Mariko 3
3
Omusaacha w'omuhono kwafwa
(Mat 12:9-14; Luk 6:6-11)
1Yesu haandi yeengira mu Sinagoogi, yakaanamo omusaacha wali neende omuhono kwafwa. 2Nae abaandu baandi bachaaka ohumweehaliirisa babone nanamuwonia hu ludaalo lwa Sabbaato nibakiiya ohumutaaho omusaango mbwe muholi w'ebiindu bitadahibwa. 3Nae Yesu yaboolera omusaacha w'omuhono kwafwa oyo ati, “Yicha ano.” 4Yesu yateeba abaandu abo ati, “Sihoyera ohuhola esiindu silai hu ludaalo lwa Sabbaato, kose esyonoono, ohuwonia obulamu, hu ludaalo lwa Sabbaato, kose ohwiita?” Nae boosi bawuleera sa. 5Nae Yesu yanyoolera mani yaabatingaala neende etima, olwohuba emyooyo kyaabwe kyali emyoomeranu, mani yaboobera omusaacha oyo ati, “Kolola omuhono kwao okwo.” Omusaacha oyo yakukolola, kwaaonerao elalira. 6Nae Abafarisaayo nibabona batyo, basiingira batula erwaanyi, mani batulaniramo ohuwuliirisania neende abaandu b'omukaanda kwa Herode, koti lu banyala ohumusihirisa.
Esidiiyiha syali hu lwaasi lw'enyaanja
7Yesu alala neende abeeki bae beetulira ao baachia hu lwaasi lw'enyaanja. Mani esidiiyiha sy'abaandu sihoongo muno ohutula Galilaaya syaabaloondaho, alala neende abaandi ohutula Yudea, 8Yerusalemu, Yidumea neende ohutula eyale ohubita engereha wa Yorodaani, neende ohutula aambi wa Tiiro neende Sidoni. Haandi esidiiyiha siindi sihoongo ohweema hu fuma y'ebiindu bi Yesu yali n'ahola. 9#Mrk 4:1; Luk 5:1-3.Sakira, Yesu yaboolera abeeki bae bamutekehere elyaato esidiiyiha sy'abaandu sitamwoolaho syaamudiiya. 10Olwohuba yali amalire ohuwonia abaandu abaangi, nae abaandu bali neende amalwaae kataali nasilala bali nibeyiindikania nibadaha bati bamudiireho sa. 11Mani buli lu bihyeeno byamubonaanga, byakwiichaanga aasi mu makulu kae nibilira biti, “Niiwe Omwaana wa Nasaae.” 12Nae Yesu yabilagiraanga muno bitakera yaamanyihana bwaangu.
Yesu adoola abatume bae ehumi-na-babiri
(Mat 10:1-4; Luk 6:12-16)
13Abweene ao, Yesu yachia hu lugulu, mani yaalaanga abo ba yali naadaha; beecha yali. 14Yalobolamo ehumi-na-babiri, #3:14 ehumi-na-babiri: Ebyandiiko bihuluundu bihale biindi bimeedaho, ‘abo haandi ba yalaanga abatume.’ babecheenge nae, haandi banyale ohutumwaangwa nibachia ohuyaala, 15haandi neende ohuba neende obunyala bw'ohwiirusa emisaambwa. #3:15 emisaambwa: Ebyandiiko bihuluundu bihale biindi bisoma biti, “ebihyeeno.” 16Mani yadoola ehumi-na-babiri: Simooni oyo yi yalaanga Petero; 17Yakobbo omwaana wa Sebbedaayo neende Yowaana mwanaang'ina Yakobbo, oyo yi yalaanga Bboanagesi, esyeekesa siti, abaana b'ohwaaduluhana ng'ekulu; 18Anderea, Filipo, Bbatolomeo, Matayo, Tomasi, Yakobbo omwaana wa Alifaayo, Tadeo, Simooni Omukanani, 19neende Yuda Yisikarioti, owamulyaamo olukwe.
Yesu neende Bbelisebbuuli
(Mat 12:22-32; Luk 11:14-23; 12:10)
20Yesu yakobola engo. Nae haandi esidiiyiha sihoongo esy'abaandu syebuusira yaali, mani syaabakayira kata ohulya. 21Nae abaluyia bae nibawulira batyo, basiingira baachia ohumudiira, olwohuba abaandu baandi bali baboola bati, “Abiiyire omutwe.” 22#Mat 9:34; 10:25.Nae abeekesa b'Amalako abatula Yerusalemu baboola bati, “Nguyo aliho omusaambwa kulaangwa, Bbelisebbuuli, haandi yeerusa emisaambwa neende obunyala bwa Bbelisebbuuli omuhuluundu w'emisaambwa.” 23Yesu yabalaanga beecha yali, mani n'achaaka ohubakaadira engaado ati, “Sitaani anyala atye ohwiirusa Sitaani waasye? 24Obutuki nibukabuhanamo bwachaaka ohulwaana obweene-hu-bweene, obutuki obwo haba sibunyala bwaayiindira. 25Haandi enyuumba yoosi niyikabuhanamo yachaaka ohulwaanakana eyeene-hu-yeene, enyuumba eyo haba siyinyala ohuyiindira. 26Nae nikali mbwe Sitaani bulaanu niye ochaakire ohwelwaania omweene, mbao mani edaala lyae likabuhaanemo, mani haba silinyala ohuyiindira, mbao lyoolere ohusihirira. 27Nae abulao omuundu onyala yaafunaka mani yeengira mu nyuumba y'omuundu w'amaani, yaayaaya ebiindu byae, n'atataangire ohumuboya, hu yaanyala ohuyaaya enyuumba yae bulai.
28“Mbaboolera obwadyeeri endi, abaandu bachia ohuleherwa ebyonoono byaabwe byoosi, alala neende ebyo byoosi bi balomaloma ebifwoola Nasaae; 29#Luk 12:10.nae oyo yeesi olomaloma ebifwoola Mwooyo Mwoolerefu, haba saacha huleherwa olwohuba aba aholere esyonoono sitawa” 30olwohuba abaandu bali baboolere bati, “Yesu aliho esihyeeno.”
Ng'ina Yesu neende bamwaanang'ina
31Ng'ina Yesu neende bamwanaang'ina bamala beecha. Nae nibali nibasyeemere erwaanyi, batumira Yesu emboosi, nibamulaanga bati yeeche yi bali. 32Nae, esidiiyiha sy'abaandu syali sihaale nisimwebodoohanie, syaboolera Yesu siti, “Maakoo neende bamwaanamaao #3:32 Maakoo neende bamwaanamaao: Ebyandiiko bihuluundu bihale biindi bimeedaho biti, ‘neende ba mboochoo.’ bali erwaanyi, bahukoonya.” 33Nae Yesu yabakobolamo ati, “Maama neende bamwaanaama nibo abali yeena?” 34Mani yatingaala hu baandu bali nibehaale nibamwebodoohaanie, n'aboola ati, “Maama neende bamwaanaama mbano bali ano! 35Oyo yeesi ohola bi Nasaae adaha, niye oba mwaanaama, neende mboocho, neende maama.”
Àwon tá yàn lọ́wọ́lọ́wọ́ báyìí:
Mariko 3: SAMIA
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019
Mariko 3
3
Omusaacha w'omuhono kwafwa
(Mat 12:9-14; Luk 6:6-11)
1Yesu haandi yeengira mu Sinagoogi, yakaanamo omusaacha wali neende omuhono kwafwa. 2Nae abaandu baandi bachaaka ohumweehaliirisa babone nanamuwonia hu ludaalo lwa Sabbaato nibakiiya ohumutaaho omusaango mbwe muholi w'ebiindu bitadahibwa. 3Nae Yesu yaboolera omusaacha w'omuhono kwafwa oyo ati, “Yicha ano.” 4Yesu yateeba abaandu abo ati, “Sihoyera ohuhola esiindu silai hu ludaalo lwa Sabbaato, kose esyonoono, ohuwonia obulamu, hu ludaalo lwa Sabbaato, kose ohwiita?” Nae boosi bawuleera sa. 5Nae Yesu yanyoolera mani yaabatingaala neende etima, olwohuba emyooyo kyaabwe kyali emyoomeranu, mani yaboobera omusaacha oyo ati, “Kolola omuhono kwao okwo.” Omusaacha oyo yakukolola, kwaaonerao elalira. 6Nae Abafarisaayo nibabona batyo, basiingira batula erwaanyi, mani batulaniramo ohuwuliirisania neende abaandu b'omukaanda kwa Herode, koti lu banyala ohumusihirisa.
Esidiiyiha syali hu lwaasi lw'enyaanja
7Yesu alala neende abeeki bae beetulira ao baachia hu lwaasi lw'enyaanja. Mani esidiiyiha sy'abaandu sihoongo muno ohutula Galilaaya syaabaloondaho, alala neende abaandi ohutula Yudea, 8Yerusalemu, Yidumea neende ohutula eyale ohubita engereha wa Yorodaani, neende ohutula aambi wa Tiiro neende Sidoni. Haandi esidiiyiha siindi sihoongo ohweema hu fuma y'ebiindu bi Yesu yali n'ahola. 9#Mrk 4:1; Luk 5:1-3.Sakira, Yesu yaboolera abeeki bae bamutekehere elyaato esidiiyiha sy'abaandu sitamwoolaho syaamudiiya. 10Olwohuba yali amalire ohuwonia abaandu abaangi, nae abaandu bali neende amalwaae kataali nasilala bali nibeyiindikania nibadaha bati bamudiireho sa. 11Mani buli lu bihyeeno byamubonaanga, byakwiichaanga aasi mu makulu kae nibilira biti, “Niiwe Omwaana wa Nasaae.” 12Nae Yesu yabilagiraanga muno bitakera yaamanyihana bwaangu.
Yesu adoola abatume bae ehumi-na-babiri
(Mat 10:1-4; Luk 6:12-16)
13Abweene ao, Yesu yachia hu lugulu, mani yaalaanga abo ba yali naadaha; beecha yali. 14Yalobolamo ehumi-na-babiri, #3:14 ehumi-na-babiri: Ebyandiiko bihuluundu bihale biindi bimeedaho, ‘abo haandi ba yalaanga abatume.’ babecheenge nae, haandi banyale ohutumwaangwa nibachia ohuyaala, 15haandi neende ohuba neende obunyala bw'ohwiirusa emisaambwa. #3:15 emisaambwa: Ebyandiiko bihuluundu bihale biindi bisoma biti, “ebihyeeno.” 16Mani yadoola ehumi-na-babiri: Simooni oyo yi yalaanga Petero; 17Yakobbo omwaana wa Sebbedaayo neende Yowaana mwanaang'ina Yakobbo, oyo yi yalaanga Bboanagesi, esyeekesa siti, abaana b'ohwaaduluhana ng'ekulu; 18Anderea, Filipo, Bbatolomeo, Matayo, Tomasi, Yakobbo omwaana wa Alifaayo, Tadeo, Simooni Omukanani, 19neende Yuda Yisikarioti, owamulyaamo olukwe.
Yesu neende Bbelisebbuuli
(Mat 12:22-32; Luk 11:14-23; 12:10)
20Yesu yakobola engo. Nae haandi esidiiyiha sihoongo esy'abaandu syebuusira yaali, mani syaabakayira kata ohulya. 21Nae abaluyia bae nibawulira batyo, basiingira baachia ohumudiira, olwohuba abaandu baandi bali baboola bati, “Abiiyire omutwe.” 22#Mat 9:34; 10:25.Nae abeekesa b'Amalako abatula Yerusalemu baboola bati, “Nguyo aliho omusaambwa kulaangwa, Bbelisebbuuli, haandi yeerusa emisaambwa neende obunyala bwa Bbelisebbuuli omuhuluundu w'emisaambwa.” 23Yesu yabalaanga beecha yali, mani n'achaaka ohubakaadira engaado ati, “Sitaani anyala atye ohwiirusa Sitaani waasye? 24Obutuki nibukabuhanamo bwachaaka ohulwaana obweene-hu-bweene, obutuki obwo haba sibunyala bwaayiindira. 25Haandi enyuumba yoosi niyikabuhanamo yachaaka ohulwaanakana eyeene-hu-yeene, enyuumba eyo haba siyinyala ohuyiindira. 26Nae nikali mbwe Sitaani bulaanu niye ochaakire ohwelwaania omweene, mbao mani edaala lyae likabuhaanemo, mani haba silinyala ohuyiindira, mbao lyoolere ohusihirira. 27Nae abulao omuundu onyala yaafunaka mani yeengira mu nyuumba y'omuundu w'amaani, yaayaaya ebiindu byae, n'atataangire ohumuboya, hu yaanyala ohuyaaya enyuumba yae bulai.
28“Mbaboolera obwadyeeri endi, abaandu bachia ohuleherwa ebyonoono byaabwe byoosi, alala neende ebyo byoosi bi balomaloma ebifwoola Nasaae; 29#Luk 12:10.nae oyo yeesi olomaloma ebifwoola Mwooyo Mwoolerefu, haba saacha huleherwa olwohuba aba aholere esyonoono sitawa” 30olwohuba abaandu bali baboolere bati, “Yesu aliho esihyeeno.”
Ng'ina Yesu neende bamwaanang'ina
31Ng'ina Yesu neende bamwanaang'ina bamala beecha. Nae nibali nibasyeemere erwaanyi, batumira Yesu emboosi, nibamulaanga bati yeeche yi bali. 32Nae, esidiiyiha sy'abaandu syali sihaale nisimwebodoohanie, syaboolera Yesu siti, “Maakoo neende bamwaanamaao #3:32 Maakoo neende bamwaanamaao: Ebyandiiko bihuluundu bihale biindi bimeedaho biti, ‘neende ba mboochoo.’ bali erwaanyi, bahukoonya.” 33Nae Yesu yabakobolamo ati, “Maama neende bamwaanaama nibo abali yeena?” 34Mani yatingaala hu baandu bali nibehaale nibamwebodoohaanie, n'aboola ati, “Maama neende bamwaanaama mbano bali ano! 35Oyo yeesi ohola bi Nasaae adaha, niye oba mwaanaama, neende mboocho, neende maama.”
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019