Yela 108
108
Chae wesoŋa dɛ́ yo dɔma
Kooro Devid yel
1N Naa Korowii, he nɛɛ
mɛɛ hwɛɡɛ kohona,
mɛɛ ɡo yelaa kpɛɛre
n bambile bwa ne.
2Mɛɛ iruu che, dɛ́ kpɔ janjela
ne kwaa bwa soo siwi
lɔ yela!
Mɛɛ feluu ir mɔɔ
bɔr chaah.
3N Naa Korowii, mɛɛ jaamee
harɛre nɛra bwa binii,
mɛɛ ɡo yelaa kpɛɛre
nɛnlaa baahnee.
4He nyina aa wola jaɡa dɔe
kan dɛɛ tel nyundua,
he wa aa dɔ kasinteŋ
ɡe ɛɛ tel bela.
5N Naa Korowii, ɡel ya
na he kan haa doa
nyundua, ásɛ he jirima
tɔ harɛ nɔ ta bwa.
6Lɛ yaa he kpeɡri ne
dɛ́ no ya wesoŋa,
ɡɛ aa ɛ he lɛ nɛra
haa dɛ nyin ba la.#Yel 60:5-12
7Korowii bol waa o Dea bela
waa do ɡoroŋ la dɛ ŋɔ,
“Mɛɛ yo bwɛjen Sɛkem
tenaa dɛ́ pɔ ba nɛ,
dɛ́ bɔne o ne Sukot
Fɛlembɔjen
bini tɛ n nɛra.
8Gelead harɛ ne Manasɛ dea
harɛ bwa ɛ n kwa,
Efrem harɛ do kɛŋɔ
n laa ɡbɛrɛ,
asɛ Juda harɛ ɡe do kɛŋɔ
n koodaŋɡbala.
9Moab harɛ nɛra ɛ n bonɔɔna,
ba do kɛ loɡ maa dɛ loo
kwaa o bini ken,
mɛɛ kpɔ n naŋɡawaa ta
Edom harɛ ta.
N dɛ moo, dɛkalkɛ
n pɔ Filisti tena nɛ.”
10N Naa Korowii,
umee dɛ́ kpɔ mɛ jo bwɛjen
baa ma danjwɛkpeɡ
baro nɔ ta nɔ?
Umee dɛ́ tɔ n sie
kaa Edom ɔ?
11He deno berɛ habɔɔ
kpo yaa kɛɛ?
Haa ya laa tena sie tɔ
ka yo ya dɔma kpa aa?
12Cha yaa ya won pɔ
ya dɔma nɛ, nɛwɛnyini
chae ɡɛ bɛlbwa naa,
a bwa dɛ ɛ pɛɛpɛɛ.
13Korowii ja ya nɛ aa,
yaa yoo, dɛ́ pɔ ya dɔma nɛ.
Wɛɛ tiɡri ya dɔmaa
do harɛ.
Àwon tá yàn lọ́wọ́lọ́wọ́ báyìí:
Yela 108: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 108
108
Chae wesoŋa dɛ́ yo dɔma
Kooro Devid yel
1N Naa Korowii, he nɛɛ
mɛɛ hwɛɡɛ kohona,
mɛɛ ɡo yelaa kpɛɛre
n bambile bwa ne.
2Mɛɛ iruu che, dɛ́ kpɔ janjela
ne kwaa bwa soo siwi
lɔ yela!
Mɛɛ feluu ir mɔɔ
bɔr chaah.
3N Naa Korowii, mɛɛ jaamee
harɛre nɛra bwa binii,
mɛɛ ɡo yelaa kpɛɛre
nɛnlaa baahnee.
4He nyina aa wola jaɡa dɔe
kan dɛɛ tel nyundua,
he wa aa dɔ kasinteŋ
ɡe ɛɛ tel bela.
5N Naa Korowii, ɡel ya
na he kan haa doa
nyundua, ásɛ he jirima
tɔ harɛ nɔ ta bwa.
6Lɛ yaa he kpeɡri ne
dɛ́ no ya wesoŋa,
ɡɛ aa ɛ he lɛ nɛra
haa dɛ nyin ba la.#Yel 60:5-12
7Korowii bol waa o Dea bela
waa do ɡoroŋ la dɛ ŋɔ,
“Mɛɛ yo bwɛjen Sɛkem
tenaa dɛ́ pɔ ba nɛ,
dɛ́ bɔne o ne Sukot
Fɛlembɔjen
bini tɛ n nɛra.
8Gelead harɛ ne Manasɛ dea
harɛ bwa ɛ n kwa,
Efrem harɛ do kɛŋɔ
n laa ɡbɛrɛ,
asɛ Juda harɛ ɡe do kɛŋɔ
n koodaŋɡbala.
9Moab harɛ nɛra ɛ n bonɔɔna,
ba do kɛ loɡ maa dɛ loo
kwaa o bini ken,
mɛɛ kpɔ n naŋɡawaa ta
Edom harɛ ta.
N dɛ moo, dɛkalkɛ
n pɔ Filisti tena nɛ.”
10N Naa Korowii,
umee dɛ́ kpɔ mɛ jo bwɛjen
baa ma danjwɛkpeɡ
baro nɔ ta nɔ?
Umee dɛ́ tɔ n sie
kaa Edom ɔ?
11He deno berɛ habɔɔ
kpo yaa kɛɛ?
Haa ya laa tena sie tɔ
ka yo ya dɔma kpa aa?
12Cha yaa ya won pɔ
ya dɔma nɛ, nɛwɛnyini
chae ɡɛ bɛlbwa naa,
a bwa dɛ ɛ pɛɛpɛɛ.
13Korowii ja ya nɛ aa,
yaa yoo, dɛ́ pɔ ya dɔma nɛ.
Wɛɛ tiɡri ya dɔmaa
do harɛ.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.