Yela 122
122
Bwɛjen Jerusalam kpɛɛra
Kooro Devid yel
1N sie lɛo kɛ baa ŋɔ n be ŋɔ,
“Ir ya la Korowii Dea.”
2Taraken Jerusalam,
he doonyoonee ya che nɔ.
3Jerusalam ɛ bwɛjen
baa ma o deene a farɛ,
dɛ do wer kɛrɛdɛ.
4Belaa Israel deene bwa
ɛɛ cheme dɛɛ kpɛɛ
Korowii, ɡɛ waa do ba la.
5Belaa Kooro Devid
luɡe koranar fa so,
dɛ bol nɛra waa dɛɛ pa
bole.
6Soŋe deŋnesɔɔhna tɛ
Jerusalam tena ŋɔ,
“Nɛra baa dɛ nyin
hen Jerusalam la,
ba wobɛlbwa do wer tɛɛ ba.
7Kórowii ɡel deŋnesɔɔhna
do Jerusalam baa ma
danjwɛjen baro, ne o
kooderemi bwa ta.”
8N lolanar ne n daamanar
nomanta, n soŋe
deŋnesɔɔhna
dɛɛ tɛ Jerusalam tena!
9Korowii yaa dɛ tomɔ la
Dea nomanta, n dɛ soŋe
ŋɔ hé wobɛlbwa chiɡ
heyaa kɛrɛdɛ.
Àwon tá yàn lọ́wọ́lọ́wọ́ báyìí:
Yela 122: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.