San Marcos 15
15
Jesús tiʌ yete a Pilato
(Mt. 27.1-2,11-14; Mt. 23.1-5; Jn. 18.28-38)
1Kaj sasi, tu woro u t'ojio' a moko' ku meajo' yok'o u yatoch K'uj y tu woro a jak'ʌ u kucho' ti' u winik Judíos y yete a moko' ku kʌ'sko' u t'ʌn K'uj a to'o u toj ts'ibtamʌ a Moisés uchik y bexi' yete tu woro u ts'urio' a judíos tu biso' k'ʌxʌ' a Jesús y ts'ao' ti' a Pilato. 2A Pilato kaj tu k'ata ti' a Jesús:
—¿Tech lʌjiech u Wesi a judíos?
Jesús kaj tu nuka ti':
—Tech ta wa'a.
3A u t'ojio' a moko' ku meajo' yok'o u yatoch K'uj tʌn u ne paytiko' a Jesús. 4A Pilato tu ka' k'ata ti' a Jesús:
―¿Mix ba' ka bin a naj nuke? Ka wirik jach pim tʌn u pʌk'ik a pach.
5Chen a Jesús mo' tu naj nuka chichin, lʌji' ka jach u pesa' yor a Pilato.
U ya'ba u kinsa' Jesús ix cruz
(Mt. 27.15-31; Lc. 23.13-25; Jn. 18.38—19.16)
6U k'ini tuk'in tʌn u metko' u yo'cho' a lʌji' u k'ini a Pascua, t'ʌrʌ' u siptiko' a to'o u k'ato' a winik junturi' a mok mʌka'. 7Y tiʌ junturi' xi'ra mʌkʌ' u k'aba' Barrabás, mʌkʌ' yete u jero', aj mʌkao' yok'o tuj kinsanʌjo u k'ini tuk'in tʌn u ts'iko' a winik. 8Ij taro' u pimai u kʌjta, chu'mpʌ u k'atko' a bex naj t'ʌrʌ' u yirko' u meta'. 9A Pilato tu nuka tio':
―¿Poch a wirke'x ka in sipte a lʌji' u Wesi a judíos?
10A Pilato toj u yue u t'ojio' a moko' ku meajo' yok'o u yatoch K'uj u winiko' judío tu k'uba' Jesús tu k'ex u yoro'. 11Chen u t'ojio' a moko' ku meajo' yok'o u yatoch K'uj tu kuna u jo'o a winik tiu k'atik u sipta' a Barrabás. 12Pilato tu ka' k'ata tio': ¿Baij ka k'ate'x in metik ti' a ka wei'ke'x ti' u Wesi a judíos?
13Tu woro tu nu'ku yete u yaboti ku yei'ko'
—¡Bʌje ich cruz!
14A Pilato tu ya'a:
—A'e'x ten ¿baiki mo' tsoy ba' tu meta?
Chen a winiko' más k'ʌ'm abotno' y bex ku yei'ko':
—¡Bʌje ich cruz!
15A Pilato, poch u tsoykintik u yor a winik bein tu sipta' a Barrabás y chen ts'o'k u jʌts'a' a Jesús yete sum, pachi tu ts'a u bʌja'.
16Y u ba'kʌyo' tu biso' a Jesús tu ku nikto' tu woro a ba'kʌi y tu laj much'a tu woro u bojo' a ba'kʌyo'. 17Tu tʌko' u nok' bej ts'us, y tu tʌko' yok'o u jo' Jesús a bex ku tʌka tij wes chen a lay menʌ' yete k'i'x. 18Chu'mpʌ u yabot tʌn u yei'ko':
—¡Ki' kuxrakech u Wesi judíos! Toj jay tʌn u p'astiko'.
19Ka u jʌts'o' u jo' Jesús yete che, kaj u tup'a u wich, y tus tu laj xonkunto' u pix ti' Jesús. 20Kaj ts'ok u kʌxmetko', jita' ti' a u nok' a tu tʌko' ti' y tu ka' ts'a a u nok'i, pachi tu biso' u bʌjo' yok'o a cruz.
Jesús ku bʌja' yok'o cruz
(Mt. 27.32-56; Lc. 23.26-49; Jn. 19.17-30)
21Ka tʌn u bino', ira' junturi' xi'ra u winki Cirene u k'aba' Simón, a lʌji' u ti'a a Alejandro y a Rufo, a ti' tʌn u sut y tʌn u ka' oko yok'o u kʌjtai, lʌji' ka tʌn u mʌn tita, ts'ʌra' u pach u ch'eik a u che'i a cruz.
22Bisa' a Jesús yok'o u lu'mi u k'aba' Gólgota, (u nu'ku ku ya'bati': «U lu'mi u Bake Jo'»). 23Ts'abti' u yuk'e a Jesús u ya'ri a nukuch ts'us yete mirra, chen Jesús mo' tu yuk'a. 24Kaj ts'o'ki u bʌja', chu'mpʌjo' u yʌrʌk'tiko' u nok' a Jesús ti u yik mok baij ku bin u ch'ae jujuntu.
25Kaj bʌja' yok'o cruz a Jesús, nʌ'ki k'in#15.25 Nʌ'ki k'in: A je' a t'ʌn ku yei'k bik ka wei'k u horai a nueve a once. 26Yok'o u jo' tu bʌja' a Jesús, nich'kunta' jump'e ba' tu ts'ibʌ' biken bʌja': «A JE' LɅJI' U WESI JUDÍOS.» 27Bexi' bʌja' yete kato' xi'ra a ku yakra ba', junxet' ti' Jesús bʌja' a juntu y junxet' a juntu. 28Bex nup'i u k'ini a bex ti' ts'ibʌ' ix u t'ʌn K'uj uch, ku yei'k: “Tij much'a yete a ku yakraba'.
29A winik a ku mʌn xok'o tita, ku p'astiko' a Jesús y ku pesik u jo'o, ku yei'ko':
—¡A ta wa'a a jubik u yaj yatoch K'uj y oxp'e k'in ka kaj laj metik u jer tumen! 30¡Takabʌj y emen tuj bʌjech yok'o cruz!
31Bexi' a mok u t'ojio' a moko' ku meajo' yok'o u yatoch K'uj yete a ku kʌ'sko' u t'ʌn K'uj a toj u ts'ibtamʌ a Moisés uchik bexi' yete a winik a judíos a ku ya'bati' fariseos, tʌn p'astiko' a Jesús, bex ku yei'ko':
—U jer tu taka' y u bʌji' muj tajkubʌj. 32¡A Cristo u Wesi a Israel, ka u ensubʌj tu tiʌ ix cruz y bex je'e ak ch'eik u t'ʌn!
Bexi' hasta a mok bʌjao' tu xax laj chu'mpʌjo' u p'astiko' a Jesús.
33Kaj k'uchi k'ak' chuk'in, laj ak'ʌ'chʌ tu woro u lu'm, ka' sasichʌ hasta ka tʌn ts'arkubʌ k'in. 34Ka tʌn u ts'arkubʌj k'in#15.34 Tʌn u ts'arkubʌj k'in: A je' a t'ʌn ku yei'k bik ka wei'k u horai a 1 a 3. , Jesús abotnʌj y bex tu ya'a: «Eloí, Eloí, ¿lamá sabactani?» (A je' u nu'ku ku yei'k: «In K'uj, in K'uj, ¿biken ta p'ʌten?»)
35Ka tu yuo' u t'ʌn a Jesús a mok tio' tita, tu yao': A Elías ku t'ʌnik.
36Toj se'p' junturi' tu k'ʌna u yaka' y tu ch'a nok' y tu ch'ura yete u ya'ri a vinagre y tu tʌka yok'o che, ka tu nʌsa' tiu ts'ek u yuk'e a Jesús, y tʌn u yei'ko': P'ʌte, kak ire wa a Elías ku tar u yense tu tiʌ ix cruz.
37Chen Jesús ne k'ʌ'm abotnʌj ij lʌji' kaj kimi. 38Lʌji' kaj jati ka' xot' ch'ik kʌnʌ y kaba y yaj nok'i au yatoch K'uj. 39U ts'uri a ba'kʌi a tiʌ ʌkʌtʌn tu bʌjʌ' a Jesús, ka tu yira ts'o'k u kimi a ten bik a je', kaj u ya'a: ―A je' a xi'ra jach lʌji' ka'chik u Ti'a K'uj.
40Bexi' tio' tita ne pim ch'upra tʌn u chʌntko' baij ku mʌn, a lʌji' tiʌ a María Magdalena, a María u nʌ' a Jacobo a its'inbi y lʌji' u nʌ' bexi' a José y bexi' tiʌ tita a Salomé. 41A je' a ch'uprao' lʌjio' a tu t'u'ro' a Jesús y bexi' tu yʌnto' tuk'in a Jesús tiʌ ix Galilea, y bexi' ch'ik pim winik tio' tita a to'o nʌ'ko' yete ix Jerusalén uchik.
Jesús ku muka' yok'o jabʌn tunich
(Mt. 27.57-61; Lc. 23.50-56; Jn. 19.38-42)
42Kaj ak'ʌ'chʌ, tʌn u yutskinta' a ba' lʌji' tʌn uj bij oko u k'ini u je'sik u bʌjo' a judíos. 43Tari junturi' xi'ra a u k'aba' José a lʌji' u ts'urio' u winiko' judío, a lʌji' bexi' ku ch'uktik tu ku wesintik K'uj a tiʌ kʌ', a je' a xi'ra tu jach chichkinta u yor ij bini tu tiʌ a Pilato y tu k'ata u bʌk'e a Jesús. 44A Pilato, jach peknʌ u yor tu tu yua ya kimi a Jesús, lʌji' ka tu tuchi'taj t'ʌn ti u jach ts'uri a ba'kʌi u winiko' romano, kaj u k'ata ti' wa jach to jay kimi a Jesús. 45Kaj yua yei'k a u ts'uri u ba'kʌi jach kimi a Jesús, lʌji' ka tu ts'a u bʌk'e ti' a José. 46Ka tu ch'a a José u bʌk'e a Jesús, tu mʌna jump'eri' nok' a ne tsoy y yete a lay a nok', tu tap'a y tu chakinta u bʌk'e yok'o jump'e u jor u mukra winik a to'o pʌna' yok'o woro tunich, pachi tu bʌk'ʌsta yok'o u jor tuku muka' winik yete ne nukuch tunich. 47Y tita tiʌ a María Magdalena y bexi' a juntu a María a lʌji' u nʌ' a José, tʌn u chʌ'ntko' to' tuku but'a u bʌk'e a Jesús.
Àwon tá yàn lọ́wọ́lọ́wọ́ báyìí:
San Marcos 15: PLacNaha
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Sociedad Biblica de México AC
San Marcos 15
15
Jesús tiʌ yete a Pilato
(Mt. 27.1-2,11-14; Mt. 23.1-5; Jn. 18.28-38)
1Kaj sasi, tu woro u t'ojio' a moko' ku meajo' yok'o u yatoch K'uj y tu woro a jak'ʌ u kucho' ti' u winik Judíos y yete a moko' ku kʌ'sko' u t'ʌn K'uj a to'o u toj ts'ibtamʌ a Moisés uchik y bexi' yete tu woro u ts'urio' a judíos tu biso' k'ʌxʌ' a Jesús y ts'ao' ti' a Pilato. 2A Pilato kaj tu k'ata ti' a Jesús:
—¿Tech lʌjiech u Wesi a judíos?
Jesús kaj tu nuka ti':
—Tech ta wa'a.
3A u t'ojio' a moko' ku meajo' yok'o u yatoch K'uj tʌn u ne paytiko' a Jesús. 4A Pilato tu ka' k'ata ti' a Jesús:
―¿Mix ba' ka bin a naj nuke? Ka wirik jach pim tʌn u pʌk'ik a pach.
5Chen a Jesús mo' tu naj nuka chichin, lʌji' ka jach u pesa' yor a Pilato.
U ya'ba u kinsa' Jesús ix cruz
(Mt. 27.15-31; Lc. 23.13-25; Jn. 18.38—19.16)
6U k'ini tuk'in tʌn u metko' u yo'cho' a lʌji' u k'ini a Pascua, t'ʌrʌ' u siptiko' a to'o u k'ato' a winik junturi' a mok mʌka'. 7Y tiʌ junturi' xi'ra mʌkʌ' u k'aba' Barrabás, mʌkʌ' yete u jero', aj mʌkao' yok'o tuj kinsanʌjo u k'ini tuk'in tʌn u ts'iko' a winik. 8Ij taro' u pimai u kʌjta, chu'mpʌ u k'atko' a bex naj t'ʌrʌ' u yirko' u meta'. 9A Pilato tu nuka tio':
―¿Poch a wirke'x ka in sipte a lʌji' u Wesi a judíos?
10A Pilato toj u yue u t'ojio' a moko' ku meajo' yok'o u yatoch K'uj u winiko' judío tu k'uba' Jesús tu k'ex u yoro'. 11Chen u t'ojio' a moko' ku meajo' yok'o u yatoch K'uj tu kuna u jo'o a winik tiu k'atik u sipta' a Barrabás. 12Pilato tu ka' k'ata tio': ¿Baij ka k'ate'x in metik ti' a ka wei'ke'x ti' u Wesi a judíos?
13Tu woro tu nu'ku yete u yaboti ku yei'ko'
—¡Bʌje ich cruz!
14A Pilato tu ya'a:
—A'e'x ten ¿baiki mo' tsoy ba' tu meta?
Chen a winiko' más k'ʌ'm abotno' y bex ku yei'ko':
—¡Bʌje ich cruz!
15A Pilato, poch u tsoykintik u yor a winik bein tu sipta' a Barrabás y chen ts'o'k u jʌts'a' a Jesús yete sum, pachi tu ts'a u bʌja'.
16Y u ba'kʌyo' tu biso' a Jesús tu ku nikto' tu woro a ba'kʌi y tu laj much'a tu woro u bojo' a ba'kʌyo'. 17Tu tʌko' u nok' bej ts'us, y tu tʌko' yok'o u jo' Jesús a bex ku tʌka tij wes chen a lay menʌ' yete k'i'x. 18Chu'mpʌ u yabot tʌn u yei'ko':
—¡Ki' kuxrakech u Wesi judíos! Toj jay tʌn u p'astiko'.
19Ka u jʌts'o' u jo' Jesús yete che, kaj u tup'a u wich, y tus tu laj xonkunto' u pix ti' Jesús. 20Kaj ts'ok u kʌxmetko', jita' ti' a u nok' a tu tʌko' ti' y tu ka' ts'a a u nok'i, pachi tu biso' u bʌjo' yok'o a cruz.
Jesús ku bʌja' yok'o cruz
(Mt. 27.32-56; Lc. 23.26-49; Jn. 19.17-30)
21Ka tʌn u bino', ira' junturi' xi'ra u winki Cirene u k'aba' Simón, a lʌji' u ti'a a Alejandro y a Rufo, a ti' tʌn u sut y tʌn u ka' oko yok'o u kʌjtai, lʌji' ka tʌn u mʌn tita, ts'ʌra' u pach u ch'eik a u che'i a cruz.
22Bisa' a Jesús yok'o u lu'mi u k'aba' Gólgota, (u nu'ku ku ya'bati': «U lu'mi u Bake Jo'»). 23Ts'abti' u yuk'e a Jesús u ya'ri a nukuch ts'us yete mirra, chen Jesús mo' tu yuk'a. 24Kaj ts'o'ki u bʌja', chu'mpʌjo' u yʌrʌk'tiko' u nok' a Jesús ti u yik mok baij ku bin u ch'ae jujuntu.
25Kaj bʌja' yok'o cruz a Jesús, nʌ'ki k'in#15.25 Nʌ'ki k'in: A je' a t'ʌn ku yei'k bik ka wei'k u horai a nueve a once. 26Yok'o u jo' tu bʌja' a Jesús, nich'kunta' jump'e ba' tu ts'ibʌ' biken bʌja': «A JE' LɅJI' U WESI JUDÍOS.» 27Bexi' bʌja' yete kato' xi'ra a ku yakra ba', junxet' ti' Jesús bʌja' a juntu y junxet' a juntu. 28Bex nup'i u k'ini a bex ti' ts'ibʌ' ix u t'ʌn K'uj uch, ku yei'k: “Tij much'a yete a ku yakraba'.
29A winik a ku mʌn xok'o tita, ku p'astiko' a Jesús y ku pesik u jo'o, ku yei'ko':
—¡A ta wa'a a jubik u yaj yatoch K'uj y oxp'e k'in ka kaj laj metik u jer tumen! 30¡Takabʌj y emen tuj bʌjech yok'o cruz!
31Bexi' a mok u t'ojio' a moko' ku meajo' yok'o u yatoch K'uj yete a ku kʌ'sko' u t'ʌn K'uj a toj u ts'ibtamʌ a Moisés uchik bexi' yete a winik a judíos a ku ya'bati' fariseos, tʌn p'astiko' a Jesús, bex ku yei'ko':
—U jer tu taka' y u bʌji' muj tajkubʌj. 32¡A Cristo u Wesi a Israel, ka u ensubʌj tu tiʌ ix cruz y bex je'e ak ch'eik u t'ʌn!
Bexi' hasta a mok bʌjao' tu xax laj chu'mpʌjo' u p'astiko' a Jesús.
33Kaj k'uchi k'ak' chuk'in, laj ak'ʌ'chʌ tu woro u lu'm, ka' sasichʌ hasta ka tʌn ts'arkubʌ k'in. 34Ka tʌn u ts'arkubʌj k'in#15.34 Tʌn u ts'arkubʌj k'in: A je' a t'ʌn ku yei'k bik ka wei'k u horai a 1 a 3. , Jesús abotnʌj y bex tu ya'a: «Eloí, Eloí, ¿lamá sabactani?» (A je' u nu'ku ku yei'k: «In K'uj, in K'uj, ¿biken ta p'ʌten?»)
35Ka tu yuo' u t'ʌn a Jesús a mok tio' tita, tu yao': A Elías ku t'ʌnik.
36Toj se'p' junturi' tu k'ʌna u yaka' y tu ch'a nok' y tu ch'ura yete u ya'ri a vinagre y tu tʌka yok'o che, ka tu nʌsa' tiu ts'ek u yuk'e a Jesús, y tʌn u yei'ko': P'ʌte, kak ire wa a Elías ku tar u yense tu tiʌ ix cruz.
37Chen Jesús ne k'ʌ'm abotnʌj ij lʌji' kaj kimi. 38Lʌji' kaj jati ka' xot' ch'ik kʌnʌ y kaba y yaj nok'i au yatoch K'uj. 39U ts'uri a ba'kʌi a tiʌ ʌkʌtʌn tu bʌjʌ' a Jesús, ka tu yira ts'o'k u kimi a ten bik a je', kaj u ya'a: ―A je' a xi'ra jach lʌji' ka'chik u Ti'a K'uj.
40Bexi' tio' tita ne pim ch'upra tʌn u chʌntko' baij ku mʌn, a lʌji' tiʌ a María Magdalena, a María u nʌ' a Jacobo a its'inbi y lʌji' u nʌ' bexi' a José y bexi' tiʌ tita a Salomé. 41A je' a ch'uprao' lʌjio' a tu t'u'ro' a Jesús y bexi' tu yʌnto' tuk'in a Jesús tiʌ ix Galilea, y bexi' ch'ik pim winik tio' tita a to'o nʌ'ko' yete ix Jerusalén uchik.
Jesús ku muka' yok'o jabʌn tunich
(Mt. 27.57-61; Lc. 23.50-56; Jn. 19.38-42)
42Kaj ak'ʌ'chʌ, tʌn u yutskinta' a ba' lʌji' tʌn uj bij oko u k'ini u je'sik u bʌjo' a judíos. 43Tari junturi' xi'ra a u k'aba' José a lʌji' u ts'urio' u winiko' judío, a lʌji' bexi' ku ch'uktik tu ku wesintik K'uj a tiʌ kʌ', a je' a xi'ra tu jach chichkinta u yor ij bini tu tiʌ a Pilato y tu k'ata u bʌk'e a Jesús. 44A Pilato, jach peknʌ u yor tu tu yua ya kimi a Jesús, lʌji' ka tu tuchi'taj t'ʌn ti u jach ts'uri a ba'kʌi u winiko' romano, kaj u k'ata ti' wa jach to jay kimi a Jesús. 45Kaj yua yei'k a u ts'uri u ba'kʌi jach kimi a Jesús, lʌji' ka tu ts'a u bʌk'e ti' a José. 46Ka tu ch'a a José u bʌk'e a Jesús, tu mʌna jump'eri' nok' a ne tsoy y yete a lay a nok', tu tap'a y tu chakinta u bʌk'e yok'o jump'e u jor u mukra winik a to'o pʌna' yok'o woro tunich, pachi tu bʌk'ʌsta yok'o u jor tuku muka' winik yete ne nukuch tunich. 47Y tita tiʌ a María Magdalena y bexi' a juntu a María a lʌji' u nʌ' a José, tʌn u chʌ'ntko' to' tuku but'a u bʌk'e a Jesús.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Sociedad Biblica de México AC