Yela 132
132
Korowii Dea kpɛɛra wa
1N Naa Korowii,
lii Kooro Devid ne
wahala waa naa wa.
2O ŋwɛɛ ntam baɡle hen
Korowii,
Nemenɛ Korowii
Jekɔb aa tomɛ la ŋɔ,
3“Maa n demii la,
á ba ɛ kɛŋɔ mɛɛ chɔ
n kalaŋ taa.
4Maa domii chuɡli,
á ba ɛ kɛŋɔ mɛɛ chɔ domii,
5ka tel kɛŋɔ maa nyin
sobɔr tɛ N Naa Korowii,
Nemenɛ Korowii, Jekɔb
Kpeɡnɛn waa tomɔ la.”
6Yaa lɔ Bɛtlɛham la,
ya no Korowii Ne Nɛwɛnyina
Fɔo Daka la wa,
dɛ ka nao Kiriat Jearim
tena kooni ta.
7Belaa ya ŋɔ, “Hé ɡel
yá kaa Korowii be o Dea,
dɛ́ ka tomɔ o kookara la sie.”
8N Naa Korowii, ir kpɔ He
Ne Nɛwɛnyina Fɔo Daka
waa cheɡa tɛ he kpeɡri la
ba he Dea, dɛ́ ba so
bonɔ saŋ bɛlbwa dɛɛ la.#2We 6:41-42
9Gel he sɔfore teŋɛ
dɛɛ ɛ waa aa toɡra,
ásɛ he nɛra ba wa aa toɡra bwa ɡe
do lɔŋɔre silɛɛ ne.
10N Naa Korowii, lii nyoa
haa baɡɛ he bonɔɔ
Kooro Devid la wa.
Bɛ kooro haa leo cheɡ
tɛ he te la vɛh.
11He baɡɛ Kooro Devid nyoa,
haa wola nyoa charɛ, dɛ ŋɔ,
“Mɛɛ ɡeloo he naanar
bini bɛl ba di he kara.#2Sa 7:12
12Dɛ he bibaala
baa ba chiɡ he naa ta la
ɛɛ teŋɛ fɔo n ne haa fɔwa,
ne me Mmarare maa kpɔa
dɛɛ tɛɛ ba taa yaa,
ba ɡe bii ɛɛ di he kara nɔɔ
saŋ bɛlbwa dɛɛ la.”
13Korowii le Saayɔn cheɡ,
dɛ kpɔ bela ɛ o soŋnibɔr.
14O ŋɔ, “Bonɔɔ mɛɛ
ba soɡa saŋ bɛlbwa dɛɛ la,
bonɔɔ mɛɛ nyin ń so dɛ́ di
kora.
15Mɛɛ tɛ Saayɔn tena ba
konnyinaa,
dɛ́ tɛ ba nyaara
kondikwaa bá di dɛ́ vaɡre.
16Mɛɛ swee Saayɔn sɔfore
andɛɛɡaa
wobɛlbwa baa dɛ ɛ ta,
ásɛ o nɛra ba wa aa toɡra
ɛɛ ɡo silɛɛ yela saŋ bɛlbwa.
17Mɛɛ lawɛ Kooro Devid
naanar la bini bɛlee,
dɛ́ cheɡo kora ta
Saayɔn wɛɛ di kpeɡri,
dɛ́ ɡel kooro maa leo cheɡ la
jirima ɛɛ chaah, kɛŋɔ nii
waa dɛ chaah
saŋ bɛlbwa ken.
18Sihiih ɛɛ kpo o dɔmaa kohona,
kɛ o te kora ɛɛ dɔ jirimaa
kɛrɛdɛ.”
Àwon tá yàn lọ́wọ́lọ́wọ́ báyìí:
Yela 132: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 132
132
Korowii Dea kpɛɛra wa
1N Naa Korowii,
lii Kooro Devid ne
wahala waa naa wa.
2O ŋwɛɛ ntam baɡle hen
Korowii,
Nemenɛ Korowii
Jekɔb aa tomɛ la ŋɔ,
3“Maa n demii la,
á ba ɛ kɛŋɔ mɛɛ chɔ
n kalaŋ taa.
4Maa domii chuɡli,
á ba ɛ kɛŋɔ mɛɛ chɔ domii,
5ka tel kɛŋɔ maa nyin
sobɔr tɛ N Naa Korowii,
Nemenɛ Korowii, Jekɔb
Kpeɡnɛn waa tomɔ la.”
6Yaa lɔ Bɛtlɛham la,
ya no Korowii Ne Nɛwɛnyina
Fɔo Daka la wa,
dɛ ka nao Kiriat Jearim
tena kooni ta.
7Belaa ya ŋɔ, “Hé ɡel
yá kaa Korowii be o Dea,
dɛ́ ka tomɔ o kookara la sie.”
8N Naa Korowii, ir kpɔ He
Ne Nɛwɛnyina Fɔo Daka
waa cheɡa tɛ he kpeɡri la
ba he Dea, dɛ́ ba so
bonɔ saŋ bɛlbwa dɛɛ la.#2We 6:41-42
9Gel he sɔfore teŋɛ
dɛɛ ɛ waa aa toɡra,
ásɛ he nɛra ba wa aa toɡra bwa ɡe
do lɔŋɔre silɛɛ ne.
10N Naa Korowii, lii nyoa
haa baɡɛ he bonɔɔ
Kooro Devid la wa.
Bɛ kooro haa leo cheɡ
tɛ he te la vɛh.
11He baɡɛ Kooro Devid nyoa,
haa wola nyoa charɛ, dɛ ŋɔ,
“Mɛɛ ɡeloo he naanar
bini bɛl ba di he kara.#2Sa 7:12
12Dɛ he bibaala
baa ba chiɡ he naa ta la
ɛɛ teŋɛ fɔo n ne haa fɔwa,
ne me Mmarare maa kpɔa
dɛɛ tɛɛ ba taa yaa,
ba ɡe bii ɛɛ di he kara nɔɔ
saŋ bɛlbwa dɛɛ la.”
13Korowii le Saayɔn cheɡ,
dɛ kpɔ bela ɛ o soŋnibɔr.
14O ŋɔ, “Bonɔɔ mɛɛ
ba soɡa saŋ bɛlbwa dɛɛ la,
bonɔɔ mɛɛ nyin ń so dɛ́ di
kora.
15Mɛɛ tɛ Saayɔn tena ba
konnyinaa,
dɛ́ tɛ ba nyaara
kondikwaa bá di dɛ́ vaɡre.
16Mɛɛ swee Saayɔn sɔfore
andɛɛɡaa
wobɛlbwa baa dɛ ɛ ta,
ásɛ o nɛra ba wa aa toɡra
ɛɛ ɡo silɛɛ yela saŋ bɛlbwa.
17Mɛɛ lawɛ Kooro Devid
naanar la bini bɛlee,
dɛ́ cheɡo kora ta
Saayɔn wɛɛ di kpeɡri,
dɛ́ ɡel kooro maa leo cheɡ la
jirima ɛɛ chaah, kɛŋɔ nii
waa dɛ chaah
saŋ bɛlbwa ken.
18Sihiih ɛɛ kpo o dɔmaa kohona,
kɛ o te kora ɛɛ dɔ jirimaa
kɛrɛdɛ.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.