Jeremia 10
10
Korowii ne voɡare wa
1Jeremia berɔ ŋɔ Israel tena be ŋɔ, bá cheɡ deŋne dɛ́ no waa Korowii aa dɛ bol ba be ŋɔ,
2“He bɛ harɛre nɛra bane
we-ɛɛla ta dɛɛ teŋɛ.
He bɛ waa aa dɛ chiɡ
nyundua,
dɛɛ baɡle waane aa
ha heya,
a lole kɛŋɔ harɛre nɛra
bane te dɛ ɔma.#Aes 44:9-20
3Ba nawee waa bwa ɛ wepuu,
ba yon teŋe daa le kɔr bini,
ásɛ nɛn waa jemɛ kwaa
sɛɛh kpɔ o buni sɛoh.
4Ba kpɔ suuɡaswɛm ne
suuɡapoŋa ɛ o bwara,
ó do wer,
dɛ kpɔ hamba lɔ
dadowɛre do o ta,
ɡɛ aa ɛ ó che kiŋkiŋ,
dɛ bɛ chole.
5Ba ɛa a do kɛŋɔ yakwane
baa saɡa koo, dɛ kpɔ
dɛɛ doŋi jumbii la ken,
ba voɡare la
aa won waa bol.
Cheɡaa baa chea,
dɛkalkɛ aa won valɛ.
He bɛ an dɛɛ ɔmɛ,
wobɛlbwa toole á won ɛ,
kɛɛ dɛ́ won ɛ wedɛɛɡa
ane tɛ heya.”
6N Naa Korowii,
nomɛlbwa ta kpeɡri dɔe
kɛ hen,
he kan kohona,
nɛra bwa jemɛ kpeɡri
kohona haa dɔa wa.
7Harɛre nɛra bwa Kooro,
umee dɛ ŋɔ waa duuree
kpɔ tɛɛ nɔ?
A chɛ kɛ nomɛlbwa duuri.
Harɛre bwa nɛra ne
wejerema
dɛ ba koranar,
bɛlbwa ta do kɛ hen.
8Ba bwa ta liire dɔe
dɛ ɛ ɡɛna ɡbo.
Bɔkwaa baa ba wona
hweli le daa voɡare baa ɛa,
aa wola tɔnɔ bɛlbwa
dɔe ta nɔ?
9Ba yon kpɔ suuɡapoŋa le
bwɛjen Taases ne
suuɡaswɛm
le bwɛjen Ufas ta,
dɛ baa ɛ ba voɡare bwara.
Nɛra baa dɔ kwaa sɛɛh,
ne suuɡaswɛm dɛ yale sɔeh
wejema ɡe, yon kpɔ
yaburum
ne yakɔl ɛ a bwara.
10Kɛ hen N Naa Korowii,
he waa dɔ kasinteŋ,
henee kooro haa lole
saŋ bɛlbwa.
He baah diu waa, harɛ bwa
dɛ chel, harɛre nɛra
aa won che
he bandia nyoa.
11Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”
Korowii kpɛɛra yel
12Korowii cheɡɛ o kpeɡri ta
dɛ ta harɛ,
o wejema nee o ta
harɛ nɔ bwa,
dɛ che o liire ta dɛ paɡri
nyundua ɡe.
13O bol wa aa, bwaala dɛ nɛ
dɛɛ kɔɡre nyundujaɡla,
o ɡelɔ baama aa dɛ nɛ
bwaala ir dɛɛ le harɛ jaɡa.
O ɡelɔ bwaala ɛɛ nɛ
dɛɛ nyɛɡle,
asɛ dɛ ɡel peu ta le
bela waa lole.
14Nomɛlbwa ta liire dɔe,
ba ɡɛnɔ,
sihiih kpo nɛn waa kpɔ
suuɡaswɛm kwaa
o voɡare la.
Kwaa waa ɛa la bwa ɛ
nyosone, a ta hweera dɔe.
15A waa ta tɔnɔ bɛlbwa dɔe,
dɛ ɛ kwaa a wa aa dɔ
wesoma.
A chɔɡa saŋ telo Korowii
ba naa, wɛɛ chɔɡ a bwaa.
16Kɛ Korowii Israel tena aa
dɛ tomɔ la ta do kɛ ban,
dɛkalkɛ onee ta komɛlbwa,
dɛ le Israel tena tɛ o te,
dɛ kpɔ ba ɛ o kapɛrɛ nɛra.
Koranar Bwa Kooroo o sɔn.
Harɛchɔɡ waa dɛ ba
17Jerusalam tena, hé boa
he laala nyoa,
dɛ́ le harɛ la ta,
he dɔma chɔɔ bar heyaa
dɛ́ ba yo heya.
18Anomanta, Korowii ŋɔ,
“Mɛɛ doŋi nɛra baa soɡe harɛ
nɔ taa, dɛ́ kpɔ wenaale
kohona ba ta ba nɛ,
ásɛ ba laɡ ba kaa.”
19Jerusalam tena dɛ dooɡe
lɔŋɔre ŋɔ,
“Ya na wa,
bola baa do yaa wa!
Yaa won chah ya ŋwɛra!
Ya liiro kɛ yaa koh
ya weela taa,
kɛ yaa le a nyoa.
20Ya tɛnte deene chɔɡɔ,
a ŋwɛɛra bwa chaa.
Ya bii bwa kaalɔ ɡel yaa,
beŋkpoŋ kwaraa toole,
dɛ́ baŋre ya tɛnte deene,
kɛɛ dɛ́ nyin sobɔra tɛ yaa.”
21N chaŋɔ ŋɔ, “Ya sitɔɔla
bwa nya liire,
baa waa bɔɔrɛ
dɛɛ le Korowii be.
Anomanta, aa ban
kɛrɛdɛ chiɡ,
asɛ ba nɛra bwa lɔ peɡre.
22Hɛ́ɛ no! Waane dɛ ba,
laa tena ɡbɔɡa le weekaŋle
nyunduabɔr dɛɛ ba, dɛ́ ba
chɔɡ Juda bwɛjena
á berɛ dimɡbia,
ásɛ kalampoŋare kpɔ bela
berɛ a soŋnibɔra.”
Jeremia wesoŋa wa
23N Naa Korowii,
nomɛlbwa ta o nyokala
kpeɡri dɔe,
bɛlbwa ɡe aa won jemɛ
o soɡa waa bini.
24Kpɔ kasinteŋ ŋwɛnɛ ta
toɡ mɛ, he bandia ne laa,
ɡɛ laa aa, hɛɛ chɔɡ mɛɛ.
25Gel harɛre nɛra na he bandia,
banɔ la baa wola hen tomɛ,
dɛ vɛɛh la.
Ba kpoo he nɛra Israel tena
dɛ chɔɡ ba harɛ kwaraa.
Àwon tá yàn lọ́wọ́lọ́wọ́ báyìí:
Jeremia 10: mzw
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Jeremia 10
10
Korowii ne voɡare wa
1Jeremia berɔ ŋɔ Israel tena be ŋɔ, bá cheɡ deŋne dɛ́ no waa Korowii aa dɛ bol ba be ŋɔ,
2“He bɛ harɛre nɛra bane
we-ɛɛla ta dɛɛ teŋɛ.
He bɛ waa aa dɛ chiɡ
nyundua,
dɛɛ baɡle waane aa
ha heya,
a lole kɛŋɔ harɛre nɛra
bane te dɛ ɔma.#Aes 44:9-20
3Ba nawee waa bwa ɛ wepuu,
ba yon teŋe daa le kɔr bini,
ásɛ nɛn waa jemɛ kwaa
sɛɛh kpɔ o buni sɛoh.
4Ba kpɔ suuɡaswɛm ne
suuɡapoŋa ɛ o bwara,
ó do wer,
dɛ kpɔ hamba lɔ
dadowɛre do o ta,
ɡɛ aa ɛ ó che kiŋkiŋ,
dɛ bɛ chole.
5Ba ɛa a do kɛŋɔ yakwane
baa saɡa koo, dɛ kpɔ
dɛɛ doŋi jumbii la ken,
ba voɡare la
aa won waa bol.
Cheɡaa baa chea,
dɛkalkɛ aa won valɛ.
He bɛ an dɛɛ ɔmɛ,
wobɛlbwa toole á won ɛ,
kɛɛ dɛ́ won ɛ wedɛɛɡa
ane tɛ heya.”
6N Naa Korowii,
nomɛlbwa ta kpeɡri dɔe
kɛ hen,
he kan kohona,
nɛra bwa jemɛ kpeɡri
kohona haa dɔa wa.
7Harɛre nɛra bwa Kooro,
umee dɛ ŋɔ waa duuree
kpɔ tɛɛ nɔ?
A chɛ kɛ nomɛlbwa duuri.
Harɛre bwa nɛra ne
wejerema
dɛ ba koranar,
bɛlbwa ta do kɛ hen.
8Ba bwa ta liire dɔe
dɛ ɛ ɡɛna ɡbo.
Bɔkwaa baa ba wona
hweli le daa voɡare baa ɛa,
aa wola tɔnɔ bɛlbwa
dɔe ta nɔ?
9Ba yon kpɔ suuɡapoŋa le
bwɛjen Taases ne
suuɡaswɛm
le bwɛjen Ufas ta,
dɛ baa ɛ ba voɡare bwara.
Nɛra baa dɔ kwaa sɛɛh,
ne suuɡaswɛm dɛ yale sɔeh
wejema ɡe, yon kpɔ
yaburum
ne yakɔl ɛ a bwara.
10Kɛ hen N Naa Korowii,
he waa dɔ kasinteŋ,
henee kooro haa lole
saŋ bɛlbwa.
He baah diu waa, harɛ bwa
dɛ chel, harɛre nɛra
aa won che
he bandia nyoa.
11Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”
Korowii kpɛɛra yel
12Korowii cheɡɛ o kpeɡri ta
dɛ ta harɛ,
o wejema nee o ta
harɛ nɔ bwa,
dɛ che o liire ta dɛ paɡri
nyundua ɡe.
13O bol wa aa, bwaala dɛ nɛ
dɛɛ kɔɡre nyundujaɡla,
o ɡelɔ baama aa dɛ nɛ
bwaala ir dɛɛ le harɛ jaɡa.
O ɡelɔ bwaala ɛɛ nɛ
dɛɛ nyɛɡle,
asɛ dɛ ɡel peu ta le
bela waa lole.
14Nomɛlbwa ta liire dɔe,
ba ɡɛnɔ,
sihiih kpo nɛn waa kpɔ
suuɡaswɛm kwaa
o voɡare la.
Kwaa waa ɛa la bwa ɛ
nyosone, a ta hweera dɔe.
15A waa ta tɔnɔ bɛlbwa dɔe,
dɛ ɛ kwaa a wa aa dɔ
wesoma.
A chɔɡa saŋ telo Korowii
ba naa, wɛɛ chɔɡ a bwaa.
16Kɛ Korowii Israel tena aa
dɛ tomɔ la ta do kɛ ban,
dɛkalkɛ onee ta komɛlbwa,
dɛ le Israel tena tɛ o te,
dɛ kpɔ ba ɛ o kapɛrɛ nɛra.
Koranar Bwa Kooroo o sɔn.
Harɛchɔɡ waa dɛ ba
17Jerusalam tena, hé boa
he laala nyoa,
dɛ́ le harɛ la ta,
he dɔma chɔɔ bar heyaa
dɛ́ ba yo heya.
18Anomanta, Korowii ŋɔ,
“Mɛɛ doŋi nɛra baa soɡe harɛ
nɔ taa, dɛ́ kpɔ wenaale
kohona ba ta ba nɛ,
ásɛ ba laɡ ba kaa.”
19Jerusalam tena dɛ dooɡe
lɔŋɔre ŋɔ,
“Ya na wa,
bola baa do yaa wa!
Yaa won chah ya ŋwɛra!
Ya liiro kɛ yaa koh
ya weela taa,
kɛ yaa le a nyoa.
20Ya tɛnte deene chɔɡɔ,
a ŋwɛɛra bwa chaa.
Ya bii bwa kaalɔ ɡel yaa,
beŋkpoŋ kwaraa toole,
dɛ́ baŋre ya tɛnte deene,
kɛɛ dɛ́ nyin sobɔra tɛ yaa.”
21N chaŋɔ ŋɔ, “Ya sitɔɔla
bwa nya liire,
baa waa bɔɔrɛ
dɛɛ le Korowii be.
Anomanta, aa ban
kɛrɛdɛ chiɡ,
asɛ ba nɛra bwa lɔ peɡre.
22Hɛ́ɛ no! Waane dɛ ba,
laa tena ɡbɔɡa le weekaŋle
nyunduabɔr dɛɛ ba, dɛ́ ba
chɔɡ Juda bwɛjena
á berɛ dimɡbia,
ásɛ kalampoŋare kpɔ bela
berɛ a soŋnibɔra.”
Jeremia wesoŋa wa
23N Naa Korowii,
nomɛlbwa ta o nyokala
kpeɡri dɔe,
bɛlbwa ɡe aa won jemɛ
o soɡa waa bini.
24Kpɔ kasinteŋ ŋwɛnɛ ta
toɡ mɛ, he bandia ne laa,
ɡɛ laa aa, hɛɛ chɔɡ mɛɛ.
25Gel harɛre nɛra na he bandia,
banɔ la baa wola hen tomɛ,
dɛ vɛɛh la.
Ba kpoo he nɛra Israel tena
dɛ chɔɡ ba harɛ kwaraa.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.