OKHUCHIAKA 37
37
Yosefu nende abasiani babwe
1Yakobo yatsilil'la okhumenya musibala sia Kanaani aha samwana yamenyanga. 2Tsino nitsio tsinzibulo tsia Yakobo.
Olwa Yosefu yali omubuukha wemihika likhumi nende chine nachitaru, yali niyayanga emiruko halala nende abaana babwe abaana ba Biliha nende Silipa, abakhasi ba samwana. Yosefu yaleer'ranga samwana amang'ana amabi akabasiani babwe bakholanga.
3Yakobo yayanza Yosefu okhuyomba abaanabe bandi bosi, sichila yamwibula nali omusakhulu. Namunabila ekanzu yamakhono amarambi. 4Olwabaana babwe balola mbu samwana wayanza Yosefu okhuyomba singa yabayanza, basuula omusiani wabwe okhusila, kata sibali abanyala okhul'loma n'naye bulahi tawe.
5Litukhu elala mubutukhu, Yosefu yaloora lilooro, ne olwa yabool'lakhwo abaana babwe, bamusuula okhuyombakhwo esichelo. 6Yababool'la mbu, “Hul'le mubool'lekhwo lilooro liandor're. 7Fwesi khwali nikhuli m'mukunda nikhubohanga emirwe chiobule, ne esirwe sianje nisiisinjila silunji. Ebirwe bienywe nibibotokhana esirwe sianje ma nibisiinaamila.”
8Abaana babwe nibamureeba mbu, “Ibe opaalanga wakhaba omuruchi wefwe?” Nibameeta okhumusuula khulwa amalooro kaake nende amang'ana kaake.
9Khandi Yosefu naloora lilooro lindi ma nabool'la abaana babwe mbu, “Ndor're lilooro lindi, mbu eliuba, omwesi nende tsinyininyini likhumi nandala tsinyinamilanga.”
10Khandi yabool'la samwana akelilooro yilio ma samwana namulul'la, namubool'la mbu, “Yilio nelilooro liambila sina? Ibe opaalanga mbu mamawo, abaana benywe nende ise khwakhakhwinamila?” 11Abaana babwe nibamulol'la obubi, nebutswa samwana yatsilil'la okhupaala khumang'ana yako.#Ebikh. 7:9
Yosefu yakusibwa ma nahilwa Emisiri
12Litukhu elala olwabaana banga Yosefu bali nibatsiye okhwaya ebiayo bia samwana mu Shekemu, 13Yakobo yabool'la Yosefu mbu, “Nyenyanga otsie Shekemu, habaana benywe batsiye okhwaya ebiayo.”
Yosefu nakalusia mbu, “Ise nderechekhele okhutsia.”
14Samwana naboola, “Tsia olole nikali abaana benywe nabalamu khandi nikali ebiayo bili bulahi, ma witse okhumbool'la.” Ma namuruma okhutsia mwibanda lia Heburoni.
Yosefu yoola Shekemu 15ma naba achendachendanga musibala yimwo olwa omundu undi yamulola ma namureeba mbu, “Okhabanga sina?”
16Naye nakalusia mbu, “Khabanga abaana befwe abaitsile okhwaya ebiayo yino. Wakhambool'la ahabali?”
17Omundu uyo naboola, “Mbaale barul'le. Mbuliiye nibaboolanga batsie Dotsani.” Ma Yosefu nalondel'la abaana babwe ma nabanyool'la Dotsani.
18Bamulola nasili ehale, ne olwayali nasili okhwola ahabali, nibalomba obwa banyala okhumwira. 19Nibabool'lana abene khubene mbu, “Omuloori wamalooro ngwoyo yetsanga. 20Chende khumwire, ma khufuube om'bili kukwe mwiyabo elala okhuyaaka. Nakhuboole butswa mbu esolo emuliiye, khe nakhulole obwa amalooroke kakhabe.”
21Rubeni yahul'la nibaboolanga mbwo ma nateema okhuhonia Yosefu. Naboola mbu, “Khuramwira tawe. 22Khumufuube butswa mwiyabo yili musitsiimi muno, nebutswa muramusalisia tawe.” Yaboolanga yaka khe abe onyala okhukalukha okhumuhonia ma amukalusie khusamwana. 23Olwa Yosefu yoola habaana babwe bali, bamunaabula ekanzuye eyamakhono amarambi. 24Ma nibamubukula nibamufuuba mwiyabo eliali niliooma.
25Olwabali nibaliitsanga, balola omukanda kwabachendi ba Ishimaeli nibarulanga Gileadi nibahenjele Emisiri. Tsingamia tsiabwe tsiali nitsichinjile omusaala kwomwayo omulahi nende manemane. 26Yuda nabool'la abaana babwe, “Nisina esianakhunyoole nikali khwakheera omwana wefwe ma khubise? 27Chende khumukusie khu Baishimaeli yaba, khulekhe okhumusaalisia sichila ye no mwana wefwe, owamatsahi kefwe.” Abaana babwe nibahuchil'la. 28Olwa abakholi bobukhala okhurula Midiani boolaho, abahabwe Yosefu nibamukhweesa okhurula mwiyabo ma nibamukusia khu Baishimaeli ebitonye biefetsa amakhumi kabili. Ma nabo nibamuhila Emisiri.#Ebikh. 7:9
29Olwa Rubeni yakalukha khwiyabo ma nanyoola Yosefu salimwo tawe, yarandula tsingubotsie musibeela. 30Nakalukha khubaana babwe naboola, “Omusiani salimwo tawe, nakhole mbwena?”
31Ma nibeera imbusi, ne nibeena ekanzu ya Yosefu mumatsahi kayo. 32Nibahil'la samwana ekanzu, nibamubool'la mbu, “Khunyooye ekanzu yino. Neyomwanawo nohomba?”
33Ma nachimanyilisia, naboola, “Yee, neyomwana wanje. Esolo okhwola ebe nemuliiye. Omwana wanje Yosefu utonyelwe mubitonye.” 34Yakobo narandula tsingubo tsitsie musibeela ma niyeboha amakunia mus'sienjesie. Niyekhuula omwanawe amatukhu amenji. 35Abaanabe bosi abasiani nende abakhaana, nibeetsa okhumuhotselesia, nebutswa yasuula okhuhotselesibwa naboola, “Ndakhatsie musibala siabafwa nisimwekhuula omwana wanje.” Ma natsilil'la okhwekhuula omwanawe Yosefu.
36Ne Abaamidiani nabo bakusia Yosefu Emisiri khu Potifa, owali mulala khubakhongo bomuruchi we Misiri, omwemeli wabasikari.
Àwon tá yàn lọ́wọ́lọ́wọ́ báyìí:
OKHUCHIAKA 37: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHUCHIAKA 37
37
Yosefu nende abasiani babwe
1Yakobo yatsilil'la okhumenya musibala sia Kanaani aha samwana yamenyanga. 2Tsino nitsio tsinzibulo tsia Yakobo.
Olwa Yosefu yali omubuukha wemihika likhumi nende chine nachitaru, yali niyayanga emiruko halala nende abaana babwe abaana ba Biliha nende Silipa, abakhasi ba samwana. Yosefu yaleer'ranga samwana amang'ana amabi akabasiani babwe bakholanga.
3Yakobo yayanza Yosefu okhuyomba abaanabe bandi bosi, sichila yamwibula nali omusakhulu. Namunabila ekanzu yamakhono amarambi. 4Olwabaana babwe balola mbu samwana wayanza Yosefu okhuyomba singa yabayanza, basuula omusiani wabwe okhusila, kata sibali abanyala okhul'loma n'naye bulahi tawe.
5Litukhu elala mubutukhu, Yosefu yaloora lilooro, ne olwa yabool'lakhwo abaana babwe, bamusuula okhuyombakhwo esichelo. 6Yababool'la mbu, “Hul'le mubool'lekhwo lilooro liandor're. 7Fwesi khwali nikhuli m'mukunda nikhubohanga emirwe chiobule, ne esirwe sianje nisiisinjila silunji. Ebirwe bienywe nibibotokhana esirwe sianje ma nibisiinaamila.”
8Abaana babwe nibamureeba mbu, “Ibe opaalanga wakhaba omuruchi wefwe?” Nibameeta okhumusuula khulwa amalooro kaake nende amang'ana kaake.
9Khandi Yosefu naloora lilooro lindi ma nabool'la abaana babwe mbu, “Ndor're lilooro lindi, mbu eliuba, omwesi nende tsinyininyini likhumi nandala tsinyinamilanga.”
10Khandi yabool'la samwana akelilooro yilio ma samwana namulul'la, namubool'la mbu, “Yilio nelilooro liambila sina? Ibe opaalanga mbu mamawo, abaana benywe nende ise khwakhakhwinamila?” 11Abaana babwe nibamulol'la obubi, nebutswa samwana yatsilil'la okhupaala khumang'ana yako.#Ebikh. 7:9
Yosefu yakusibwa ma nahilwa Emisiri
12Litukhu elala olwabaana banga Yosefu bali nibatsiye okhwaya ebiayo bia samwana mu Shekemu, 13Yakobo yabool'la Yosefu mbu, “Nyenyanga otsie Shekemu, habaana benywe batsiye okhwaya ebiayo.”
Yosefu nakalusia mbu, “Ise nderechekhele okhutsia.”
14Samwana naboola, “Tsia olole nikali abaana benywe nabalamu khandi nikali ebiayo bili bulahi, ma witse okhumbool'la.” Ma namuruma okhutsia mwibanda lia Heburoni.
Yosefu yoola Shekemu 15ma naba achendachendanga musibala yimwo olwa omundu undi yamulola ma namureeba mbu, “Okhabanga sina?”
16Naye nakalusia mbu, “Khabanga abaana befwe abaitsile okhwaya ebiayo yino. Wakhambool'la ahabali?”
17Omundu uyo naboola, “Mbaale barul'le. Mbuliiye nibaboolanga batsie Dotsani.” Ma Yosefu nalondel'la abaana babwe ma nabanyool'la Dotsani.
18Bamulola nasili ehale, ne olwayali nasili okhwola ahabali, nibalomba obwa banyala okhumwira. 19Nibabool'lana abene khubene mbu, “Omuloori wamalooro ngwoyo yetsanga. 20Chende khumwire, ma khufuube om'bili kukwe mwiyabo elala okhuyaaka. Nakhuboole butswa mbu esolo emuliiye, khe nakhulole obwa amalooroke kakhabe.”
21Rubeni yahul'la nibaboolanga mbwo ma nateema okhuhonia Yosefu. Naboola mbu, “Khuramwira tawe. 22Khumufuube butswa mwiyabo yili musitsiimi muno, nebutswa muramusalisia tawe.” Yaboolanga yaka khe abe onyala okhukalukha okhumuhonia ma amukalusie khusamwana. 23Olwa Yosefu yoola habaana babwe bali, bamunaabula ekanzuye eyamakhono amarambi. 24Ma nibamubukula nibamufuuba mwiyabo eliali niliooma.
25Olwabali nibaliitsanga, balola omukanda kwabachendi ba Ishimaeli nibarulanga Gileadi nibahenjele Emisiri. Tsingamia tsiabwe tsiali nitsichinjile omusaala kwomwayo omulahi nende manemane. 26Yuda nabool'la abaana babwe, “Nisina esianakhunyoole nikali khwakheera omwana wefwe ma khubise? 27Chende khumukusie khu Baishimaeli yaba, khulekhe okhumusaalisia sichila ye no mwana wefwe, owamatsahi kefwe.” Abaana babwe nibahuchil'la. 28Olwa abakholi bobukhala okhurula Midiani boolaho, abahabwe Yosefu nibamukhweesa okhurula mwiyabo ma nibamukusia khu Baishimaeli ebitonye biefetsa amakhumi kabili. Ma nabo nibamuhila Emisiri.#Ebikh. 7:9
29Olwa Rubeni yakalukha khwiyabo ma nanyoola Yosefu salimwo tawe, yarandula tsingubotsie musibeela. 30Nakalukha khubaana babwe naboola, “Omusiani salimwo tawe, nakhole mbwena?”
31Ma nibeera imbusi, ne nibeena ekanzu ya Yosefu mumatsahi kayo. 32Nibahil'la samwana ekanzu, nibamubool'la mbu, “Khunyooye ekanzu yino. Neyomwanawo nohomba?”
33Ma nachimanyilisia, naboola, “Yee, neyomwana wanje. Esolo okhwola ebe nemuliiye. Omwana wanje Yosefu utonyelwe mubitonye.” 34Yakobo narandula tsingubo tsitsie musibeela ma niyeboha amakunia mus'sienjesie. Niyekhuula omwanawe amatukhu amenji. 35Abaanabe bosi abasiani nende abakhaana, nibeetsa okhumuhotselesia, nebutswa yasuula okhuhotselesibwa naboola, “Ndakhatsie musibala siabafwa nisimwekhuula omwana wanje.” Ma natsilil'la okhwekhuula omwanawe Yosefu.
36Ne Abaamidiani nabo bakusia Yosefu Emisiri khu Potifa, owali mulala khubakhongo bomuruchi we Misiri, omwemeli wabasikari.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019