OKHURULA 5
5
Musa nende Haruni batsia khumuruchi we Misiri
1Kho Musa nende Haruni batsia Emisiri ma nibaboola mbu, “OMWAMI Nyasaye wa Isiraeli aboolanga mbu, ‘Lakhuula abandu banje batsie okhukhola lisabo musitsiimi okhumbelesia oluyali.’ ”
2Omuruchi nareeba mbu, “OMWAMI niwina? Nisina esichila muhul'le ma ndakhuule Abaisiraeli batsie? Ise sindamanya OMWAMI uyo tawe, ne sinzia okhulakhuula Abaisiraeli okhutsia tawe.”
3Musa nende Haruni nibakalusia, “Nyasaye wa Baheburania webisuuye khu ifwe. Okhuhuchil'le okhutsia oluchendo lwamatukhu kataru okhuhaana omusango khu MWAMI Nyasaye wefwe. Nikhurakhola mbwo yakhakhwira nolufu nohomba nende lihe.”
4Omuruchi nabool'la Musa nende Haruni mbu, “Nisina esichilanga nimukhola abandu okhulekha emilimo chiabwe? Kalusie abasumba khumilimo chiabwe! 5Abandu inywe mwahinjihan'ne okhusila okhuyomba Abaamisiri. Ne luno mwenya okhulekha okhukhola emilimo!”
6Litukhu liene yilio omuruchi yalaka abandu bokhuhachia abasumba okhukhola emilimo nende abasinjil'langa Abaisiraeli okhukhola emilimo mbu, 7“Mulekhe okhuha abandu obunyasi bwokhusamba amatifwali. Mulekhe abene batsie okhuburuna. 8Nebutswa mubahachie okhulomba amatifwali akahelan'ne nende akabalombanga khasotso, nilirakhalemakhwo kata elala tawe. Sibali nende ekasi inyinji eyokhukhola tawe, ne nisio esichilanga nibatsilil'la okhureeba mbu mbalakhuule batsie okhuhaana omusango khu Nyasaye wabwe! 9Mutiyie abandu yabo butinyu ne barahulukhakhwo tawe, kho babule obweyangu bwokhuhia amang'ana kobubehi.”
10Abandu bokhuhachia abasumba okhukhola emilimo nende abasinjil'li ba Baisiraeli okhukhola emilimo batsia khu Baisiraeli nibababool'la mbu, “Omuruchi yali okhuboola mbu sinatsilil'la okhumuleer'ra obunyasi tawe. 11Aboolanga okhwola abene mutsie okhuburuna hosi aha munyala okhubunyoola. Nebutswa mutsilil'le okhulomba amatifwali akahelana nende akamulombanga khasotso.” 12Kho abandu batsia mu Misiri habundu hosi nibakhabanga obunyasi. 13Abandu bokhuhachia abasumba okhukhola emilimo batsilil'la okhuhachia abandu okhulomba amatifwali akahelana nende akabalombanga sielitukhu nyinga bahebwanga obunyasi. 14Abokhuhachia abasumba okhukhola emilimo be Misiri batiabanga abasinjil'li bemilimo Abaisiraeli aba bali nibareeye okhusinjil'la emilimo. Babareeba mbu, “Nisina esichilanga nimuralomba amatifwali akahelana nende akamwalombelenje?”
15Ma abanyapala Baisiraeli yabo batsia okhwekaana khumuruchi, nibaboola mbu, “Omwami! Nisina esichilanga nokhukhol'la kano? 16Sikhuhebwanga obunyasi tawe, nebutswa khusilakwanga butswa okhulomba amatifwali! Ne luno ifwe khutiabwanga ne niwe ochilanga.”
17Omuruchi nakalusia mbu, “Inywe muli abakara, ne simwenyanga okhutiya tawe, ne nisio esichilanga nimureeba mulakhuule mutsie okhuhaana omusango khu MWAMI. 18Luno kalukhe khumilimo! Sinamuhebwekhwo obunyasi tawe, nebutswa okhwola mulombe amatifwali akahelana butswa nende aka mwalombelenje.” 19Abanyapala yabo bamanya mbu bali mumunyakhano olwa babool'lwa balombe amatifwali akahelana nende akabalombelenje sielitukhu.
20Olwa bali nibarulanga khumuruchi, babukaana nende Musa nali nende Haruni abali nibabalindil'langa. 21Abanyapala nibabool'la Musa nende Haruni mbu, “OMWAMI uluutsi aka mwakhol'le ne namuhe esinyasio khulwokhuchila omuruchi nende abakhongobe okhukhubihil'lwa. Mubaheye injila yokhukhwira.”
Musa yekaana khu MWAMI
22Kho Musa khandi nakalukha khu MWAMI namubool'la mbu, “OMWAMI, nisina esichilanga nokhupia abandubo esibi? Nisina esiachila niuruma hano? 23Okhurula olwa ndatsia khumuruchi okhumubool'la aka waaruma, abasandianga okhusila. Nawe sibulakhwoho esiokhol'le okhubakhonya!”
Àwon tá yàn lọ́wọ́lọ́wọ́ báyìí:
OKHURULA 5: EBAIBO
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
OKHURULA 5
5
Musa nende Haruni batsia khumuruchi we Misiri
1Kho Musa nende Haruni batsia Emisiri ma nibaboola mbu, “OMWAMI Nyasaye wa Isiraeli aboolanga mbu, ‘Lakhuula abandu banje batsie okhukhola lisabo musitsiimi okhumbelesia oluyali.’ ”
2Omuruchi nareeba mbu, “OMWAMI niwina? Nisina esichila muhul'le ma ndakhuule Abaisiraeli batsie? Ise sindamanya OMWAMI uyo tawe, ne sinzia okhulakhuula Abaisiraeli okhutsia tawe.”
3Musa nende Haruni nibakalusia, “Nyasaye wa Baheburania webisuuye khu ifwe. Okhuhuchil'le okhutsia oluchendo lwamatukhu kataru okhuhaana omusango khu MWAMI Nyasaye wefwe. Nikhurakhola mbwo yakhakhwira nolufu nohomba nende lihe.”
4Omuruchi nabool'la Musa nende Haruni mbu, “Nisina esichilanga nimukhola abandu okhulekha emilimo chiabwe? Kalusie abasumba khumilimo chiabwe! 5Abandu inywe mwahinjihan'ne okhusila okhuyomba Abaamisiri. Ne luno mwenya okhulekha okhukhola emilimo!”
6Litukhu liene yilio omuruchi yalaka abandu bokhuhachia abasumba okhukhola emilimo nende abasinjil'langa Abaisiraeli okhukhola emilimo mbu, 7“Mulekhe okhuha abandu obunyasi bwokhusamba amatifwali. Mulekhe abene batsie okhuburuna. 8Nebutswa mubahachie okhulomba amatifwali akahelan'ne nende akabalombanga khasotso, nilirakhalemakhwo kata elala tawe. Sibali nende ekasi inyinji eyokhukhola tawe, ne nisio esichilanga nibatsilil'la okhureeba mbu mbalakhuule batsie okhuhaana omusango khu Nyasaye wabwe! 9Mutiyie abandu yabo butinyu ne barahulukhakhwo tawe, kho babule obweyangu bwokhuhia amang'ana kobubehi.”
10Abandu bokhuhachia abasumba okhukhola emilimo nende abasinjil'li ba Baisiraeli okhukhola emilimo batsia khu Baisiraeli nibababool'la mbu, “Omuruchi yali okhuboola mbu sinatsilil'la okhumuleer'ra obunyasi tawe. 11Aboolanga okhwola abene mutsie okhuburuna hosi aha munyala okhubunyoola. Nebutswa mutsilil'le okhulomba amatifwali akahelana nende akamulombanga khasotso.” 12Kho abandu batsia mu Misiri habundu hosi nibakhabanga obunyasi. 13Abandu bokhuhachia abasumba okhukhola emilimo batsilil'la okhuhachia abandu okhulomba amatifwali akahelana nende akabalombanga sielitukhu nyinga bahebwanga obunyasi. 14Abokhuhachia abasumba okhukhola emilimo be Misiri batiabanga abasinjil'li bemilimo Abaisiraeli aba bali nibareeye okhusinjil'la emilimo. Babareeba mbu, “Nisina esichilanga nimuralomba amatifwali akahelana nende akamwalombelenje?”
15Ma abanyapala Baisiraeli yabo batsia okhwekaana khumuruchi, nibaboola mbu, “Omwami! Nisina esichilanga nokhukhol'la kano? 16Sikhuhebwanga obunyasi tawe, nebutswa khusilakwanga butswa okhulomba amatifwali! Ne luno ifwe khutiabwanga ne niwe ochilanga.”
17Omuruchi nakalusia mbu, “Inywe muli abakara, ne simwenyanga okhutiya tawe, ne nisio esichilanga nimureeba mulakhuule mutsie okhuhaana omusango khu MWAMI. 18Luno kalukhe khumilimo! Sinamuhebwekhwo obunyasi tawe, nebutswa okhwola mulombe amatifwali akahelana butswa nende aka mwalombelenje.” 19Abanyapala yabo bamanya mbu bali mumunyakhano olwa babool'lwa balombe amatifwali akahelana nende akabalombelenje sielitukhu.
20Olwa bali nibarulanga khumuruchi, babukaana nende Musa nali nende Haruni abali nibabalindil'langa. 21Abanyapala nibabool'la Musa nende Haruni mbu, “OMWAMI uluutsi aka mwakhol'le ne namuhe esinyasio khulwokhuchila omuruchi nende abakhongobe okhukhubihil'lwa. Mubaheye injila yokhukhwira.”
Musa yekaana khu MWAMI
22Kho Musa khandi nakalukha khu MWAMI namubool'la mbu, “OMWAMI, nisina esichilanga nokhupia abandubo esibi? Nisina esiachila niuruma hano? 23Okhurula olwa ndatsia khumuruchi okhumubool'la aka waaruma, abasandianga okhusila. Nawe sibulakhwoho esiokhol'le okhubakhonya!”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019