Tsiv Dlim 19
19
Cov Yixalayees Nyob Ntawm Taw Roob Xinais
1-2Cov Yixalayees tawm huv Lefidees lug txug rua ntawm taj suabpuam Xinais, yog nub xab ib, lub peb hli ntuj, tomqaab kws puab tsiv huv tebchaws Iziv lug. Puab tsaa tsevntaub nyob rua ntawm taw Roob Xinais, 3hab Mauxes nce moog cuag Vaajtswv sau roob.
Tug TSWV hu sau roob tuaj rua Mauxes hab qha kuas nwg moog has rua cov tuabneeg Yixalayees kws yog Yakhauj tsev tuabneeg has tas, 4“Mej tub pum qhov kws Kuv, kws yog tug TSWV, tau ua rua cov Iziv hab qhov kws Kuv tau nqaa mej ib yaam le tug dlaav nqaa nwg cov mivnyuas ntawm nwg ob saab tis, es coj mej lug cuag Kuv. 5Nwgnuav, yog mej noog Kuv lug hab ua lawvle Kuv tej lug cogtseg, mej txhaj yuav yog Kuv tsaav tuabneeg. Taagnrho lub nplajteb nuav yeej yog Kuv le, tabsis mej yog cov kws raug xaiv lug ua Kuv tsaav tuabneeg, #2Kev 4:20; 7:6; 14:2; 26:18; Titus 2:14 6mej yuav yog Kuv cov povthawj hlub, hab yog ib tsaav tuabneeg dlawbhuv.” #1Pet 2:9
7Yogle ntawd, Mauxes txhaj nqeg lug hab hu taagnrho cov pejxeem hab cov thawjcoj tuaj uake, hab pav txhua yaam kws tug TSWV tau xaaj rua nwg lug has rua puab noog. 8Tes puab txawm thoojtxhij teb tas, “Peb yuav ua txhua yaam lawvle tug TSWV tau has ntawd.” Mauxes txhaj coj tej lug kws puab leeg ntawd moog rua tug TSWV.
9Tug TSWV has rua Mauxes tas, “Kuv yuav lug cuag koj huv tauv fuab kws tuab tsaus nti, kuas cov pejxeem txhajle nov Kuv lub suab nrug koj thaam hab txhaj yuav ntseeg koj moog le.”
Mauxes pav cov pejxeem tej lug rua tug TSWV noog, 10tes tug TSWV has rua Mauxes tas, “Koj moog cuag cov pejxeem hab has kuas puab siv nubnua hab pigkig lug ntxuav puab kuas dlawbhuv rua kev pehawm Vaajtswv. Puab yuavtsum ntxhua puab tej khaubdluag 11hab npaaj kuas txhij rua nub thib peb,#19:11: nub thib peb; lossis quasneeg. ruaqhov nub ntawd Kuv yuav lug sau Roob Xinais lug kuas suavdlawg pum Kuv. 12Koj yuavtsum kem nrim ncig lub taw roob, kuas cov pejxeem tsi xob hlaa tug nrim ntawd; hab has kuas puab tsi xob nce moog sau roob lossis moog ze lub taw roob. Yog leejtwg cev taw moog tsuj lub taw roob, tug ntawd yuav raug tua kuas tuag; 13yuavtsum muab pobzeb ntaus lossis muab neevnti tua nwg, tabsis txwv tsi pub siv teg tua nwg. Txawm yog tuabneeg lossis tsaj, los yuavtsum raug muab tua kuas tuag. Tsuas tshwj thaus nov lub suab raaj tshuab nrov ntev loo lawm, mas cov pejxeem maam nce tau moog rua sau roob.”
14Tes Mauxes nqeg sau roob lug hab muab puab fij rua kev pehawm Vaajtswv. Yogle ntawd, puab txhajle ntxhua puab tej khaubdluag, 15hab Mauxes has rua puab tas, “Mej yuavtsum npaaj kuas txhij rua nub thib peb; txij nubnua moog txug nub thib peb ntawd, quaspuj hab quasyawg yuavtsum caiv tsi xob pw uake.”
16Nub thib peb thaus sawvntxuv txawm muaj xub nroo hab tsagligxub lab pis vog, fuab tsaus nti npug nkaus sau roob, hab nov ib lub suab raaj nrov ntxhe ntwg, ua rua txhua tug kws nyob huv lub yeej ntshai ibce tsheenyo. #Tshwm 4:5 17Mauxes coj puab tawm huv yeej moog ntsib Vaajtswv; puab moog sawv nreg rua ntawm taw roob. 18Muaj paa nchu auv nab tsaus nti laum nkaus sau Roob Xinais, ruaqhov muaj suavtawg cig puagncig tug TSWV lug rua sau roob. Tej paa nchu auv nab ib yaam le ib cub suavtawg, ua rua lub roob cu qeeg nkawg. 19Lub suab raaj txawm nrov ntxhe ntwg heev zujzug tuaj. Mauxes haslug rua Vaajtswv tes Vaajtswv txawm teb Mauxes nrug lub suab xub nroo tawm tuaj.
20Tug TSWV lug rua sau lub Roob Xinais hab hu kuas Mauxes moog cuag Nwg rua sau roob. Mauxes txhaj nce moog 21hab tug TSWV has rua Mauxes has tas, “Koj rovqaab moog rua nraag cov pejxeem hab ceebtoom rua suavdlawg kuas tsi xob hlaa tug nrim tuaj saib Kuv; yog puab tsi noog, coob leej yuav raug tuag. 22Txawm yog cov povthawj hlub kws tuaj cuag Kuv, los puab yuavtsum ntxuav puab kuas dlawbhuv, yog puab tsi ua le ntawd, Kuv yuav rautxim rua puab.”
23Mauxes has rua tug TSWV has tas, “Cov pejxeem yuav tuaj tsi tau, ruaqhov Koj tub xaaj rua peb suavdlawg kuas kem nrim ncig lub roob, ca ua qhov chaw dlawbhuv lawm.”
24Tug TSWV has rua Mauxes has tas, “Koj rovqaab moog coj Aloos nrug koj tuaj, tabsis cov povthawj hlub hab cov pejxeem yuavtsum tsi xob hlaa dlhau tug nrim tuaj cuag Kuv, yog puab tsi noog, Kuv yuav rautxim rua puab.” 25Tes Mauxes txhaj nqeg rovqaab lug rua nraag cov pejxeem hab qha tej kws tug TSWV tau has rua nwg lawm rua puab paub.
Àwon tá yàn lọ́wọ́lọ́wọ́ báyìí:
Tsiv Dlim 19: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Tsiv Dlim 19
19
Cov Yixalayees Nyob Ntawm Taw Roob Xinais
1-2Cov Yixalayees tawm huv Lefidees lug txug rua ntawm taj suabpuam Xinais, yog nub xab ib, lub peb hli ntuj, tomqaab kws puab tsiv huv tebchaws Iziv lug. Puab tsaa tsevntaub nyob rua ntawm taw Roob Xinais, 3hab Mauxes nce moog cuag Vaajtswv sau roob.
Tug TSWV hu sau roob tuaj rua Mauxes hab qha kuas nwg moog has rua cov tuabneeg Yixalayees kws yog Yakhauj tsev tuabneeg has tas, 4“Mej tub pum qhov kws Kuv, kws yog tug TSWV, tau ua rua cov Iziv hab qhov kws Kuv tau nqaa mej ib yaam le tug dlaav nqaa nwg cov mivnyuas ntawm nwg ob saab tis, es coj mej lug cuag Kuv. 5Nwgnuav, yog mej noog Kuv lug hab ua lawvle Kuv tej lug cogtseg, mej txhaj yuav yog Kuv tsaav tuabneeg. Taagnrho lub nplajteb nuav yeej yog Kuv le, tabsis mej yog cov kws raug xaiv lug ua Kuv tsaav tuabneeg, #2Kev 4:20; 7:6; 14:2; 26:18; Titus 2:14 6mej yuav yog Kuv cov povthawj hlub, hab yog ib tsaav tuabneeg dlawbhuv.” #1Pet 2:9
7Yogle ntawd, Mauxes txhaj nqeg lug hab hu taagnrho cov pejxeem hab cov thawjcoj tuaj uake, hab pav txhua yaam kws tug TSWV tau xaaj rua nwg lug has rua puab noog. 8Tes puab txawm thoojtxhij teb tas, “Peb yuav ua txhua yaam lawvle tug TSWV tau has ntawd.” Mauxes txhaj coj tej lug kws puab leeg ntawd moog rua tug TSWV.
9Tug TSWV has rua Mauxes tas, “Kuv yuav lug cuag koj huv tauv fuab kws tuab tsaus nti, kuas cov pejxeem txhajle nov Kuv lub suab nrug koj thaam hab txhaj yuav ntseeg koj moog le.”
Mauxes pav cov pejxeem tej lug rua tug TSWV noog, 10tes tug TSWV has rua Mauxes tas, “Koj moog cuag cov pejxeem hab has kuas puab siv nubnua hab pigkig lug ntxuav puab kuas dlawbhuv rua kev pehawm Vaajtswv. Puab yuavtsum ntxhua puab tej khaubdluag 11hab npaaj kuas txhij rua nub thib peb,#19:11: nub thib peb; lossis quasneeg. ruaqhov nub ntawd Kuv yuav lug sau Roob Xinais lug kuas suavdlawg pum Kuv. 12Koj yuavtsum kem nrim ncig lub taw roob, kuas cov pejxeem tsi xob hlaa tug nrim ntawd; hab has kuas puab tsi xob nce moog sau roob lossis moog ze lub taw roob. Yog leejtwg cev taw moog tsuj lub taw roob, tug ntawd yuav raug tua kuas tuag; 13yuavtsum muab pobzeb ntaus lossis muab neevnti tua nwg, tabsis txwv tsi pub siv teg tua nwg. Txawm yog tuabneeg lossis tsaj, los yuavtsum raug muab tua kuas tuag. Tsuas tshwj thaus nov lub suab raaj tshuab nrov ntev loo lawm, mas cov pejxeem maam nce tau moog rua sau roob.”
14Tes Mauxes nqeg sau roob lug hab muab puab fij rua kev pehawm Vaajtswv. Yogle ntawd, puab txhajle ntxhua puab tej khaubdluag, 15hab Mauxes has rua puab tas, “Mej yuavtsum npaaj kuas txhij rua nub thib peb; txij nubnua moog txug nub thib peb ntawd, quaspuj hab quasyawg yuavtsum caiv tsi xob pw uake.”
16Nub thib peb thaus sawvntxuv txawm muaj xub nroo hab tsagligxub lab pis vog, fuab tsaus nti npug nkaus sau roob, hab nov ib lub suab raaj nrov ntxhe ntwg, ua rua txhua tug kws nyob huv lub yeej ntshai ibce tsheenyo. #Tshwm 4:5 17Mauxes coj puab tawm huv yeej moog ntsib Vaajtswv; puab moog sawv nreg rua ntawm taw roob. 18Muaj paa nchu auv nab tsaus nti laum nkaus sau Roob Xinais, ruaqhov muaj suavtawg cig puagncig tug TSWV lug rua sau roob. Tej paa nchu auv nab ib yaam le ib cub suavtawg, ua rua lub roob cu qeeg nkawg. 19Lub suab raaj txawm nrov ntxhe ntwg heev zujzug tuaj. Mauxes haslug rua Vaajtswv tes Vaajtswv txawm teb Mauxes nrug lub suab xub nroo tawm tuaj.
20Tug TSWV lug rua sau lub Roob Xinais hab hu kuas Mauxes moog cuag Nwg rua sau roob. Mauxes txhaj nce moog 21hab tug TSWV has rua Mauxes has tas, “Koj rovqaab moog rua nraag cov pejxeem hab ceebtoom rua suavdlawg kuas tsi xob hlaa tug nrim tuaj saib Kuv; yog puab tsi noog, coob leej yuav raug tuag. 22Txawm yog cov povthawj hlub kws tuaj cuag Kuv, los puab yuavtsum ntxuav puab kuas dlawbhuv, yog puab tsi ua le ntawd, Kuv yuav rautxim rua puab.”
23Mauxes has rua tug TSWV has tas, “Cov pejxeem yuav tuaj tsi tau, ruaqhov Koj tub xaaj rua peb suavdlawg kuas kem nrim ncig lub roob, ca ua qhov chaw dlawbhuv lawm.”
24Tug TSWV has rua Mauxes has tas, “Koj rovqaab moog coj Aloos nrug koj tuaj, tabsis cov povthawj hlub hab cov pejxeem yuavtsum tsi xob hlaa dlhau tug nrim tuaj cuag Kuv, yog puab tsi noog, Kuv yuav rautxim rua puab.” 25Tes Mauxes txhaj nqeg rovqaab lug rua nraag cov pejxeem hab qha tej kws tug TSWV tau has rua nwg lawm rua puab paub.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.