Actes 26
26
Pɔɔl sòon̄ ki mɔ́tì u-ba pu Agriipa nimbiin
1Niinee ní Agriipa bí Pɔɔl yii: «A ŋūǹ kí nīn sòoǹ tin a cááyee.» Ní Pɔɔl yōoǹ u-ŋal ki jáam̀ samaa, ní ki yōoǹní tin u cááyee ki lī yii: 2«Ubɔti Agriipa, an mɔ̄ǹ-mi díǹ wiiŋŋu tikpil ḿ yūĺ a-nimbiin kí sòoǹ kí nyāntí m-ba tibɔti tin kɔkɔ Juuda yab cáa tūntí m-puee ni. 3Di sá yii a nyí Juuda yab bimbim nì bi-nikpɔŋkpɔkɔku kɔkɔ pu. Míǹ puee m gbāam̀-si á jī kimɔtii kí pīlifiǹ-mi.»
4«Juuda yab kɔkɔ nyí doooo m-naacimpɔntin m nín nìn bí miŋyee. Di sá yii doooo ŋkilkaamee, m nìn bí Jeerusaleem ní, m-yab kansikin. 5Bíǹ bi-ba nyí-mi dooooyee. Bi yaa là gba, bi ŋūǹ kí lì yii m nìn sá Fariisa yab bin ŋúb́ marab tiŋanee kansikin ubɔ#26.5 Kpèè 23.6, Fiil 3.5.. 6Kun di yāntì bi bíi sòoǹ m-bɔti kɔŋkɔnnee di sá m nín máká Unimbɔti nín nìn pōoǹ ti-naanjab puee. 7Ti-samaau tinaakɔti saalaa nì tilee máká yii bi làá dāá ká an poondi. An pu ní bi pɔ̄ɔntí ki nóó Unimbɔti ŋwiimpu nì kunyeeu. Too, ubɔti, m nín máká tin pu Juuda yab ŋúb́-mee dee. 8Míǹ puee, ba pu ní nimbi nyí yii Unimbɔti kaa làá dāá fìkitī bitaŋkpiibi ní? 9Man m-ba nìn dākafì yii an máaǹ ḿ dū iciin kɔkɔ kí já nì Yeesu Naasaareeti yɔu yindi. 10Min min m nìn ŋáań Jeerusaleemee dee. Bisaraaŋakpilib nìn tīī-mi mpɔn m cútí bin fōō Yeesu ki kííyee tikpil ki tòó sarkan, ní ŋyunti ŋun bi yaa là kí kpɔ̀-bee, man di nìn lì yii bi lafun máaǹ ŋkúm. 11Ŋyunti sá kamaayee, m nìn dátí bi-tafal akpafidiinni, ki bàà là bí yíí Yeesu. M nìn fōō diŋuul bi-pu an tin lákatì, áli ki nìn cá ntimu mubɔn ki tin páb̀-bi.»
Pɔɔl máafì u nín kpántì u-ba puee
(Kpèè Atuun 9.1-19, 22.6-16)
12«Míǹ pu ní bisaraaŋakpilib nìn tú-mi ki tīī-mi mpɔn, ní m búntì Damaasi. 13M bí nsanni kuwiŋkuluu ki cée, ní ki ká ŋwalifi ŋubɔ nyánní yilpu, ki wāĺ nyáka nyaka ki jítiǹ ŋwìiń, ki māntìi tú man nì bin nìn nóó ki cá nsanee. 14Niinee ní ti-kɔkɔ lítì kitiŋ, ní m gbìl̄ nneen ŋubɔ sòon̄ nì mi eebru sooŋyin yii: <Sɔɔl, Sɔɔl, ba ŋá ní a páb́-mi míǹ? An làá nīn pɔ̄ɔ̄ ki tīī-si á tɔ̄ ipiin pu ŋgbèen.> 15Niinee ní m bālifì yii: <An sá sii ŋma, m-Dindaan?> Ní ti-Dindaan bí-mi yii: <An sá man Yeesu un a páb̀ee! 16Ama yīkìí yūĺ a-taaŋi pu. M dɔ́miń kí dū-si kí ŋá m-tɔntɔnliu ní. Sii di làá tùkù bin kíǹee tin a ká m-cee díǹee, nì tin tin m làá dāá tí yàntī á kée. 17M làá dāá tɔ̄-si Juuda yab nì bin kaa sá Juuda yabee cee, ki làá dāá mɔ̄tì a-pu bí taa ŋá-si tiba. 18A làá cù kí ŋúbití bi-nimbiliŋ, kí nyāntiń-bi dibɔmbɔndin kí cáań-bi ŋwalifin, kí fōō-bi Sitaan pɔŋŋun kí cáań Unimbɔti cee. Bi yaa fōō-mi ki kííyee ní bí ká bi-kpitii pɔ̄tam nì tipaal tin Unimbɔti làá dāá tīī bin u gāntì bi sá u-yabee.>»
Pɔɔl sòon̄ u-tundi pu
19«Míǹ pu ní, ubɔti Agriipa, maa kpēē tin nyánní yilpu m kée fám. 20M nìn kíĺ ki tùkū Damaasi yab ki wāatì, ní boonee ní m tùkū Jeerusaleem yab, ní ki póotì Juudee tiŋki nib kɔkɔ, nì atimbun ŋin kɔkɔ kíǹee yab, yii bí fá bi-kpitii kí gítiń Unimbɔti cee, kí nīn cáá mbimbim min dàkà yii bi lafun kpántì bi-bee#26.20 Dūú ŋmàntī nì Maat 3.8, Luuki 3.8.. 21Kun di yì-tì ní m nìn bí kunimbɔtidiin Juuda yab dɔ́miń ki cúú-mi ki bàà là kí kpɔ̀-mee dee. 22Ama Unimbɔti mɔ́tì m-pu áli ki dāa sāā díǹ. M gbíntìi bí ki lèekī m-seerau biwɔfib nì biyidambi nimbiin. Maa ti cáá tiba ki kútì tin tin Unimbɔti bɔnaatiliibi nì Mooyiisi nìn lī ki yóoǹee pu, 23yii Meesiya làá dāá jī falaa áli kí dāá kpú. Úǹ di dāa sá upeepeekaa un làá fìkitī bitaŋkpiibi kansikin, kí cáań Juuda yab nì bin kaa sá Juuda yabee ŋwalifee#26.23 Dūú ŋmàntī nì 1 Kɔra 15.20, Yees 42.6, 49.6..»
Pɔɔl gbāam̀ Agriipa ú fōō Yeesu kí kíí
24Pɔɔl bíi sòoǹ tin u cááyee, ní Feestuusi téeń mpɔn yii: «A wáatì ní, Pɔɔl! A nín bífì tigbɔn tikpil puee di bíil̀ a-yil.» 25Ní Pɔɔl kíí-u yii: «Ukpil Feestuusi, maa wáatì. Tibɔti tin m sòoǹee sá ibaamɔn ní ki sá tibɔmɔntiil. 26Ubɔti béè-tì, míǹ puee ní m ŋūǹ kí sòoǹ u-nimbiin kaa fàŋkí. M nyí yii u nyí tikɔkɔ, kun puee an kaa nìn sá dibalin ní tibɔtee nìn jítì. 27Too, ubɔti Agriipa, a fōō ki kíí yii Unimbɔti bɔnaatiliibi nín nìn sòon̄ tiŋyee sá ibaamɔnaaa? Man nyí yii a fōō ki kíí yii an sá ibaamɔn.» 28Ní Agriipa bí Pɔɔl yii: «An kíǹ fiii, á bàà dū-mi kí kpántí Kriisitoo yɔu!» 29Ní Pɔɔl kíí-u yii: «An yaa kíǹ fiiiyaaa, an yaa làá tí yúntáaa, m bàà là Unimbɔti ń ŋá míǹ. Án taa nín̄ sá gba sii baba, ama án nīn sá ki kpáaǹ bin kɔkɔ bíi pílifíǹ-mi díǹ nee, ama bí taa nín bóob́ nimbi nì ikusaka nee ní!»
30Niinee ní ubɔti nì gɔmina nì Beereeniisi nì bin kɔkɔ nìn kā bi-ceeyee 31yíkì ki nyáń, ní ki bíi lì yii: «Kijapaai nee kaa yīntì tiba tin máaǹ bí kpɔ̀-ueeyaaa, kaa tí máaǹ bí cáá-u kí ŋá sarka mun.» 32Ní Agriipa bí Feestuusi yii: «Kijapaai nee yaa kaa nìn bí yii bí cáá-u gɔminakpaan cee, ti bàà ŋūǹ kí gíiǹ-u kí líí.»
Àwon tá yàn lọ́wọ́lọ́wọ́ báyìí:
Actes 26: BASSARDC
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.
Actes 26
26
Pɔɔl sòon̄ ki mɔ́tì u-ba pu Agriipa nimbiin
1Niinee ní Agriipa bí Pɔɔl yii: «A ŋūǹ kí nīn sòoǹ tin a cááyee.» Ní Pɔɔl yōoǹ u-ŋal ki jáam̀ samaa, ní ki yōoǹní tin u cááyee ki lī yii: 2«Ubɔti Agriipa, an mɔ̄ǹ-mi díǹ wiiŋŋu tikpil ḿ yūĺ a-nimbiin kí sòoǹ kí nyāntí m-ba tibɔti tin kɔkɔ Juuda yab cáa tūntí m-puee ni. 3Di sá yii a nyí Juuda yab bimbim nì bi-nikpɔŋkpɔkɔku kɔkɔ pu. Míǹ puee m gbāam̀-si á jī kimɔtii kí pīlifiǹ-mi.»
4«Juuda yab kɔkɔ nyí doooo m-naacimpɔntin m nín nìn bí miŋyee. Di sá yii doooo ŋkilkaamee, m nìn bí Jeerusaleem ní, m-yab kansikin. 5Bíǹ bi-ba nyí-mi dooooyee. Bi yaa là gba, bi ŋūǹ kí lì yii m nìn sá Fariisa yab bin ŋúb́ marab tiŋanee kansikin ubɔ#26.5 Kpèè 23.6, Fiil 3.5.. 6Kun di yāntì bi bíi sòoǹ m-bɔti kɔŋkɔnnee di sá m nín máká Unimbɔti nín nìn pōoǹ ti-naanjab puee. 7Ti-samaau tinaakɔti saalaa nì tilee máká yii bi làá dāá ká an poondi. An pu ní bi pɔ̄ɔntí ki nóó Unimbɔti ŋwiimpu nì kunyeeu. Too, ubɔti, m nín máká tin pu Juuda yab ŋúb́-mee dee. 8Míǹ puee, ba pu ní nimbi nyí yii Unimbɔti kaa làá dāá fìkitī bitaŋkpiibi ní? 9Man m-ba nìn dākafì yii an máaǹ ḿ dū iciin kɔkɔ kí já nì Yeesu Naasaareeti yɔu yindi. 10Min min m nìn ŋáań Jeerusaleemee dee. Bisaraaŋakpilib nìn tīī-mi mpɔn m cútí bin fōō Yeesu ki kííyee tikpil ki tòó sarkan, ní ŋyunti ŋun bi yaa là kí kpɔ̀-bee, man di nìn lì yii bi lafun máaǹ ŋkúm. 11Ŋyunti sá kamaayee, m nìn dátí bi-tafal akpafidiinni, ki bàà là bí yíí Yeesu. M nìn fōō diŋuul bi-pu an tin lákatì, áli ki nìn cá ntimu mubɔn ki tin páb̀-bi.»
Pɔɔl máafì u nín kpántì u-ba puee
(Kpèè Atuun 9.1-19, 22.6-16)
12«Míǹ pu ní bisaraaŋakpilib nìn tú-mi ki tīī-mi mpɔn, ní m búntì Damaasi. 13M bí nsanni kuwiŋkuluu ki cée, ní ki ká ŋwalifi ŋubɔ nyánní yilpu, ki wāĺ nyáka nyaka ki jítiǹ ŋwìiń, ki māntìi tú man nì bin nìn nóó ki cá nsanee. 14Niinee ní ti-kɔkɔ lítì kitiŋ, ní m gbìl̄ nneen ŋubɔ sòon̄ nì mi eebru sooŋyin yii: <Sɔɔl, Sɔɔl, ba ŋá ní a páb́-mi míǹ? An làá nīn pɔ̄ɔ̄ ki tīī-si á tɔ̄ ipiin pu ŋgbèen.> 15Niinee ní m bālifì yii: <An sá sii ŋma, m-Dindaan?> Ní ti-Dindaan bí-mi yii: <An sá man Yeesu un a páb̀ee! 16Ama yīkìí yūĺ a-taaŋi pu. M dɔ́miń kí dū-si kí ŋá m-tɔntɔnliu ní. Sii di làá tùkù bin kíǹee tin a ká m-cee díǹee, nì tin tin m làá dāá tí yàntī á kée. 17M làá dāá tɔ̄-si Juuda yab nì bin kaa sá Juuda yabee cee, ki làá dāá mɔ̄tì a-pu bí taa ŋá-si tiba. 18A làá cù kí ŋúbití bi-nimbiliŋ, kí nyāntiń-bi dibɔmbɔndin kí cáań-bi ŋwalifin, kí fōō-bi Sitaan pɔŋŋun kí cáań Unimbɔti cee. Bi yaa fōō-mi ki kííyee ní bí ká bi-kpitii pɔ̄tam nì tipaal tin Unimbɔti làá dāá tīī bin u gāntì bi sá u-yabee.>»
Pɔɔl sòon̄ u-tundi pu
19«Míǹ pu ní, ubɔti Agriipa, maa kpēē tin nyánní yilpu m kée fám. 20M nìn kíĺ ki tùkū Damaasi yab ki wāatì, ní boonee ní m tùkū Jeerusaleem yab, ní ki póotì Juudee tiŋki nib kɔkɔ, nì atimbun ŋin kɔkɔ kíǹee yab, yii bí fá bi-kpitii kí gítiń Unimbɔti cee, kí nīn cáá mbimbim min dàkà yii bi lafun kpántì bi-bee#26.20 Dūú ŋmàntī nì Maat 3.8, Luuki 3.8.. 21Kun di yì-tì ní m nìn bí kunimbɔtidiin Juuda yab dɔ́miń ki cúú-mi ki bàà là kí kpɔ̀-mee dee. 22Ama Unimbɔti mɔ́tì m-pu áli ki dāa sāā díǹ. M gbíntìi bí ki lèekī m-seerau biwɔfib nì biyidambi nimbiin. Maa ti cáá tiba ki kútì tin tin Unimbɔti bɔnaatiliibi nì Mooyiisi nìn lī ki yóoǹee pu, 23yii Meesiya làá dāá jī falaa áli kí dāá kpú. Úǹ di dāa sá upeepeekaa un làá fìkitī bitaŋkpiibi kansikin, kí cáań Juuda yab nì bin kaa sá Juuda yabee ŋwalifee#26.23 Dūú ŋmàntī nì 1 Kɔra 15.20, Yees 42.6, 49.6..»
Pɔɔl gbāam̀ Agriipa ú fōō Yeesu kí kíí
24Pɔɔl bíi sòoǹ tin u cááyee, ní Feestuusi téeń mpɔn yii: «A wáatì ní, Pɔɔl! A nín bífì tigbɔn tikpil puee di bíil̀ a-yil.» 25Ní Pɔɔl kíí-u yii: «Ukpil Feestuusi, maa wáatì. Tibɔti tin m sòoǹee sá ibaamɔn ní ki sá tibɔmɔntiil. 26Ubɔti béè-tì, míǹ puee ní m ŋūǹ kí sòoǹ u-nimbiin kaa fàŋkí. M nyí yii u nyí tikɔkɔ, kun puee an kaa nìn sá dibalin ní tibɔtee nìn jítì. 27Too, ubɔti Agriipa, a fōō ki kíí yii Unimbɔti bɔnaatiliibi nín nìn sòon̄ tiŋyee sá ibaamɔnaaa? Man nyí yii a fōō ki kíí yii an sá ibaamɔn.» 28Ní Agriipa bí Pɔɔl yii: «An kíǹ fiii, á bàà dū-mi kí kpántí Kriisitoo yɔu!» 29Ní Pɔɔl kíí-u yii: «An yaa kíǹ fiiiyaaa, an yaa làá tí yúntáaa, m bàà là Unimbɔti ń ŋá míǹ. Án taa nín̄ sá gba sii baba, ama án nīn sá ki kpáaǹ bin kɔkɔ bíi pílifíǹ-mi díǹ nee, ama bí taa nín bóob́ nimbi nì ikusaka nee ní!»
30Niinee ní ubɔti nì gɔmina nì Beereeniisi nì bin kɔkɔ nìn kā bi-ceeyee 31yíkì ki nyáń, ní ki bíi lì yii: «Kijapaai nee kaa yīntì tiba tin máaǹ bí kpɔ̀-ueeyaaa, kaa tí máaǹ bí cáá-u kí ŋá sarka mun.» 32Ní Agriipa bí Feestuusi yii: «Kijapaai nee yaa kaa nìn bí yii bí cáá-u gɔminakpaan cee, ti bàà ŋūǹ kí gíiǹ-u kí líí.»
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
BIBLE EN N'TCHAM (Bassar) © Alliance Biblique du Togo, 2013.