Salmos 67
67
Kaíni chróchjéheni Díos kjuasáya
1Jaha Díos, ti̱konoéhéni la ko ncheñaoani.
Tsjehé ti jeheni la ko tꞌayakonhéni.
2Kixin kaín ti chojni kuenté chjasintajni tsochóxin sin ti nti̱a kuèntá
la ko kaín chojni chrókuihin sin nkexrín chrókuaáxin sin.
3Ti chojni siín kaín chjasin chrókjuikosáyaha sin, jaha Díos.
Kaín chjasin chrókjuikosáyehe ti jaha.
4A̱ndá ti sin siín kaín nación chrókóchéhe̱ sin la chrótsje sin
kixin jaha la ndoá tétue̱hén ti chojni tjejó kaín chjasin
la ko jaha tꞌayakohén kuenté chjasintajni.
5Ti chojni siín kaín chjasin chrókjuikosáyehe ti jaha Díos.
Kaín chjasin chrókjuikosáyaha.
6Ti nonte la tsjajon ti nkehe tsꞌóna
kixin jaha Díos kuènténi si̱ncheñaoani.
7Ncheñaoani jaha Itꞌéni Díos.
Kaín chojni chjasintajni chrókjuikosáyehe sin ti jaha.
Àwon tá yàn lọ́wọ́lọ́wọ́ báyìí:
Salmos 67: poeNTplus
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2016, Wycliffe Bible Translators, Inc. All rights reserved.