San Mateo 24
24
XI. U TSIKBɅTA YOK'O U XU' T'ɅN
(24.1—25.46)
Jesús ku toj ei'k bik ku bin juba' u yatoch K'uj
(Mr. 13.1-2; Lc. 21.5-6)
1Kaj jok'i Jesús yok'o u yatoch K'uj y tʌn u bin, xok'o' u kʌ'sa winiko' ti' Jesús y Jesús tu ye'sa' tio' tu woro u yatoch K'uj. 2Jesús tu ya'tio':
—¿Ka wike'x tu woro a je' a nʌj? Jach taj kin wei'k teche'x, mʌnʌ' u nʌj pataj kuta jump'e tunich, toj tu woro binukaj laj juba'.
Jesús ku tsikbʌtik baij ku bij yʌ mʌn tuk'in ne tak u xu' t'ʌn
(Mr. 13.3-23; Lc. 21.7-24)
3Pachi bini Jesús yete u kʌ'sa winiko' ix a yaj wits u k'aba' Olivos, ka k'ucho', a Jesús kuraj y u kʌ'sa winko' a Jesús xok'o' u k'ato' ti' a Jesús:
—Wʌjkʌ'si ¿tuk'in ku bin mʌn a je' ka wei'k? ¿Y baij ku bij e'sa ba' tuk'in ka' xok'ok a ka' sut y ka xu'ruk t'ʌn?
4Jesús tu nuka:
—Kʌnʌnta bʌje'x ti ma' tuxae'x. 5Binukaj tar ne pim ku bin u k'ʌne in k'aba', ku bin u yao': “A ten lʌjien a Cristo”, y jach ne pim winik ku bin u tuse. 6Ka bin a wue'x ne ya'p ts'iki ch'ik u jer kʌjta y bexi' ka bin a wue'x ku jumintiko' tʌn u bin u chu'so' u ts'iko'; chen ma' sʌjtike'x, yʌnti' u laj mʌn tu woro a je' ba', chen mo' lʌji' ti' u xu' t'ʌn. 7Binukaj lik'i tu ts'iki kʌjta yete u jer kʌjta, binukaj tar wi'ji, ne ya'p ya'ji y ne pim kʌjta ku bij pek a lu'm. 8Chen tu woro a je' ba' ku bin mʌn, lʌji' u yʌj chuni ku bin yue winiko' ne yaj.
9»Tuka wui'ke'x in t'ʌn, binukaj chuke'x mʌkae'x y ku bin bise'x yok'o aj wes ti' u kʌxmete'x y ti' a kinsae'x. 10Ne pim a mok ku yui'k in t'ʌn biu p'ʌte u metik in t'ʌn; tax jujuntu biu k'ube u yet bojo' ti' aj wes y biu p'akte u bojo'. 11Ne pim ku bin lik'i a mok ku tus yei'k lʌji' profeta y ne pim winik ku bin u tuse. 12Tu nej t'ari u metik k'as ba' a winik, ne pim ku bin u p'ʌte u yakuntik u bojo'. 13Chen a mok muj p'ʌtik u t'ʌn a K'uj hasta tuku laj ts'oko tu woro a ba', lʌji' ku bij bin ix kʌ'. 14Y yʌnti' u yʌ tsikbʌta' u jach tsoyi u t'ʌn K'uj ti' tu woro a lu'm, ti u k'oo'tik tu woro a kʌjta a tiʌ yok'o a lu'm, y pachi binukaj xu' t'ʌn.
15»A mok ku xakik a je' a t'ʌn, u ki ue baij tu ts'ibta uchik a profeta a lʌji' a Daniel, ti' tu ya'a. Tuk'in ka' wire'x u meta ne mo tsoy ba' yok'o u yatoch K'uj, 16a mok tiʌ ix Judea, ka puts'uk ix a wits. 17A mok tiʌ ix u jo' u yatoch, mu yeme u ch'ae u ba' a tiʌ ichi ix u yatoch; 18y a mok tiʌ tu meaj ix u kor, mu sut u ch'ae u nok' ix yatoch. 19¡Jach otsi a ch'uprao' a mok mo uts'k'inti' y a mok yʌnti' u ti'a tʌn u yʌ chu'chʌntʌ a lay u k'ini! 20T'ʌne'x K'uj ti' a lay u k'ini, ka puts'ke'x mo u k'ini sisi y mo' la' u k'ini ku je'sik u bʌjo' a judíos#24.20 U k'ini ku je'sik u bʌjo' a judíos: A lʌji' u k'ini sábado a ku je'sik u bʌjo' a judíos ti' u t'ʌnko' K'uj. , 21a lay u k'ini, jach ne ya'p yaj ba' ku bin u yue a winiko', ku bij mʌn a bex mo' nʌj monʌ toj ka meta a lu'm hasta beje' y mʌnʌ' u yʌ mʌn pachi. 22Wa K'uj muj komkintik a lay u k'ini, mix mok ku bin ix kʌ', chen yok'o a tu otsi u yirik u winik a to' tu tejta, lʌji' ben tu komkita a lay u k'ini.
23»Wa mok ku yei'k teche'x: “Ire'x way tiʌ a Cristo”, o “Ire'x tiʌ te'”, ma' ch'eike'x u t'ʌn. 24Binukaj lik'i a winik a mok ku tus ei'k lʌji' a Cristo, y juntu ku yei'k lʌjio' profetas, bi u ye'so' ne ya'p ba' ix kʌ' y bi u meto' ne ya'p tsoy ba', to jai' ti' u tusik a winik, bexi' bi u tunte u tusik a mok toj ya tejta ten K'uj. 25Toj in waba uchik teche'x. 26Ben wa ku yei'k teche'x: “Ire'x, tiʌ yok'o u lu'mi tu mʌnʌ' nukuch che' woro tikin lu'm”, ma' bin a wire'x, o ku yei'k teche'x: “Tiʌ yok'o nʌj”, ma' ch'eike'x u t'ʌno'. 27A bex ka wike'x u jajapk'uj, ku laj sasichʌ tu woro a kʌ', bex ka ba wire'x u sut u Ti'a Xi'ra. 28Tu cha' u bʌk'e a kimen a winik, ti' ku bin u much'e u bʌj aj ch'om.
U sut u ti'a a xi'ra
(Mr. 13.24-37; Lc. 21.25-36; 17.25-36; 12.41-48)
29»Toj ka' ts'o'kok u yui'k yaj ba' a winik a lay u k'ini, a k'in binukaj ak'ʌ'chʌ. A aknʌ' binukaj ts'oko u tichk'a', a ba'kʌo' binukaj laj juto', binuka' laj pek tu woro a yʌn muk' a ba' a tiʌ ix kʌ'. 30Pachi, bi u yiro' u ye'sa ba' ix kʌ' yok'o u Ti'a Xi'ra, y tu woro u kʌjta a winiko' a tiʌ ix lu'm bi u yak'te u bʌjo', bi u yiro' u Ti'a Xi'ra u tar ix k'ʌ' yok'o muyaj, yete tu woro u muk' y yete tu woro u jach tsoyi. 31Bi u tuchi'te u ángeles ch'ik tu woro a lu'm y bi u yuste a u k'aba' trompeta, ti u laj much'ik tu woro a winik a to' toj u tejtamʌ.
32»Ki kʌne'x a bex a je' a kʌ'sa a yʌn u jer u nu'ku yok'o a che' u k'aba' higuera: Tuk'in ka' wire'x u jok'o u muni u k'ʌ' y ku chu'mpʌ u jok'o u le', ka wike'x ya ne taki u yoko u chʌkʌri k'in. 33Bexi' ka' wire'x u mʌn tu woro a ba' a ti tsikbʌta, ete'x nej taki u ka' sut u Ti'a Xi'ra. 34Jach taj kin wei'k teche'x, yʌnti' u yʌ mʌn pʌti a je' ba' a tin tsikbʌta, ti' a je' a winiko' kuxʌ' beje'. 35Tu woro a kʌ' y tu woro a lu'm ku bin ts'oko', chen in t'ʌn mʌnʌ' u ts'oko u mʌn.
36»Chen a lay u k'ini mix mok u yej tuk'in ku bij mʌn, mix a ángeles a tiʌ kʌ', mix u Ti'a K'uj to jari in Tet K'uj u yue.
37»A bex u k'ini kaj mʌni ti' a Noé uchik, bex ku bij sut u Ti'a Xi'ra. 38Tuk'in a lay u k'inio' mo' yʌ tak a ne k'ʌ'm a ja' a ku bin burik a lu'm, a winiko' tʌn u jʌno', tʌn u yuk'o', tʌn u ch'eik u bʌjo', y tʌn u ch'ei'ko' u lak' u tio', hasta kaj k'uchi u k'ini a Noé oki ix a nukuch chem, 39Chen a winiko' mu' u yeo' baij ku bin tar, lʌji' kaj tari ne k'ʌ'm a ja' y laj buri a lu'm, tu woro laj kimo'. Bex ku bij mʌn tuk'in ka' sutuk u Ti'a Xi'ra. 40A lay u k'ini ka' mʌnʌk, ka'to' xi'ra tʌn u meaj ix u kor; junturi' ku bij pʌya' y a juntu ku bij p'ʌta'. 41Ka'to' ch'upra tʌn u juch'o' yok'o jump'eri' kuch juch, junturi' ku bin pʌya y a juntu ku bin p'ʌta'.
42»Ki ch'ukte'x tu woro k'in, tu ma' a we'x u k'ini tuk'in ku bin sut a Ts'uri. 43Ue'x a je' a ba' kin wei'ke'x teche'x, wo u winki jump'e nʌj u yej tok'in ku yoko a ku yakraba ix yatoch, bi u ch'ukte y muj bin u cha'e u yoko akra' u ba'. 44Bexi' teche'x ki' ch'ukte'x u sut u Ti'a Xi'ra: ka wirik, a ti' ku bij sut tuk'in mix mok u yue.
A mok ku ki' meaj ti' u ts'uri y a mok muj ki' meaj ti' u ts'uri
(Lc. 12.41-48)
45»¿To' baij a ku nej k'ʌna' ne tsoy u meaj y ne t'aa? La' a toj ku li'sa t'ʌni ti' ten u ts'uri, u ts'ek u yo'ch a mok tiʌ tu yatoch yete u naj p'is u hora u jʌno'. 46Binukaj tsoyta u yor a lay a u nej k'ʌni', tuk'in ka ira'k ten u ts'uri tʌn u metik a baij a'bti' u metik. 47Jach taj kin wei'k teche'x, a u ts'uri a nʌj bi u laj ts'ati' u kʌnʌntik tu woro u ba' ti' u nej k'ʌni'. 48Chen wo a lay u ne k'ʌni' mo pataj y ku yei'k yok'o u tuku: Ne xʌnta ku bin sut in ts'uri, 49y ku chu'sik u laj kʌxmetik u ka' k'ʌni' ti' y ku much'ik u bojo' ti' u tu jʌno', ku yuk'uba' yete u bojo', 50Chen u ts'uri binukaj sut u tuk'in mʌnʌ' u ch'uktik y mu' yej, 51y u ts'uri bi u ts'ae u bo'tik u si'pi, y ku bin u pure yoko tu tio' a ku metko' u bʌjo' ne tsoy a tuko' chen tusukao'. Tita ku bij ok'o y ku laj bin u k'uxe u koj yete u yʌyi tuku bu yue a ba'.
Àwon tá yàn lọ́wọ́lọ́wọ́ báyìí:
San Mateo 24: PLacNaha
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Sociedad Biblica de México AC
San Mateo 24
24
XI. U TSIKBɅTA YOK'O U XU' T'ɅN
(24.1—25.46)
Jesús ku toj ei'k bik ku bin juba' u yatoch K'uj
(Mr. 13.1-2; Lc. 21.5-6)
1Kaj jok'i Jesús yok'o u yatoch K'uj y tʌn u bin, xok'o' u kʌ'sa winiko' ti' Jesús y Jesús tu ye'sa' tio' tu woro u yatoch K'uj. 2Jesús tu ya'tio':
—¿Ka wike'x tu woro a je' a nʌj? Jach taj kin wei'k teche'x, mʌnʌ' u nʌj pataj kuta jump'e tunich, toj tu woro binukaj laj juba'.
Jesús ku tsikbʌtik baij ku bij yʌ mʌn tuk'in ne tak u xu' t'ʌn
(Mr. 13.3-23; Lc. 21.7-24)
3Pachi bini Jesús yete u kʌ'sa winiko' ix a yaj wits u k'aba' Olivos, ka k'ucho', a Jesús kuraj y u kʌ'sa winko' a Jesús xok'o' u k'ato' ti' a Jesús:
—Wʌjkʌ'si ¿tuk'in ku bin mʌn a je' ka wei'k? ¿Y baij ku bij e'sa ba' tuk'in ka' xok'ok a ka' sut y ka xu'ruk t'ʌn?
4Jesús tu nuka:
—Kʌnʌnta bʌje'x ti ma' tuxae'x. 5Binukaj tar ne pim ku bin u k'ʌne in k'aba', ku bin u yao': “A ten lʌjien a Cristo”, y jach ne pim winik ku bin u tuse. 6Ka bin a wue'x ne ya'p ts'iki ch'ik u jer kʌjta y bexi' ka bin a wue'x ku jumintiko' tʌn u bin u chu'so' u ts'iko'; chen ma' sʌjtike'x, yʌnti' u laj mʌn tu woro a je' ba', chen mo' lʌji' ti' u xu' t'ʌn. 7Binukaj lik'i tu ts'iki kʌjta yete u jer kʌjta, binukaj tar wi'ji, ne ya'p ya'ji y ne pim kʌjta ku bij pek a lu'm. 8Chen tu woro a je' ba' ku bin mʌn, lʌji' u yʌj chuni ku bin yue winiko' ne yaj.
9»Tuka wui'ke'x in t'ʌn, binukaj chuke'x mʌkae'x y ku bin bise'x yok'o aj wes ti' u kʌxmete'x y ti' a kinsae'x. 10Ne pim a mok ku yui'k in t'ʌn biu p'ʌte u metik in t'ʌn; tax jujuntu biu k'ube u yet bojo' ti' aj wes y biu p'akte u bojo'. 11Ne pim ku bin lik'i a mok ku tus yei'k lʌji' profeta y ne pim winik ku bin u tuse. 12Tu nej t'ari u metik k'as ba' a winik, ne pim ku bin u p'ʌte u yakuntik u bojo'. 13Chen a mok muj p'ʌtik u t'ʌn a K'uj hasta tuku laj ts'oko tu woro a ba', lʌji' ku bij bin ix kʌ'. 14Y yʌnti' u yʌ tsikbʌta' u jach tsoyi u t'ʌn K'uj ti' tu woro a lu'm, ti u k'oo'tik tu woro a kʌjta a tiʌ yok'o a lu'm, y pachi binukaj xu' t'ʌn.
15»A mok ku xakik a je' a t'ʌn, u ki ue baij tu ts'ibta uchik a profeta a lʌji' a Daniel, ti' tu ya'a. Tuk'in ka' wire'x u meta ne mo tsoy ba' yok'o u yatoch K'uj, 16a mok tiʌ ix Judea, ka puts'uk ix a wits. 17A mok tiʌ ix u jo' u yatoch, mu yeme u ch'ae u ba' a tiʌ ichi ix u yatoch; 18y a mok tiʌ tu meaj ix u kor, mu sut u ch'ae u nok' ix yatoch. 19¡Jach otsi a ch'uprao' a mok mo uts'k'inti' y a mok yʌnti' u ti'a tʌn u yʌ chu'chʌntʌ a lay u k'ini! 20T'ʌne'x K'uj ti' a lay u k'ini, ka puts'ke'x mo u k'ini sisi y mo' la' u k'ini ku je'sik u bʌjo' a judíos#24.20 U k'ini ku je'sik u bʌjo' a judíos: A lʌji' u k'ini sábado a ku je'sik u bʌjo' a judíos ti' u t'ʌnko' K'uj. , 21a lay u k'ini, jach ne ya'p yaj ba' ku bin u yue a winiko', ku bij mʌn a bex mo' nʌj monʌ toj ka meta a lu'm hasta beje' y mʌnʌ' u yʌ mʌn pachi. 22Wa K'uj muj komkintik a lay u k'ini, mix mok ku bin ix kʌ', chen yok'o a tu otsi u yirik u winik a to' tu tejta, lʌji' ben tu komkita a lay u k'ini.
23»Wa mok ku yei'k teche'x: “Ire'x way tiʌ a Cristo”, o “Ire'x tiʌ te'”, ma' ch'eike'x u t'ʌn. 24Binukaj lik'i a winik a mok ku tus ei'k lʌji' a Cristo, y juntu ku yei'k lʌjio' profetas, bi u ye'so' ne ya'p ba' ix kʌ' y bi u meto' ne ya'p tsoy ba', to jai' ti' u tusik a winik, bexi' bi u tunte u tusik a mok toj ya tejta ten K'uj. 25Toj in waba uchik teche'x. 26Ben wa ku yei'k teche'x: “Ire'x, tiʌ yok'o u lu'mi tu mʌnʌ' nukuch che' woro tikin lu'm”, ma' bin a wire'x, o ku yei'k teche'x: “Tiʌ yok'o nʌj”, ma' ch'eike'x u t'ʌno'. 27A bex ka wike'x u jajapk'uj, ku laj sasichʌ tu woro a kʌ', bex ka ba wire'x u sut u Ti'a Xi'ra. 28Tu cha' u bʌk'e a kimen a winik, ti' ku bin u much'e u bʌj aj ch'om.
U sut u ti'a a xi'ra
(Mr. 13.24-37; Lc. 21.25-36; 17.25-36; 12.41-48)
29»Toj ka' ts'o'kok u yui'k yaj ba' a winik a lay u k'ini, a k'in binukaj ak'ʌ'chʌ. A aknʌ' binukaj ts'oko u tichk'a', a ba'kʌo' binukaj laj juto', binuka' laj pek tu woro a yʌn muk' a ba' a tiʌ ix kʌ'. 30Pachi, bi u yiro' u ye'sa ba' ix kʌ' yok'o u Ti'a Xi'ra, y tu woro u kʌjta a winiko' a tiʌ ix lu'm bi u yak'te u bʌjo', bi u yiro' u Ti'a Xi'ra u tar ix k'ʌ' yok'o muyaj, yete tu woro u muk' y yete tu woro u jach tsoyi. 31Bi u tuchi'te u ángeles ch'ik tu woro a lu'm y bi u yuste a u k'aba' trompeta, ti u laj much'ik tu woro a winik a to' toj u tejtamʌ.
32»Ki kʌne'x a bex a je' a kʌ'sa a yʌn u jer u nu'ku yok'o a che' u k'aba' higuera: Tuk'in ka' wire'x u jok'o u muni u k'ʌ' y ku chu'mpʌ u jok'o u le', ka wike'x ya ne taki u yoko u chʌkʌri k'in. 33Bexi' ka' wire'x u mʌn tu woro a ba' a ti tsikbʌta, ete'x nej taki u ka' sut u Ti'a Xi'ra. 34Jach taj kin wei'k teche'x, yʌnti' u yʌ mʌn pʌti a je' ba' a tin tsikbʌta, ti' a je' a winiko' kuxʌ' beje'. 35Tu woro a kʌ' y tu woro a lu'm ku bin ts'oko', chen in t'ʌn mʌnʌ' u ts'oko u mʌn.
36»Chen a lay u k'ini mix mok u yej tuk'in ku bij mʌn, mix a ángeles a tiʌ kʌ', mix u Ti'a K'uj to jari in Tet K'uj u yue.
37»A bex u k'ini kaj mʌni ti' a Noé uchik, bex ku bij sut u Ti'a Xi'ra. 38Tuk'in a lay u k'inio' mo' yʌ tak a ne k'ʌ'm a ja' a ku bin burik a lu'm, a winiko' tʌn u jʌno', tʌn u yuk'o', tʌn u ch'eik u bʌjo', y tʌn u ch'ei'ko' u lak' u tio', hasta kaj k'uchi u k'ini a Noé oki ix a nukuch chem, 39Chen a winiko' mu' u yeo' baij ku bin tar, lʌji' kaj tari ne k'ʌ'm a ja' y laj buri a lu'm, tu woro laj kimo'. Bex ku bij mʌn tuk'in ka' sutuk u Ti'a Xi'ra. 40A lay u k'ini ka' mʌnʌk, ka'to' xi'ra tʌn u meaj ix u kor; junturi' ku bij pʌya' y a juntu ku bij p'ʌta'. 41Ka'to' ch'upra tʌn u juch'o' yok'o jump'eri' kuch juch, junturi' ku bin pʌya y a juntu ku bin p'ʌta'.
42»Ki ch'ukte'x tu woro k'in, tu ma' a we'x u k'ini tuk'in ku bin sut a Ts'uri. 43Ue'x a je' a ba' kin wei'ke'x teche'x, wo u winki jump'e nʌj u yej tok'in ku yoko a ku yakraba ix yatoch, bi u ch'ukte y muj bin u cha'e u yoko akra' u ba'. 44Bexi' teche'x ki' ch'ukte'x u sut u Ti'a Xi'ra: ka wirik, a ti' ku bij sut tuk'in mix mok u yue.
A mok ku ki' meaj ti' u ts'uri y a mok muj ki' meaj ti' u ts'uri
(Lc. 12.41-48)
45»¿To' baij a ku nej k'ʌna' ne tsoy u meaj y ne t'aa? La' a toj ku li'sa t'ʌni ti' ten u ts'uri, u ts'ek u yo'ch a mok tiʌ tu yatoch yete u naj p'is u hora u jʌno'. 46Binukaj tsoyta u yor a lay a u nej k'ʌni', tuk'in ka ira'k ten u ts'uri tʌn u metik a baij a'bti' u metik. 47Jach taj kin wei'k teche'x, a u ts'uri a nʌj bi u laj ts'ati' u kʌnʌntik tu woro u ba' ti' u nej k'ʌni'. 48Chen wo a lay u ne k'ʌni' mo pataj y ku yei'k yok'o u tuku: Ne xʌnta ku bin sut in ts'uri, 49y ku chu'sik u laj kʌxmetik u ka' k'ʌni' ti' y ku much'ik u bojo' ti' u tu jʌno', ku yuk'uba' yete u bojo', 50Chen u ts'uri binukaj sut u tuk'in mʌnʌ' u ch'uktik y mu' yej, 51y u ts'uri bi u ts'ae u bo'tik u si'pi, y ku bin u pure yoko tu tio' a ku metko' u bʌjo' ne tsoy a tuko' chen tusukao'. Tita ku bij ok'o y ku laj bin u k'uxe u koj yete u yʌyi tuku bu yue a ba'.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Sociedad Biblica de México AC