OKHUCHIAKA 50
50
1Yosefu yakwa khusamwana, nalakaya ne natsunzuuna obweni bubwe. 2Ma Yosefu nalaka mbu om'bili kwa samwana kubakhwe emisaala kulekhe okhuboola. 3Kwabukula amatukhu amakhumi kane okhubakhwa emisaala. Niko amatukhu kom'bili kwamalanga nikurebwangakhwo omusaala. Abaamisiri bamwekhuula amatukhu amakhumi kane nakataru.
4Olwa amatukhu kamasika kali nikahweye, Yosefu nabool'la abomunyumba yomuruchi mbu, “Nimuyanza muhile oburume buno khu mwami. 5‘Olwa papa wanje yali nali ahembi okhufwa, yareeba nimwesuhila mbu ndakhamuyabile musilindwa esiayayaba musibala sia Kanaani. Khe noyanza undekhe nzie okhuyabila papa ma nangalukhe.’ ”#Okhuch. 47:29-31
6Omuruchi nakalusia mbu, “Tsia oyabile papawo, singa walaka.”
7Ma Yosefu natsia okhuyabila samwana. Abemeli bomuruchi bosi nende abakhongo nende abakali bandi abe Misiri batsia nende Yosefu. 8Abomunyumba ya Yosefu, abasiani babwe, nende abandi bosi abeinyumba yasamwana batsia n'naye. Abaana batititi nende amakondi, tsimbusi netsing'ombe nibio ebiasikala musibala sia Kosheni. 9Abasaatsa balala batsila mumakaari, abandi khutsisululi, ma nikuba omukanda omukali okhusila.
10Olwaboola habundu holutse lwa Atadi lwali, ebukwe womuchela kwa Yorodani, bekhuula, nibakhupa etsikhwisi khulwoluhono. Yosefu yakhola amasika kasamwana khulwamatukhu kane nakataru. 11Olwabandu ba Kanaani balola abandu yabo nibekhuul'langa halutse lwa Atadi, baboola mbu, “Amasika ka Bamisiri kano namakali okhusila.” Niko akachila habundu yaho nihalangwa Abeli Misiraimu#50:11 Abeli Misiraimu Eliira yili mu Luheburania lifwana singa okhuboola mbu, “Amasika ka Bamisiri.”.
12Abaana ba Yakobo bakhola singa yali niyabalaka. 13Bachinga om'bilikwe nibahila Kanaani ma nibakuyabila mulwangaywa olwomukunda kwa Makapela okuli ebukwe wa Mamure, okwa Aburahamu yakula okhurula khu Efuroni Omuhiti okhuba singa okwebilindwa.#Ebikh. 7:16 14Olwa Yosefu yali namal'le okhuyabila samwana, yakalukha Emisiri nende abaana babwe nende bosi abayali okhutsia n'nabo khumasika kasamwana.
Yosefu yasubisia abaana babwe
15Abaana banga Yosefu olwa balola samwana ufwiye, nibaboola mbu, “Haundi Yosefu asikhusinyikhiiye ma akanakananga okhurunga es'sialia khumabi kakhwamukhol'la.” 16Ma nibaruma oburume khu Yosefu nibaboola mbu, “Papa nasili okhufwa, 17yakhubool'la khukhureebe mbu, ‘Noyanza obeele abaana benywe khububi bwabakhukhol'la.’ Luno khukhureebanga okhubeele khububi bwefwe abasumba ba Nyasaye wa papawo khwakhola.” Olwa Yosefu yanyoola oburume buno yalakaya amasika.
18Ma abaana babwe abene nibeetsa nibenama imbeliwe nibaboola mbu, “Nifwe bano khuli imbeliwo, singa abasumba baabo.”
19Nebutswa Yosefu nababool'la mbu, “Muraria tawe, ise sinyala okhwera musilenje sia Nyasaye tawe. 20Mwachooma okhukhol'la amabi, Nyasaye yakakalukhania okhuba amalahi, khe abe onyala okhuhonia obulamu bwabandu abenji abali mwoyo lunondi khulwa akali okhwekhola. 21Muraria tawe. Namulinde bulahi halala nende abaana benywe.” Ma nabalemia emioyo nende amang'ana amalahi akabatiila khumioyo chiabwe.
Okhufwa khwa Yosefu
22Yosefu yatsilil'la okhumenya Emisiri nende abeinyumba ya samwana, ma nafwa nali nende emihika emia ndala nende likhumi. 23Yamenya okhwola olwa yalola abaana ba Efuraimu nende abetsukhulube. Khandi yali mwoyo okhwola olwa yaleer'rwa abaana ba Makiri omwana wa Manase. 24Yosefu yabool'la abaana babwe mbu, “Ndi ahembi okhufwa, ne manyile Nyasaye namulinde, ma yakhamwemel'le okhurula musibala sino okhutsia musibala siayalaka Aburahamu, Isaka, nende Yakobo.” 25Ma Yosefu nareeba abandube okhulomba esiesuho. Yaboola mbu, “Musubisie mbu olwa Nyasaye yakhamwemel'le okhutsia musibala yisio, mwakhabukule om'bili kwanje mulatsie n'nakwo.”#Okhur. 13:19; Yosh. 24:32; Heb. 11:22 26Ma Yosefu nafwiila Emisiri nali nemihika emia ndala nende likhumi. Nibabakha om'bilikwe emisaala khe kubule okhuboola ma nibakura mwisanduku.
Àwon tá yàn lọ́wọ́lọ́wọ́ báyìí:
OKHUCHIAKA 50: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 50
50
1Yosefu yakwa khusamwana, nalakaya ne natsunzuuna obweni bubwe. 2Ma Yosefu nalaka mbu om'bili kwa samwana kubakhwe emisaala kulekhe okhuboola. 3Kwabukula amatukhu amakhumi kane okhubakhwa emisaala. Niko amatukhu kom'bili kwamalanga nikurebwangakhwo omusaala. Abaamisiri bamwekhuula amatukhu amakhumi kane nakataru.
4Olwa amatukhu kamasika kali nikahweye, Yosefu nabool'la abomunyumba yomuruchi mbu, “Nimuyanza muhile oburume buno khu mwami. 5‘Olwa papa wanje yali nali ahembi okhufwa, yareeba nimwesuhila mbu ndakhamuyabile musilindwa esiayayaba musibala sia Kanaani. Khe noyanza undekhe nzie okhuyabila papa ma nangalukhe.’ ”#Okhuch. 47:29-31
6Omuruchi nakalusia mbu, “Tsia oyabile papawo, singa walaka.”
7Ma Yosefu natsia okhuyabila samwana. Abemeli bomuruchi bosi nende abakhongo nende abakali bandi abe Misiri batsia nende Yosefu. 8Abomunyumba ya Yosefu, abasiani babwe, nende abandi bosi abeinyumba yasamwana batsia n'naye. Abaana batititi nende amakondi, tsimbusi netsing'ombe nibio ebiasikala musibala sia Kosheni. 9Abasaatsa balala batsila mumakaari, abandi khutsisululi, ma nikuba omukanda omukali okhusila.
10Olwaboola habundu holutse lwa Atadi lwali, ebukwe womuchela kwa Yorodani, bekhuula, nibakhupa etsikhwisi khulwoluhono. Yosefu yakhola amasika kasamwana khulwamatukhu kane nakataru. 11Olwabandu ba Kanaani balola abandu yabo nibekhuul'langa halutse lwa Atadi, baboola mbu, “Amasika ka Bamisiri kano namakali okhusila.” Niko akachila habundu yaho nihalangwa Abeli Misiraimu#50:11 Abeli Misiraimu Eliira yili mu Luheburania lifwana singa okhuboola mbu, “Amasika ka Bamisiri.”.
12Abaana ba Yakobo bakhola singa yali niyabalaka. 13Bachinga om'bilikwe nibahila Kanaani ma nibakuyabila mulwangaywa olwomukunda kwa Makapela okuli ebukwe wa Mamure, okwa Aburahamu yakula okhurula khu Efuroni Omuhiti okhuba singa okwebilindwa.#Ebikh. 7:16 14Olwa Yosefu yali namal'le okhuyabila samwana, yakalukha Emisiri nende abaana babwe nende bosi abayali okhutsia n'nabo khumasika kasamwana.
Yosefu yasubisia abaana babwe
15Abaana banga Yosefu olwa balola samwana ufwiye, nibaboola mbu, “Haundi Yosefu asikhusinyikhiiye ma akanakananga okhurunga es'sialia khumabi kakhwamukhol'la.” 16Ma nibaruma oburume khu Yosefu nibaboola mbu, “Papa nasili okhufwa, 17yakhubool'la khukhureebe mbu, ‘Noyanza obeele abaana benywe khububi bwabakhukhol'la.’ Luno khukhureebanga okhubeele khububi bwefwe abasumba ba Nyasaye wa papawo khwakhola.” Olwa Yosefu yanyoola oburume buno yalakaya amasika.
18Ma abaana babwe abene nibeetsa nibenama imbeliwe nibaboola mbu, “Nifwe bano khuli imbeliwo, singa abasumba baabo.”
19Nebutswa Yosefu nababool'la mbu, “Muraria tawe, ise sinyala okhwera musilenje sia Nyasaye tawe. 20Mwachooma okhukhol'la amabi, Nyasaye yakakalukhania okhuba amalahi, khe abe onyala okhuhonia obulamu bwabandu abenji abali mwoyo lunondi khulwa akali okhwekhola. 21Muraria tawe. Namulinde bulahi halala nende abaana benywe.” Ma nabalemia emioyo nende amang'ana amalahi akabatiila khumioyo chiabwe.
Okhufwa khwa Yosefu
22Yosefu yatsilil'la okhumenya Emisiri nende abeinyumba ya samwana, ma nafwa nali nende emihika emia ndala nende likhumi. 23Yamenya okhwola olwa yalola abaana ba Efuraimu nende abetsukhulube. Khandi yali mwoyo okhwola olwa yaleer'rwa abaana ba Makiri omwana wa Manase. 24Yosefu yabool'la abaana babwe mbu, “Ndi ahembi okhufwa, ne manyile Nyasaye namulinde, ma yakhamwemel'le okhurula musibala sino okhutsia musibala siayalaka Aburahamu, Isaka, nende Yakobo.” 25Ma Yosefu nareeba abandube okhulomba esiesuho. Yaboola mbu, “Musubisie mbu olwa Nyasaye yakhamwemel'le okhutsia musibala yisio, mwakhabukule om'bili kwanje mulatsie n'nakwo.”#Okhur. 13:19; Yosh. 24:32; Heb. 11:22 26Ma Yosefu nafwiila Emisiri nali nemihika emia ndala nende likhumi. Nibabakha om'bilikwe emisaala khe kubule okhuboola ma nibakura mwisanduku.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019