Yela 102
102
Bonɔɔ o bwara aa dɛ nyɛɡ wesoŋa
1N Naa Korowii,
no n wesoŋa,
no n wii maa dɛ wi
dɛ́ cha mɛ.
2Dɛ waa puu mɛ naa,
bɛ sie laa kpɔ n nɛ.
Cheɡ deŋne no n be,
dɛ́ chaŋ mɛ warane.
3N tɔpera dɛ kaa
warane kɛ chuu,
n hoɡa bini ɛɛ wee mɛ
kɛŋɔ hɔla aa dɛ fuh ken.
4N do kɛŋɔ kpɔɡa aa hola
dɛ kuuɡi chɔ la ken,
n pɛla aa kondikwa
bɛlbwa lawɛ.
5N hima kohona nomanta,
n ɡwaŋɔ ka hoɡa ɡbo.
6A ka n ɡbo kɛŋɔ kwiu
beŋkpoŋ
waa lɔ pua hɛŋle ɡbo
harɛ ta ken,
n do kɛŋɔ kwiu waa lɔ
bwɛɛ waa paɡra ta.
7N chɔɔ n sie kpaŋe,
n do kɛ jumbibeŋkpoŋ
waa joŋi dea doa.
8Saŋ bɛlbwaa
n dɔma ɛɛ chɛɡ mɛ,
n sɔnee ba yerɛ
dɛɛ taah nɛra.
9Tɔɔ ber mɛ kondikwa,
siniire koo nee ta mɛɛ nyɔ,
10he bandia kohona nomanta,
he laɡ mɛ dɛ ɡɔɔ mɛ viɡri.
11N tɔpera dɛ ba warane
kɛŋɔ wee yon le harɛ,
bɔr ɛɛ bir la,
n holɔ kɛŋɔ kpɔɡa ken.
12Kɛ hen Korowii te,
he di kora saŋ bɛlbwa
dɛɛ la.
Naanar baa ka ba bwa
ɛɛ lii he waa.
13Hɛɛ sune bwɛjen Saayɔn
tena nɛɛ,
saŋ haa lea cheɡ la telo
kɛ he dɔ tedoma tɛɛ ba.
14Yan yaa ɛ he toroma
sie dɛ lɛ bwɛjen Saayɔn wa,
a lole kɛŋɔ
o bwa paɡrɔ kwaraa.
15Harɛre nɛra bwa
ɛɛ ɔmɛ Korowiirii,
ásɛ koranar baa lɔ harɛ
nɔ ta bwa
ɡe kpɛɛ o jirima waa dɔa.
16Wɛɛ berɔ ba kwaa ma
bwɛjen Saayɔn ja,
ásɛ dɛ forɛ le o jirima ne.
17Wɛɛ no he nɛra
baa vɛɛh ba la bee,
dɛ́ no ba wesoŋa.
18Hé chwerɛ waa Korowii
aa ɛa nɔ bil tɛ naanar
baa ka ba kerekere,
ɡɛ aa ɛ nɛra baa wola
ban lolɛ mɔɔ la kpɛɛro.
19Korowii lɔ o sobɔr
waa do ɡoroŋ
nyundua, dɛɛ nyiŋi harɛ,
20dɛɛ no nɛra baa
laɡ ba do dea hima,
dɛ́ lɛɛ ba le kpoora
baa dɛ ba ba kpoora ta,
dɛ́ ɡel ba dɔ ba te.
21Anomanta, baa kpɛɛ
Korowii sɔn
bwɛjen Saayɔnee,
dɛ́ kpɔ duure tɛo
Jerusalam,
22awola harɛre nɛra ne
ba koranar aa cheme,
dɛɛ tomɛ Korowii la.
23N taa dɔ bokpeɡa
maa wola hwɛɛhrɛ mɔɔ la
Korowii ɡelɔ n ɡwɛɡre,
dɛ teŋe me mkpa tɔpera ta.
24Anomanta, n ŋɔ,
“N Naa Korowii,
bɛ ɡel ń teŋe sewɛ.
He lole saŋ bɛlbwa,
dɛ́ kpoŋe ka le naanar
baa ka ba bwa.
25Wobɛlbwa mumpar la,
henee ta harɛ,
kwaa aa lɔ nyundua ɡe,
he nɔn tomaa a bwa.#Hib 1:10-12
26A bwa ɛɛ chɔɡoo,
aa wola lee do kpa,
kɛ he te ɛɛ do lee dɛɛ la.
A bwa ɛɛ ba ɛ kombenaa
ba kpɔ ta kɛŋɔ yal
yon hɛh la.
27Kɛ he te, hɛɛ do
ɡɛ haa doa saŋ bɛlbwaa,
ásɛ he bene ɡe
aa jaɡaa dɔ bwa.
28Ya bii ɛɛ so he siee
ásɛ he kpɔ nɔn tɔ ba nɛ,
ásɛ dɛ nyiŋi ba naanar nɛ
ba bwara sɔɔh ba.”
Àwon tá yàn lọ́wọ́lọ́wọ́ báyìí:
Yela 102: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 102
102
Bonɔɔ o bwara aa dɛ nyɛɡ wesoŋa
1N Naa Korowii,
no n wesoŋa,
no n wii maa dɛ wi
dɛ́ cha mɛ.
2Dɛ waa puu mɛ naa,
bɛ sie laa kpɔ n nɛ.
Cheɡ deŋne no n be,
dɛ́ chaŋ mɛ warane.
3N tɔpera dɛ kaa
warane kɛ chuu,
n hoɡa bini ɛɛ wee mɛ
kɛŋɔ hɔla aa dɛ fuh ken.
4N do kɛŋɔ kpɔɡa aa hola
dɛ kuuɡi chɔ la ken,
n pɛla aa kondikwa
bɛlbwa lawɛ.
5N hima kohona nomanta,
n ɡwaŋɔ ka hoɡa ɡbo.
6A ka n ɡbo kɛŋɔ kwiu
beŋkpoŋ
waa lɔ pua hɛŋle ɡbo
harɛ ta ken,
n do kɛŋɔ kwiu waa lɔ
bwɛɛ waa paɡra ta.
7N chɔɔ n sie kpaŋe,
n do kɛ jumbibeŋkpoŋ
waa joŋi dea doa.
8Saŋ bɛlbwaa
n dɔma ɛɛ chɛɡ mɛ,
n sɔnee ba yerɛ
dɛɛ taah nɛra.
9Tɔɔ ber mɛ kondikwa,
siniire koo nee ta mɛɛ nyɔ,
10he bandia kohona nomanta,
he laɡ mɛ dɛ ɡɔɔ mɛ viɡri.
11N tɔpera dɛ ba warane
kɛŋɔ wee yon le harɛ,
bɔr ɛɛ bir la,
n holɔ kɛŋɔ kpɔɡa ken.
12Kɛ hen Korowii te,
he di kora saŋ bɛlbwa
dɛɛ la.
Naanar baa ka ba bwa
ɛɛ lii he waa.
13Hɛɛ sune bwɛjen Saayɔn
tena nɛɛ,
saŋ haa lea cheɡ la telo
kɛ he dɔ tedoma tɛɛ ba.
14Yan yaa ɛ he toroma
sie dɛ lɛ bwɛjen Saayɔn wa,
a lole kɛŋɔ
o bwa paɡrɔ kwaraa.
15Harɛre nɛra bwa
ɛɛ ɔmɛ Korowiirii,
ásɛ koranar baa lɔ harɛ
nɔ ta bwa
ɡe kpɛɛ o jirima waa dɔa.
16Wɛɛ berɔ ba kwaa ma
bwɛjen Saayɔn ja,
ásɛ dɛ forɛ le o jirima ne.
17Wɛɛ no he nɛra
baa vɛɛh ba la bee,
dɛ́ no ba wesoŋa.
18Hé chwerɛ waa Korowii
aa ɛa nɔ bil tɛ naanar
baa ka ba kerekere,
ɡɛ aa ɛ nɛra baa wola
ban lolɛ mɔɔ la kpɛɛro.
19Korowii lɔ o sobɔr
waa do ɡoroŋ
nyundua, dɛɛ nyiŋi harɛ,
20dɛɛ no nɛra baa
laɡ ba do dea hima,
dɛ́ lɛɛ ba le kpoora
baa dɛ ba ba kpoora ta,
dɛ́ ɡel ba dɔ ba te.
21Anomanta, baa kpɛɛ
Korowii sɔn
bwɛjen Saayɔnee,
dɛ́ kpɔ duure tɛo
Jerusalam,
22awola harɛre nɛra ne
ba koranar aa cheme,
dɛɛ tomɛ Korowii la.
23N taa dɔ bokpeɡa
maa wola hwɛɛhrɛ mɔɔ la
Korowii ɡelɔ n ɡwɛɡre,
dɛ teŋe me mkpa tɔpera ta.
24Anomanta, n ŋɔ,
“N Naa Korowii,
bɛ ɡel ń teŋe sewɛ.
He lole saŋ bɛlbwa,
dɛ́ kpoŋe ka le naanar
baa ka ba bwa.
25Wobɛlbwa mumpar la,
henee ta harɛ,
kwaa aa lɔ nyundua ɡe,
he nɔn tomaa a bwa.#Hib 1:10-12
26A bwa ɛɛ chɔɡoo,
aa wola lee do kpa,
kɛ he te ɛɛ do lee dɛɛ la.
A bwa ɛɛ ba ɛ kombenaa
ba kpɔ ta kɛŋɔ yal
yon hɛh la.
27Kɛ he te, hɛɛ do
ɡɛ haa doa saŋ bɛlbwaa,
ásɛ he bene ɡe
aa jaɡaa dɔ bwa.
28Ya bii ɛɛ so he siee
ásɛ he kpɔ nɔn tɔ ba nɛ,
ásɛ dɛ nyiŋi ba naanar nɛ
ba bwara sɔɔh ba.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.