Mariko 8
8
Yesu aliisa abaandu babita elifu chine
(Mat 15:32-39)
1Mu ndaalo echo, esidiiyiha sy'abaandu sihoongo muno haandi syeebuusira eyiri Yesu, mani baahaywa esyohulya syoosi, Yesu yalaanga abeeki bae, yababoolera ati, 2“Esidiiyiha sy'abaandu sino sindiisa esisa muno, olwohuba syahaba ano naange endaalo chidatu enaamba, mani babula esyohulya syoosi; 3nae nimbaseebula bakobole engo waabwe neende enjala, bachia ohukwa hu ngira; haandi abaandi hu baandu bano batula eyale muno.” 4Nae abeeki bae bamukobolamo bati, “Wiina onyala ohuliisa abaandu baangi bano emigaati mu syaalo sy'esiparara sino?” 5Nae Yesu yabateeba ati, “Nae eng'we muli neende emigaati kiinga?” Baboola bati, “Kitaanu-na-kibiri.” 6Yesu yalagira esidiiyiha esyo ohwiihala aasi; mani yaabukula emigaati kitaanu-na-kibiri ekyo. Niyamala ohukiberesa ehabi, yakimekula-mekula, yaakiberesa abeeki bae bakikabe abaandu abo; mani bosi baahola batyo. 7Abeeki abo bali neende otung'eeni twosi tudiidi hooho, mani Yesu niyamala ohutuberesa ehabi, yaboola ati otung'eeni otwo twosi batukabe abaandu. 8Balya, beekutira elalira; mani nibabuusa ebidonye-donye byadoong'aho, byeechula ebikono bitaanu-na-bibiri. 9Abaandu balya bali aambi elifu chine enaamba. 10Yesu yamala atyo yaaseebula abaandu abo beweerao; mani abweene ao, yeengira mu lyaato alala neende abeeki bae, mani baachia mu situundu silaangwa siti, Dalimanuuta. #8:10 Dalimanuuta: Ebyandiiko bihuluundu bihale biindi bisoma biti ‘Magadani’ oba ‘Magidalena’.
Abafarisaayo basaba Yesu abaholere esy'amayia
(Mat 12:38-42; 16:1-4)
11 #
Mat 12:38; Luk 11:16. Olwoola, Abafarisaayo baandi beecha eyiri Yesu mani baachaaka ohuyiingana nae, nibamukoonyeresaho bati abaholere esilolero esy'amayia ohutula Muukulu. 12#Mat 12:39; Luk 11:29.Yesu yeesa omwooyo lukali muno, yaboola ati, “Lwasiina olwiibulo luno lukoonyeresa sa esilolero? Mbaboolera obwadyeeri endi, abulao esilolero sichia ohubereswa olwiibulo luno.” 13Yesu yabatulaho yaawaao, yeengira mu lyaato yaambuha engereha.
Amamera k'Abafarisaayo neende aka Herode
(Mat 16:5-12)
14Bulaanu abeeki bae bali nibebiriire ohwiicha neende emigaati; nae bali badoong'ere neende omugaati mulala kwoong'ene mu lyaato 15#Luk 12:1.Yesu yabakerakira n'aboola ati, “Mumanyaanga, mweliinde ohutula hu mamera k'Abafarisaayo neende aka Herode.” #8:15 Herode: Ebyandiiko bihuluundu bihale biindi bisoma biti, ‘Abaherode.’ 16Abeeki baboolanira abeene-na-beene bati, “Hubula omugaati kwoosi.” 17Nae olwohuba Yesu yali amalire ohusimanya, yababoolera ati, “Lwasiina muli ohwekaniayaanga muti mubula omugaati kwoosi? Eng'we mutoola ohuba neende ohubona oba kata ohumanya hwosi? Emyooyo kyeeng'we kyoomerana? 18#Yer 5:21; Esek 12:2; Mrk 4:12.Mwaaba neende emoni, mwaahaya ohubona? Haandi mwaaba neende amatwi, mwaahaya kata ohuwulira? Haandi kata simunyala ohwiichulisaho? 19Oludaalo lu ndamekula-mekuliraho emigaati kitaanu ohuliisa abaandu babita elifu chitaanu, eng'we mwabuusa ebikono biinga ebichuule ebituundu-tuundu byadoong'aho?” Nabo bamukobolamo bati, “Ehumi-na-bibiri.” 20“Nae emigaati kitaanu-na-kibiri ohuliisa abaandu ababita elifu chine, mwabuusa ebikono biinga ebichuule ebituundu-tuundu byadoong'aho?” Nabo bamukobolamo bati, “Bitaanu-na-bibiri.” 21Nae Yesu yeemao yaababoolera ati, “Kata katyo, musiisiiri ohubaaho neende ohumanya hwoosi?”
Yesu awonia omusaacha muwofu wa Bbetisaida
22Beemao boola Bbetisaida. Niboola eyo, abaandu baandi baleeta eyiri Yesu omusaacha muwofu, baamwekweeda bati amudiirehooho sa. 23Yesu yadiira omuhono kw'omusaacha muwofu oyo, yaamutusa erwaanyi w'olukoongo olwo; yaamufucha hu moni, haandi yaamwiisaho amahono kae, mani yaamuteeba ati, “Oli ohubonaho esiindu syosi-syosi?” 24Omusaacha oyo yatingaala aakulu mani yaaboola ati, “Ndi ohubona abaandu; nae bafwaana koti emisaala kikeenda.” 25Yesu haandi yata amahono kae hu moni ch'omusaacha oyo; mani omusaacha oyo yaahang'aasa emoni chae, mani chaaonera elalira, yaanyala ohubona buli siindu bulai bweene. 26Yesu yaseebula omusaacha oyo akobole engo wae, n'amuboolera ati, “Omanyaanga ochia wiingiraho mu lukoongo olwo haandi.”
Petero atuumbula ebidiira hu Yesu
(Mat 16:13-20; Luk 9:18-21)
27Yesu yachia neende abeeki bae, mu ngoongo chiri aambi neende Kaisarea Filipi; nae nibali hu lukeendo olwo, Yesu yateeba abeeki bae ati, “Abaandu baboola bati Niise naanu?” 28#Mrk 6:14,15; Luk 9:7,8.Nae abeeki bae bamuboolera bati, “Yowaana Omubatiisi; abaandi bati, Elija; haandi abaandi bati, mulala hu banabbi.” 29#Yow 6:68,69.Nae Yesu yabateeba ati, “Nae eng'we muboola muti Ese Niise naanu?” Petero yamukobolamo ati, “Ewe niiwe Kristo.” 30Yesu yaabalagira ati batabooleraho omuundu yeesi ebimudiiraho.
Yesu alomaloma hu husaanda neende ohufwa hwae
(Mat 16:21-28; Luk 9:22-27)
31Yesu yamala yachaaka ohubeekesa ati Omwaana w'Omuundu ahoyere ohusaanda muno, haandi asyuulwe neende abahuluundu b'oluyia, abalaamisi bahuluundu, neende abeekesa b'Amalako, haandi yeetwe, haandi oluunyuma lw'endaalo chidatu, asyuuhe. 32Yesu yalomaloma bino mubwaahaahu. Nae Petero yamubukula yaamusudya endulo mani yachaaka ohumwaalabira. 33Nae Yesu niyakaluuhana mani yabona abeeki bae, yaalabira Petero n'aboola ati, “Ewe Sitaani, mbweere-eyi! Olwohuba haba sooli ebuleka wa Nasaae, nae oli ebuleka w'abaandu.” 34#Mat 10:38; Luk 14:27.Yesu yeemao yaalaanga esidiiyiha sy'abaandu alala neende abeeki bae beeche yaali, mani yaababoolera ati, “Omuundu yeesi odaha ohunoonda, leha yesyuule omweene, mani akiinge omusalabba kwae, yaanoonde.
35 #
Mat 10:39; Luk 17:33; Yow 12:25. “Olwohuba oyo yeesi owekoomba ohuwonia obulamu bwae omweene, achia ohubukosa; nae oyo okosa obulamu bwae hulwaange neende hulw'emboosi ndai ya Nasaae, aba achia ohubuwonia. 36Olwohuba sy'engaanga siina omuundu, ohunyoola esyaalo syoosi, nae afwiirwe obulamu bwae? 37Olwohuba, siindu siina syeene si muundu anyala ohukulaasaniamo neende obulamu bwae? 38Olwohuba, oyo yeesi odiirwa esoni hulwaange neende hulw'emboosi chaange, mu luse lwonooni haandi olutamanyire Nasaae luno, oyo niye yi Omwaana w'Omuundu yesi achia ohudiirirwa esoni, niyahabe niyeecha mu luyaali luhoongo lwa Simwaana alala neende bamalaika boolerefu.”
Àwon tá yàn lọ́wọ́lọ́wọ́ báyìí:
Mariko 8: SAMIA
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019
Mariko 8
8
Yesu aliisa abaandu babita elifu chine
(Mat 15:32-39)
1Mu ndaalo echo, esidiiyiha sy'abaandu sihoongo muno haandi syeebuusira eyiri Yesu, mani baahaywa esyohulya syoosi, Yesu yalaanga abeeki bae, yababoolera ati, 2“Esidiiyiha sy'abaandu sino sindiisa esisa muno, olwohuba syahaba ano naange endaalo chidatu enaamba, mani babula esyohulya syoosi; 3nae nimbaseebula bakobole engo waabwe neende enjala, bachia ohukwa hu ngira; haandi abaandi hu baandu bano batula eyale muno.” 4Nae abeeki bae bamukobolamo bati, “Wiina onyala ohuliisa abaandu baangi bano emigaati mu syaalo sy'esiparara sino?” 5Nae Yesu yabateeba ati, “Nae eng'we muli neende emigaati kiinga?” Baboola bati, “Kitaanu-na-kibiri.” 6Yesu yalagira esidiiyiha esyo ohwiihala aasi; mani yaabukula emigaati kitaanu-na-kibiri ekyo. Niyamala ohukiberesa ehabi, yakimekula-mekula, yaakiberesa abeeki bae bakikabe abaandu abo; mani bosi baahola batyo. 7Abeeki abo bali neende otung'eeni twosi tudiidi hooho, mani Yesu niyamala ohutuberesa ehabi, yaboola ati otung'eeni otwo twosi batukabe abaandu. 8Balya, beekutira elalira; mani nibabuusa ebidonye-donye byadoong'aho, byeechula ebikono bitaanu-na-bibiri. 9Abaandu balya bali aambi elifu chine enaamba. 10Yesu yamala atyo yaaseebula abaandu abo beweerao; mani abweene ao, yeengira mu lyaato alala neende abeeki bae, mani baachia mu situundu silaangwa siti, Dalimanuuta. #8:10 Dalimanuuta: Ebyandiiko bihuluundu bihale biindi bisoma biti ‘Magadani’ oba ‘Magidalena’.
Abafarisaayo basaba Yesu abaholere esy'amayia
(Mat 12:38-42; 16:1-4)
11 #
Mat 12:38; Luk 11:16. Olwoola, Abafarisaayo baandi beecha eyiri Yesu mani baachaaka ohuyiingana nae, nibamukoonyeresaho bati abaholere esilolero esy'amayia ohutula Muukulu. 12#Mat 12:39; Luk 11:29.Yesu yeesa omwooyo lukali muno, yaboola ati, “Lwasiina olwiibulo luno lukoonyeresa sa esilolero? Mbaboolera obwadyeeri endi, abulao esilolero sichia ohubereswa olwiibulo luno.” 13Yesu yabatulaho yaawaao, yeengira mu lyaato yaambuha engereha.
Amamera k'Abafarisaayo neende aka Herode
(Mat 16:5-12)
14Bulaanu abeeki bae bali nibebiriire ohwiicha neende emigaati; nae bali badoong'ere neende omugaati mulala kwoong'ene mu lyaato 15#Luk 12:1.Yesu yabakerakira n'aboola ati, “Mumanyaanga, mweliinde ohutula hu mamera k'Abafarisaayo neende aka Herode.” #8:15 Herode: Ebyandiiko bihuluundu bihale biindi bisoma biti, ‘Abaherode.’ 16Abeeki baboolanira abeene-na-beene bati, “Hubula omugaati kwoosi.” 17Nae olwohuba Yesu yali amalire ohusimanya, yababoolera ati, “Lwasiina muli ohwekaniayaanga muti mubula omugaati kwoosi? Eng'we mutoola ohuba neende ohubona oba kata ohumanya hwosi? Emyooyo kyeeng'we kyoomerana? 18#Yer 5:21; Esek 12:2; Mrk 4:12.Mwaaba neende emoni, mwaahaya ohubona? Haandi mwaaba neende amatwi, mwaahaya kata ohuwulira? Haandi kata simunyala ohwiichulisaho? 19Oludaalo lu ndamekula-mekuliraho emigaati kitaanu ohuliisa abaandu babita elifu chitaanu, eng'we mwabuusa ebikono biinga ebichuule ebituundu-tuundu byadoong'aho?” Nabo bamukobolamo bati, “Ehumi-na-bibiri.” 20“Nae emigaati kitaanu-na-kibiri ohuliisa abaandu ababita elifu chine, mwabuusa ebikono biinga ebichuule ebituundu-tuundu byadoong'aho?” Nabo bamukobolamo bati, “Bitaanu-na-bibiri.” 21Nae Yesu yeemao yaababoolera ati, “Kata katyo, musiisiiri ohubaaho neende ohumanya hwoosi?”
Yesu awonia omusaacha muwofu wa Bbetisaida
22Beemao boola Bbetisaida. Niboola eyo, abaandu baandi baleeta eyiri Yesu omusaacha muwofu, baamwekweeda bati amudiirehooho sa. 23Yesu yadiira omuhono kw'omusaacha muwofu oyo, yaamutusa erwaanyi w'olukoongo olwo; yaamufucha hu moni, haandi yaamwiisaho amahono kae, mani yaamuteeba ati, “Oli ohubonaho esiindu syosi-syosi?” 24Omusaacha oyo yatingaala aakulu mani yaaboola ati, “Ndi ohubona abaandu; nae bafwaana koti emisaala kikeenda.” 25Yesu haandi yata amahono kae hu moni ch'omusaacha oyo; mani omusaacha oyo yaahang'aasa emoni chae, mani chaaonera elalira, yaanyala ohubona buli siindu bulai bweene. 26Yesu yaseebula omusaacha oyo akobole engo wae, n'amuboolera ati, “Omanyaanga ochia wiingiraho mu lukoongo olwo haandi.”
Petero atuumbula ebidiira hu Yesu
(Mat 16:13-20; Luk 9:18-21)
27Yesu yachia neende abeeki bae, mu ngoongo chiri aambi neende Kaisarea Filipi; nae nibali hu lukeendo olwo, Yesu yateeba abeeki bae ati, “Abaandu baboola bati Niise naanu?” 28#Mrk 6:14,15; Luk 9:7,8.Nae abeeki bae bamuboolera bati, “Yowaana Omubatiisi; abaandi bati, Elija; haandi abaandi bati, mulala hu banabbi.” 29#Yow 6:68,69.Nae Yesu yabateeba ati, “Nae eng'we muboola muti Ese Niise naanu?” Petero yamukobolamo ati, “Ewe niiwe Kristo.” 30Yesu yaabalagira ati batabooleraho omuundu yeesi ebimudiiraho.
Yesu alomaloma hu husaanda neende ohufwa hwae
(Mat 16:21-28; Luk 9:22-27)
31Yesu yamala yachaaka ohubeekesa ati Omwaana w'Omuundu ahoyere ohusaanda muno, haandi asyuulwe neende abahuluundu b'oluyia, abalaamisi bahuluundu, neende abeekesa b'Amalako, haandi yeetwe, haandi oluunyuma lw'endaalo chidatu, asyuuhe. 32Yesu yalomaloma bino mubwaahaahu. Nae Petero yamubukula yaamusudya endulo mani yachaaka ohumwaalabira. 33Nae Yesu niyakaluuhana mani yabona abeeki bae, yaalabira Petero n'aboola ati, “Ewe Sitaani, mbweere-eyi! Olwohuba haba sooli ebuleka wa Nasaae, nae oli ebuleka w'abaandu.” 34#Mat 10:38; Luk 14:27.Yesu yeemao yaalaanga esidiiyiha sy'abaandu alala neende abeeki bae beeche yaali, mani yaababoolera ati, “Omuundu yeesi odaha ohunoonda, leha yesyuule omweene, mani akiinge omusalabba kwae, yaanoonde.
35 #
Mat 10:39; Luk 17:33; Yow 12:25. “Olwohuba oyo yeesi owekoomba ohuwonia obulamu bwae omweene, achia ohubukosa; nae oyo okosa obulamu bwae hulwaange neende hulw'emboosi ndai ya Nasaae, aba achia ohubuwonia. 36Olwohuba sy'engaanga siina omuundu, ohunyoola esyaalo syoosi, nae afwiirwe obulamu bwae? 37Olwohuba, siindu siina syeene si muundu anyala ohukulaasaniamo neende obulamu bwae? 38Olwohuba, oyo yeesi odiirwa esoni hulwaange neende hulw'emboosi chaange, mu luse lwonooni haandi olutamanyire Nasaae luno, oyo niye yi Omwaana w'Omuundu yesi achia ohudiirirwa esoni, niyahabe niyeecha mu luyaali luhoongo lwa Simwaana alala neende bamalaika boolerefu.”
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019