Ndandililo 4
4
Che Kaini ni che Abeli
1Nipele Che Adamu ŵagonile ni ŵankwawo che Hawa, ni ŵaliji ni chitumbo, ŵammeleche Kaini. Che Hawa ŵatite, “Ambuje Akunnungu angamwisye meleche mwanache jwa chilume.” 2Kanyuma ŵammeleche mwanache jwine jwa chilume, ŵammilasile Abeli. Che Abeli ŵaliji jwakuchinga ngondolo, nambo che Kaini ŵaliji jwakulima. 3Lyuwa limo, che Kaini ŵapeleche sadaka ja magungulo gakwe kwa Ambuje. 4Ni che Abeli ŵaapelechele Akunnungu sadaka ja inyama yakunakana ya mmeleko wandanda. Ambuje ŵanonyelwe ni che Abeli pamo ni sadaka jao, 5nambo Ambuje ngananonyelwa ni che Kaini namose sadaka jao. Kwayele che Kaini ŵatumbile nnope ni kutaŵa sinya kumeso. 6Nipele Ambuje ŵaasalile che Kaini, “Kwachichi nkutumbila? Ni kwachichi ntaŵile sinya kumeso? 7Iŵaga chintende yambone, ngankundikwa? Nambo pakuŵa ntesile chigongomalo, sambi jili pa nnango penu, jikunnupata, nambo nkusachilwa kusipunda.”
8Nipele che Kaini ŵasalile che Abeli mpwakwe, “Twende kungunda.” Paŵaliji kungunda, che Kaini ŵanguluchile che Abeli mpwakwe ni kumbulaga. 9Ambuje Akunnungu ŵammusisye che Kaini, “Apwenu che Abeli ali kwapi?” Che Kaini ŵajanjile, “Kwaali! Uli, une ndili jwakunnindilila mpwanga?” 10Nipele Ambuje Akunnungu ŵausisye, “Ntesile ichichi? Miasi ja mpwenu jikuundilila kutyochela mu litaka. 11Sambano nlweseche mmwe ni kutopolwa pa litaka lyalikwembile miasi ja mpwenu jwamummuleje. 12Pachinlime, litaka ngalimpa magungulo. Chimme mundu jwa kwendajenda pachilambo, jwangali liuto lyakutama.”
13Che Kaini ŵaasalile Ambuje Akunnungu, “Lijamuko limumbele likusile nnope, ngulepela kupililila. 14Nnole, lelo muminjile kutyochela pa litaka lya chajila ni kutalikangana ni mmwe. Nipele chime mundu jwakwendajenda, jwangali liuto lyakutama pa chilambo, ni julijose juchasimane ni une chamulaje.” 15Nambo Ambuje ŵanjanjile, “Ngwamba! Juchammulaje mmwe chauchiswe mala saba.” Nipele Ambuje ŵantasile chimanyililo che Kaini, kuti jwalijose juchammone anammulaje. 16Nipele che Kaini ŵatyosile paujo pa Ambuje, ni kwaula kukutama chilambo cha ku Nodi, chachili kungopochelo lyuwa kwa Edeni.
Uŵelesi u che Kaini
17Che Kaini ŵagonile ni ŵankwawo, nombejo ŵaliji ni chiilu, ŵammeleche mwanache jwannume liina lyakwe Enoki. Nipele che Kaini ŵataŵile musi ni ŵauŵilasile musi wo Enoki liina lya mwanagwe jo. 18Kwa che Enoki ŵapagwile che Iladi ni che Iladi ŵammeleche che Mehuyaeli, che Mehuyaeli ŵammeleche che Mesushaeli ni che Mesushaeli ŵammeleche che Lameki. 19Che Lameki ŵalombele maŵasa, jwaandanda liina lyakwe che Ada ni jwine che Sila. 20Che Ada ŵammeleche che Yabali juŵaliji atati ŵa ŵandu ŵakulanga inyama ni ŵakutama mmasakasa. 21Mpwakwe che Yabali ŵaliji che Yubali, jweleju ŵaliji atati jwa wose ŵakugomba ing'wenyeng'wenye ni ipeta. 22Che Sila nombe ŵammeleche che Tubali Kaini, juŵaliji jwakusyana yoombo ya shaba ni ya isyano. Alumbugwe che Tubali Kaini ŵaliji che Naama.
23Che Lameki ŵaasalile achiŵankwakwe,
“Mwanya che Ada ni che Sila mumbikanile! Mpikane inguŵecheta, ŵanyamwe achiŵankwakwe che Lameki: Nammuleje mundu ligongo ŵambeteche, ni nammuleje mundu ligongo ŵamulesye.
24Iŵaga che Kaini chauchiswe mala saba,
isyene che Lameki chauchiswe mala sabini na saba.”
Che Seti ni che Enoshi
25Che Adamu ŵagonile ni ŵankwawo sooni, ni che Hawa ŵammeleche mwanache jwannume ni kummilanga liina lyakwe Seti, achitiji, “Akunnungu ambele mwanache pa liuto lya che Abeli, juŵaulegwe ni che Kaini.” 26Che Seti ŵaŵeleche mwanache jwannume juŵampele liina lyakwe che Enoshi. Pelepo ni paŵatandite ŵandu kwapopelela Ambuje.
Àwon tá yàn lọ́wọ́lọ́wọ́ báyìí:
Ndandililo 4: YBV
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Yao New Testament © The Word for the World Southern Africa and Pioneer Bible Translators, 2018.
Ndandililo 4
4
Che Kaini ni che Abeli
1Nipele Che Adamu ŵagonile ni ŵankwawo che Hawa, ni ŵaliji ni chitumbo, ŵammeleche Kaini. Che Hawa ŵatite, “Ambuje Akunnungu angamwisye meleche mwanache jwa chilume.” 2Kanyuma ŵammeleche mwanache jwine jwa chilume, ŵammilasile Abeli. Che Abeli ŵaliji jwakuchinga ngondolo, nambo che Kaini ŵaliji jwakulima. 3Lyuwa limo, che Kaini ŵapeleche sadaka ja magungulo gakwe kwa Ambuje. 4Ni che Abeli ŵaapelechele Akunnungu sadaka ja inyama yakunakana ya mmeleko wandanda. Ambuje ŵanonyelwe ni che Abeli pamo ni sadaka jao, 5nambo Ambuje ngananonyelwa ni che Kaini namose sadaka jao. Kwayele che Kaini ŵatumbile nnope ni kutaŵa sinya kumeso. 6Nipele Ambuje ŵaasalile che Kaini, “Kwachichi nkutumbila? Ni kwachichi ntaŵile sinya kumeso? 7Iŵaga chintende yambone, ngankundikwa? Nambo pakuŵa ntesile chigongomalo, sambi jili pa nnango penu, jikunnupata, nambo nkusachilwa kusipunda.”
8Nipele che Kaini ŵasalile che Abeli mpwakwe, “Twende kungunda.” Paŵaliji kungunda, che Kaini ŵanguluchile che Abeli mpwakwe ni kumbulaga. 9Ambuje Akunnungu ŵammusisye che Kaini, “Apwenu che Abeli ali kwapi?” Che Kaini ŵajanjile, “Kwaali! Uli, une ndili jwakunnindilila mpwanga?” 10Nipele Ambuje Akunnungu ŵausisye, “Ntesile ichichi? Miasi ja mpwenu jikuundilila kutyochela mu litaka. 11Sambano nlweseche mmwe ni kutopolwa pa litaka lyalikwembile miasi ja mpwenu jwamummuleje. 12Pachinlime, litaka ngalimpa magungulo. Chimme mundu jwa kwendajenda pachilambo, jwangali liuto lyakutama.”
13Che Kaini ŵaasalile Ambuje Akunnungu, “Lijamuko limumbele likusile nnope, ngulepela kupililila. 14Nnole, lelo muminjile kutyochela pa litaka lya chajila ni kutalikangana ni mmwe. Nipele chime mundu jwakwendajenda, jwangali liuto lyakutama pa chilambo, ni julijose juchasimane ni une chamulaje.” 15Nambo Ambuje ŵanjanjile, “Ngwamba! Juchammulaje mmwe chauchiswe mala saba.” Nipele Ambuje ŵantasile chimanyililo che Kaini, kuti jwalijose juchammone anammulaje. 16Nipele che Kaini ŵatyosile paujo pa Ambuje, ni kwaula kukutama chilambo cha ku Nodi, chachili kungopochelo lyuwa kwa Edeni.
Uŵelesi u che Kaini
17Che Kaini ŵagonile ni ŵankwawo, nombejo ŵaliji ni chiilu, ŵammeleche mwanache jwannume liina lyakwe Enoki. Nipele che Kaini ŵataŵile musi ni ŵauŵilasile musi wo Enoki liina lya mwanagwe jo. 18Kwa che Enoki ŵapagwile che Iladi ni che Iladi ŵammeleche che Mehuyaeli, che Mehuyaeli ŵammeleche che Mesushaeli ni che Mesushaeli ŵammeleche che Lameki. 19Che Lameki ŵalombele maŵasa, jwaandanda liina lyakwe che Ada ni jwine che Sila. 20Che Ada ŵammeleche che Yabali juŵaliji atati ŵa ŵandu ŵakulanga inyama ni ŵakutama mmasakasa. 21Mpwakwe che Yabali ŵaliji che Yubali, jweleju ŵaliji atati jwa wose ŵakugomba ing'wenyeng'wenye ni ipeta. 22Che Sila nombe ŵammeleche che Tubali Kaini, juŵaliji jwakusyana yoombo ya shaba ni ya isyano. Alumbugwe che Tubali Kaini ŵaliji che Naama.
23Che Lameki ŵaasalile achiŵankwakwe,
“Mwanya che Ada ni che Sila mumbikanile! Mpikane inguŵecheta, ŵanyamwe achiŵankwakwe che Lameki: Nammuleje mundu ligongo ŵambeteche, ni nammuleje mundu ligongo ŵamulesye.
24Iŵaga che Kaini chauchiswe mala saba,
isyene che Lameki chauchiswe mala sabini na saba.”
Che Seti ni che Enoshi
25Che Adamu ŵagonile ni ŵankwawo sooni, ni che Hawa ŵammeleche mwanache jwannume ni kummilanga liina lyakwe Seti, achitiji, “Akunnungu ambele mwanache pa liuto lya che Abeli, juŵaulegwe ni che Kaini.” 26Che Seti ŵaŵeleche mwanache jwannume juŵampele liina lyakwe che Enoshi. Pelepo ni paŵatandite ŵandu kwapopelela Ambuje.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Yao New Testament © The Word for the World Southern Africa and Pioneer Bible Translators, 2018.