Génesis 42
42
Joseypa wawqenkuna Egipto nacionman risqankumanta
1Jacobqa Egipto *nacionpi mikhuy kasqanta yacharuspanmi, wawankunata khaynata niran:
—Qankunari, ¿imanaqtintaq mana imatapas ruwaspa qawanakushankichis? 2Noqaqa yacharunin Egipto nacionpi mikhuy kasqanta. Rispaykichisyá mikhuyta rantimuychis, saynapi ama wañunanchispaq, aswanqa kawsananchispaq, nispa.
3Saynata papanku Jacob niqtinmi, Joseypa chunkantin wawqenkunaqa Egipto nacionman mikhuyta rantimunankupaq riranku. 4Ichaqa Jacobqa manan munaranchu wawan Benjamín wawqenkunawan rinantaqa. Jacobqa yacharanmi Benjaminqa Joseypa sullk'an kasqanta. Chayraykun payqa khaynata niran:
—Yanqan waway Benjamintaqa imapas pasarunman, nispa. 5Hinaqtinmi Israelpa wawankunaqa, Egipto nacionman huk runakunapiwan kushka riranku mikhuyta rantikamunankupaq, Canaán nacionpi nishu muchuy kasqanrayku.
6Egipto nacionpiqa Joseymi más atiyniyoq gobernador kasharan. Hinaspapas paymi mikhuytaqa llapallan rantikuq riq runakunaman vendemuran. Hinaqtinmi Joseypa wawqenkunaqa, paypa kasqanman chayaruspanku, ñawpaqninpi qonqoriyukuranku mat'inkupas asta pampaman tupanankamaraq. 7Joseyqa qawaykuspa hinallan wawqenkunataqa reqsiruran. Ichaqa payqa manapas wawqenkunata reqsishanmanchu hinan comportakuran. Hinaspan altomanta rimaspa khaynata tapuran:
—¿Maymantataq qankunari hamushankichís? nispa.
Chaymi paykunaqa contestaranku khaynata:
—Noqaykuqa Canaán nacionmantan, mikhuyta rantikunaykupaq hamushayku, nispanku.
8Joseyqa wawqenkunataqa reqsiranmi. Ichaqa wawqenkunaqa manan paytaqa reqsirankuchu. 9Hinaqtinmi Joseyqa wawqenkunamanta sueñokusqanta yuyarispa, paykunata niran:
—Qankunaqa *espía runakunan kankichis. Chaymi qankunaqa averiguaq hamushankichis; saynapi kay nacionniyku protegesqachus kashan icha manachus chayta qawaspa yachanaykichispaq, nispa.
10Hinaqtinmi paykunaqa contestaranku:
—Señorlláy, manan saynachu. Aswanmi noqaykuqa mikhuyta rantikuqlla hamurayku. Hinaspapas noqaykuqa qanta serviqniyki runakunallan kayku. 11Noqaykuqa llapallaykun huk runapa wawankunalla kayku. Hinaspapas noqaykuqa honrado runakunan kayku. Manan noqaykuqa wateqaq runakunachu kayku, nispanku.
12Chaymi Joseyqa paykunata niran:
—¡Chay niwasqaykichisqa manan cheqaqchu! Qankunaqa cheqaqtapunin kay nacionniyku protegesqachu kashan icha manachus chayta qawanaykichispaq hamurankichis, nispa.
13Hinaqtinmi paykunaqa niranku:
—Noqaykuqa qanta serviqniyki runakunallan kayku. Hinaspapas llapallaykupiqa chunka ishkayniyoq wawqekunan kayku, Canaán nación allpapi tiyaq ch'ulla runapa wawankunalla. Sullk'a kaq wawqeykuqa papaykuwanmi kashan. Huk kaq wawqeykutaqmi manaña noqaykuwanñachu, nispa.
14Chaymi Joseyqa paykunata niran:
—Nisqayman hinan qankunaqa wateqaq runakuna kankichis. 15Kunanmi qankunataqa huk pruebaman churasqaykichis. Noqaqa rey Faraonpa sutinpin juramentota ruwani, saynapi kaymanta mana lloqsinaykichispaq. Aswanqa qankunaqa lloqsinkichis, maypachachus sullk'a kaq wawqeykichis kayman hamuqtinñan. 16Saynaqa huknin kaq wawqeykichistayá mandaychis, sullk'a kaq wawqeykichista kayman pusamunanpaq. Wakinniykichistaq preso qepakuychis. Saynapin noqaqa yachasaq, wateqaq runakunachus kankichis icha manachus chayta, nispa.
17Hinaspan Joseyqa kinsa p'unchaw wawqenkunataqa carcelman churachiran. 18Kinsa p'unchaw pasaruqtintaqmi, paykunata niran:
—Noqaqa Diosta manchakuq runan kani. Chayraykuyá kay nisqayta ruwaychis kawsanaykichispaq: 19Sichus qankuna honrado runakuna kankichis chayqa, kay carcelpiyá dejaychis huknin kaq wawqeykichista. Hinaspa wakinniykichistaq familiaykichiskunaman mikhuyta apaychis, yarqaypi ama kanankupaq. 20Ichaqa sullk'a kaq wawqeykichistan pusamunaykichis. Saynapin noqaqa yachasaq chay niwasqaykichis cheqaqpuni kasqanta. Mana sayna kaqtinqa wañunkichismi, nispa.
Hinaqtinmi paykunaqa Joseypa chay nisqanwan acuerdopi karanku. 21Ichaqa paykunapuran khaynata ninakuranku:
—Cheqaqtapunin noqanchisqa wawqenchispa contranpi huchallikuranchis. Ancha ñak'arisqantan noqanchisqa rikuranchis. Ichaqa ruegakuwashaqtinchispas, manan khuyapayaranchishchu. Chayraykun noqanchistaqa tukuy kaykuna pasawashanchis, nispanku.
22Hinaqtinmi Rubenqa paykunata niran:
—¿Acaso manachu noqaqa niraykichis, ama warmataqa ima maltapas ruwaychishchu, nispay? Ichaqa qankunaqa manan kasuwarankichishchu. Chayraykun wawqenchispa contranpi mal ruwasqanchismanta kunanqa pagashanchis, nispa.
23Paykunaqa manan yacharankucho paykunapa rimasqanta José entiendesqantaqa, rimaqtinku huk runa rimayninkunan t'ikrasqanrayku. 24Hinaqtinmi Joseyqa paykunapa kasqanmanta lloqsispa waqaran. Chaymantan waqasqanmanta kutiyamuspa paykunata rimapayaran. Hinaspan Simeonta presochaspa, wawqenkuna rikushaqtin chaqnachiran. 25Chaymantan Joseyqa sirvienten runakunata kamachiran, wawqenkunapa sapankama costalninkuman trigota hunt'amunankupaq hinallataq qolqenkutapas sapanka costalninkuman churaspa kutichipunankupaq. Hinaspapas kamachillarantaqmi, qoqawta ñanninkupaq qonankupaqpas. Chaymi chay sirvientekunaqa Joseypa kamachisqanman hina ruwaranku. 26Hinaqtinmi Joseypa wawqenkunaqa asnonkupi trigota cargayukuspa, chay lugarmanta ripuranku.
27Chay risqankupin paykunaqa huk lugarpi samaranku. Hinaqtinmi hukninkaqqa asnonman trigota mikhuchinanpaq costalninpa siminta pashkaspa kichariran. Hinaspan chaypi qolqenta tariran. 28Chaymi wawqenkunata niran:
—¡Qawariychis, qolqeytaqa kaqllatan kutirachinpuwasqaku! ¡Kayqayá costalniypi kashan! nispa.
Hinaqtinmi paykunaqa anchata mancharikuranku. Hinaspan khatatataspanku, khaynata ninakuranku:
—¿Imanaqtintaq Diosri kaykunata ruwawashanchís? nispanku.
29Canaán nacionman chayaruspankun, paykunaqa papanku Jacobman willaranku tukuy imaymana pasamusqankuta. Hinaspan khaynata niranku:
30—Egipto nacionpi kamachikuq gobernador runaqa, ancha phiñasqallañan rimapayawaranku. Hinaspan khaynata niwaranku: “Qankunaqa wateqaq runakunan kankichis”, nispa. 31Chaymi noqaykuqa khaynata contestarayku: “Manan noqaykuqa wateqaq runakunachu kayku. Aswanmi noqaykuqa honrado runakuna kayku. 32Hinaspapas noqaykuqa chunka ishkayniyoq wawqekunan kayku, huk runapa wawankunalla. Sullk'a kaq wawqeykuqa papaykuwanmi Canaán nacionpi qeparakamun. Huknin kaq wawqeykutaqmi manaña noqaykuwanñachu”, nispa. 33Ichaqa chay Egipto nacionpi kamachikuq gobernador runaqa khaynatan niwaranku: “Sichus qankuna honrado runakuna kankichis chayqa, dejaychisyá kay carcelpi huknin kaq wawqeykichista. Hinaspa wakinniykichis familiaykichisman mikhuyta apaychis, yarqaypi ama kanankupaq. 34Ichaqa sullk'a kaq wawqeykichistan pusamuwanaykichis. Saynapin noqaqa yachasaq mana wateqaq runakunachu kasqaykichista, aswanqa honrado runakuna kasqaykichista. Chayta yachaspayñan noqaqa (carcelpi qepakuq) wawqeykichista qopusqaykichis. Chaymantañan qankunaqa ima negociotapas kay nacionpiqa ruwankichis”, nispa.
35Saynata niruspankun costalninkuta hich'aranku. Hinaspan sapankamankupa costalninkupi qolqenkuta tarikapuranku. Chaymi paykunaqa hinallataq papankupas anchata mancharikuranku. 36Hinaspan papanku Jacobqa paykunata niran:
—Qankunaqa mana wawayoqtañan saqewashankichis. Joseyqa manañan kanñachu nitaqmi Simeonpas noqanchiswanñachu. Saynallataqmi kunanqa Benjamintapas aparuyta munashankichis. Tukuy kaykuna pasawasqanqa manan allinchu, noqapa contraypin kashan, nispa.
37Chaymi Rubenqa papanta niran:
—Papáy, noqan Benjaminmantaqa responsable kasaq. Sichus mana kutichinpusaqchu chayqa, ishkaynin qari wawaykunatayá wañuchinki, nispa.
38Ichaqa Jacobqa khaynatan niran:
—Manan waway Benjaminqa qankunawanqa rinqachu. Wawqen Joseypas manañan kanñachu. Waway Benjaminllañan qepawan. Sichus chay ñan risqaykichispi ima mana allinpas wawayta pasarunman chayqa, llakikuymantachá wañurullaymanña qankunapa kawsaykichispi, nispa.
Àwon tá yàn lọ́wọ́lọ́wọ́ báyìí:
Génesis 42: QEAÑT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Génesis 42
42
Joseypa wawqenkuna Egipto nacionman risqankumanta
1Jacobqa Egipto *nacionpi mikhuy kasqanta yacharuspanmi, wawankunata khaynata niran:
—Qankunari, ¿imanaqtintaq mana imatapas ruwaspa qawanakushankichis? 2Noqaqa yacharunin Egipto nacionpi mikhuy kasqanta. Rispaykichisyá mikhuyta rantimuychis, saynapi ama wañunanchispaq, aswanqa kawsananchispaq, nispa.
3Saynata papanku Jacob niqtinmi, Joseypa chunkantin wawqenkunaqa Egipto nacionman mikhuyta rantimunankupaq riranku. 4Ichaqa Jacobqa manan munaranchu wawan Benjamín wawqenkunawan rinantaqa. Jacobqa yacharanmi Benjaminqa Joseypa sullk'an kasqanta. Chayraykun payqa khaynata niran:
—Yanqan waway Benjamintaqa imapas pasarunman, nispa. 5Hinaqtinmi Israelpa wawankunaqa, Egipto nacionman huk runakunapiwan kushka riranku mikhuyta rantikamunankupaq, Canaán nacionpi nishu muchuy kasqanrayku.
6Egipto nacionpiqa Joseymi más atiyniyoq gobernador kasharan. Hinaspapas paymi mikhuytaqa llapallan rantikuq riq runakunaman vendemuran. Hinaqtinmi Joseypa wawqenkunaqa, paypa kasqanman chayaruspanku, ñawpaqninpi qonqoriyukuranku mat'inkupas asta pampaman tupanankamaraq. 7Joseyqa qawaykuspa hinallan wawqenkunataqa reqsiruran. Ichaqa payqa manapas wawqenkunata reqsishanmanchu hinan comportakuran. Hinaspan altomanta rimaspa khaynata tapuran:
—¿Maymantataq qankunari hamushankichís? nispa.
Chaymi paykunaqa contestaranku khaynata:
—Noqaykuqa Canaán nacionmantan, mikhuyta rantikunaykupaq hamushayku, nispanku.
8Joseyqa wawqenkunataqa reqsiranmi. Ichaqa wawqenkunaqa manan paytaqa reqsirankuchu. 9Hinaqtinmi Joseyqa wawqenkunamanta sueñokusqanta yuyarispa, paykunata niran:
—Qankunaqa *espía runakunan kankichis. Chaymi qankunaqa averiguaq hamushankichis; saynapi kay nacionniyku protegesqachus kashan icha manachus chayta qawaspa yachanaykichispaq, nispa.
10Hinaqtinmi paykunaqa contestaranku:
—Señorlláy, manan saynachu. Aswanmi noqaykuqa mikhuyta rantikuqlla hamurayku. Hinaspapas noqaykuqa qanta serviqniyki runakunallan kayku. 11Noqaykuqa llapallaykun huk runapa wawankunalla kayku. Hinaspapas noqaykuqa honrado runakunan kayku. Manan noqaykuqa wateqaq runakunachu kayku, nispanku.
12Chaymi Joseyqa paykunata niran:
—¡Chay niwasqaykichisqa manan cheqaqchu! Qankunaqa cheqaqtapunin kay nacionniyku protegesqachu kashan icha manachus chayta qawanaykichispaq hamurankichis, nispa.
13Hinaqtinmi paykunaqa niranku:
—Noqaykuqa qanta serviqniyki runakunallan kayku. Hinaspapas llapallaykupiqa chunka ishkayniyoq wawqekunan kayku, Canaán nación allpapi tiyaq ch'ulla runapa wawankunalla. Sullk'a kaq wawqeykuqa papaykuwanmi kashan. Huk kaq wawqeykutaqmi manaña noqaykuwanñachu, nispa.
14Chaymi Joseyqa paykunata niran:
—Nisqayman hinan qankunaqa wateqaq runakuna kankichis. 15Kunanmi qankunataqa huk pruebaman churasqaykichis. Noqaqa rey Faraonpa sutinpin juramentota ruwani, saynapi kaymanta mana lloqsinaykichispaq. Aswanqa qankunaqa lloqsinkichis, maypachachus sullk'a kaq wawqeykichis kayman hamuqtinñan. 16Saynaqa huknin kaq wawqeykichistayá mandaychis, sullk'a kaq wawqeykichista kayman pusamunanpaq. Wakinniykichistaq preso qepakuychis. Saynapin noqaqa yachasaq, wateqaq runakunachus kankichis icha manachus chayta, nispa.
17Hinaspan Joseyqa kinsa p'unchaw wawqenkunataqa carcelman churachiran. 18Kinsa p'unchaw pasaruqtintaqmi, paykunata niran:
—Noqaqa Diosta manchakuq runan kani. Chayraykuyá kay nisqayta ruwaychis kawsanaykichispaq: 19Sichus qankuna honrado runakuna kankichis chayqa, kay carcelpiyá dejaychis huknin kaq wawqeykichista. Hinaspa wakinniykichistaq familiaykichiskunaman mikhuyta apaychis, yarqaypi ama kanankupaq. 20Ichaqa sullk'a kaq wawqeykichistan pusamunaykichis. Saynapin noqaqa yachasaq chay niwasqaykichis cheqaqpuni kasqanta. Mana sayna kaqtinqa wañunkichismi, nispa.
Hinaqtinmi paykunaqa Joseypa chay nisqanwan acuerdopi karanku. 21Ichaqa paykunapuran khaynata ninakuranku:
—Cheqaqtapunin noqanchisqa wawqenchispa contranpi huchallikuranchis. Ancha ñak'arisqantan noqanchisqa rikuranchis. Ichaqa ruegakuwashaqtinchispas, manan khuyapayaranchishchu. Chayraykun noqanchistaqa tukuy kaykuna pasawashanchis, nispanku.
22Hinaqtinmi Rubenqa paykunata niran:
—¿Acaso manachu noqaqa niraykichis, ama warmataqa ima maltapas ruwaychishchu, nispay? Ichaqa qankunaqa manan kasuwarankichishchu. Chayraykun wawqenchispa contranpi mal ruwasqanchismanta kunanqa pagashanchis, nispa.
23Paykunaqa manan yacharankucho paykunapa rimasqanta José entiendesqantaqa, rimaqtinku huk runa rimayninkunan t'ikrasqanrayku. 24Hinaqtinmi Joseyqa paykunapa kasqanmanta lloqsispa waqaran. Chaymantan waqasqanmanta kutiyamuspa paykunata rimapayaran. Hinaspan Simeonta presochaspa, wawqenkuna rikushaqtin chaqnachiran. 25Chaymantan Joseyqa sirvienten runakunata kamachiran, wawqenkunapa sapankama costalninkuman trigota hunt'amunankupaq hinallataq qolqenkutapas sapanka costalninkuman churaspa kutichipunankupaq. Hinaspapas kamachillarantaqmi, qoqawta ñanninkupaq qonankupaqpas. Chaymi chay sirvientekunaqa Joseypa kamachisqanman hina ruwaranku. 26Hinaqtinmi Joseypa wawqenkunaqa asnonkupi trigota cargayukuspa, chay lugarmanta ripuranku.
27Chay risqankupin paykunaqa huk lugarpi samaranku. Hinaqtinmi hukninkaqqa asnonman trigota mikhuchinanpaq costalninpa siminta pashkaspa kichariran. Hinaspan chaypi qolqenta tariran. 28Chaymi wawqenkunata niran:
—¡Qawariychis, qolqeytaqa kaqllatan kutirachinpuwasqaku! ¡Kayqayá costalniypi kashan! nispa.
Hinaqtinmi paykunaqa anchata mancharikuranku. Hinaspan khatatataspanku, khaynata ninakuranku:
—¿Imanaqtintaq Diosri kaykunata ruwawashanchís? nispanku.
29Canaán nacionman chayaruspankun, paykunaqa papanku Jacobman willaranku tukuy imaymana pasamusqankuta. Hinaspan khaynata niranku:
30—Egipto nacionpi kamachikuq gobernador runaqa, ancha phiñasqallañan rimapayawaranku. Hinaspan khaynata niwaranku: “Qankunaqa wateqaq runakunan kankichis”, nispa. 31Chaymi noqaykuqa khaynata contestarayku: “Manan noqaykuqa wateqaq runakunachu kayku. Aswanmi noqaykuqa honrado runakuna kayku. 32Hinaspapas noqaykuqa chunka ishkayniyoq wawqekunan kayku, huk runapa wawankunalla. Sullk'a kaq wawqeykuqa papaykuwanmi Canaán nacionpi qeparakamun. Huknin kaq wawqeykutaqmi manaña noqaykuwanñachu”, nispa. 33Ichaqa chay Egipto nacionpi kamachikuq gobernador runaqa khaynatan niwaranku: “Sichus qankuna honrado runakuna kankichis chayqa, dejaychisyá kay carcelpi huknin kaq wawqeykichista. Hinaspa wakinniykichis familiaykichisman mikhuyta apaychis, yarqaypi ama kanankupaq. 34Ichaqa sullk'a kaq wawqeykichistan pusamuwanaykichis. Saynapin noqaqa yachasaq mana wateqaq runakunachu kasqaykichista, aswanqa honrado runakuna kasqaykichista. Chayta yachaspayñan noqaqa (carcelpi qepakuq) wawqeykichista qopusqaykichis. Chaymantañan qankunaqa ima negociotapas kay nacionpiqa ruwankichis”, nispa.
35Saynata niruspankun costalninkuta hich'aranku. Hinaspan sapankamankupa costalninkupi qolqenkuta tarikapuranku. Chaymi paykunaqa hinallataq papankupas anchata mancharikuranku. 36Hinaspan papanku Jacobqa paykunata niran:
—Qankunaqa mana wawayoqtañan saqewashankichis. Joseyqa manañan kanñachu nitaqmi Simeonpas noqanchiswanñachu. Saynallataqmi kunanqa Benjamintapas aparuyta munashankichis. Tukuy kaykuna pasawasqanqa manan allinchu, noqapa contraypin kashan, nispa.
37Chaymi Rubenqa papanta niran:
—Papáy, noqan Benjaminmantaqa responsable kasaq. Sichus mana kutichinpusaqchu chayqa, ishkaynin qari wawaykunatayá wañuchinki, nispa.
38Ichaqa Jacobqa khaynatan niran:
—Manan waway Benjaminqa qankunawanqa rinqachu. Wawqen Joseypas manañan kanñachu. Waway Benjaminllañan qepawan. Sichus chay ñan risqaykichispi ima mana allinpas wawayta pasarunman chayqa, llakikuymantachá wañurullaymanña qankunapa kawsaykichispi, nispa.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional