Tsiv Dlim 17
17
Dlej Tawm Huv Pobzeb Lug
(Teev Npe 20:1-13)
1Taagnrho cov Yixalayees sawvkev ntawm taj suabpuam Xees lug, puab tshais chaw ib qho rua ib qho ua ntu zug lawvle tug TSWV tau xaaj tseg. Puab lug tsuam chaw su rua ntawm Lefidees, tabsis qhov chaw ntawd tsi muaj dlej haus. 2Puab txhaj ywg Mauxes has tas, “Cale nrhav dlej rua peb haus!”
Mauxes teb puab has tas, “Vim lecaag mej txhaj ywg kuv? Uacaag mej txhaj sim tug TSWV sab?”
3Tabsis cov tuabneeg nqhes dlej heev, puab txhaj pheej ywg Mauxes tsi tseg le. Puab ywg has tas, “Vim lecaag koj txhaj coj peb tawm huv tebchaws Iziv lug? Koj yuav ua kuas peb hab peb cov mivnyuas, hab peb tej tsajtxhu, tuag dlej nua lov?”
4Mauxes txhaj quaj qw thov tug TSWV has tas, “Kuv yuav ua lecaag rua cov tuabneeg nuav? Puab tub tshuav muab pobzeb ntaus kuv lawm xwb!”
5Tug TSWV has rua Mauxes has tas, “Coj cov Yixalayees tej thawjcoj qeeleej nrug koj, hab mej cale ua suavdlawg ntej moog. Nqaa koj tug paas nreg kws koj siv nplawm tug Dlej Nais nrug koj moog. 6Kuv yuav sawv ntawm koj hauvntej sau lub pobzeb kws nyob sau roob Xinais. Cale ntaus lub pobzeb ntawd, dlej yuav tawm huv lug rua cov tuabneeg haus.” Mauxes tau ua le ntawd rua cov Yixalayees tej thawjcoj saibntsoov.
7Txhaj tis npe ruaqhov chaw ntawd hu ua Maxas hab Melinpas,#17:7: Maxas … Melinpas: Ob lub npe nuav lug Henplais txhais has tas “simsab” hab “ywg.” ruaqhov cov Yixalayees tau ywg hab sim tug TSWV sab thaus puab nug has tas, “Tug TSWV nrug peb nyob los tsi nrug?” #Teev 20:2-13
Uarog Rua Cov Amalej
8Cov tubrog Amalej tau tuaj tua cov Yixalayees ntawm Lefidees. 9Mauxes has rua Yausuas tas, “Koj cale xaiv peb cov txivneej ibtxha moog tua cov Amalej. Pigkig kuv yuav moog sawv sau ncov roob hab tsaa tug paas nreg kws Vaajtswv kuas kuv nqaa.” 10Yausuas ua lawvle Mauxes tau xaaj rua nwg hab tawm moog tua cov Amalej, tabsis Mauxes, Aloos, hab Hawj puab nce moog rua sau roob.
11Thaus twg kws Mauxes tsaa nwg txhais teg, nua tes cov Yixalayees tua yeej, tabsis yog nwg tso nwg txhais teg, nua tes cov Amalej txawm tua yeej zujzug lawm. 12Thaus Mauxes tsaug npaab lawm, Aloos hab Hawj obtug txhaj moog nqaa ib lub pobzeb lug rua Mauxes nyob, es obtug ib leeg sawv ib saab tuav Mauxes ob txhais npaab, hab tsaa khovkho moog txug thaus nub poobqho. 13Puab ua le ntawd, Yausuas txhaj tua yeej cov Amalej.
14Tes tug TSWV has rua Mauxes has tas, “Cale sau zaaj nuav tseg ca, sub suavdlawg txhajle yuav ncu tau. Ncuntsoov qha rua Yausuas paub tas Kuv yuav ua kuas cov Amalej puamtsuaj taag huv tuabsi moog.” #2Kev 25:17-19; 1Xamu 15:2-9 15Mauxes ua tau ib lub thaaj hab tis npe rua lub thaaj ntawd hu ua, “Tug TSWV yog kuv tug Chij.” 16Mauxes has tas, “Tsaa tug TSWV tug chij kuas sab!#17:16: Nqai nuav sau has tas Tsaa tug TSWV tug chij kuas sab; paub tsi meej tas lulug Henplais yog txhais lecaag tag txug qhov nuav. Tug TSWV yuav tawmtsaam cov Amalej ib tam rua ib tam moog ibtxhis!”
Àwon tá yàn lọ́wọ́lọ́wọ́ báyìí:
Tsiv Dlim 17: HNJ2022
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.
Tsiv Dlim 17
17
Dlej Tawm Huv Pobzeb Lug
(Teev Npe 20:1-13)
1Taagnrho cov Yixalayees sawvkev ntawm taj suabpuam Xees lug, puab tshais chaw ib qho rua ib qho ua ntu zug lawvle tug TSWV tau xaaj tseg. Puab lug tsuam chaw su rua ntawm Lefidees, tabsis qhov chaw ntawd tsi muaj dlej haus. 2Puab txhaj ywg Mauxes has tas, “Cale nrhav dlej rua peb haus!”
Mauxes teb puab has tas, “Vim lecaag mej txhaj ywg kuv? Uacaag mej txhaj sim tug TSWV sab?”
3Tabsis cov tuabneeg nqhes dlej heev, puab txhaj pheej ywg Mauxes tsi tseg le. Puab ywg has tas, “Vim lecaag koj txhaj coj peb tawm huv tebchaws Iziv lug? Koj yuav ua kuas peb hab peb cov mivnyuas, hab peb tej tsajtxhu, tuag dlej nua lov?”
4Mauxes txhaj quaj qw thov tug TSWV has tas, “Kuv yuav ua lecaag rua cov tuabneeg nuav? Puab tub tshuav muab pobzeb ntaus kuv lawm xwb!”
5Tug TSWV has rua Mauxes has tas, “Coj cov Yixalayees tej thawjcoj qeeleej nrug koj, hab mej cale ua suavdlawg ntej moog. Nqaa koj tug paas nreg kws koj siv nplawm tug Dlej Nais nrug koj moog. 6Kuv yuav sawv ntawm koj hauvntej sau lub pobzeb kws nyob sau roob Xinais. Cale ntaus lub pobzeb ntawd, dlej yuav tawm huv lug rua cov tuabneeg haus.” Mauxes tau ua le ntawd rua cov Yixalayees tej thawjcoj saibntsoov.
7Txhaj tis npe ruaqhov chaw ntawd hu ua Maxas hab Melinpas,#17:7: Maxas … Melinpas: Ob lub npe nuav lug Henplais txhais has tas “simsab” hab “ywg.” ruaqhov cov Yixalayees tau ywg hab sim tug TSWV sab thaus puab nug has tas, “Tug TSWV nrug peb nyob los tsi nrug?” #Teev 20:2-13
Uarog Rua Cov Amalej
8Cov tubrog Amalej tau tuaj tua cov Yixalayees ntawm Lefidees. 9Mauxes has rua Yausuas tas, “Koj cale xaiv peb cov txivneej ibtxha moog tua cov Amalej. Pigkig kuv yuav moog sawv sau ncov roob hab tsaa tug paas nreg kws Vaajtswv kuas kuv nqaa.” 10Yausuas ua lawvle Mauxes tau xaaj rua nwg hab tawm moog tua cov Amalej, tabsis Mauxes, Aloos, hab Hawj puab nce moog rua sau roob.
11Thaus twg kws Mauxes tsaa nwg txhais teg, nua tes cov Yixalayees tua yeej, tabsis yog nwg tso nwg txhais teg, nua tes cov Amalej txawm tua yeej zujzug lawm. 12Thaus Mauxes tsaug npaab lawm, Aloos hab Hawj obtug txhaj moog nqaa ib lub pobzeb lug rua Mauxes nyob, es obtug ib leeg sawv ib saab tuav Mauxes ob txhais npaab, hab tsaa khovkho moog txug thaus nub poobqho. 13Puab ua le ntawd, Yausuas txhaj tua yeej cov Amalej.
14Tes tug TSWV has rua Mauxes has tas, “Cale sau zaaj nuav tseg ca, sub suavdlawg txhajle yuav ncu tau. Ncuntsoov qha rua Yausuas paub tas Kuv yuav ua kuas cov Amalej puamtsuaj taag huv tuabsi moog.” #2Kev 25:17-19; 1Xamu 15:2-9 15Mauxes ua tau ib lub thaaj hab tis npe rua lub thaaj ntawd hu ua, “Tug TSWV yog kuv tug Chij.” 16Mauxes has tas, “Tsaa tug TSWV tug chij kuas sab!#17:16: Nqai nuav sau has tas Tsaa tug TSWV tug chij kuas sab; paub tsi meej tas lulug Henplais yog txhais lecaag tag txug qhov nuav. Tug TSWV yuav tawmtsaam cov Amalej ib tam rua ib tam moog ibtxhis!”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2022 United Bible Societies. All rights reserved.