OKHUCHIAKA 41
41
Yosefu yabuula esifune sielilooro lia omuruchi we Misiri
1Emihika chibili nichibir're, omuruchi we Misiri yaloora lilooro, mbu yali nasinjiiye khundulo khwomuchela, kwa Naili 2ne nalola tsing'ombe tsine natsitaru tsikhomefu nitsirulanga m'maatsi ma nitsichiaka okhwaya obunyaasi. 3Ma tsing'ombe tsindi tsine natsitaru nitsirul'lamwo, tsiang'aha ma nitsilolekhanga amakumba. Nitsisinjila ahembi nende tsing'ombe tsiokhuranga khundulo khwomuchela. 4Tsing'ombe tsiali tsing'ahu nitsilia tsing'ombe tsikhomefu. Ma omuruchi nabuukha. 5Khandi olwe etsindoolo tsiamuhila yaloora lilooro lindi. Ebiangala bine nabitaru biamabele ebiakhomela obulahi, biali nibili khus'sina silala. 6Ma ebiangala bindi bine nabitaru ebiang'aha khandi ebianiala nibimelakhwo, 7ma ebiang'aha yibio nibimila ebiakhomela. Omuruchi nabuukha ne namanya mbu aloor'renje. 8Olwa bwasia yali nende esihenda mwoyo, ma nalanga abafumu nende abandu bobuchesi musibala sie Misiri siosi. Nababool'la liloorolie, ne siyalikhwo mubo owanyala okhuboola esifune sielilooro liomuruchi tawe.#Dan. 2:2
9Ma omulindi wewaini nabool'la omuruchi mbu, “Nyenyanga ndeyame mbu ndakhola obubi. 10Wali okhusinyikhila omuteekhi wemikaati nende ise, ma nokhura mububohe munyumba yomwemeli wabasikari behangowo. 11Obutukhu nalebe fwesi khwaloora amalooro akabukhan'ne khandi akebifune biabukhan'ne. 12Yalimwo omusiani Omuheburania, owali omubohe womwemeli wabasikari. Khwamubool'la amalooro kefwe ne naye nakhubool'la ebifune biako. 13Akayakhubool'la niko akamala nikekhola. Ise wangalusia khumilimo chianje, ne omuteekhi wemikaati nomwira.”
14Omuruchi yarumana mbu Yosefu yendwe, ma nahiinibwa mububohe bwangu, nabeka tsindefu, ma naheebwa tsingubo tsindahi niyebiikha, nahilwa imbeli womuruchi. 15Omuruchi namubool'la mbu, “Ndor're lilooro ne abulaho onyala okhulinoosia tawe. Mbooleywe mbu ibe onyala okhuboola ebifune biamalooro.”
16Yosefu nakalusia mbu, “Ise sinyala tawe, Omwami wanje, nebutswa Nyasaye anyala okhuhaana esifune esilahi esieliloorolio.”
17Omuruchi naboola mbu, “Ndor're mbu ndali nisinjiye khundulo khwomuchela kwa Naili, 18netsing'ombe tsine natsitaru tsikhomefu nitsirula mumuchela ma nitsichiaka okhwaya obulimo. 19Ma tsing'ombe tsindi tsine natsitaru nitsirul'lamwo, tsing'ahu okhusila etsiasili okhulolakhwo mu Misiri mwosi. 20Ma tsing'ombe tsing'ahu nitsilia tsikhomefu, 21ne abulaho omundu owakhamanyile tsiliiye etsindi sichila tsiatsilil'la butswa okhuba tsing'ahu. Ma nimbuukha. 22Khandi nindoora mbu nduutsi ebiangala bine nabitaru ebiamabele, ebikhomefu nibili khus'sala silala. 23Ma ebiangala bindi bine nabitaru ebiang'aha okhusila nibimela, 24ne yibio nibimila ebikhomefu. Mbooleye abafumu banje amalooro yaka nebutswa abulaho khubo onyala okhunyinoosia ebifune biako.”
25Yosefu nabool'la omuruchi mbu, “Amalooro kabili yako kali nende esifune silala. Nyasaye ukhumanyisie akanakhole. 26Tsing'ombe tsine natsitaru tsikhomefu nemihika chine nachitaru, khandi ebirwe bine nabitaru biamabele nemihika emiteelwa chine nachitaru yichio, ne kali nesifune silala. 27Tsing'ombe tsine natsitaru etsietsa nyuma ma nende ebiangala biatora bine nabitaru biobuswache ebietsa nyuma nemihika chine nachitaru echieinzala. 28Kali butswa singa khubooleye – Nyasaye ukhumanyisie aka yenya okhukhola. 29Emihika nachibeho chine nachitaru echieinzikura musibala siosi esie Misiri. 30Inyuma wachio inzala nebeho ikhongo khulwemihika chindi chine nachitaru, ne emihika emilahi chiosi chiakhebil'lwe sichila inzala yakhamume esibala. 31Tsinyinga tsieinzikura tsiakhebil'lwe sichila inzala yakhalondekhwo yakhabe imbibibi okhusila. 32Olwe lilooro litsile khabili kaboolanga mbu amang'ana yaka kaloosibwe nende Nyasaye ne nalole mbu kekhol'le ahembi yaha.
33“Luno kenyekhanga wele omundu oli nobuchesi nende okhumanyilisia ma omwemekhe okhulinda esibala. 34Khandi wahule abemeli bandi abokhusolola esitonye siakharano siamachese okhurula khubandu khulwemihika chine nachitaru echieinzikura. 35Obalache okhusolola ebiakhulia biosi mumihika emilahi echiitsanga, ma obahelesie obunyali okhulomba ebiachi mumataala ebiokhubiikhamwo ebiakhulia ma babilinde obulahi. 36Ebiakhulia yibio biakhabe libiikhilo liesibala sino mumihika chine nachitaru echieinzala echianachiitse musibala sie Misiri. Munjila yiyi abandu sinabanyakhane khulweinzala tawe.”
Yosefu yakholwa omukafuna mu Misiri
37Omuruchi nende abemelibe bahuchiil'la inganakani yiyi, 38ma nababool'la mbu, “Sikhwakhanyoola oundi onyala okhuyomba Yosefu, omundu owomwoyo wa Nyasaye alimwo tawe.” 39Ma omuruchi nabool'la Yosefu, “Nyasaye niye owakhumanyisie kano kosi, ma kalolekhele kol'lani mbu oli nende obuchesi nende obumanyilisi obwomundu undi wosi aralikhwo n'nabwo tawe. 40Nzia okhukhukhola omusinjil'li wesibala sianje, ne abandu banje bosi nabakhuhul'lenje. Obunyalibwo nabubetsenje butswa hasi wobwanje bwonyene.#Ebikh. 7:10 41Luno khweelanga okhuba omukafuna musibala sie Misiri siosi.” 42Ma omuruchi nahiinia ingaka khusiteresie elimwo nende omuhuri kwobwami, nara khusitere sia Yosefu. Namubikha tsingubo etsiekatani tsindahi ma namura mwikosi omunyol'lo kwetsahabu.#Dan. 5:29 43Namuhelesia likarilie eliakhabili elioburuchi okhuchendelamwo, ne abasikari beemela imbeliwe nibaboola, “Rule khunjila.” Ma nimbwo Yosefu yeelwa okhuba omukafuna we Misiri. 44Omuruchi namubool'la mbu, “Ise nise omuruchi; abulaho omundu mu Misiri mwosi owanochinguule omukhono nohomba esilenje norahuchiliye.” 45Omuruchi nakulikha Yosefu eliiralie Misiri mbu Safenatsi Panea, ma nomuhelesia omukhasi owalangwa Asenatsi, omukhaana wa Potifera, owali omwesaalisi wa Oni.
46Yosefu yali nemihika amakhumi kataru olwa yachaaka okhurumikhila omuruchi we Misiri. Yarula munyumba yobwami eyomuruchi ma nachendela esibala yisio siosi. 47Mumihika chine nachitaru echieinzikura, esibala sialimwo amachese amenji, 48ma Yosefu nasolola ebiakhulia nabiikha mumataala. Mubuli litaala yabikhangamwo ebiakhulia okhurula mumikunda chili ahembi. 49Ebichese biali ebinji okhusila ma kata Yosefu nalekha okhuchela. Biali butswa singa omuyekhe khundulo khweinyanza.
50Emihika chieinzala nichisili okhuchiaka, Yosefu nende Asenatsi banyoola abaana babili. 51Ma Yosefu nakulikha owokhuranga Manase, naboola mbu, “Nyasaye ukhol'le nzibiliye amanyakhano kanje kosi nende akahango hefwe.” 52Owakhabili yamukulikha Efuraimu, naboola, “Nyasaye umbeeye olwibulo musibala siandanyakhan'namwo.”
53Emihika chine nachitaru echieinzikura eyaliho musibala sie Misiri nichihwa, 54ma emihika chine nachitaru echieinzala nichichiaka singa Yosefu yali niyaboola. Inzala yali mubibala bindi biosi nebutswa ebiakhulia nibiba musibala sie Misiri.#Ebikh. 7:11 55Olwa Abaamisiri bachiaka okhunyoola inzala balakayila omuruchi mbu abaheelesie ebiakhulia. Ma nabalaka batsie khu Yosefu ma bakhole kosi aka ababool'la okhukhola.#Yoh. 2:5 56Inzala yameetekha ma nelanda musibala siosi, ma Yosefu niyekula ebiachi biosi nakusisia Abaamisiri ebiakhulia. 57Abandu beetsa Emisiri okhurula mubibala bindi biosi okhukula ebiakhulia, okhurula khu Yosefu sichila inzala yali ingali okhusila habundu hosi.
Àwon tá yàn lọ́wọ́lọ́wọ́ báyìí:
OKHUCHIAKA 41: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 41
41
Yosefu yabuula esifune sielilooro lia omuruchi we Misiri
1Emihika chibili nichibir're, omuruchi we Misiri yaloora lilooro, mbu yali nasinjiiye khundulo khwomuchela, kwa Naili 2ne nalola tsing'ombe tsine natsitaru tsikhomefu nitsirulanga m'maatsi ma nitsichiaka okhwaya obunyaasi. 3Ma tsing'ombe tsindi tsine natsitaru nitsirul'lamwo, tsiang'aha ma nitsilolekhanga amakumba. Nitsisinjila ahembi nende tsing'ombe tsiokhuranga khundulo khwomuchela. 4Tsing'ombe tsiali tsing'ahu nitsilia tsing'ombe tsikhomefu. Ma omuruchi nabuukha. 5Khandi olwe etsindoolo tsiamuhila yaloora lilooro lindi. Ebiangala bine nabitaru biamabele ebiakhomela obulahi, biali nibili khus'sina silala. 6Ma ebiangala bindi bine nabitaru ebiang'aha khandi ebianiala nibimelakhwo, 7ma ebiang'aha yibio nibimila ebiakhomela. Omuruchi nabuukha ne namanya mbu aloor'renje. 8Olwa bwasia yali nende esihenda mwoyo, ma nalanga abafumu nende abandu bobuchesi musibala sie Misiri siosi. Nababool'la liloorolie, ne siyalikhwo mubo owanyala okhuboola esifune sielilooro liomuruchi tawe.#Dan. 2:2
9Ma omulindi wewaini nabool'la omuruchi mbu, “Nyenyanga ndeyame mbu ndakhola obubi. 10Wali okhusinyikhila omuteekhi wemikaati nende ise, ma nokhura mububohe munyumba yomwemeli wabasikari behangowo. 11Obutukhu nalebe fwesi khwaloora amalooro akabukhan'ne khandi akebifune biabukhan'ne. 12Yalimwo omusiani Omuheburania, owali omubohe womwemeli wabasikari. Khwamubool'la amalooro kefwe ne naye nakhubool'la ebifune biako. 13Akayakhubool'la niko akamala nikekhola. Ise wangalusia khumilimo chianje, ne omuteekhi wemikaati nomwira.”
14Omuruchi yarumana mbu Yosefu yendwe, ma nahiinibwa mububohe bwangu, nabeka tsindefu, ma naheebwa tsingubo tsindahi niyebiikha, nahilwa imbeli womuruchi. 15Omuruchi namubool'la mbu, “Ndor're lilooro ne abulaho onyala okhulinoosia tawe. Mbooleywe mbu ibe onyala okhuboola ebifune biamalooro.”
16Yosefu nakalusia mbu, “Ise sinyala tawe, Omwami wanje, nebutswa Nyasaye anyala okhuhaana esifune esilahi esieliloorolio.”
17Omuruchi naboola mbu, “Ndor're mbu ndali nisinjiye khundulo khwomuchela kwa Naili, 18netsing'ombe tsine natsitaru tsikhomefu nitsirula mumuchela ma nitsichiaka okhwaya obulimo. 19Ma tsing'ombe tsindi tsine natsitaru nitsirul'lamwo, tsing'ahu okhusila etsiasili okhulolakhwo mu Misiri mwosi. 20Ma tsing'ombe tsing'ahu nitsilia tsikhomefu, 21ne abulaho omundu owakhamanyile tsiliiye etsindi sichila tsiatsilil'la butswa okhuba tsing'ahu. Ma nimbuukha. 22Khandi nindoora mbu nduutsi ebiangala bine nabitaru ebiamabele, ebikhomefu nibili khus'sala silala. 23Ma ebiangala bindi bine nabitaru ebiang'aha okhusila nibimela, 24ne yibio nibimila ebikhomefu. Mbooleye abafumu banje amalooro yaka nebutswa abulaho khubo onyala okhunyinoosia ebifune biako.”
25Yosefu nabool'la omuruchi mbu, “Amalooro kabili yako kali nende esifune silala. Nyasaye ukhumanyisie akanakhole. 26Tsing'ombe tsine natsitaru tsikhomefu nemihika chine nachitaru, khandi ebirwe bine nabitaru biamabele nemihika emiteelwa chine nachitaru yichio, ne kali nesifune silala. 27Tsing'ombe tsine natsitaru etsietsa nyuma ma nende ebiangala biatora bine nabitaru biobuswache ebietsa nyuma nemihika chine nachitaru echieinzala. 28Kali butswa singa khubooleye – Nyasaye ukhumanyisie aka yenya okhukhola. 29Emihika nachibeho chine nachitaru echieinzikura musibala siosi esie Misiri. 30Inyuma wachio inzala nebeho ikhongo khulwemihika chindi chine nachitaru, ne emihika emilahi chiosi chiakhebil'lwe sichila inzala yakhamume esibala. 31Tsinyinga tsieinzikura tsiakhebil'lwe sichila inzala yakhalondekhwo yakhabe imbibibi okhusila. 32Olwe lilooro litsile khabili kaboolanga mbu amang'ana yaka kaloosibwe nende Nyasaye ne nalole mbu kekhol'le ahembi yaha.
33“Luno kenyekhanga wele omundu oli nobuchesi nende okhumanyilisia ma omwemekhe okhulinda esibala. 34Khandi wahule abemeli bandi abokhusolola esitonye siakharano siamachese okhurula khubandu khulwemihika chine nachitaru echieinzikura. 35Obalache okhusolola ebiakhulia biosi mumihika emilahi echiitsanga, ma obahelesie obunyali okhulomba ebiachi mumataala ebiokhubiikhamwo ebiakhulia ma babilinde obulahi. 36Ebiakhulia yibio biakhabe libiikhilo liesibala sino mumihika chine nachitaru echieinzala echianachiitse musibala sie Misiri. Munjila yiyi abandu sinabanyakhane khulweinzala tawe.”
Yosefu yakholwa omukafuna mu Misiri
37Omuruchi nende abemelibe bahuchiil'la inganakani yiyi, 38ma nababool'la mbu, “Sikhwakhanyoola oundi onyala okhuyomba Yosefu, omundu owomwoyo wa Nyasaye alimwo tawe.” 39Ma omuruchi nabool'la Yosefu, “Nyasaye niye owakhumanyisie kano kosi, ma kalolekhele kol'lani mbu oli nende obuchesi nende obumanyilisi obwomundu undi wosi aralikhwo n'nabwo tawe. 40Nzia okhukhukhola omusinjil'li wesibala sianje, ne abandu banje bosi nabakhuhul'lenje. Obunyalibwo nabubetsenje butswa hasi wobwanje bwonyene.#Ebikh. 7:10 41Luno khweelanga okhuba omukafuna musibala sie Misiri siosi.” 42Ma omuruchi nahiinia ingaka khusiteresie elimwo nende omuhuri kwobwami, nara khusitere sia Yosefu. Namubikha tsingubo etsiekatani tsindahi ma namura mwikosi omunyol'lo kwetsahabu.#Dan. 5:29 43Namuhelesia likarilie eliakhabili elioburuchi okhuchendelamwo, ne abasikari beemela imbeliwe nibaboola, “Rule khunjila.” Ma nimbwo Yosefu yeelwa okhuba omukafuna we Misiri. 44Omuruchi namubool'la mbu, “Ise nise omuruchi; abulaho omundu mu Misiri mwosi owanochinguule omukhono nohomba esilenje norahuchiliye.” 45Omuruchi nakulikha Yosefu eliiralie Misiri mbu Safenatsi Panea, ma nomuhelesia omukhasi owalangwa Asenatsi, omukhaana wa Potifera, owali omwesaalisi wa Oni.
46Yosefu yali nemihika amakhumi kataru olwa yachaaka okhurumikhila omuruchi we Misiri. Yarula munyumba yobwami eyomuruchi ma nachendela esibala yisio siosi. 47Mumihika chine nachitaru echieinzikura, esibala sialimwo amachese amenji, 48ma Yosefu nasolola ebiakhulia nabiikha mumataala. Mubuli litaala yabikhangamwo ebiakhulia okhurula mumikunda chili ahembi. 49Ebichese biali ebinji okhusila ma kata Yosefu nalekha okhuchela. Biali butswa singa omuyekhe khundulo khweinyanza.
50Emihika chieinzala nichisili okhuchiaka, Yosefu nende Asenatsi banyoola abaana babili. 51Ma Yosefu nakulikha owokhuranga Manase, naboola mbu, “Nyasaye ukhol'le nzibiliye amanyakhano kanje kosi nende akahango hefwe.” 52Owakhabili yamukulikha Efuraimu, naboola, “Nyasaye umbeeye olwibulo musibala siandanyakhan'namwo.”
53Emihika chine nachitaru echieinzikura eyaliho musibala sie Misiri nichihwa, 54ma emihika chine nachitaru echieinzala nichichiaka singa Yosefu yali niyaboola. Inzala yali mubibala bindi biosi nebutswa ebiakhulia nibiba musibala sie Misiri.#Ebikh. 7:11 55Olwa Abaamisiri bachiaka okhunyoola inzala balakayila omuruchi mbu abaheelesie ebiakhulia. Ma nabalaka batsie khu Yosefu ma bakhole kosi aka ababool'la okhukhola.#Yoh. 2:5 56Inzala yameetekha ma nelanda musibala siosi, ma Yosefu niyekula ebiachi biosi nakusisia Abaamisiri ebiakhulia. 57Abandu beetsa Emisiri okhurula mubibala bindi biosi okhukula ebiakhulia, okhurula khu Yosefu sichila inzala yali ingali okhusila habundu hosi.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019