San Mateo 26
26
XII. U MUK'YAJ, U KIMI Y U KA' LIK'I TU KA' KUXTA
(26.1—28.20)
U tunta' u chuka' a Jesús
(Mr. 14.1-2; Lc. 22.1-2; Jn. 11.45-53)
1Kaj ts'o'ki u kʌ'sa' a Jesús tu woro a je' a ba', Jesús tu ya'ti' u kʌ'sa winiko':
2—A teche'x a we'ex p'atʌ' ka'p'e k'in ti' u meta a o'chi u k'aba' Pascua, y u Ti'a Xi'ra binukaj k'uba' ti' u bʌja' ix cruz.
3U t'ojio' a moko' ku meajo' yok'o u yatoch K'uj yete a ku kʌ'sa u t'ʌn K'uj a toj u ts'ibtamʌ a Moisés uchik y yete a to'o jak'ʌ u kucho' a winiko' a judíos, tu much'a u bʌjo' ix u xur u palacio a u jach t'oji a mok ku meaj yok'o u yatoch K'uj u k'aba' Caifás, 4tu kato' u yoro' tiu kʌxtiko' bik payo', ti' u chujko' y ti' u kinsiko' a Jesús. 5Chen tʌn u yei'ko':
—Mʌnʌ' ak chukik tuk'in tʌn u jʌno', ti' muj lik'o ts'ikta a winiko'.
Junturi' ch'upra ku bʌkik perfume ti' a Jesús
(Mr. 14.3-9; Jn. 12.1-8)
6Tuk'in tiʌ Jesús ix Betania, yok'o u yatoch a Simón, a ku ya'bati' a mo' uts a ku pok'o u yot'e, 7Tari ti' junturi' ch'upra, u tasmʌ perfume a bex a ne ko'o u bo'ri, y tu bʌka yok'o u jo' a Jesús, tu kura' yok'o pojche' a Jesús. 8Ka tu yiro' u kʌ'sa winiko' a Jesús, ts'ikcho' ij chu'mpʌjo' u yei'ko':
—¿Biken ka kʌxmetik a je' perfume a ne ko'o u bo'ri? 9A je' a perfume, ja' kanik ka'chik ne ko'o u bo'ri y u bo'ri ja' k'ʌnik ti' a wʌntik a mok mʌnʌ' u tak'in.
10Jesús tu yua y tu nuka tio':
—¿Biken ka kʌxmetik a je' ch'upra? Ti' ne tsoy ba' tu meta ten. 11Tu woro a mok mʌnʌ' u tak'in bi a wire'x tu woro k'in, chen a ten mʌnʌ' a woro iken wo ti'en yete te'x. 12Tuk'in ka tu bʌka a perfume a ne ko'o u bo'ri yok'o ten, lʌji' tu meta ti' u ye'sik tuku bij cho'a tin bʌk'e kae mukaken. 13Jach taj kin wei'k teche'x, tuku tsikbʌta' u jach tsoyi u t'ʌn K'uj ch'ik tu woro a lu'm, bexi' je'e u tsikbʌta baij tu meta a je' a ch'upra, ti' u k'asa'.
A Judas ku k'ubik a Jesús
(Mr. 14.10-11; Lc. 22.3-6)
14Lʌiti' u k'ini, junturi' u apóstol a Jesús, a u k'aba' Judas Iscariote, bini yok'o u t'ojio' a moko' ku meajo' yok'o u yatoch K'uj, 15y tu ya'tio':
—¿Bon ka' botken y je'e in k'ubik teche'x a Jesús?
A tio' tu bo'to' treinta chixtak'in a menʌ' plata. 16Toj lʌji' u k'ini kaj chu'mpʌ u kʌxtik u k'ini tuk'in tsoy u k'ubik a Jesús.
U jʌnta' u yo'ch ak Ts'uri
(Mr. 14.12-25; Lc. 22.7-23; Jn. 13.21-30; 1 Co. 11.23-26)
17U yʌj chuni u k'ini ka chu'mpʌ u jʌno' u yo'cho' a judíos a u k'aba' Pascua, taro' u kʌ'sa winik a Jesús u k'ato' ti' Jesús, tu yao':
—¿Tuba a k'at in metko' a o'chi ti ak jʌnʌ a lʌji' u k'ini a Pascua?
18Jesús nuka tio':
—Xene'x a lay u kʌjta y a'exti' ti' a lay a xi'ra: “Ak wʌjkʌ'si ku yei'k: xok'o u k'uchu in k'ini, y ix a watoch kin bij jʌno' a o'chi a lʌji' ti' u k'ini a Pascua yete in kʌ'sa winiko'.”
19U kʌ'sa winiko' a Jesús bino' u meto' a o'chi a bex a'bitio' ten a Jesús.
20Kaj ak'ʌ'chʌ, Jesús kuraji tu jʌnʌ yete a doce u apóstoles ix pojche'. 21Y tuk'in tʌn u jʌno', Jesús tu ya'tio':
—Jach taj kin wei'k teche'x, tiʌ junturi' yok'o teche'x bi u k'uben.
22Y nej tu tukrubʌjo', y chu'mpʌjo' u k'atko' ti' Jesús:
—¿Ts'uri, yʌ ten kin bin u k'ubech?
23Jesús tu nuka tio':
—A mok ket ku chuk'ik uj pʌn yok'o a lʌk tu ki jʌnʌ, lʌji' a lay a ku bin u k'uben. 24U t'ʌn a K'uj ku ki ei'k baij ku bin meta' ti'u Ti'a Xi'ra, chen ¡jach yaj ba' ku bin u yue a lay a xi'ra a ku bin u k'ube u Ti'a Xi'ra! Más tsoy ti' wo mo' naj sijik ka'chik.
25Tu nuka Judas a mok lʌji' ku bin u k'ube a Jesús:
—¿Wʌjkʌ'si, lʌji' ten?
—Jesús tu nuka: Techi ta wa'a.
26Tuk'in tʌn u jʌno', Jesús tu mʌcha jump'eri' pʌn y tu ya'a: “Baij tech K'uj.” Pachi tu p'uya tio' u kʌ'sa winiko', y tu ya'tio':
—Chuke'x y jʌnte'x, a je' lʌji' in bʌk'e.
27Pachi tu mʌcha jump'eri' luch yete u yʌki a menʌ' u ya'ri nukuch ts'us y tu ya'a: “Baij tech K'uj,” pachi tu mʌsa ti u kʌ'sa winik y tu ya'a:
Uk'e'x te'x tu woro a je' u ya'ri a nukuch ts'us, 28a je' lʌji' in k'ik'e a ti' u ts'ek tumen u kataor ti' u t'ʌn a K'uj, a je' a k'ik'e lʌji' ti u sa'sik ne ya'p u si'pi a winik. 29Kin toj ei'k teche'x, mʌnʌ' in yaj uk'ik a u ya'ri a ts'us beje', bin in ka uk'e a tumen u ya'ri ts'us tuk'in ket tio' yok'o a tuku wesintik in Tet.
Jesús ku yei'k ku bin ya'e a Pedro mu k'omʌ a Jesús
(Mr. 14.26-31; Lc. 22.31-34; Jn. 13.36-38)
30Chen ts'o'k u k'ʌyko' jump'eri' u k'ay K'uj, bino' ix u witsi a tu ne yʌn a che'i a Olivos. 31Jesús tu ya'tio':
—Tu woro a teche'x bi a p'ʌtene'x beje' ak'bi. Bex ts'ibʌ' yok'o u t'ʌn K'uj: “Bin in kinse a pastor, y uj me' bi u laj k'itkubʌj.” 32Chen ka lik'ken tin ka' kuxta, bi in ka much'e'x ix Galilea.
33Pedro tu nuka:
—Tak tu woro ku p'ʌtikech, ten mʌnʌ' in p'ʌtikech.
34Jesús tu ya'ti':
—Jach taj kin wei'k tech, a beje' a ak'ʌ' tuk'in mo toj k'ainak aj t'er, oxwʌts' ka bin a wae ma' a k'o'muen.
35A Pedro tu ya'a:
—Tak yʌnti' in kimi yete tech, mʌnʌ' in wei'k mi' in k'o'muech.
Y tu woro a yʌno' u kʌ'sa winiko' bexi' nuko'.
Jesús ku t'ʌnik K'uj ix Getsemaní
(Mr. 14.32-42; Lc. 22.39-46)
36Pachi Jesús bini yete u kʌ'sa winik ix jump'e lu'm u k'aba' Getsemaní y Jesús tu ya'ti' u kʌ'sa winiko':
—Kurene'x wai y ten binikaj in t'ʌne K'uj.
37Tu pʌya a Pedro yete tu kato' u ti'a a Zebedeo, Jesús chu'mpʌ u ne tukrik u bʌj. 38Jesús tu ya'tio' a mok tu pʌya:
—Ne mo' tsoy in wor, ki wui'k in bʌj binikaj kimi. P'atene'x way yete ten y ma' wene'x.
39Bini Jesús más tataj y tu xonkitubʌj y tu t'ʌna K'uj, bex tu ya'a: «Tet, wa yʌn bik ma' cheik in mʌsik a je' a ba' ne yaj ki wui'k, mete, chen ma' metik a baiki in k'at a ten, lʌji' a metik a to'o a tech a k'at.»
40Pachi suti tu p'atij a oxto' u kʌ'sa winik, y tu yira wenukao'. Tu ya'ti' a Pedro:
—¿Mix ta naj muk'te'x a wene'x k'ʌs jump'e hora yete ten? 41Ma' wene'x y ki' p'ire a wiche'x, ti ma' chere'x ka tak u tunta' a wore'x. A teche'x a k'ate'x a metke'x tsoy ba', chen a bʌk'e'x mo' chich u muk'.
42Ka' bini Jesús u ka' t'ʌne K'uj, bex tu ya'a: «Tet, wo mo' bik a luk'sik ten a je' a ba' ne yaj kin wui'k, mete a baij tech a k'at a metik.»
43Kaj ka' sut Jesús tuj p'atij a oxto' u kʌ'sa winik, tu ka' iraj wenukao', tu nej tak u weno'. 44Y Jesús tu p'ʌto', y u yoxwʌts' ka' bini u ka' t'ʌne K'uj, lʌiti' tu ya'a a bex tu yʌ a'a. 45Pachi ka' sut tu tio' a oxto' u kʌ'sa winik y tu ya'tio':
—¿Xuy a wene'x y a je'sik a bʌje'x? Beje' yaj k'uchi u k'ini a ku bin k'uba' u Ti'a Xi'ra ti' a mok ne yʌn u si'pi. 46Lik'ene'x, ko'xe'x, tʌn u xok'o a mok ku bin u k'uben.
Jesús ku chuka'
(Mr. 14.43-50; Lc. 22.47-53; Jn. 18.2-11)
47Tʌn u yʌj t'ʌn a Jesús, tari a Judas a lʌji' laj ket xaka a yʌn doce u apóstoles a Jesús, u yet tar yete ne pim winik yete u maska' y che'. A lʌjio' tuchibi ti' u t'ojio' a moko' ku meajo' yok'o u yatoch K'uj y a mok jak'ʌ u kuch ti' u winik a judíos. 48A Judas a mok ku bin u k'ubik a Jesús, tu toj ki a'a tio' a winik bik ku bin u k'oo'tik mok ku bin chuko', tu ya'tio': «A mok ka wirke'x in ts'uts'ik u p'uk', lʌji' ka chuke'x.» 49Judas xok'i ti Jesús y tu ya'ti':
¡Yaj k'uchen, wʌjkʌ'si!
Y tu ts'u'ts'a u p'uk'. 50Y Jesús tu ya'ti': Bojo', toj mete a bay tarech a mete.
Lʌji' tuk'in a winiko' xok'o y tu chuko' a Jesús.
51Chen junturi' a mok u yet mʌn a Jesús, tu jara u maska' y tu ch'ʌka u xikin junturi' u k'ʌni' a u jach t'oji a mok ku meaj yok'o u yatoch K'uj. 52Jesús tu ya'ti':
—Li'se a maska', tu woro a mok ku kinsa' yete maska' yete maska' ku bin kinsa'. 53¿Yʌn maj tukrik, wa in k'at toj je'e in t'ʌnik in Tet y ti' ku bin u tuchi'tik ten jach k'ux ne ya'p ángeles ti' u tajken? 54Wa bex kin metik ¿Chen bik ku bin metchʌ a bex ts'ibʌ' yok'o u t'ʌn K'uj, a yʌnti' u jach metchʌ?
55Tita tu k'ata Jesús ti' a winiko':
—¿Biken tare'x yete maska' y yete che' ti' a chujkene'x, p'is ta wiren a bex a mok ne ku yakraba'? Tu woro k'in ki kuta tin kʌ'sa ix u yatoch K'uj y maj chukene'x. 56Tu woro a je' ba' ku mʌn lʌji' ti' u metchʌ a bex ts'ibʌ' yok'o u t'ʌn K'uj a bex tu ya'a profeta.
Tu woro u kʌ'sa winiko' a Jesús puts'o' y tu p'ʌto' tu juni' a Jesús.
Jesús ku bisa' tuku much'ik u bʌjo' tu woro u ts'urio' a Judíos
(Mr. 14.53-65; Lc. 22.54,63-71; Jn. 18.12-14,19-24)
57A mok tu chuko' a Jesús, tu biso' a Jesús ix u yatoch a Caifás a mok lʌji' u jach t'oji a mok ku meaj yok'o u yatoch K'uj, bexi' tu tio' a mok ku kʌ'sa u t'ʌn K'uj a toj u ts'ibtamʌ a Moisés uchik y yete a mok jak'ʌ u kuch ti' u winiko' a judíos. 58Chen a Pedro nʌch tʌn u t'u'rik u pach a Jesús yok'o u xur u palacio a u jach t'oji a mok ku meaj yok'o u yatoch K'uj, okij yok'o a nʌj y bij kuta tu tiʌ a mok ku kʌnʌntik a nʌj ti' u yirik bik ku bij ts'oko ti' Jesús.
59U t'ojio' a moko' ku meajo' yok'o u yatoch K'uj yete a jak'ʌ u kuch ti' u winik a judíos y tu woro a mok ku much'ik u bʌjo' yok'o a nʌj tʌn kʌxko' bik u paytiko' u pach a Jesús, ti' u li'sa' t'ʌni ti' u kinsa', 60Y mo' tu yiro' ba' ti u pʌk'ik u pach a Jesús tak ne pim tu pʌyo' u bojo' ti' u tus ei'ko' ba' ti Jesús. Ya u ts'ok taro' kato' xi'ra ti' u yei'k ba' ti' u pʌk'ik u pach a Jesús, 61y bex tu yao':
—A je' a xi'ra tu ya'a: “Ten je'e in laj jubik a u yatoch K'uj, y oxp'e k'in kin ka laj metik.”
62Ij lik'i ch'ikta a u jach t'oji a mok ku meaj yok'o u yatoch K'uj, y tu k'ata ti Jesús:
—¿Biken mix ba' ka nukik? ¿Baiki a je' a ba' ku ya'ba tech?
63Chen a Jesús mu naj nuka. U jach t'oji a mok ku meaj yok'o u yatoch K'uj, tu ya'ti' Jesús:
—Yok'o u k'aba' K'uj a ne chich muk' a'e ti' to'ne'x u jach taji, wa tech lʌji' a Cristo a u Ti'a K'uj.
64Jesús nuka ti':
—Techi ta wa'a, y ten ki wei'k teche'x bi a wire'x u Ti'a Xi'ra kurukba yok'o u xax a K'uj a ne chich u muk', tʌn u tar yok'o u muyaj ix kʌ'.
65U jach t'oji a mok ku meaj yok'o u yatoch K'uj tu jʌta u nok' tiu ye'sik ne mo tsoy tu yua baij tu ya'a Jesús y tu ya'a:
—¡Tu pach'a K'uj! ¿Ba'wi kaj kʌxtik u jer mok ku yei'k baij mo' tsoy tu meta a je' xi'ra? Teche'x ta wue'x baiki mo' tsoy ba' tu ya'a. 66¿Bik a wike'x teche'x?
Tu woro tu nuko':
—¡Yʌn u si'pi y yʌnti' u kimi!
67Lʌji' ka chu'mpʌjo' u tup'ik u wich a Jesús, u jʌts'ko' y tax jujuntu tu jʌts'a' u wich a Jesús, 68tu yao' ti' Jesús:
—¡Wa jach lʌjiech a Cristo a'e mok tu jʌts'ech!
Pedro ku yei'k mu' k'o'mʌ a Jesús
(Mr. 14.66-72; Lc. 22.55-62; Jn. 18.15-18)
69Kurukba Pedro tu xur a palacio, xok'i ti' junturi' ch'upra a ku k'ʌna' ix a lay a nʌj, a lay a ch'upra tu ya'ti' a Pedro:
—Tech bexi' a wet mʌn a Jesús a lʌji' u tar Galilea.
70Chen a Pedro tu ya'a tu pimai a mok nika' tita:
—Mo jach to jay, ¡mi' we baij ka wei'k tech!
71Pachi bini yok'o u jor u nʌji, tuba u jer ch'upra tu yira y tu ya'ti' a mok nikʌ' tita:
—A je' a xi'ra bexi' u yet mʌn a Jesús a lʌji' ti' u tar ix Jerusalén.
72Chen a Pedro tu ka a'a mo jach to jai' y tu ts'a u jach t'ʌn y bex tu ya'a:
—¡Ten mi' in k'o'mʌ a je' a xi'ra!
73Mojsʌji, ka' xok'o u jero' ti' a Pedro y tu yao' ti':
—A tech jach lʌji' a mok u yet mʌn a Jesús, y ne chʌkʌ' bij ka t'ʌn.
74Pedro chu'mpʌ u chich ei'k y ku yei'k mo tsoy tiu bʌji' y bex tu ya'a:
—¡Ten mi' k'omʌ a je' a xi'ra!
Lʌji' kaj ka'ynʌ junturi' t'er, 75Y Pedro k'ajti a tu ya'a Jesús: «Toj mo' yʌ k'aynʌk aj t'er a tech ox wʌts' bi a wae ma' k'o'muen.» Lʌji' kaj Jok'i a Pedro y ne tu yak'tubʌj.
Àwon tá yàn lọ́wọ́lọ́wọ́ báyìí:
San Mateo 26: PLacNaha
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Sociedad Biblica de México AC
San Mateo 26
26
XII. U MUK'YAJ, U KIMI Y U KA' LIK'I TU KA' KUXTA
(26.1—28.20)
U tunta' u chuka' a Jesús
(Mr. 14.1-2; Lc. 22.1-2; Jn. 11.45-53)
1Kaj ts'o'ki u kʌ'sa' a Jesús tu woro a je' a ba', Jesús tu ya'ti' u kʌ'sa winiko':
2—A teche'x a we'ex p'atʌ' ka'p'e k'in ti' u meta a o'chi u k'aba' Pascua, y u Ti'a Xi'ra binukaj k'uba' ti' u bʌja' ix cruz.
3U t'ojio' a moko' ku meajo' yok'o u yatoch K'uj yete a ku kʌ'sa u t'ʌn K'uj a toj u ts'ibtamʌ a Moisés uchik y yete a to'o jak'ʌ u kucho' a winiko' a judíos, tu much'a u bʌjo' ix u xur u palacio a u jach t'oji a mok ku meaj yok'o u yatoch K'uj u k'aba' Caifás, 4tu kato' u yoro' tiu kʌxtiko' bik payo', ti' u chujko' y ti' u kinsiko' a Jesús. 5Chen tʌn u yei'ko':
—Mʌnʌ' ak chukik tuk'in tʌn u jʌno', ti' muj lik'o ts'ikta a winiko'.
Junturi' ch'upra ku bʌkik perfume ti' a Jesús
(Mr. 14.3-9; Jn. 12.1-8)
6Tuk'in tiʌ Jesús ix Betania, yok'o u yatoch a Simón, a ku ya'bati' a mo' uts a ku pok'o u yot'e, 7Tari ti' junturi' ch'upra, u tasmʌ perfume a bex a ne ko'o u bo'ri, y tu bʌka yok'o u jo' a Jesús, tu kura' yok'o pojche' a Jesús. 8Ka tu yiro' u kʌ'sa winiko' a Jesús, ts'ikcho' ij chu'mpʌjo' u yei'ko':
—¿Biken ka kʌxmetik a je' perfume a ne ko'o u bo'ri? 9A je' a perfume, ja' kanik ka'chik ne ko'o u bo'ri y u bo'ri ja' k'ʌnik ti' a wʌntik a mok mʌnʌ' u tak'in.
10Jesús tu yua y tu nuka tio':
—¿Biken ka kʌxmetik a je' ch'upra? Ti' ne tsoy ba' tu meta ten. 11Tu woro a mok mʌnʌ' u tak'in bi a wire'x tu woro k'in, chen a ten mʌnʌ' a woro iken wo ti'en yete te'x. 12Tuk'in ka tu bʌka a perfume a ne ko'o u bo'ri yok'o ten, lʌji' tu meta ti' u ye'sik tuku bij cho'a tin bʌk'e kae mukaken. 13Jach taj kin wei'k teche'x, tuku tsikbʌta' u jach tsoyi u t'ʌn K'uj ch'ik tu woro a lu'm, bexi' je'e u tsikbʌta baij tu meta a je' a ch'upra, ti' u k'asa'.
A Judas ku k'ubik a Jesús
(Mr. 14.10-11; Lc. 22.3-6)
14Lʌiti' u k'ini, junturi' u apóstol a Jesús, a u k'aba' Judas Iscariote, bini yok'o u t'ojio' a moko' ku meajo' yok'o u yatoch K'uj, 15y tu ya'tio':
—¿Bon ka' botken y je'e in k'ubik teche'x a Jesús?
A tio' tu bo'to' treinta chixtak'in a menʌ' plata. 16Toj lʌji' u k'ini kaj chu'mpʌ u kʌxtik u k'ini tuk'in tsoy u k'ubik a Jesús.
U jʌnta' u yo'ch ak Ts'uri
(Mr. 14.12-25; Lc. 22.7-23; Jn. 13.21-30; 1 Co. 11.23-26)
17U yʌj chuni u k'ini ka chu'mpʌ u jʌno' u yo'cho' a judíos a u k'aba' Pascua, taro' u kʌ'sa winik a Jesús u k'ato' ti' Jesús, tu yao':
—¿Tuba a k'at in metko' a o'chi ti ak jʌnʌ a lʌji' u k'ini a Pascua?
18Jesús nuka tio':
—Xene'x a lay u kʌjta y a'exti' ti' a lay a xi'ra: “Ak wʌjkʌ'si ku yei'k: xok'o u k'uchu in k'ini, y ix a watoch kin bij jʌno' a o'chi a lʌji' ti' u k'ini a Pascua yete in kʌ'sa winiko'.”
19U kʌ'sa winiko' a Jesús bino' u meto' a o'chi a bex a'bitio' ten a Jesús.
20Kaj ak'ʌ'chʌ, Jesús kuraji tu jʌnʌ yete a doce u apóstoles ix pojche'. 21Y tuk'in tʌn u jʌno', Jesús tu ya'tio':
—Jach taj kin wei'k teche'x, tiʌ junturi' yok'o teche'x bi u k'uben.
22Y nej tu tukrubʌjo', y chu'mpʌjo' u k'atko' ti' Jesús:
—¿Ts'uri, yʌ ten kin bin u k'ubech?
23Jesús tu nuka tio':
—A mok ket ku chuk'ik uj pʌn yok'o a lʌk tu ki jʌnʌ, lʌji' a lay a ku bin u k'uben. 24U t'ʌn a K'uj ku ki ei'k baij ku bin meta' ti'u Ti'a Xi'ra, chen ¡jach yaj ba' ku bin u yue a lay a xi'ra a ku bin u k'ube u Ti'a Xi'ra! Más tsoy ti' wo mo' naj sijik ka'chik.
25Tu nuka Judas a mok lʌji' ku bin u k'ube a Jesús:
—¿Wʌjkʌ'si, lʌji' ten?
—Jesús tu nuka: Techi ta wa'a.
26Tuk'in tʌn u jʌno', Jesús tu mʌcha jump'eri' pʌn y tu ya'a: “Baij tech K'uj.” Pachi tu p'uya tio' u kʌ'sa winiko', y tu ya'tio':
—Chuke'x y jʌnte'x, a je' lʌji' in bʌk'e.
27Pachi tu mʌcha jump'eri' luch yete u yʌki a menʌ' u ya'ri nukuch ts'us y tu ya'a: “Baij tech K'uj,” pachi tu mʌsa ti u kʌ'sa winik y tu ya'a:
Uk'e'x te'x tu woro a je' u ya'ri a nukuch ts'us, 28a je' lʌji' in k'ik'e a ti' u ts'ek tumen u kataor ti' u t'ʌn a K'uj, a je' a k'ik'e lʌji' ti u sa'sik ne ya'p u si'pi a winik. 29Kin toj ei'k teche'x, mʌnʌ' in yaj uk'ik a u ya'ri a ts'us beje', bin in ka uk'e a tumen u ya'ri ts'us tuk'in ket tio' yok'o a tuku wesintik in Tet.
Jesús ku yei'k ku bin ya'e a Pedro mu k'omʌ a Jesús
(Mr. 14.26-31; Lc. 22.31-34; Jn. 13.36-38)
30Chen ts'o'k u k'ʌyko' jump'eri' u k'ay K'uj, bino' ix u witsi a tu ne yʌn a che'i a Olivos. 31Jesús tu ya'tio':
—Tu woro a teche'x bi a p'ʌtene'x beje' ak'bi. Bex ts'ibʌ' yok'o u t'ʌn K'uj: “Bin in kinse a pastor, y uj me' bi u laj k'itkubʌj.” 32Chen ka lik'ken tin ka' kuxta, bi in ka much'e'x ix Galilea.
33Pedro tu nuka:
—Tak tu woro ku p'ʌtikech, ten mʌnʌ' in p'ʌtikech.
34Jesús tu ya'ti':
—Jach taj kin wei'k tech, a beje' a ak'ʌ' tuk'in mo toj k'ainak aj t'er, oxwʌts' ka bin a wae ma' a k'o'muen.
35A Pedro tu ya'a:
—Tak yʌnti' in kimi yete tech, mʌnʌ' in wei'k mi' in k'o'muech.
Y tu woro a yʌno' u kʌ'sa winiko' bexi' nuko'.
Jesús ku t'ʌnik K'uj ix Getsemaní
(Mr. 14.32-42; Lc. 22.39-46)
36Pachi Jesús bini yete u kʌ'sa winik ix jump'e lu'm u k'aba' Getsemaní y Jesús tu ya'ti' u kʌ'sa winiko':
—Kurene'x wai y ten binikaj in t'ʌne K'uj.
37Tu pʌya a Pedro yete tu kato' u ti'a a Zebedeo, Jesús chu'mpʌ u ne tukrik u bʌj. 38Jesús tu ya'tio' a mok tu pʌya:
—Ne mo' tsoy in wor, ki wui'k in bʌj binikaj kimi. P'atene'x way yete ten y ma' wene'x.
39Bini Jesús más tataj y tu xonkitubʌj y tu t'ʌna K'uj, bex tu ya'a: «Tet, wa yʌn bik ma' cheik in mʌsik a je' a ba' ne yaj ki wui'k, mete, chen ma' metik a baiki in k'at a ten, lʌji' a metik a to'o a tech a k'at.»
40Pachi suti tu p'atij a oxto' u kʌ'sa winik, y tu yira wenukao'. Tu ya'ti' a Pedro:
—¿Mix ta naj muk'te'x a wene'x k'ʌs jump'e hora yete ten? 41Ma' wene'x y ki' p'ire a wiche'x, ti ma' chere'x ka tak u tunta' a wore'x. A teche'x a k'ate'x a metke'x tsoy ba', chen a bʌk'e'x mo' chich u muk'.
42Ka' bini Jesús u ka' t'ʌne K'uj, bex tu ya'a: «Tet, wo mo' bik a luk'sik ten a je' a ba' ne yaj kin wui'k, mete a baij tech a k'at a metik.»
43Kaj ka' sut Jesús tuj p'atij a oxto' u kʌ'sa winik, tu ka' iraj wenukao', tu nej tak u weno'. 44Y Jesús tu p'ʌto', y u yoxwʌts' ka' bini u ka' t'ʌne K'uj, lʌiti' tu ya'a a bex tu yʌ a'a. 45Pachi ka' sut tu tio' a oxto' u kʌ'sa winik y tu ya'tio':
—¿Xuy a wene'x y a je'sik a bʌje'x? Beje' yaj k'uchi u k'ini a ku bin k'uba' u Ti'a Xi'ra ti' a mok ne yʌn u si'pi. 46Lik'ene'x, ko'xe'x, tʌn u xok'o a mok ku bin u k'uben.
Jesús ku chuka'
(Mr. 14.43-50; Lc. 22.47-53; Jn. 18.2-11)
47Tʌn u yʌj t'ʌn a Jesús, tari a Judas a lʌji' laj ket xaka a yʌn doce u apóstoles a Jesús, u yet tar yete ne pim winik yete u maska' y che'. A lʌjio' tuchibi ti' u t'ojio' a moko' ku meajo' yok'o u yatoch K'uj y a mok jak'ʌ u kuch ti' u winik a judíos. 48A Judas a mok ku bin u k'ubik a Jesús, tu toj ki a'a tio' a winik bik ku bin u k'oo'tik mok ku bin chuko', tu ya'tio': «A mok ka wirke'x in ts'uts'ik u p'uk', lʌji' ka chuke'x.» 49Judas xok'i ti Jesús y tu ya'ti':
¡Yaj k'uchen, wʌjkʌ'si!
Y tu ts'u'ts'a u p'uk'. 50Y Jesús tu ya'ti': Bojo', toj mete a bay tarech a mete.
Lʌji' tuk'in a winiko' xok'o y tu chuko' a Jesús.
51Chen junturi' a mok u yet mʌn a Jesús, tu jara u maska' y tu ch'ʌka u xikin junturi' u k'ʌni' a u jach t'oji a mok ku meaj yok'o u yatoch K'uj. 52Jesús tu ya'ti':
—Li'se a maska', tu woro a mok ku kinsa' yete maska' yete maska' ku bin kinsa'. 53¿Yʌn maj tukrik, wa in k'at toj je'e in t'ʌnik in Tet y ti' ku bin u tuchi'tik ten jach k'ux ne ya'p ángeles ti' u tajken? 54Wa bex kin metik ¿Chen bik ku bin metchʌ a bex ts'ibʌ' yok'o u t'ʌn K'uj, a yʌnti' u jach metchʌ?
55Tita tu k'ata Jesús ti' a winiko':
—¿Biken tare'x yete maska' y yete che' ti' a chujkene'x, p'is ta wiren a bex a mok ne ku yakraba'? Tu woro k'in ki kuta tin kʌ'sa ix u yatoch K'uj y maj chukene'x. 56Tu woro a je' ba' ku mʌn lʌji' ti' u metchʌ a bex ts'ibʌ' yok'o u t'ʌn K'uj a bex tu ya'a profeta.
Tu woro u kʌ'sa winiko' a Jesús puts'o' y tu p'ʌto' tu juni' a Jesús.
Jesús ku bisa' tuku much'ik u bʌjo' tu woro u ts'urio' a Judíos
(Mr. 14.53-65; Lc. 22.54,63-71; Jn. 18.12-14,19-24)
57A mok tu chuko' a Jesús, tu biso' a Jesús ix u yatoch a Caifás a mok lʌji' u jach t'oji a mok ku meaj yok'o u yatoch K'uj, bexi' tu tio' a mok ku kʌ'sa u t'ʌn K'uj a toj u ts'ibtamʌ a Moisés uchik y yete a mok jak'ʌ u kuch ti' u winiko' a judíos. 58Chen a Pedro nʌch tʌn u t'u'rik u pach a Jesús yok'o u xur u palacio a u jach t'oji a mok ku meaj yok'o u yatoch K'uj, okij yok'o a nʌj y bij kuta tu tiʌ a mok ku kʌnʌntik a nʌj ti' u yirik bik ku bij ts'oko ti' Jesús.
59U t'ojio' a moko' ku meajo' yok'o u yatoch K'uj yete a jak'ʌ u kuch ti' u winik a judíos y tu woro a mok ku much'ik u bʌjo' yok'o a nʌj tʌn kʌxko' bik u paytiko' u pach a Jesús, ti' u li'sa' t'ʌni ti' u kinsa', 60Y mo' tu yiro' ba' ti u pʌk'ik u pach a Jesús tak ne pim tu pʌyo' u bojo' ti' u tus ei'ko' ba' ti Jesús. Ya u ts'ok taro' kato' xi'ra ti' u yei'k ba' ti' u pʌk'ik u pach a Jesús, 61y bex tu yao':
—A je' a xi'ra tu ya'a: “Ten je'e in laj jubik a u yatoch K'uj, y oxp'e k'in kin ka laj metik.”
62Ij lik'i ch'ikta a u jach t'oji a mok ku meaj yok'o u yatoch K'uj, y tu k'ata ti Jesús:
—¿Biken mix ba' ka nukik? ¿Baiki a je' a ba' ku ya'ba tech?
63Chen a Jesús mu naj nuka. U jach t'oji a mok ku meaj yok'o u yatoch K'uj, tu ya'ti' Jesús:
—Yok'o u k'aba' K'uj a ne chich muk' a'e ti' to'ne'x u jach taji, wa tech lʌji' a Cristo a u Ti'a K'uj.
64Jesús nuka ti':
—Techi ta wa'a, y ten ki wei'k teche'x bi a wire'x u Ti'a Xi'ra kurukba yok'o u xax a K'uj a ne chich u muk', tʌn u tar yok'o u muyaj ix kʌ'.
65U jach t'oji a mok ku meaj yok'o u yatoch K'uj tu jʌta u nok' tiu ye'sik ne mo tsoy tu yua baij tu ya'a Jesús y tu ya'a:
—¡Tu pach'a K'uj! ¿Ba'wi kaj kʌxtik u jer mok ku yei'k baij mo' tsoy tu meta a je' xi'ra? Teche'x ta wue'x baiki mo' tsoy ba' tu ya'a. 66¿Bik a wike'x teche'x?
Tu woro tu nuko':
—¡Yʌn u si'pi y yʌnti' u kimi!
67Lʌji' ka chu'mpʌjo' u tup'ik u wich a Jesús, u jʌts'ko' y tax jujuntu tu jʌts'a' u wich a Jesús, 68tu yao' ti' Jesús:
—¡Wa jach lʌjiech a Cristo a'e mok tu jʌts'ech!
Pedro ku yei'k mu' k'o'mʌ a Jesús
(Mr. 14.66-72; Lc. 22.55-62; Jn. 18.15-18)
69Kurukba Pedro tu xur a palacio, xok'i ti' junturi' ch'upra a ku k'ʌna' ix a lay a nʌj, a lay a ch'upra tu ya'ti' a Pedro:
—Tech bexi' a wet mʌn a Jesús a lʌji' u tar Galilea.
70Chen a Pedro tu ya'a tu pimai a mok nika' tita:
—Mo jach to jay, ¡mi' we baij ka wei'k tech!
71Pachi bini yok'o u jor u nʌji, tuba u jer ch'upra tu yira y tu ya'ti' a mok nikʌ' tita:
—A je' a xi'ra bexi' u yet mʌn a Jesús a lʌji' ti' u tar ix Jerusalén.
72Chen a Pedro tu ka a'a mo jach to jai' y tu ts'a u jach t'ʌn y bex tu ya'a:
—¡Ten mi' in k'o'mʌ a je' a xi'ra!
73Mojsʌji, ka' xok'o u jero' ti' a Pedro y tu yao' ti':
—A tech jach lʌji' a mok u yet mʌn a Jesús, y ne chʌkʌ' bij ka t'ʌn.
74Pedro chu'mpʌ u chich ei'k y ku yei'k mo tsoy tiu bʌji' y bex tu ya'a:
—¡Ten mi' k'omʌ a je' a xi'ra!
Lʌji' kaj ka'ynʌ junturi' t'er, 75Y Pedro k'ajti a tu ya'a Jesús: «Toj mo' yʌ k'aynʌk aj t'er a tech ox wʌts' bi a wae ma' k'o'muen.» Lʌji' kaj Jok'i a Pedro y ne tu yak'tubʌj.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Sociedad Biblica de México AC