2 Ịsamụwẹrị 20
20
Ịsẹba ộ kwẹẹtẹ tù ohinọyị Idevidi
1 #
1 Ohi 12.16; 2 Ịtọ 10.16 Â nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.” 2Ịzẹyịza dị avaba Anisirẹrị va hụrẹ ịrẹma Idevidi, dị kụkụ và ka Ịsẹba ozi Ibikiri na nị. Ama dị anọrụ Anijuda ẹnị jẹẹ pè Idevidi ohinọyị ẹnịnị, dị ẹ saasa hụrẹ Ijodani huu na ngụ Ijerusarẹmị nị.
Ese Idevidi ẹẹwụ ene hi Ijerusarẹmị
3 #
2 Ịsa 16.22
Idevidi ọ va sị ngụ ini eehi anị Ijerusarẹmị, dị ọ kụ onyeehi anị ẹẹwụ ọnị ọ navọ hi ịzọọ ka è si eyi pè irehi, ne pe oserẹtẹ ka èe sere wa nị. Idevidi aa tẹsị ẹnịnị, ana o yi tù ịda ẹnịnị. Avọọ a mè gu oze hi wa pooro ne tù ụmẹ ẹnị e si sú nị. Ẹnịnị vị ana ra anka osoku avọọ.
Isoja nịnị aa dụ Ịsẹba
4Di ohinọyị ka Amasa ọ̀ hụ́ anọrụ Anijuda gụ yị ọnị ịnị akakana ẹkụhị ẹẹta, dị ọnị Amasa ọ̀ jẹẹ pè ọnị. 5Ịzẹyịza dị Amasa si hu aa naa kụ́ Anijuda nị. Ama ọ yị vavẹ ịnị ụmẹ oni ohinọyị kà yọ.
6Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”
Ijowabi ộ wụ̀ Amasa
7Dị aza Ijowabi ọnịrị Anikereti nịnị ne beri Anipereti nịnị ọnịrị avaba isoja ana vọ jịnẹ hi ẹhẹ hụrẹ Ijerusarẹmị dị ẹ yaa dụ Ịsẹba ozi Ibikiri nị. 8Ẹnịnị e ne si tù ịrẹta ọbanyị ana yà Igibiyọnị dị Amasa na gẹrị wa ịzọọ nị. Ijowabi ô chire awuru anị, dị ọ sị ụhwọ anị tụ́ ịnị ahaba, dị ọ hara tụra awuru anị nị. Ọ mẹ̀ jịnẹ aa na dị ụhwọ ọnọọ sị hụrẹ nị. 9Di Ijowabi kà a yị Amasa dị ọ ka, “A vị à yị nyị ịrẹyị ọhụva anị?” Di Ijowabi za Amasa ụvọrị ka oni ò kú ọ irenu nị. 10Ama Amasa o yi si eyi pè ẹtẹ di ò ve re ụhwọ ana yarị Ijowabi. Di Ijowabi ne ụhwọ ngụ ọ ịrẹka, dị ọ ka a iruvu và hi ẹtẹ nị. Avọọ Ijowabi mẹ̀ yị jẹẹ pè e di o sú nị. Di Ijowabi ọnịrị ọyịnyara anị kụ́ hi Ịsẹba ozi Ibikiri, dị ẹ yaa dụ ọ nị. 11Â nyị ọnya ịnị aza Ijowabi ana jẹẹ ịzọọ. Dị ọ ka ọza ọnịrị Ijowabi ne beri Idevidi ọ̀ọ ya ẹ̀ẹ dụ Ijowabi na.
12Di Amasa ọnị muna tịtẹ ịnị akakana oze nị. Aza Ijowabi ê re ka avaba aza aa kà ahụụ jẹẹ ịzọọ eyee re e. Di e tura oku Amasa hụrẹ oze na tụ́ ịnị avị nị. Dị ẹ sị ịta kú oku anị tụ́ ịzọọ nị.
13A mẹ̀ si oku Amasa tura hụrẹ oze, dị avaba aza ẹnẹẹ para hu, dị ẹ saasa Ijowabi dị ẹ yaa Ịsẹba ozi Ibikiri nị. 14Ịsẹba ộ na para hu ịnị avaba ẹkụra Anisirẹrị, dị ọ na ngụ ẹkụra ana aā hị́ Ebẹrị-Ịbẹtị-Imaaka, dị avaba Anịberi wara gụ, dị ẹ saasa Ịsẹba nị.
15Ịjị aza Ijowabi wụ́ ka Ịsẹba ya ẹkụra Ebẹrị-Ịbẹtị-Imaaka, dị ẹ vẹ ịzọọ, dị ẹ ta kara a, dị ẹ kụ́ ezi kara a, dị ẹ yaa chị ọvọ anị nị. Avaba aza Ijowabi ẹ sị jị ngịrị-ngịrị ka vị ẹnị ee wu ugene ọnọọ nị.
Ọnyẹnẹẹ ana yẹ ịrẹyị ộ dọ ẹkụra ha
16Â nyị ọnyẹnẹẹ ọnya aanị ana yẹ ịrẹyị ana yà ịnị ẹkụra ọnọọ. Di o nowu dị ọ ka, “Batọ nịnị! Aarịhịnị kà a yị Ijowabi ka ọ̀ kà vẹ ka â nyị ịsị mee sì ka ma ka yọ.” 17Ịzẹyịza di Ijowabi kà pè e nị. Dị ọnẹẹ ọnọọ ka, “Ẹwáá vi Ijowabi nị?” Di Ijowabi ka hịịn nị. Dị ọnẹẹ ọnọọ kà, “Aarịhịnị batọ wa wụ́ ịrẹyị amị.” Di Ijowabi ka ọnị aa wụ́. 18Dị ọnẹẹ ọnọọ ka, “A vịdị kà a ịyẹẹyẹ ka ịsa ọza èe họ̀ use, òo tù ịnị ẹkụra Ẹba, o vee re ohii dọ. Ịzẹyịza èe tù ịzọọ vi e yee re ohii dọ nị. 19Ẹyị vị ọnya ịnị ẹkụra ẹngwọọrọ ọnịrị ẹkụra ana nyị ịzẹyịza ịnị ẹtẹ Anisirẹrị. Ama ụ ka àa chaka ẹkụra ọnọnị. Yàa yà ini Anisirẹrị, sị ẹ vẹ dị ụ ka aa chaka ịsa ana vị ịsa Ẹnẹyịmavara?” 20Di Ijowabi ka vụrụ-vụrụ, ọnị ọ yị kà ka ọnị aa chaka ẹkụra ọnẹẹ ọnọọ. 21Di Ijowabi ka, “Ẹyị vị avọọ. Ama â nyị ọnọrụ ọnya aanị ana aā hị́ Ịsẹba ozi Ibikiri ana vị Anehwireemi. Wàa sị ọnọrụ ọnọọ ọnị ịnya kẹnẹ yị, ve nyee kwooze yị ẹkụra ọnọnị nị.” Dị ọnẹẹ ọnọọ kà a yị Ijowabi dị ọ ka, “Mi vee ne ịrẹsụ ọza ọnọọ jịnẹ ọvọ va yị wụ.” 22Ịzẹyịza ọnẹẹ ọnọọ ọ sị eto mẹ, dị ọ sị eto ọnọọ ne tù avaba aza anị nị. Dị ẹ na jị Ịsẹba ozi Ibikiri ịrẹsụ, di e ne e yị Ijowabi nị. Di e hú ọpanyị, dị ẹ navọ ẹkụra ọnọọ, dị ọzọza varẹma aa nọ udi anị nị. Di Ijowabi ọnị varẹma nọ Ijerusarẹmị ne tù ohinọyị nị.
Ịrẹha ọga isoja Idevidi nini ọsa
23Ijowabi ọnị vị ọga avaba isoja Anisirẹrị, di Ịbẹnaya ozi Ijehoyada ọnị si eyi pè aza ene ee sere Idevidi nị. 24Adorami ọnị vị ọga aza ana aa mẹ̀ ụkọrọ, di Ijehosahwati ozi Ahirudi ọnị vị ọchẹrịsa nị. 25Isiya ọnị vị ọchẹrịsa ini eehi ohinọyị, di Ịzadọkị ọnịrị Abiyata ẹnị vị ohirẹsụ ẹbanyị irehi Ohomorihi nị. 26Di Ịra ana vị Anịjarị ọnị vị ohirẹsụ irehi Ohomorihi ana yà idi Idevidi nị.
Àwon tá yàn lọ́wọ́lọ́wọ́ báyìí:
2 Ịsamụwẹrị 20: EBTP
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.
2 Ịsamụwẹrị 20
20
Ịsẹba ộ kwẹẹtẹ tù ohinọyị Idevidi
1 #
1 Ohi 12.16; 2 Ịtọ 10.16 Â nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.” 2Ịzẹyịza dị avaba Anisirẹrị va hụrẹ ịrẹma Idevidi, dị kụkụ và ka Ịsẹba ozi Ibikiri na nị. Ama dị anọrụ Anijuda ẹnị jẹẹ pè Idevidi ohinọyị ẹnịnị, dị ẹ saasa hụrẹ Ijodani huu na ngụ Ijerusarẹmị nị.
Ese Idevidi ẹẹwụ ene hi Ijerusarẹmị
3 #
2 Ịsa 16.22
Idevidi ọ va sị ngụ ini eehi anị Ijerusarẹmị, dị ọ kụ onyeehi anị ẹẹwụ ọnị ọ navọ hi ịzọọ ka è si eyi pè irehi, ne pe oserẹtẹ ka èe sere wa nị. Idevidi aa tẹsị ẹnịnị, ana o yi tù ịda ẹnịnị. Avọọ a mè gu oze hi wa pooro ne tù ụmẹ ẹnị e si sú nị. Ẹnịnị vị ana ra anka osoku avọọ.
Isoja nịnị aa dụ Ịsẹba
4Di ohinọyị ka Amasa ọ̀ hụ́ anọrụ Anijuda gụ yị ọnị ịnị akakana ẹkụhị ẹẹta, dị ọnị Amasa ọ̀ jẹẹ pè ọnị. 5Ịzẹyịza dị Amasa si hu aa naa kụ́ Anijuda nị. Ama ọ yị vavẹ ịnị ụmẹ oni ohinọyị kà yọ.
6Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”
Ijowabi ộ wụ̀ Amasa
7Dị aza Ijowabi ọnịrị Anikereti nịnị ne beri Anipereti nịnị ọnịrị avaba isoja ana vọ jịnẹ hi ẹhẹ hụrẹ Ijerusarẹmị dị ẹ yaa dụ Ịsẹba ozi Ibikiri nị. 8Ẹnịnị e ne si tù ịrẹta ọbanyị ana yà Igibiyọnị dị Amasa na gẹrị wa ịzọọ nị. Ijowabi ô chire awuru anị, dị ọ sị ụhwọ anị tụ́ ịnị ahaba, dị ọ hara tụra awuru anị nị. Ọ mẹ̀ jịnẹ aa na dị ụhwọ ọnọọ sị hụrẹ nị. 9Di Ijowabi kà a yị Amasa dị ọ ka, “A vị à yị nyị ịrẹyị ọhụva anị?” Di Ijowabi za Amasa ụvọrị ka oni ò kú ọ irenu nị. 10Ama Amasa o yi si eyi pè ẹtẹ di ò ve re ụhwọ ana yarị Ijowabi. Di Ijowabi ne ụhwọ ngụ ọ ịrẹka, dị ọ ka a iruvu và hi ẹtẹ nị. Avọọ Ijowabi mẹ̀ yị jẹẹ pè e di o sú nị. Di Ijowabi ọnịrị ọyịnyara anị kụ́ hi Ịsẹba ozi Ibikiri, dị ẹ yaa dụ ọ nị. 11Â nyị ọnya ịnị aza Ijowabi ana jẹẹ ịzọọ. Dị ọ ka ọza ọnịrị Ijowabi ne beri Idevidi ọ̀ọ ya ẹ̀ẹ dụ Ijowabi na.
12Di Amasa ọnị muna tịtẹ ịnị akakana oze nị. Aza Ijowabi ê re ka avaba aza aa kà ahụụ jẹẹ ịzọọ eyee re e. Di e tura oku Amasa hụrẹ oze na tụ́ ịnị avị nị. Dị ẹ sị ịta kú oku anị tụ́ ịzọọ nị.
13A mẹ̀ si oku Amasa tura hụrẹ oze, dị avaba aza ẹnẹẹ para hu, dị ẹ saasa Ijowabi dị ẹ yaa Ịsẹba ozi Ibikiri nị. 14Ịsẹba ộ na para hu ịnị avaba ẹkụra Anisirẹrị, dị ọ na ngụ ẹkụra ana aā hị́ Ebẹrị-Ịbẹtị-Imaaka, dị avaba Anịberi wara gụ, dị ẹ saasa Ịsẹba nị.
15Ịjị aza Ijowabi wụ́ ka Ịsẹba ya ẹkụra Ebẹrị-Ịbẹtị-Imaaka, dị ẹ vẹ ịzọọ, dị ẹ ta kara a, dị ẹ kụ́ ezi kara a, dị ẹ yaa chị ọvọ anị nị. Avaba aza Ijowabi ẹ sị jị ngịrị-ngịrị ka vị ẹnị ee wu ugene ọnọọ nị.
Ọnyẹnẹẹ ana yẹ ịrẹyị ộ dọ ẹkụra ha
16Â nyị ọnyẹnẹẹ ọnya aanị ana yẹ ịrẹyị ana yà ịnị ẹkụra ọnọọ. Di o nowu dị ọ ka, “Batọ nịnị! Aarịhịnị kà a yị Ijowabi ka ọ̀ kà vẹ ka â nyị ịsị mee sì ka ma ka yọ.” 17Ịzẹyịza di Ijowabi kà pè e nị. Dị ọnẹẹ ọnọọ ka, “Ẹwáá vi Ijowabi nị?” Di Ijowabi ka hịịn nị. Dị ọnẹẹ ọnọọ kà, “Aarịhịnị batọ wa wụ́ ịrẹyị amị.” Di Ijowabi ka ọnị aa wụ́. 18Dị ọnẹẹ ọnọọ ka, “A vịdị kà a ịyẹẹyẹ ka ịsa ọza èe họ̀ use, òo tù ịnị ẹkụra Ẹba, o vee re ohii dọ. Ịzẹyịza èe tù ịzọọ vi e yee re ohii dọ nị. 19Ẹyị vị ọnya ịnị ẹkụra ẹngwọọrọ ọnịrị ẹkụra ana nyị ịzẹyịza ịnị ẹtẹ Anisirẹrị. Ama ụ ka àa chaka ẹkụra ọnọnị. Yàa yà ini Anisirẹrị, sị ẹ vẹ dị ụ ka aa chaka ịsa ana vị ịsa Ẹnẹyịmavara?” 20Di Ijowabi ka vụrụ-vụrụ, ọnị ọ yị kà ka ọnị aa chaka ẹkụra ọnẹẹ ọnọọ. 21Di Ijowabi ka, “Ẹyị vị avọọ. Ama â nyị ọnọrụ ọnya aanị ana aā hị́ Ịsẹba ozi Ibikiri ana vị Anehwireemi. Wàa sị ọnọrụ ọnọọ ọnị ịnya kẹnẹ yị, ve nyee kwooze yị ẹkụra ọnọnị nị.” Dị ọnẹẹ ọnọọ kà a yị Ijowabi dị ọ ka, “Mi vee ne ịrẹsụ ọza ọnọọ jịnẹ ọvọ va yị wụ.” 22Ịzẹyịza ọnẹẹ ọnọọ ọ sị eto mẹ, dị ọ sị eto ọnọọ ne tù avaba aza anị nị. Dị ẹ na jị Ịsẹba ozi Ibikiri ịrẹsụ, di e ne e yị Ijowabi nị. Di e hú ọpanyị, dị ẹ navọ ẹkụra ọnọọ, dị ọzọza varẹma aa nọ udi anị nị. Di Ijowabi ọnị varẹma nọ Ijerusarẹmị ne tù ohinọyị nị.
Ịrẹha ọga isoja Idevidi nini ọsa
23Ijowabi ọnị vị ọga avaba isoja Anisirẹrị, di Ịbẹnaya ozi Ijehoyada ọnị si eyi pè aza ene ee sere Idevidi nị. 24Adorami ọnị vị ọga aza ana aa mẹ̀ ụkọrọ, di Ijehosahwati ozi Ahirudi ọnị vị ọchẹrịsa nị. 25Isiya ọnị vị ọchẹrịsa ini eehi ohinọyị, di Ịzadọkị ọnịrị Abiyata ẹnị vị ohirẹsụ ẹbanyị irehi Ohomorihi nị. 26Di Ịra ana vị Anịjarị ọnị vị ohirẹsụ irehi Ohomorihi ana yà idi Idevidi nị.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Ebira First Bible © Bible Society of Nigeria, 2014.