai i maɗeng ima ma laki kwa, sin yus myanat i lul ti hai i findeli.
Awe mii Mbai Ya?
33Si yes Kapanahum. Myan ima yis ta wur, Yeso lulus ni, “Ami ɗin hun uɓet i hai ta fisel ya?” 34Si tes cakat ɓurti sinin uɓet ta fisel nyai, “Awe mii mbai na saa kan ti ya?”
35Unai te amun ɗak lai mulang apilli nyus, “Na ɗeng yis ɓweti mute ii bya', a kpak u te ii dala, hu mamuro i shak.”
36Unai zan al al nin, kinus Tasa asus, ɗak ka'i ta fajin ames nyus, 37“Shak maɗufal ima mat al al mai ti asum a sun, matun ayin ndai. Shak maɗufal ima matun, ayin je matun kwa, mat a yis ima rohun.”
Maɗufal ima Ma Ha' ti Wei ti Kan Kwa Amukan
38Jwon ni, “A makofiti, ni ɗing maɗufal nin yis nggati rin mafwashi ya ti asum a sa. Ni lakus ɓa u hon, ɓurti andek na saa kanti kwa.”
39Yeso nyus, “Ka hu shahus kwa. Ɗeng ma wa masti ɗama i shok na fo ti asum a sun, ɗak humkyel u lak mafwashi na hai amen kwa. 40Shak maɗufal ima ma ha' ti wei ti kan kwa, amukan. 41I ma laksu mwawei, shak maɗufal ima fu cunjo i ham ti sum i Kristi, a kanggang ma wa wis ti mal amen.
Kinti Masti Mafwashi
42“Kan ɗeng kin andek na saa ti fe muyayi ima si fa mwawei mii u mas mafwashi kwa. Na masi andi, mayus wa mute hai ti mbwesh, si no'us afung ti nuk ta la, si hwitus ya ta yiir wi. 43Na ra ama yis kinsa masti mafwashi, lefa ya. Ma ya wa mute hai ti mbwesh ha lang ta mupwet wi ti ra andek, hu ima ha lang ta wur i man ti ra apil. 44A ta kyeli, ‘Rundwas ames si mot kwa, mani hwak mwat kwa.’ 45Na sai ama ma wa kinsa masti mafwashi, lefa ya. Ma ya wa mute hai ti mbwesh ha lang ta mupwet wi ii gundung, hu ima si hwita ta wur i man ti sisai apil. 46A ta kyeli, ‘Rundwas ames si mot kwa, mani hwak mwat kwa.’ 47Na a shit asa tiwa kinsa masti mafwashi, re'a ya. Ma ya wa mute hai ti mbwesh ha lang ta Kaitat i DeeƁwe ti shit andek, hu ima si hwita ta wur i man ti shishat apil. 48A ta kyeli,
“ ‘Rundwas ames si mot kwa,
mani hwak mwat kwa.’#9:48 Ɗing huni hwak: Ish 66:24.
49“A ti man si wa sapa ti ɗufal ya shak, fota ngga ima si sapa kuna ya ti amma.
50“Amma a ɗama maɗesi, na ammai mimya kwa, si wa masi atini u mimya ya? Mute ti ɗiyai amu u te fota ngga' ima mimyat i amma mata. Tehun cala ti ɗiyai amu.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc. and © The Nigeria Bible Translation Trust 2018