Yela 130
130
Chae wesoŋa
1N Naa Korowii,
n bambichɔɡ do kɛŋɔ
maa le vil bini,
dɛ wi dɛɛ yerɛ!
2No n wii maa wia dɛɛ yerɛ.
Cheɡ deŋne no n be,
dɛ́ ba cha mɛ.
3Dɛ he fe chwerɛ nɛn wechɔɡa
waa dɛ ɛ dɛɛ bil aa,
umee dɛ́ fe leɔ?#Aes 55:7
4Kɛ he kpɔ ya wechɔɡa dɛɛ
kɛ yaa, asɛ a che a ta
yaa ɔmɛ.
5N dɛ kpa sibeɡra ne
kɛŋɔ Korowii ba cha mɛ.
O waa la taa mɛɛ hwɛɡɛ.
6N dɛ kpa Korowii sibeɡra
ne, ɡwaa ɡɛ nɛra
baa dɛ daah bɔr jwaana,
yon dɛɛ nyiŋi bɔr
chaahna
ŋwɛnɛ kohona la.
7Israel tena, hé kpɔ he hwɛɡa
bwa do Korowii nɛ,
dɛkalkɛ o nyina ta jaɡa
dɔe, dɛ́ sɛh kɛ
saŋ bɛlbwa wɛɛ lɛ heyaa.
8Wɛɛ lɛ o nɛra Israel tenaa
le ba wechɔɡa bwa ta.
Àwon tá yàn lọ́wọ́lọ́wọ́ báyìí:
Yela 130: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.