Matayo 18
18
Wiina ohiramo oluyaali?
(Mrk 9:33-37; Luk 9:46-48)
1 #
Luk 22:24. Abweene ao, abeeki beecha eyiri Yesu baamuteeba bati, “Wiina ohiramo abaasye boosi oluyaali mu bwaami bwo Muukulu?”
2Yesu yalaanga omwaana muyere yaamweemesa akatikaati waabwe, 3#Mrk 10:15; Luk 18:17.mani yaaboola ati, “Mbaboolera obwadyeeri endi, haba simuchia ohwiingira mu bwaami bwo Muukulu ohutusaho nimwekaluuhaanie mwaaba koti abaana bayere. 4Omuundu muloonga koti omwaana wuno, niye ohiramo abaasye oluyaali mu bwaami bwo Muukulu. 5Haandi oyo yeesi owaakaanira omwaana muyere koti wuno mu liita lyaange, aba yanjakaaniire.
Amateemo kakera omuundu yaakwa mu syonoono
(Mrk 9:42-48; Luk 17:1-2)
6“Nae omuundu yeesi okera mulala hu bayere baafukiiriramo bano yonoona, #18:6 yonoona: Mu Lugiriki mbwe, yeegumula. ahoyera ohuboywa mu kosi okukina kuhoongo muno, mani yaasukunwa ebusiba w'enyaanja yeebira. 7Esyaalo syahabone ebidinyu muno, olwohuba mulimo ebiteemo bikera abaandu nibonoona! #18:7 ebiteemo: Mu Lugiriki nibyo ebichihi by'ohwegumulaho. Ebiteemo koti ebyo, bichia ohubaao endaalo choosi, nae chaakaanire oyo oleeta ebiteemo ebyo!
8 #
Mat 5:30. “Nae omuhono kwao nikukera wonoona, kata ohukulu hwao nihukera wonoona, #18:8 wonoona: Mu Lugiriki mbwe weegumula. hutemeengeho ohusukuna; ohwiingira mu bulamu n'otaali neende omuhono oba ohukulu, bihira muno ohudoong'a neende amahono koombi oba amakulu koombi, nae waasukunwa mu muliro kutasima. 9#Mat 5:29. Nae emoni yao niyikera wonoona, #18:9 wonoona: Mu Lugiriki weegumula. yichomoleengemo oyisukuna; bihira niwiingira mu Bulamu bwo Muukulu neende emoni ndala, ohuhira ohuba neende emoni choombi, mani waasukunwa mu nyaanja y'omuliro kutasima. #18:9 omuliro kutasima: Mu Lugiriki mbwe Geyena.
Olukaado ludiira hu koondi lyakota
(Luk 15:3-7)
10 #
Luk 19:10. “Mumanyaanga mutalekeeresaho kata mulala hu bayere bano; mbaboolera obwadyeeri endi Muukulu, bamalaika baabwe bamenyera buli siha ohubechaanga mu moni wa Laata oli Muukulu. 11#18:11 Olwohuba Omwaana w'Omuundu yeecha ohuwonia abakotao: Ebyandiiko bihuluundu bihale biindi bimeedaho olunyiriri luno olwehumi-na-lulala ebiindi haba. 12Nae mubaasa mutye? Omuundu naaba neende amakoondi emia ndala, mani ekoondi lala hu ako lyaakota, siyahaleha ao amakoondi kaandi amahumi kataanu-na-kane neende kataanu-na-kane ako, hu ndulo w'olugulu, mani achia akoonya lala liba nilikotere elyo? 13Mbaboolera obwadyeeri endi, n'alinyoola, aba achia ohulisangaalira muno, ohuhira amakoondi amahumi kataanu-na-kane neende kataanu-na-kane katakotaho kadoong'ere kala. 14Nilwo nasilala lu Laata oli Muukulu atahadaha #18:14 Laata: Ebyandiiko bihuluundu bihale biindi bisoma biti, Seeng'we. kata mulala hu bayere bano akote.
Mwaanamaao oba mboochoo owonoona
15 #
Luk 17:3. “Mani mwaanamaao naahuholeraanga esibi, chichaanga yaali omuboolera esibi syae, nae nimuli mweembi mweeng'ene. Naawulira ebyao, ao oba omalire ohumweekobasaho. 16#Amal 19:15. Nae naahaya ohuhuwulira, bukulaanga omuundu mulala oba babiri muchia nabo yaali, olwohuba emboosi yisiirwa niyiriho abaloli babiri oba badatu. 17Nae naahaya ohuwulira abo bosi, yeekesaanga Abakristo baasyo; nae haandi naahaya ohuwulira kata ak'Abakristo baasyeeng'we bosi, ao bulaanu mubukuleenge koti omukafiiri oba omutoosa w'omusolo.
Ohukayira neende ohufukiirira
18 #
Mat 16:19; Yow 20:23. “Mbaboolera obwadyeeri endi, buli si munahayaanga hu syaalo, sichia ohuhaywaanga Muukulu, haandi buli si mufukiirira hu syaalo, sichia ohufukiirirwaangwa Muukulu. 19Haandi mbaboolera endi, babiri hweeng'we hu syaalo, nimufukiirisania hu siindu syoosi si musaba, Laata yaange oli Muukulu achia ohubaholeraanga esyeene esyo. 20Olwohuba, yi baandu babiri oba badatu baba nibahung'aaniire mu liita lyaange, ao mba ndiwo akati waabwe.”
Olukaado lw'omuhalaabani otakanya ohuleheramo owaasye.
21 #
Luk 17:3,4. Nae Petero yeecha eyiri Yesu yaamuteeba ati, “Omwaami, mwaanaama niiyaholera esibi, hoyeere ohumuleheramo amahabi kaanga? Amahabi kataanu-na-kabiri?”
22 #
Huc 4:24. Yesu yakobolamo ati, “Haba daawe! Si mahabi kataanu-na-kabiri, nae amahabi amahumi kataanu-na-kabiri amahabi hataanu-na-habiri, #18:22 amahumi kataanu-na-kabiri amahabi hataanu-na-habiri: Oba amahabi amahumi kataanu-na-kabiri neende chitaanu-na-chibiri.
23“Sakira Obwaami bwo Muukulu, bufwaanana neende omutuki wenya ohuteeba abahalaabani bae ebidiira hu mwaandu kwae, ku bali nakwo. 24Niyali yahachaaka ohubala, bamuleetera mulala hu bali neende ekobi lyae lya etalaata elifu ehumi; #18:24 Etalaata: etalaata yali yihira omusaara kw'omuhalaabani okw'emyaaka ehumi neende kitaanu. 25nae omuundu oyo, siyali neende engeri yoosi ey'ohutuungamo ekobi elyo, mani omwaami wae yaatusa omunwa ati, akuswemo alala neende omuhasi wae, neende abaana bae, alala neende obuyiinda bwae bwoosi, atuunge ekobi elyo. 26Mani omuhalaabani oyo, yakwa hu mahuumbo kae, yaamwekweeda ati, ‘Omwaami, ndeesimiiriseho, njia ohuhutuunga ekobi elyo lyoosi.’ 27Omwaami oyo, yamukwiira esisa, yaamuleheramo ekobi elyo lyoosi, yaamuleha yaawaao. 28Nae omuhalaabani oyo, niyali naakobolayo, yabukaanana neende mulala hu bahalaabani baasye owaba neende ekobi lyae ly'edinaari emia ndala choong'ene; #18:28 Edinaari: Edinaari ndala yali yaaka neende omusaara kw'omuhalaabani kw'oludaalo lulala yaamweebbakiraho, yaamukwa mu mamiro yaamumika n'aboola ati, ‘Nduunge ekobi lyaange.’ 29Mani omuhalaabani waasye oyo, yaakwa aasi, yaamwekweeda ati, ‘Ndeesimiiriseho, njia ohuhutuunga.’ 30Nae yaahaya ohumutekeeresa, yaachia yaamusukuna mu jeela, ohwoola lu yahatuungire ekobi elyo. 31Nae, abahalaabani baasye nibabona batyo, omwooyo kwabachuuna muno, baachia baaboolera omwaami waabwe oyo buli siindu syali nisyeeholeehe. 32Omwaami oyo yeemao yaalaanga omuhalaabani oyo yaamuboolera ati, ‘Omuhalaabani mubi ewe! Ese ndahuleheramo ekobi lyakiire ao lyoosi li waba nalyo olwohuba wandekweeda; 33nae ewe, haba siwahakwiriire omuhalaabani waasyo oyo esisa, koti lu ndahukwiira?’ 34Mani etima lyadiira omwaami oyo muno, yaasukuna omuhalaabani oyo mu mahono ka bomu jeela #18:34 mu mahono ka bomu jeela: Mu Lugiriki mbwe abatoochi. ohwoola lu yahatuungire ekobi lyae lyoosi. 35Olwo nilwo lu Laata yaange oli Muukulu achia ohuholera buli muundu hweeng'we, nimutaleheramo abasyeeng'we neende emyooyo kyeeng'we kyoosi.”
Àwon tá yàn lọ́wọ́lọ́wọ́ báyìí:
Matayo 18: SAMIA
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019
Matayo 18
18
Wiina ohiramo oluyaali?
(Mrk 9:33-37; Luk 9:46-48)
1 #
Luk 22:24. Abweene ao, abeeki beecha eyiri Yesu baamuteeba bati, “Wiina ohiramo abaasye boosi oluyaali mu bwaami bwo Muukulu?”
2Yesu yalaanga omwaana muyere yaamweemesa akatikaati waabwe, 3#Mrk 10:15; Luk 18:17.mani yaaboola ati, “Mbaboolera obwadyeeri endi, haba simuchia ohwiingira mu bwaami bwo Muukulu ohutusaho nimwekaluuhaanie mwaaba koti abaana bayere. 4Omuundu muloonga koti omwaana wuno, niye ohiramo abaasye oluyaali mu bwaami bwo Muukulu. 5Haandi oyo yeesi owaakaanira omwaana muyere koti wuno mu liita lyaange, aba yanjakaaniire.
Amateemo kakera omuundu yaakwa mu syonoono
(Mrk 9:42-48; Luk 17:1-2)
6“Nae omuundu yeesi okera mulala hu bayere baafukiiriramo bano yonoona, #18:6 yonoona: Mu Lugiriki mbwe, yeegumula. ahoyera ohuboywa mu kosi okukina kuhoongo muno, mani yaasukunwa ebusiba w'enyaanja yeebira. 7Esyaalo syahabone ebidinyu muno, olwohuba mulimo ebiteemo bikera abaandu nibonoona! #18:7 ebiteemo: Mu Lugiriki nibyo ebichihi by'ohwegumulaho. Ebiteemo koti ebyo, bichia ohubaao endaalo choosi, nae chaakaanire oyo oleeta ebiteemo ebyo!
8 #
Mat 5:30. “Nae omuhono kwao nikukera wonoona, kata ohukulu hwao nihukera wonoona, #18:8 wonoona: Mu Lugiriki mbwe weegumula. hutemeengeho ohusukuna; ohwiingira mu bulamu n'otaali neende omuhono oba ohukulu, bihira muno ohudoong'a neende amahono koombi oba amakulu koombi, nae waasukunwa mu muliro kutasima. 9#Mat 5:29. Nae emoni yao niyikera wonoona, #18:9 wonoona: Mu Lugiriki weegumula. yichomoleengemo oyisukuna; bihira niwiingira mu Bulamu bwo Muukulu neende emoni ndala, ohuhira ohuba neende emoni choombi, mani waasukunwa mu nyaanja y'omuliro kutasima. #18:9 omuliro kutasima: Mu Lugiriki mbwe Geyena.
Olukaado ludiira hu koondi lyakota
(Luk 15:3-7)
10 #
Luk 19:10. “Mumanyaanga mutalekeeresaho kata mulala hu bayere bano; mbaboolera obwadyeeri endi Muukulu, bamalaika baabwe bamenyera buli siha ohubechaanga mu moni wa Laata oli Muukulu. 11#18:11 Olwohuba Omwaana w'Omuundu yeecha ohuwonia abakotao: Ebyandiiko bihuluundu bihale biindi bimeedaho olunyiriri luno olwehumi-na-lulala ebiindi haba. 12Nae mubaasa mutye? Omuundu naaba neende amakoondi emia ndala, mani ekoondi lala hu ako lyaakota, siyahaleha ao amakoondi kaandi amahumi kataanu-na-kane neende kataanu-na-kane ako, hu ndulo w'olugulu, mani achia akoonya lala liba nilikotere elyo? 13Mbaboolera obwadyeeri endi, n'alinyoola, aba achia ohulisangaalira muno, ohuhira amakoondi amahumi kataanu-na-kane neende kataanu-na-kane katakotaho kadoong'ere kala. 14Nilwo nasilala lu Laata oli Muukulu atahadaha #18:14 Laata: Ebyandiiko bihuluundu bihale biindi bisoma biti, Seeng'we. kata mulala hu bayere bano akote.
Mwaanamaao oba mboochoo owonoona
15 #
Luk 17:3. “Mani mwaanamaao naahuholeraanga esibi, chichaanga yaali omuboolera esibi syae, nae nimuli mweembi mweeng'ene. Naawulira ebyao, ao oba omalire ohumweekobasaho. 16#Amal 19:15. Nae naahaya ohuhuwulira, bukulaanga omuundu mulala oba babiri muchia nabo yaali, olwohuba emboosi yisiirwa niyiriho abaloli babiri oba badatu. 17Nae naahaya ohuwulira abo bosi, yeekesaanga Abakristo baasyo; nae haandi naahaya ohuwulira kata ak'Abakristo baasyeeng'we bosi, ao bulaanu mubukuleenge koti omukafiiri oba omutoosa w'omusolo.
Ohukayira neende ohufukiirira
18 #
Mat 16:19; Yow 20:23. “Mbaboolera obwadyeeri endi, buli si munahayaanga hu syaalo, sichia ohuhaywaanga Muukulu, haandi buli si mufukiirira hu syaalo, sichia ohufukiirirwaangwa Muukulu. 19Haandi mbaboolera endi, babiri hweeng'we hu syaalo, nimufukiirisania hu siindu syoosi si musaba, Laata yaange oli Muukulu achia ohubaholeraanga esyeene esyo. 20Olwohuba, yi baandu babiri oba badatu baba nibahung'aaniire mu liita lyaange, ao mba ndiwo akati waabwe.”
Olukaado lw'omuhalaabani otakanya ohuleheramo owaasye.
21 #
Luk 17:3,4. Nae Petero yeecha eyiri Yesu yaamuteeba ati, “Omwaami, mwaanaama niiyaholera esibi, hoyeere ohumuleheramo amahabi kaanga? Amahabi kataanu-na-kabiri?”
22 #
Huc 4:24. Yesu yakobolamo ati, “Haba daawe! Si mahabi kataanu-na-kabiri, nae amahabi amahumi kataanu-na-kabiri amahabi hataanu-na-habiri, #18:22 amahumi kataanu-na-kabiri amahabi hataanu-na-habiri: Oba amahabi amahumi kataanu-na-kabiri neende chitaanu-na-chibiri.
23“Sakira Obwaami bwo Muukulu, bufwaanana neende omutuki wenya ohuteeba abahalaabani bae ebidiira hu mwaandu kwae, ku bali nakwo. 24Niyali yahachaaka ohubala, bamuleetera mulala hu bali neende ekobi lyae lya etalaata elifu ehumi; #18:24 Etalaata: etalaata yali yihira omusaara kw'omuhalaabani okw'emyaaka ehumi neende kitaanu. 25nae omuundu oyo, siyali neende engeri yoosi ey'ohutuungamo ekobi elyo, mani omwaami wae yaatusa omunwa ati, akuswemo alala neende omuhasi wae, neende abaana bae, alala neende obuyiinda bwae bwoosi, atuunge ekobi elyo. 26Mani omuhalaabani oyo, yakwa hu mahuumbo kae, yaamwekweeda ati, ‘Omwaami, ndeesimiiriseho, njia ohuhutuunga ekobi elyo lyoosi.’ 27Omwaami oyo, yamukwiira esisa, yaamuleheramo ekobi elyo lyoosi, yaamuleha yaawaao. 28Nae omuhalaabani oyo, niyali naakobolayo, yabukaanana neende mulala hu bahalaabani baasye owaba neende ekobi lyae ly'edinaari emia ndala choong'ene; #18:28 Edinaari: Edinaari ndala yali yaaka neende omusaara kw'omuhalaabani kw'oludaalo lulala yaamweebbakiraho, yaamukwa mu mamiro yaamumika n'aboola ati, ‘Nduunge ekobi lyaange.’ 29Mani omuhalaabani waasye oyo, yaakwa aasi, yaamwekweeda ati, ‘Ndeesimiiriseho, njia ohuhutuunga.’ 30Nae yaahaya ohumutekeeresa, yaachia yaamusukuna mu jeela, ohwoola lu yahatuungire ekobi elyo. 31Nae, abahalaabani baasye nibabona batyo, omwooyo kwabachuuna muno, baachia baaboolera omwaami waabwe oyo buli siindu syali nisyeeholeehe. 32Omwaami oyo yeemao yaalaanga omuhalaabani oyo yaamuboolera ati, ‘Omuhalaabani mubi ewe! Ese ndahuleheramo ekobi lyakiire ao lyoosi li waba nalyo olwohuba wandekweeda; 33nae ewe, haba siwahakwiriire omuhalaabani waasyo oyo esisa, koti lu ndahukwiira?’ 34Mani etima lyadiira omwaami oyo muno, yaasukuna omuhalaabani oyo mu mahono ka bomu jeela #18:34 mu mahono ka bomu jeela: Mu Lugiriki mbwe abatoochi. ohwoola lu yahatuungire ekobi lyae lyoosi. 35Olwo nilwo lu Laata yaange oli Muukulu achia ohuholera buli muundu hweeng'we, nimutaleheramo abasyeeng'we neende emyooyo kyeeng'we kyoosi.”
Àwon tá yàn lọ́wọ́lọ́wọ́ báyìí:
:
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©Bible Society of Kenya, 2019
©Bible Society of Uganda, 2019