Levis Kevcai 17
17
Tsi Xob Noj Ntshaav
1Tug TSWV has rua Mauxes 2kuas has rua Aloos hab Aloos cov tub hab cov Yixalayees suavdlawg has tas: 3-4“Yog cov Yixalayees leejtwg tua ib tug nyuj, lossis ib tug yaaj, lossis ib tug tshis fij rua tug TSWV nyob rua qhovtwg los xij, yog nwg tsi coj tuaj tua rua ntawm lub qhovrooj kws moog rua huv lub Tsevntaub Sisntsib, tug ntawd muaj txim vim nwg tau ua rua ntshaav nrug lawm; yuav muab nwg rhu tawm ntawm Vaajtswv tsaav tuabneeg moog. 5Lub ntsab ntawm lulug xaaj nuav yog qha has tas nwgnuav cov Yixalayees coj tau tej tsaj kws puab txeev coj moog tua tom tej tajnraag tuaj fij rua tug TSWV lawm. Txij nuav moog puab yuavtsum coj tej tsaj ntawd tuaj rua tug povthawj hlub ntawm lub qhovrooj kws moog rua huv lub Tsevntaub Sisntsib hab muab tej tsaj ntawd tua fij rua tug TSWV ua kev sis raugzoo. 6Tug povthawj hlub yuav tau muab cov ntshaav nchus puagncig lub thaaj kws nyob ntawm lub Tsevntaub Sisntsib lub qhovrooj, hab muab cov nqaj rog hlawv kuas tswqaab ntxag ua rua tug TSWV txaussab. 7Cov Yixalayees yuavtsum tseg tsi xob ua tsi ncaaj rua tug TSWV lug ntawm qhov kws puab pheej tua tej tsaj fij rua tej dlaab tshis tom tej tajnraag. Cov Yixalayees yuavtsum coj txuj kevcai nuav ib tam rua ib tam moog le.”
8“Hab koj has rua puab tas, cov Yixalayees lossis cov tuabneeg txawv tebchaws txhua tug kws nrug mej nyob uake, yog leejtwg tua tsaj hlawv fij lossis fij theej txhoj 9kws yog muab fij rua tug TSWV, tabsis tsi coj tuaj tua rua ntawm lub qhovrooj kws moog rua huv lub Tsevntaub Sisntsib, yuavtsum muab tug ntawd rhu tawm ntawm Vaajtswv tsaav tuabneeg moog.
10“Yog cov Yixalayees lossis cov tuabneeg txawv tebchaws kws nrug mej nyob uake, noj tej nqaj kws txhaam ntshaav, tug TSWV yuav tawmtsaam tug ntawd hab yuav muab nwg rhu tawm ntawm Vaajtswv tsaav tuabneeg moog. #Chiv 9:4; Levi 7:26-27; 19:26; 2Kev 12:16, 23; 15:23 11Txujsa ntawm txhua yaam kws cajsa yog nyob huv cov ntshaav, vimle ntawd tug TSWV txhaj xaaj kuas muab taagnrho tej ntshaav laub rua sau lub thaaj ua kev dlaws tuabneeg tej kev txhum. Ntshaav yog txujsa, txhaj dlaws tau kev txhum. #Henpl 9:22 12Vimle ntawd tug TSWV txhaj xaaj rua cov Yixalayees tsi pub puab lossis cov tuabneeg txawv tebchaws kws nrug puab nyob uake noj ib qho nqaj kws txhaam ntshaav le.
13“Yog cov Yixalayees lossis cov tuabneeg txawv tebchaws kws nrug mej nyob uake, leejtwg moog tua ib tug tsaj lossis ib tug noog kws yog yaam tsaj huv lug noj, yuavtsum muab cov ntshaav laub rua huv aav hab muab aav npoog rua. 14Txujsa ntawm txhua yaam kws cajsa yog nyob huv cov ntshaav. Yogle ntawd, tug TSWV txhaj has rua cov Yixalayees kuas tsi xob noj tej nqaj kws txhaam ntshaav, yog leejtwg noj, yuavtsum muab tug ntawd rhu tawm ntawm Vaajtswv tsaav tuabneeg moog.
15“Txhua tug, tsi has cov Yixalayees lossis cov tuabneeg txawv tebchaws, yog leejtwg noj tej tsaj kws cale tuag lossis tej kws raug tsaj qus tum tuag, nwg yuavtsum muab nwg cev rigtsho moog ntxhua, dlaa dlej, hab nyob tog txug thaus tsausntuj mas nwg txhaj yuav huv. 16Yog nwg tsi ntxhua nwg tej rigtsho hab tsi dlaa dlej, nwg yuavtsum ris nwg lub txim.”
Àwon tá yàn lọ́wọ́lọ́wọ́ báyìí:
Levis Kevcai 17: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Levis Kevcai 17
17
Tsi Xob Noj Ntshaav
1Tug TSWV has rua Mauxes 2kuas has rua Aloos hab Aloos cov tub hab cov Yixalayees suavdlawg has tas: 3-4“Yog cov Yixalayees leejtwg tua ib tug nyuj, lossis ib tug yaaj, lossis ib tug tshis fij rua tug TSWV nyob rua qhovtwg los xij, yog nwg tsi coj tuaj tua rua ntawm lub qhovrooj kws moog rua huv lub Tsevntaub Sisntsib, tug ntawd muaj txim vim nwg tau ua rua ntshaav nrug lawm; yuav muab nwg rhu tawm ntawm Vaajtswv tsaav tuabneeg moog. 5Lub ntsab ntawm lulug xaaj nuav yog qha has tas nwgnuav cov Yixalayees coj tau tej tsaj kws puab txeev coj moog tua tom tej tajnraag tuaj fij rua tug TSWV lawm. Txij nuav moog puab yuavtsum coj tej tsaj ntawd tuaj rua tug povthawj hlub ntawm lub qhovrooj kws moog rua huv lub Tsevntaub Sisntsib hab muab tej tsaj ntawd tua fij rua tug TSWV ua kev sis raugzoo. 6Tug povthawj hlub yuav tau muab cov ntshaav nchus puagncig lub thaaj kws nyob ntawm lub Tsevntaub Sisntsib lub qhovrooj, hab muab cov nqaj rog hlawv kuas tswqaab ntxag ua rua tug TSWV txaussab. 7Cov Yixalayees yuavtsum tseg tsi xob ua tsi ncaaj rua tug TSWV lug ntawm qhov kws puab pheej tua tej tsaj fij rua tej dlaab tshis tom tej tajnraag. Cov Yixalayees yuavtsum coj txuj kevcai nuav ib tam rua ib tam moog le.”
8“Hab koj has rua puab tas, cov Yixalayees lossis cov tuabneeg txawv tebchaws txhua tug kws nrug mej nyob uake, yog leejtwg tua tsaj hlawv fij lossis fij theej txhoj 9kws yog muab fij rua tug TSWV, tabsis tsi coj tuaj tua rua ntawm lub qhovrooj kws moog rua huv lub Tsevntaub Sisntsib, yuavtsum muab tug ntawd rhu tawm ntawm Vaajtswv tsaav tuabneeg moog.
10“Yog cov Yixalayees lossis cov tuabneeg txawv tebchaws kws nrug mej nyob uake, noj tej nqaj kws txhaam ntshaav, tug TSWV yuav tawmtsaam tug ntawd hab yuav muab nwg rhu tawm ntawm Vaajtswv tsaav tuabneeg moog. #Chiv 9:4; Levi 7:26-27; 19:26; 2Kev 12:16, 23; 15:23 11Txujsa ntawm txhua yaam kws cajsa yog nyob huv cov ntshaav, vimle ntawd tug TSWV txhaj xaaj kuas muab taagnrho tej ntshaav laub rua sau lub thaaj ua kev dlaws tuabneeg tej kev txhum. Ntshaav yog txujsa, txhaj dlaws tau kev txhum. #Henpl 9:22 12Vimle ntawd tug TSWV txhaj xaaj rua cov Yixalayees tsi pub puab lossis cov tuabneeg txawv tebchaws kws nrug puab nyob uake noj ib qho nqaj kws txhaam ntshaav le.
13“Yog cov Yixalayees lossis cov tuabneeg txawv tebchaws kws nrug mej nyob uake, leejtwg moog tua ib tug tsaj lossis ib tug noog kws yog yaam tsaj huv lug noj, yuavtsum muab cov ntshaav laub rua huv aav hab muab aav npoog rua. 14Txujsa ntawm txhua yaam kws cajsa yog nyob huv cov ntshaav. Yogle ntawd, tug TSWV txhaj has rua cov Yixalayees kuas tsi xob noj tej nqaj kws txhaam ntshaav, yog leejtwg noj, yuavtsum muab tug ntawd rhu tawm ntawm Vaajtswv tsaav tuabneeg moog.
15“Txhua tug, tsi has cov Yixalayees lossis cov tuabneeg txawv tebchaws, yog leejtwg noj tej tsaj kws cale tuag lossis tej kws raug tsaj qus tum tuag, nwg yuavtsum muab nwg cev rigtsho moog ntxhua, dlaa dlej, hab nyob tog txug thaus tsausntuj mas nwg txhaj yuav huv. 16Yog nwg tsi ntxhua nwg tej rigtsho hab tsi dlaa dlej, nwg yuavtsum ris nwg lub txim.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.