इफिसी 2

मृत्युम रोत जीवनों वोल

1तो तुमाहा बी जीवाडल्यु होय जे आपाआ अपराधोओ अने पापाआ कारन मोइत गोयो ओते 2ज्याम तुमु पालील्यो आव संसारो रीतीपो अधिकार अने जुगोओ सरदार अर्थात तिया आत्मा अनुसार चालते ओते, जे ओमेभी आज्ञा न कोनारामे काम कोअता. 3यामे आमू बी आखे च्या आखे पहीले आपाआ डीलोओ वासानामे चालते ओते, अने डील अने मोनाआ इच्छा पुरो कोईत ओते अने दिहरे माहुहूस स्वभावाहि क्रोधाचे पोऱ्ये ओते. 4पोन परमेश्वराने जो दया मालक होय, आपाआ तिया प्रमोओ वोडा कारनोवाही त्याआरी तिये आमाहा प्रेम कोयु, 5जाहा आमू अपराधाआ कारनोवाही मोल्या ओते ताहा आमू ओमे ख्रिस्ता आरी जिवंत (कृपेनेच तुमाआ उद्धार ओवयू होय), 6अने ख्रिस्त येशुमेहे तियाआ आरी उठविले गोये होय अने होर्गाआ स्थानामेहे तियापरोत बोहाडील्ये 7का तो आपाआ कृपेणे जो ख्रिस्त येशुमेहे आमा उपो होय, आवनाराआ टाईमा मेहे आपाआ कृपाच्या अनंत धनदौलत देखाडीलो. 8काहाके का विश्वासाआ त्यापोरत कृपेने वाईच तुमाआ उद्धार ओवयू होये आने ओ तुमापोरोत नाहा, ताहा ओ परमेश्वरोओ दान होय, 9अने नाहा कर्म कोनारू कारनोवाही, एहलो बी ओवो का कोडु खोत कोअही. 10काहाके का आमू तियाआ बोनाडल्ये होय, अने ख्रिस्त येशुमेहे तिया हाजा कामा कोअता बोनाडहि गोयल्यु चिन्ह परमेश्वराने पेलरोत आमाहा कोइला कोअता तीयार कोल्यु.

मसीह मेहे एक

11आव कारनोवाही स्मरण कोआ का तुमु जे डीलोओ रीतीवाही अन्यजाति होय अने जे मांहे आगोमेऱ्यो आथे कोयु सुंतारहित कोतेहे, 12तुमु मांहे तिया टाइमाह ख्रिस्तापोरोत अलग अने इस्राएल प्रजाआ पापांनी अलग कोयु गोये, अने प्रतिज्ञाआ वाचाआ भागी नि ओते अने आशाहीन अने जगुमे ईश्वरविना ओते. 13पोन ओमे ख्रिस्तमेहे तुमु जे पेल्ले सेटे ओते, ख्रिस्ताआ रक्ताआ त्यापोरत जागे आविलो गोये होय. 14काहाके का तोज आमाआ मेल होय जिये बेनुहू एकठे कोईत लेधलो अने आंगेज कोनारी जी माय भितडो ओती ती पोडीत टाक्यी, 15अने आपाआ आगोमेऱ्यो वाईट अर्थात ती परिस्थितोई ज्याआ आज्ञा विधीऐ रीतीपो ओती, सेलाइत गोयो कोईत आप्यी का बेनुप आपाआ माय एक नवो मांहु उत्पन्न कोईत मिलवीत आप्लु, 16अने क्रूसपो सेलाइत गोयो कोईत ज्याआ त्यापोरत बेनुहू एक देह बोणाडीत परमेश्वरा आरी मेलविते. 17तिये आवीत आपु जे सेटे ओते, अने जे जागे ओते बेनुहू भेटी सुवार्ता होम्लाड्यू 18काहाके का तीयावाही आपाआ बेन जोआआ एक आत्माम रोत बाह्हाआ जागे प्रवेश ओते.

मसीह आपाआ खुणाआ दोग्डू

19याकोअता तुमु ओमे विदेशी अने पार्के नाहा रोल्या, पोन पवित्र मांहाहा आरी परमेश्वरोओ ओत गोये. 20अने प्रेषित अने संदेष्टाआ पायापो, ज्याचा कोडाआ डोणो ख्रिस्त येशु खुद होय अने बनविल्यो गोल्यो होय. 21ज्यामेहे आखे रचनेत एकठे मिलीत प्रभूमे एक पवित्र मंदिर बोनावोओ जाहो 22ज्यामेहे तुमु बी आत्माआ त्यापोरत परमेश्वरोओ निवासाहा स्थान उविला कोअता एकठे बोनाडल्ये जात होय.

Àwon tá yàn lọ́wọ́lọ́wọ́ báyìí:

इफिसी 2: NOINT

Ìsàmì-sí

Daako

Ṣe Àfiwé

Pín

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀