Yela 104
104
Korowii waa ta komɛlbwa kpɛɛra yel
1N dɛ kpɛɛ Korowii
n bambile bwa ne,
Korowii maa dɛ tomɛ,
he kan kohona!
He kpɔ he kan ne he jirima
tɔ kɛŋɔ yal ken,
2asɛ nii bare cheme,
dɛ paɡri nyundua kɛŋɔ tɛnte,
3dɛ ma he sobɔr
baama baŋ nyundua.
He kpɔ baama berɛ kon
waa do kɛŋɔ torɔɡo,
dɛ so o bini dɛɛ kaa,
a do kɛŋɔ peu aa dɔ kena
dɛɛ kaa he ne la ken.
4He ɡelɔ he nyundua toroma
do kɛŋɔ peu ne ninlao.
5He kpɔ harɛ chɔŋɛ
kwaa ta a lawɔ kpoŋe,
o che kiŋkiŋ
waa wola yiiɡi bwa.
6He kpɔ mpo bɔle
o ta kɛŋɔ yal ken,
asɛ nee la bɔle bwejena ta.
7He kɔr neerare
dɛ ɡel a hweeh,
he kɔra la ɡelɔ a nee la
palɛ kaa warane.
8A palɔ kpɔ bwejena ta
dɛ kaa fɛlembɔjena ta,
dɛ kaa bela haa
kwaara cheɡa la.
9He maɡɛ bela aa jaɡɛ tɛa,
ásɛ a bɛ won su bɔle
harɛ bwa ta kpa.
10He ɡelɔ buli bule jo
fɛlembɔjena bini,
neerare palɛ dɛɛ kpɔ
bwejena baah.
11A ɡel kpɔɡ bini ola
dɔ nee dɛɛ nyɔ,
kpɔɡ bini keeɡore nyɔɡre
aa dɛ kpoa ɡe dɔ ane nyɔ.
12Jumbii sɔh a kɔne,
daa aa cheɡɛ neerare la
nyoo ta dɛɛ si.
13He ɡelɔ bwaala le nyundua,
dɛ nɛ bwea dor,
asɛ harɛ bwa vaɡɛ ne.
14He ɡelɔ kpɔɡa moɡɛ
nae dɔ dɛɛ di,
dɛ ɡel nɛwɛnyina dɔ
koo kwaa ɡɛ aa ɛ bá dɔ
kondikwaa dɛɛ di,
15dɛ́ dɔ sen nyɔ ba sie lɛ,
ne noo baa kpɔ fɔɡle
ba siebɔra á do wer,
dɛ kondikwa aa tɛɛ
ba bokpeɡa ɡe.
16Peleme daa aa lɔ Lɛbanɔn,
Korowii aa dua la,
dɔ bwaala nee kohona.
17Jumbii sɔh kɔne a ta,
hale chaŋɡale bwa so
dakpeɡa la ta.
18Kpɔɡ bini boohna
soɡe bwejena dor,
asɛ kukubane ɡe dɔ
sɔɔhbɔra bwea baah.
19Henee ta korobie
wɛɛ baɡle saŋ,
dɛ ɡel wee ɡe ɛɛ jo
o saŋ ta.
20He ɡelɔ bɔr bir dɛ ɛ jwaana,
asɛ kpɔɡ bini ola bwa
le dɛɛ valɛ.
21Nyujentena bii kpaahnɔ
dɛɛ kɔɡre,
dɛɛ nyin kondikwa hen
Korowii aa tɛa.
22Wee baa le aa,
dɛ a bwa berɔ ka jo
a bɔɔne bini chɔ,
23mɔɔ nɛra le kaa
ɛ ba tomare ka tel jɔmɔra.
24N Naa Korowii,
he cheɡɛ he wejema ta,
dɛ ɛ wejena taeh,
harɛ nɔ bwa su
he kontaala haa taa.
25Mpo ɡe kan dɛ do paɡri chɔ,
he kontaala anjeɡre
ne anjena,
aa wola nyoa
dɔe bwa su o bini.
26Stiimaere kpɔ o sie dɛ la dɛɛ ba,
asɛ mpo bini oljen
Lɛvayatan,
haa tao la ɛɛ hɛlɛ o bini.
27Hen Korowii nɛɛ
a bwa sie dawɛ kɛŋɔ,
he tɛa kondikwaa
á di a saŋ ta.
28He dɔɔ dɛ tɛa aa,
anee á ɡe dɔ di,
he nɔn ta kondikwaa
a dɔ di dɛɛ vaɡɛ.
29He laa sie kpɔ a be naa,
dɛ ɔmee chole a nɛ,
he lɛ hweera
haa kpɔa tɛa la aa,
a dɛ serewe,
dɛ́ berɛ kaa teera
haa kpɔa maa la ta.
30Hweeraa he hwee
do a bini dɛ taa,
dɛ ɡel kwaa haa taa bwa
dɔ mkpa harɛ ta.
31N dɛ soŋe kɛŋɔ,
N Naa Korowii jirima
do le saŋ bɛlbwa dɛɛ la!
N dɛ soŋe kɛŋɔ, o sie lɛ
kwaa waa taa la ta.
32O nyiŋi harɛ aa, o dɛ jiɡri,
o leɡe bwejena chuu ɛɛ
le a ta.
33Mɛɛ ɡo yelaa kpɛɛ Korowii
n soɡa bini bwa,
n ta soɡe le tenaa,
mɛɛ ɡo yelaa dɛ́ kpɛɛ
Korowii maa dɛ tomɔ.
34N dɛ soŋe kɛ Korowii sie lɛ
yel maa dɛ ɡo nɔ ta,
dɛkalkɛ onee dɛɛ tɛ mɛ
silɛɛ.
35N Naa Korowii, n dɛ soŋe
kɛ he chɔɡ wechɔɡ-ɛɛra
le harɛ nɔ ta,
nyubinikpeɡ tena bɛ le
do kpa.
N dɛ kpɛɛ Korowii
n bambile bwa ne!
Hé kpɛɛ Korowii.
Àwon tá yàn lọ́wọ́lọ́wọ́ báyìí:
Yela 104: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 104
104
Korowii waa ta komɛlbwa kpɛɛra yel
1N dɛ kpɛɛ Korowii
n bambile bwa ne,
Korowii maa dɛ tomɛ,
he kan kohona!
He kpɔ he kan ne he jirima
tɔ kɛŋɔ yal ken,
2asɛ nii bare cheme,
dɛ paɡri nyundua kɛŋɔ tɛnte,
3dɛ ma he sobɔr
baama baŋ nyundua.
He kpɔ baama berɛ kon
waa do kɛŋɔ torɔɡo,
dɛ so o bini dɛɛ kaa,
a do kɛŋɔ peu aa dɔ kena
dɛɛ kaa he ne la ken.
4He ɡelɔ he nyundua toroma
do kɛŋɔ peu ne ninlao.
5He kpɔ harɛ chɔŋɛ
kwaa ta a lawɔ kpoŋe,
o che kiŋkiŋ
waa wola yiiɡi bwa.
6He kpɔ mpo bɔle
o ta kɛŋɔ yal ken,
asɛ nee la bɔle bwejena ta.
7He kɔr neerare
dɛ ɡel a hweeh,
he kɔra la ɡelɔ a nee la
palɛ kaa warane.
8A palɔ kpɔ bwejena ta
dɛ kaa fɛlembɔjena ta,
dɛ kaa bela haa
kwaara cheɡa la.
9He maɡɛ bela aa jaɡɛ tɛa,
ásɛ a bɛ won su bɔle
harɛ bwa ta kpa.
10He ɡelɔ buli bule jo
fɛlembɔjena bini,
neerare palɛ dɛɛ kpɔ
bwejena baah.
11A ɡel kpɔɡ bini ola
dɔ nee dɛɛ nyɔ,
kpɔɡ bini keeɡore nyɔɡre
aa dɛ kpoa ɡe dɔ ane nyɔ.
12Jumbii sɔh a kɔne,
daa aa cheɡɛ neerare la
nyoo ta dɛɛ si.
13He ɡelɔ bwaala le nyundua,
dɛ nɛ bwea dor,
asɛ harɛ bwa vaɡɛ ne.
14He ɡelɔ kpɔɡa moɡɛ
nae dɔ dɛɛ di,
dɛ ɡel nɛwɛnyina dɔ
koo kwaa ɡɛ aa ɛ bá dɔ
kondikwaa dɛɛ di,
15dɛ́ dɔ sen nyɔ ba sie lɛ,
ne noo baa kpɔ fɔɡle
ba siebɔra á do wer,
dɛ kondikwa aa tɛɛ
ba bokpeɡa ɡe.
16Peleme daa aa lɔ Lɛbanɔn,
Korowii aa dua la,
dɔ bwaala nee kohona.
17Jumbii sɔh kɔne a ta,
hale chaŋɡale bwa so
dakpeɡa la ta.
18Kpɔɡ bini boohna
soɡe bwejena dor,
asɛ kukubane ɡe dɔ
sɔɔhbɔra bwea baah.
19Henee ta korobie
wɛɛ baɡle saŋ,
dɛ ɡel wee ɡe ɛɛ jo
o saŋ ta.
20He ɡelɔ bɔr bir dɛ ɛ jwaana,
asɛ kpɔɡ bini ola bwa
le dɛɛ valɛ.
21Nyujentena bii kpaahnɔ
dɛɛ kɔɡre,
dɛɛ nyin kondikwa hen
Korowii aa tɛa.
22Wee baa le aa,
dɛ a bwa berɔ ka jo
a bɔɔne bini chɔ,
23mɔɔ nɛra le kaa
ɛ ba tomare ka tel jɔmɔra.
24N Naa Korowii,
he cheɡɛ he wejema ta,
dɛ ɛ wejena taeh,
harɛ nɔ bwa su
he kontaala haa taa.
25Mpo ɡe kan dɛ do paɡri chɔ,
he kontaala anjeɡre
ne anjena,
aa wola nyoa
dɔe bwa su o bini.
26Stiimaere kpɔ o sie dɛ la dɛɛ ba,
asɛ mpo bini oljen
Lɛvayatan,
haa tao la ɛɛ hɛlɛ o bini.
27Hen Korowii nɛɛ
a bwa sie dawɛ kɛŋɔ,
he tɛa kondikwaa
á di a saŋ ta.
28He dɔɔ dɛ tɛa aa,
anee á ɡe dɔ di,
he nɔn ta kondikwaa
a dɔ di dɛɛ vaɡɛ.
29He laa sie kpɔ a be naa,
dɛ ɔmee chole a nɛ,
he lɛ hweera
haa kpɔa tɛa la aa,
a dɛ serewe,
dɛ́ berɛ kaa teera
haa kpɔa maa la ta.
30Hweeraa he hwee
do a bini dɛ taa,
dɛ ɡel kwaa haa taa bwa
dɔ mkpa harɛ ta.
31N dɛ soŋe kɛŋɔ,
N Naa Korowii jirima
do le saŋ bɛlbwa dɛɛ la!
N dɛ soŋe kɛŋɔ, o sie lɛ
kwaa waa taa la ta.
32O nyiŋi harɛ aa, o dɛ jiɡri,
o leɡe bwejena chuu ɛɛ
le a ta.
33Mɛɛ ɡo yelaa kpɛɛ Korowii
n soɡa bini bwa,
n ta soɡe le tenaa,
mɛɛ ɡo yelaa dɛ́ kpɛɛ
Korowii maa dɛ tomɔ.
34N dɛ soŋe kɛ Korowii sie lɛ
yel maa dɛ ɡo nɔ ta,
dɛkalkɛ onee dɛɛ tɛ mɛ
silɛɛ.
35N Naa Korowii, n dɛ soŋe
kɛ he chɔɡ wechɔɡ-ɛɛra
le harɛ nɔ ta,
nyubinikpeɡ tena bɛ le
do kpa.
N dɛ kpɛɛ Korowii
n bambile bwa ne!
Hé kpɛɛ Korowii.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.