Mariko 5
5
Yesu awonia omusaacha oliho ebihyeeno
(Mat 8:28-34; Luk 8:26-39)
1Yesu alala neende abeeki bae baambuha boola engereha w'enyaanja ya Galilaaya mu syaalo sya Geraasa. #5:1 Ebyandiiko bihuluundu bihale biindi bisoma biti, “Gergesenes,” ebiindi biti, “Gadaraneese” ebiindi biti, “Geraseneesi.” 2Yesu niyatula sa ati mu lyaato, yaakanana neende omusaacha oliho esihyeeno, otula mu ng'uungu chibasihaangamo abaandu. 3Omusaacha wuno yamenyaanga mu biriindwa byomu ng'ungu, haandi yabulao omuundu yeesi owanyalaanga ohumuboya kata neende eminyororo; 4olwohuba yali naboywaangaho epiingo alala neende eminyororo nae eminyororo yakidonya-donyaangamo sa, nae epiingo nacho yachihalaka-halakangamo sa; haandi abulao omuundu yeesi owaliho neende amaani k'ohumuyiingira. 5Esiro neende esideete, yali naang'abanaanga sa mu biriindwa byomu ng'uungu, neende hu ngulu niyehumusa-huumusa, haandi niyenyubululira amakina. 6Niyabonera Yesu eyale, yeeruha bwaangu yeecha yaali yaamwiinamira; 7haandi n'alira neende ekono hoongo n'aboola ati, “Yesu Omwaana wa Nasaae w'Aakulu Muno, onaahole otye? Huliriire mu liita lya Nasaae endi, otaasaandya haba!” 8(Omusaacha wuno yaboola atyo olwohuba Yesu yali amuboolere ati, “Esihyeeno ewe, tula mu musaacha oyo!”) 9Nae Yesu #5:9 Mu Lugiriki bati, “omusaacha oyo” yamuteeba ati, “Eliita lyao nilyo naanu?” Nae oyo yakobolamo ati, “Eliita lyaange nilyo Legioni; olwohuba huli abaangi.” 10Omusaacha oyo yachiiririra ohwekweeda Yesu neende esinani ati ateerusa ebihyeeno ebyo ohutula mu syaalo esyo. 11Bulaanu aambi ao waliwo eyiicho hoongo ely'embiichi niliri ohwayaanga hu ndulo w'esigulu; 12mani ebihyeeno ebyo byekweeda Yesu nibiboola biti, “Tutume huchie mu mbiichi echo, otufukiirire huchiingiremo.” 13Yesu yafukiirira ebihyeeno ebyo, byaatula mu musaacha oyo, mani byaachia byeengira mu mbiichi. Eyiicho elyo lyoosi, lyali lyoola aambi embiichi elifu chibiri enaamba, mani choosi chaatimuha embiro cheehirira hu ndulo w'esilugulu, chaweera mu nyaanja chaasihama choosi pe.
14Abaayi b'embiichi bosi beeruha baasalaana, bachia mu siko sihoongo alala neende mu ngoongo chikabuhaane baasalaania emboosi echo. Abaandu beeyiha ohuchia ohubona esyali nisikwiireo. 15Nae niboola eyiri Yesu, babona omusaacha wali niyeechulaho emisaambwa niyehaale ao. Yali niyefwaalire engubo bulai haandi elalu nilimwamuuheho, mani abaandu abo boosi baatya muno. 16Abaandu bali nibabweene ebikwiireo, bachaaka ohukaniaayira abaandi ebyali bikwiire hu musaacha waliho emisaambwa oyo, neende ebyakwa hu mbiichi. 17Abweene ao abaandu beekweeda Yesu #5:17 Mu Lugiriki “omusaacha oyo” bati atule mu syaalo syaabwe. 18Nae Yesu niyali niyeengira mu lyaato, omusaacha waliho emisaambwa chana oyo yamwekweeda ati amufukiirire achie nae. 19Nae Yesu yahaya, yaamuboolera ati, “Kaluha engo eyiri abaandu bao, obaboolere ebiindu by'amaani bi Omwaami ahuholere, haandi koti lu ahukwiirire esisa.” 20Mani omusaacha oyo yatula ao yaachia yachaaka ohuyaala mu biko ehumi (Mu Lugiriki bati, Dekapooli) ebiindu byoosi bi Yesu yali amuholeere, mani abaandu boosi bawuka muno.
Omuhaana wa Yairo neende Omuhasi wadiira hu ngubo ya Yesu
(Mat 9:18-26; Luk 8:40-56)
21Yesu haandi yaambuhira mu lyaato yaachia engereha w'enyaanja. Nae niyoola eyo, haandi esidiiyiha sihoongo sy'abaandu syamwebodoohania. 22Abweene ao, mulala hu beemirisi bomu Sinagoogi, olaangwa ati Yairo yeecha eyiri Yesu. Niyoola yaabona Yesu, yamukwa mu makulu, 23yaamwekweeda neende esibeera, n'aboola ati, “Omwaana waange muhaana muyere mulwaae muno, ali aambi ohufwa. Mani yichia omuteehooho amahono kao, anyale ohuwona, abe omulamu.” 24Mani Yesu yaachia neende Yairo.
Haandi esidiiyiha sy'abaandu sihoongo syamuloondaho mani syaamwebuunjihaho. 25Mu sidiiyiha omwo mwalimo omuhasi wali n'alwaala esihulukuto nisimumalireho emyaaka ehumi neende kibiri. 26Yali asaandiire muno mu mahono k'abalesi abaangi, n'anyaasire buli mwaandu ku yali nakwo kwoosi, nae haba siyawona daawe, ohumalaho obulwaae bwae obwo bwemeeda sa ohumunyaala. 27Omuhasi wuno yali yawulira efuma ya Yesu, mani yenyiira yeyiindikania mu sidiyiiha yoola enyuma wa Yesu, mani yaadiira hu ngubo yae. 28Yahola atyo olwohuba omweene yali yeboolere mu mwooyo kwae ati, “Nindiiraho sa kata hu kemo ly'engubo yae, mba njia ohuwona.” 29Mani niyamudiiraho sa ati, esihulukuto syae esyo syaakamirao; mani omuhasi oyo yaamala yewulira mu mubiri kwae ati bwadyeeri, obulwaae bwae obwo bumalire ohuwona. 30Nae Yesu niyamanya ati, aliwo amaani akamutuliremo, abweene ao yakaluhaana emukoongo mu sidiyiiha yateeba ati, “Naanu odiirire hu ngubo yaange?” 31Nae abeeki bae bamuboolera bati, “Oli ohubona koti baandu bahweyiindikaanieho mu buungi, haandi hu waachia wateebaanga oti, ‘Wiina owuundiirireho?’ ” 32Nae Yesu yemeeda ohwewuunja abone omuundu omudiirireho. 33Nae omuhasi oyo, koti lu yali amanyire esyali simweholeeheho, yeecha n'atiire haandi nateengereha yaakwa aasi mu makulu ka Yesu, mani yaamuboolera obwadyeeri bwoosi. 34Mani Yesu yaamuboolera ati, “Muhaanang'ene, efukiirira yao yihuwoniisye; mani wao neende ehabi haandi leha obulwaae bwao obwo buwonere elalira.”
35Nae Yesu niyali nasiilomalomaanga, abaandu baandi ohutula ewa Yairo boola baamuboolera bati, “Omuhaana wao amalire ohufwa. Lwasiina onyaahania Omweekesa haandi?” 36Nae Yesu yahaya ohudeebayo #5:36 yahaya ohudeebayo: Oba yawubawubania sa. Nae ebyandiiko bihuluundu bihale biindi bisoma biti, yeehola koti otaawuliire. hu bi bali nibaboolere, mani yaboobera omwiimirisi wa Sinagoogi oyo ati, “Otatya daawe, yamiina sa.” 37Yesu siyakanyaho omuundu yeesi ohumuloondaho ohutusaho, Petero neende Yakobbo neende Yowaana mwanaang'ina Yakobbo. 38Nae niboola mu daala ly'omwiimirisi wa Sinagoogi oyo, Yesu yabona abaandu nibadobaanire, haandi abalisi niboobba wuuwi alala neende ohuchereenjesera aakulu muno. 39Yesu niyamala ohwiingira mu nyuumba, yaboolera abaandu abo ati, “Lwasiina mudoobaanire alala neende ohulira? Omwaana wuno haba saafwiire, nae ali ohukona sa endoolo.” 40Nae abaandu abo bamucheha sa. Nae yabatusa boosi erwaanyi, mani yaabukula laatang'ene mwaana neende ng'ina alala neende ba yali ali nabo, mani beengira baachia yi mwaana yali. 41Yesu niyoola, yadiira omuhono kw'omwaana oyo, yaamusiingisa n'aboola ati, “Talita kumi” amahuluundu mbwe, “mwaana muhaana ewe, huboolera endi, siingira weeme.” 42Nae abweene ao n'omuhaana oyo asiingira yeema, achaaka ohukeenda (olwohuba yali yosa emyaaka ehumi neende kibiri), mani abweene ao, abaandu bawuka muno hulw'ebyo byoosi ebyali nibyeeholeehe. 43Nae Yesu yabalagira muno ati batabooleraho omuundu yeesi esyali nisyeholeehe, mani yaababoolera ohuberesaho omuhaana oyo esyohulya.
Àwon tá yàn lọ́wọ́lọ́wọ́ báyìí:
Mariko 5: SAMIA
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019
Mariko 5
5
Yesu awonia omusaacha oliho ebihyeeno
(Mat 8:28-34; Luk 8:26-39)
1Yesu alala neende abeeki bae baambuha boola engereha w'enyaanja ya Galilaaya mu syaalo sya Geraasa. #5:1 Ebyandiiko bihuluundu bihale biindi bisoma biti, “Gergesenes,” ebiindi biti, “Gadaraneese” ebiindi biti, “Geraseneesi.” 2Yesu niyatula sa ati mu lyaato, yaakanana neende omusaacha oliho esihyeeno, otula mu ng'uungu chibasihaangamo abaandu. 3Omusaacha wuno yamenyaanga mu biriindwa byomu ng'ungu, haandi yabulao omuundu yeesi owanyalaanga ohumuboya kata neende eminyororo; 4olwohuba yali naboywaangaho epiingo alala neende eminyororo nae eminyororo yakidonya-donyaangamo sa, nae epiingo nacho yachihalaka-halakangamo sa; haandi abulao omuundu yeesi owaliho neende amaani k'ohumuyiingira. 5Esiro neende esideete, yali naang'abanaanga sa mu biriindwa byomu ng'uungu, neende hu ngulu niyehumusa-huumusa, haandi niyenyubululira amakina. 6Niyabonera Yesu eyale, yeeruha bwaangu yeecha yaali yaamwiinamira; 7haandi n'alira neende ekono hoongo n'aboola ati, “Yesu Omwaana wa Nasaae w'Aakulu Muno, onaahole otye? Huliriire mu liita lya Nasaae endi, otaasaandya haba!” 8(Omusaacha wuno yaboola atyo olwohuba Yesu yali amuboolere ati, “Esihyeeno ewe, tula mu musaacha oyo!”) 9Nae Yesu #5:9 Mu Lugiriki bati, “omusaacha oyo” yamuteeba ati, “Eliita lyao nilyo naanu?” Nae oyo yakobolamo ati, “Eliita lyaange nilyo Legioni; olwohuba huli abaangi.” 10Omusaacha oyo yachiiririra ohwekweeda Yesu neende esinani ati ateerusa ebihyeeno ebyo ohutula mu syaalo esyo. 11Bulaanu aambi ao waliwo eyiicho hoongo ely'embiichi niliri ohwayaanga hu ndulo w'esigulu; 12mani ebihyeeno ebyo byekweeda Yesu nibiboola biti, “Tutume huchie mu mbiichi echo, otufukiirire huchiingiremo.” 13Yesu yafukiirira ebihyeeno ebyo, byaatula mu musaacha oyo, mani byaachia byeengira mu mbiichi. Eyiicho elyo lyoosi, lyali lyoola aambi embiichi elifu chibiri enaamba, mani choosi chaatimuha embiro cheehirira hu ndulo w'esilugulu, chaweera mu nyaanja chaasihama choosi pe.
14Abaayi b'embiichi bosi beeruha baasalaana, bachia mu siko sihoongo alala neende mu ngoongo chikabuhaane baasalaania emboosi echo. Abaandu beeyiha ohuchia ohubona esyali nisikwiireo. 15Nae niboola eyiri Yesu, babona omusaacha wali niyeechulaho emisaambwa niyehaale ao. Yali niyefwaalire engubo bulai haandi elalu nilimwamuuheho, mani abaandu abo boosi baatya muno. 16Abaandu bali nibabweene ebikwiireo, bachaaka ohukaniaayira abaandi ebyali bikwiire hu musaacha waliho emisaambwa oyo, neende ebyakwa hu mbiichi. 17Abweene ao abaandu beekweeda Yesu #5:17 Mu Lugiriki “omusaacha oyo” bati atule mu syaalo syaabwe. 18Nae Yesu niyali niyeengira mu lyaato, omusaacha waliho emisaambwa chana oyo yamwekweeda ati amufukiirire achie nae. 19Nae Yesu yahaya, yaamuboolera ati, “Kaluha engo eyiri abaandu bao, obaboolere ebiindu by'amaani bi Omwaami ahuholere, haandi koti lu ahukwiirire esisa.” 20Mani omusaacha oyo yatula ao yaachia yachaaka ohuyaala mu biko ehumi (Mu Lugiriki bati, Dekapooli) ebiindu byoosi bi Yesu yali amuholeere, mani abaandu boosi bawuka muno.
Omuhaana wa Yairo neende Omuhasi wadiira hu ngubo ya Yesu
(Mat 9:18-26; Luk 8:40-56)
21Yesu haandi yaambuhira mu lyaato yaachia engereha w'enyaanja. Nae niyoola eyo, haandi esidiiyiha sihoongo sy'abaandu syamwebodoohania. 22Abweene ao, mulala hu beemirisi bomu Sinagoogi, olaangwa ati Yairo yeecha eyiri Yesu. Niyoola yaabona Yesu, yamukwa mu makulu, 23yaamwekweeda neende esibeera, n'aboola ati, “Omwaana waange muhaana muyere mulwaae muno, ali aambi ohufwa. Mani yichia omuteehooho amahono kao, anyale ohuwona, abe omulamu.” 24Mani Yesu yaachia neende Yairo.
Haandi esidiiyiha sy'abaandu sihoongo syamuloondaho mani syaamwebuunjihaho. 25Mu sidiiyiha omwo mwalimo omuhasi wali n'alwaala esihulukuto nisimumalireho emyaaka ehumi neende kibiri. 26Yali asaandiire muno mu mahono k'abalesi abaangi, n'anyaasire buli mwaandu ku yali nakwo kwoosi, nae haba siyawona daawe, ohumalaho obulwaae bwae obwo bwemeeda sa ohumunyaala. 27Omuhasi wuno yali yawulira efuma ya Yesu, mani yenyiira yeyiindikania mu sidiyiiha yoola enyuma wa Yesu, mani yaadiira hu ngubo yae. 28Yahola atyo olwohuba omweene yali yeboolere mu mwooyo kwae ati, “Nindiiraho sa kata hu kemo ly'engubo yae, mba njia ohuwona.” 29Mani niyamudiiraho sa ati, esihulukuto syae esyo syaakamirao; mani omuhasi oyo yaamala yewulira mu mubiri kwae ati bwadyeeri, obulwaae bwae obwo bumalire ohuwona. 30Nae Yesu niyamanya ati, aliwo amaani akamutuliremo, abweene ao yakaluhaana emukoongo mu sidiyiiha yateeba ati, “Naanu odiirire hu ngubo yaange?” 31Nae abeeki bae bamuboolera bati, “Oli ohubona koti baandu bahweyiindikaanieho mu buungi, haandi hu waachia wateebaanga oti, ‘Wiina owuundiirireho?’ ” 32Nae Yesu yemeeda ohwewuunja abone omuundu omudiirireho. 33Nae omuhasi oyo, koti lu yali amanyire esyali simweholeeheho, yeecha n'atiire haandi nateengereha yaakwa aasi mu makulu ka Yesu, mani yaamuboolera obwadyeeri bwoosi. 34Mani Yesu yaamuboolera ati, “Muhaanang'ene, efukiirira yao yihuwoniisye; mani wao neende ehabi haandi leha obulwaae bwao obwo buwonere elalira.”
35Nae Yesu niyali nasiilomalomaanga, abaandu baandi ohutula ewa Yairo boola baamuboolera bati, “Omuhaana wao amalire ohufwa. Lwasiina onyaahania Omweekesa haandi?” 36Nae Yesu yahaya ohudeebayo #5:36 yahaya ohudeebayo: Oba yawubawubania sa. Nae ebyandiiko bihuluundu bihale biindi bisoma biti, yeehola koti otaawuliire. hu bi bali nibaboolere, mani yaboobera omwiimirisi wa Sinagoogi oyo ati, “Otatya daawe, yamiina sa.” 37Yesu siyakanyaho omuundu yeesi ohumuloondaho ohutusaho, Petero neende Yakobbo neende Yowaana mwanaang'ina Yakobbo. 38Nae niboola mu daala ly'omwiimirisi wa Sinagoogi oyo, Yesu yabona abaandu nibadobaanire, haandi abalisi niboobba wuuwi alala neende ohuchereenjesera aakulu muno. 39Yesu niyamala ohwiingira mu nyuumba, yaboolera abaandu abo ati, “Lwasiina mudoobaanire alala neende ohulira? Omwaana wuno haba saafwiire, nae ali ohukona sa endoolo.” 40Nae abaandu abo bamucheha sa. Nae yabatusa boosi erwaanyi, mani yaabukula laatang'ene mwaana neende ng'ina alala neende ba yali ali nabo, mani beengira baachia yi mwaana yali. 41Yesu niyoola, yadiira omuhono kw'omwaana oyo, yaamusiingisa n'aboola ati, “Talita kumi” amahuluundu mbwe, “mwaana muhaana ewe, huboolera endi, siingira weeme.” 42Nae abweene ao n'omuhaana oyo asiingira yeema, achaaka ohukeenda (olwohuba yali yosa emyaaka ehumi neende kibiri), mani abweene ao, abaandu bawuka muno hulw'ebyo byoosi ebyali nibyeeholeehe. 43Nae Yesu yabalagira muno ati batabooleraho omuundu yeesi esyali nisyeholeehe, mani yaababoolera ohuberesaho omuhaana oyo esyohulya.
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019