Salmos 121
121
Díos la tsꞌayakohanra
1Jeheni kontani ti ijna̱ kixin,
¿nketí chrókui̱xi̱n ti nkexro chrókjuinki̱tsa?
2Ti nkexro tsjinki̱tsa ti jeheni
mé Itꞌéni Díos tíha
kixin jehe chꞌan mé
kjuíchꞌéna chꞌan nka̱jní la ko chjasintajni.
3Tsjajonhña Díos kjuachaxin kixin tsoxrátóxian
la ko jehe chꞌan la tsꞌajuahya chꞌan,
nkochríxín tsꞌayakohen chꞌan ti jaha.
4Kixin Díos la í tꞌajuahya chꞌan,
nkochríxín tꞌayakohen chꞌan ti sin Israel.
5Itꞌéni Díos mé tsꞌayakohan
la ko tsjinki̱tsa chꞌan ti jaha.
Díos mé chjinaxón itjen ti itjen jaha,
kixin tsjinki̱tsa.
6A̱ndá ti sóa kuènté ña̱o la tsochjáxinhña ti jaha
la ko kja̱xin ti nitjó la sincheníahña.
7Itꞌéni Díos mé tsjinki̱tsa
kixin kohya ninkehó nkehe jínahña tso̱han,
la ko tsꞌayakohan chꞌan kixin jína tsjakꞌe.
8Itꞌéni Díos mé tsꞌayakohen ti nti̱a sátsjia
la ko ti tsokjan ínaá
ijie la ko nkochríxín.
Àwon tá yàn lọ́wọ́lọ́wọ́ báyìí:
Salmos 121: poeNTplus
Ìsàmì-sí
Daako
Ṣe Àfiwé
Pín
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2016, Wycliffe Bible Translators, Inc. All rights reserved.